ربع نسيان (فتك) والا ربع تويوتا ....!

[ابو مقعد511]

السلام عليكم ورحمة الله وبركاته ،،،

حي الله الجميع كلن بأسمه ،،،

ومبروكين الامطار يأهل الديار الممطوره ،،

،،،،،،،

يأخوان انا متحير بين موترين اللي هي ربع نيسان فتك و ربع تويوتا،،،

انا راعي طلعات بر ومقانيص بكثره ،،، و راعي مدينه بعد ،،،

فيه ناس كثير اشارو علي بالفتك و ناس بعد اشارو علي بالربع تويوتا ،،،،
وبصراحه الربع الفتك اوسع بكثير من التويوتا ،

وانا ما استغني عنكم يالشيوخ ،،

الله يجزاكم الجنه ،،،




http://www.mekshat.com/pix/upload06/images/2013/11/mk132789_image.jpg

:good2::good2:

[اسدهم]

فتك بدون مجاملة راحة وشخص وحطة علا يمناك.. وربع تايوتا. اول كان حلو والان لا لالالا صار مع .....افهم وركز مابي يطول عليك الموضوع ...

[((ابوملاك))]

ان كانك بتاخذ ربع تويوتا جديد خذ فتك اما قديم خذ تويوتا

[ابو مقعد511]

فتك بدون مجاملة راحة وشخص وحطة علا يمناك.. وربع تايوتا. اول كان حلو والان لا لالالا صار مع .....افهم وركز مابي يطول عليك الموضوع ...

مشكور الله يجزاااك الجنه ،،،، صدقتك هالوقت الربع راحت سمعته ،،، الله ييسر الحال ،


ان كانك بتاخذ ربع تويوتا جديد خذ فتك اما قديم خذ تويوتا

الله يجزاك الجنه مشكور يالامير ،،

اذا عند القدره تاخذ فتك 4800 جديد توكل على الله
اذا الدراهم ما تكفي خذ ربع تويوتا مستعمل

مشكووور يالامير ،،، والله ييسر الحال ،،،

[راعي الرود]

مايبي لها تفكير وانا اخوك ان كنت جازم صدز لا تبعد عن الفتك الفل يجي ثلاجة دفلوك و اهم شيء انه يجي منه تماتيك او تبترونك تماتيك و عادي

اما التويوتا مكينه و غماره مافيه حسنه تذكر .. تحس انه من سيارات التسعينات

اهم شيء لا طقيت الفتك خله بغباره و التجاليد ولوحات التصدير ولا تنسانا من الصور :D

[ابو مقعد511]

مايبي لها تفكير وانا اخوك ان كنت جازم صدز لا تبعد عن الفتك الفل يجي ثلاجة دفلوك و اهم شيء انه يجي منه تماتيك او تبترونك تماتيك و عادي

اما التويوتا مكينه و غماره مافيه حسنه تذكر .. تحس انه من سيارات التسعينات

اهم شيء لا طقيت الفتك خله بغباره و التجاليد ولوحات التصدير ولا تنسانا من الصور :D

ياهلا بك ،،،، ابشر يالامير ،، الله ييسر الامور ان شاءالله ،،،

[aliooooo]

الفتك وانت مغمض

وترى عندي جيب تويوتا

[التمسساح]

شوف انواع العنصريه والهواش هههههه

[sgl2002]

والله مايبيلها تفكير ومن استخدامك خذ الفتك


الربع التويوتا اشهد له بالقوة لكن لاوساع ولا راحه ولا امان والجديد مشاكل مكينته بعد ماتقضي

[بدددر]

[QUOTE=sgl2002;9767165]والله مايبيلها تفكير ومن استخدامك خذ الفتك


الربع التويوتا اشهد له بالقوة لكن لاوساع ولا راحه ولا امان والجديد مشاكل مكينته بعد ماتقضي[/ ً

فتك ميبلها كلام لكن وش مشاكل بامكينة التيوتا قليل الي تشوفه فاتح كبوته

[sgl2002]

اخوي المكاين الجدد فيها مشاكل واولها مسامير الثلاجه وغيرها من الكتم والتقطيع بعض الاحيان او يتفتف فجأة ويصفى او النقص الكثير


انا متابع المنتدى ومن يوم جات هالمكاين ثرنا نشوف كل فتره استفسار عن مشكله بها بعكس قبل انسى ان احد يشيك يشتكي

[الشمالي عوض]

فتك ولا تشاور

[salehhd]

الاخوان ماقصرو

التويوتا يجي بمحرك 4 لتر يولد 240 حصان وسعر السيارة مرتفع
الربع بمحرك جديد 4.8 يولد 280 حصان وهو بديل للمحرك السابق 4.5 ونفس محرك الفتك القديم
يميز التويوتا وكيلها وتوفر قطع الغيار لان المحرك مركب على 90 % من جيوب تويوتا
في الختام انصحك بالاستخارة
بالتوفيق ومبروك مقدماً

[eme]

بدون عنصريه
والواقع يفرض نفسه
ارشح الفتك،،،

[البعية]

انصحك بالاستخارة
والله يكتب لك الخير

[4x4ofroad]

عقب المكاين الراسين للتويوتا
وعقب مكينه الفتك على ربع النيسان
مايبيلها كلام وانا اخوك
ربع فتك وانت مغمض

[ابو مقعد511]

ياهلا ومرحبا الف ،،،

حياكم الله جميع ،،،

والله يجزاااكم الجنه ويوفقكم وبيض الله وجيهكم ولاتعبتو ،،،

اسأل الله ان تتيسر الامور ،،

والميول فتكي :D

[قدر مكتوب]

لو كنت مكانك لاخترت الفتك بدون تفكير

[أحمد الدهمشي]

وعليكم السلام ورحمة الله وبركاته

بالعقل فتك فتك فتك

[أبو الوليد 14]

شف اللي يناسبك واستخر وتوكل على الله
انا رايي اشوف ربع النيسان الفتك افضل

[PATROL 502]

يرجال ان كنت تبغى العطال والاذيه خذ النيسان

[كثير السؤال]

فتك وبدون نقاش اكيد
اوسع واريح واكشخ

[تميم2222]

هههههههههههههه. يوووه. الئ الحين تناقشون بهالموضوع >>>> الله ما شفناه لكن بعقل عرفناه. انت سو مقارنه بنفسك ولايحتاج تشاور جرب قياده الفتك وجرب قياده الربع. وش الفرق بنفسك وترا كلها عملييييه. لايهمك الي يعذرب ما عنده. علم

[Abo_Faisal_506]

فتك
راحه وسع مواصفات قووه

[111333]

فتك فتك فتك فتك فتك
وبدون نقاش
اوسع اريح اقوى

[المزن الابيض]

الربع موتر يسند عليه لاصرت تروح لحالك بالبر ,, وظهرك يتحمل !!

[المزن الابيض]

يرجال ان كنت تبغى العطال والاذيه خذ النيسان

هههههههههه أشوف صورة التوقيع نيسان :good2:

[عاشق الشعبيات]

نصيحتي لك لا تتعدا الفتك ابد ابد ابد

ميزاته:
أريح ـ أوسع ـ أفخم ـ ومواصفات ثلاجه ودفلك وفتحه ـ المكينة راس واحد ودعسه عادية ومافيها إزعاج


أما مكينة ربع التويوتا لا توجد فيه ميزات تساعدك إنك تشتريه
مطب ـ ميكنة خربوها وخلوها 4000 ــ صوت المكينة كأنها ديزل ودايم فيها مشاكل نقص زيت و تخبيط بدون سبب ــ دعسة البنزين كهرب يعني ما تعطيك العزم اللي تبيه

عليك بصناعة اليابان الفتك وبس لا تعداه وأنا أخوك

[عساها تساهيل]

الفتك من تجربة شخصية وبتدعي لنا ان شاء الله

ولا تنساء الاستخارة

[ابو مقعد511]

ياهلا ومرحبا بالجميع ،،،

حياك الله وبيض الله وجيهكم والله يجزاكم الجنه
ولاتعبتو يالشيوخ ،،،،

وان شاءالله النيه فتكيه :good2:

[sgl2002]

يرجال ان كنت تبغى العطال والاذيه خذ النيسان

ياليت تعطينا تجربتك الشخصيه عشان نستفيد منها

ونبي تجربه لموتر اصفار جديد ماهو موتر له 20 سنه

[AbuAdel_99]

فتك مايبلها كلام

[يزيد اليوسف]

السلام عليكم

نصيحة مجرب

انا معي ربع فتك



مميزات الربع الفتك يبيض وجهك بالنفود وبالراحه والوسع
واكرر بالنفود خذ رجال وادخل ولاتهتم

اما الباقي من صالح التويوتا


حتى القوه اللي يتغنون فيها الصدق ماهنا ذاك الزود

واي استفسار انا حاضر

[اسبرين]

مع احد الشباب معه فتك اربع ابواب 2008
والله الذي لا اله الا هو ... الموتر فيه قربعه مو طبيعيه والعزم مو هاك اللي !!!
وبالنفود ثقيل رغم انه قير عادي فتك ومركب كفرات موالين 900 !
’،
مادري هل موتره كذا ولا النيسان العزم يطيخ بعدها بكم سنه ...
مع العلم مشاءالله معاي فورتشنر 6 سلندر قير اتوماتيك موديل 12
نتجاكر بالنقود "كفرات شد بلد"
الفورتنشر موتري افضل !

[ABO AZZAM 123]

على عشقي للتويوتا ومحبتي له في الخيارات اللي ذكرتها أقول لك خذ لك ربع نيسان فتك

لأنه أفضل من الربع التويوتا من ناحية القوة والراحة

ومبروك مقدما

[بدر بن براهيم]

لا يهمك سمعت الفتك عزمه عادي ( الا بعد التلغيم او الي يسمونه التعديل ، هدرز وسلاك .. الخ ) اما راحه خذ ولد لاكن ما يصبر ومعروف عنه عيبه كهربه لا دج سلمني عليه

ربع التيوتا صبور ونفسه خفيفه بس عيبه الضيق ولا فيه راحه بس تغزي به ذيبن امعط

[FAPioO]

اخوي انا معي فتك سوبر سفاري ٢٠٠٧
بابين
العيب الوحيد الي اشوفه بالموتر صراحه هو يحتاج تربيط من تحت فقططططط كل نهاية شتويه ربطه ب٣٠٠ ريال وشحم
وهذي على فكره صيانه دوريه يعني مو معقول بعد العن سافي سافيه ولا اسويله صيانه همن يقولون خرابات!!
صح ولا لا؟!
الموتر خذلك خوي والله لو يطلب الي يطل قروشي تفداه واشهد انه مركب عز ماشاء الله تبارك الله
وعلى فكره المكينه الراس الواحد التورك فيها اعلى من الراسين
وهذا يفيدك بالبر اقوى بكثير ويفيدك بالسحب
والله يكتب لك الي فيه الخير
واضم صوتي للفتك (من تجربه)

[sgl2002]

الحين الفتك راس واحد والا راسين؟؟؟!!

[قايد النيسان]

اولا وعليكم السلام ورحمة الله
الموضوع ل الاستفسار او مقارنة بين السيارتين وليس لتصويت لاني ارا بعض الردود نيسان ولا تيوتا ويمشي الرجال يسال مع احترامي للجميع
في البداية كل سياره لها مميزات وعيوب والكامل وجهه
ربع تايوتا مميزات : موتر مرغوب وقت البيع ويمسك سعرة الموتر متماسك و صبور ضيق
ربع تايوتا العيوب : لايوجد راحة سريع الانقلاب غير راسي في الخط كثرت مشاكل المكينة الجديدة
باترول ربع فتك مميزات :الرحة الرساوة وجود مثبت سرعة عزم دفلوك ثلاجة ووسيع من الداخل اكثر فخامة داخلية يمسك سعرة وقت البيع صبورر
باترول ربع فتك العيوب: ضيق القزوز او الكتمة الخفيفة ولايوجد مشاكل تذكر واللي يخبر له مشاكل يذكرها ؟
بنسبة لي ارشح الفتك
ولك الاختيار ولا تنسى االاستخارة والله يرزوقك الموتر اللي يسرك ويغنيك بحلاله عن حرامة والجميع

[مشبعين الطير]

وانا اخوك كانك تبيه ولاتحط به ريال بنزين وزيت خذ لك تويوتا الفتك موتر مريح ونشيط لكن صيانته صعبة من ناحية الشغل والقطع

[sgl2002]

مايخرب الفتك الا من التزويد والتخبيص فيه

[ALBDRANE]

الربع الفتك يجمع بين الراحة ( بطناج وخط ) والفخامة والقوة والشكل والسعر مقارنة بالربع تايوتا وأغلب الي يشترون التايوتا اكثر تفكيرهم وقت البيع كم يجيب !

[sgl2002]

طيب تقدارون تقولون لي من لعب عليكم بمسألة مسك السعر

انا ابي اشوف الباترول ذا اللي يطيح سعره وهو ينباع مخبط ب١٥ الف مديل ٨٩

اشرحوا لنا طيحة السعر هذي ياهل اللاند ال٢٠١١ خاصه
شروا ب٢٢٨
والحين يالله يجيب ١٧٠


والشاص ٢٠١٠ ب١٣٠
والحين يالله ب٩٠

اشرحوا وفسروا وين مسكة السعر

[ابو سوبر]

السلام عليكم
فتك ربع والله يبارك لك
وخل عنك يمسك سعر ما يمسك سعر
الموتر النظيف سعره فيه والي ما مشى واجد سعره فيه
ودندنت اهل التيوتا بانه شيك وانه ينباع بسرعه
والله ان الباترول اسرع منه بالبيع
ولو نبي نسوي مقارنه لقينا السعر نفسه
وابرهن لكم
اذا شريت تويوتا ونفرض في اكس ار بمبلغ ٢٥٠ الف
بعد ٣ سنوات تبيعه ١٧٠ الفرق ٨٠ الف
واذا شريت فتك صالون بمبلغ ١٧٠ الف بعد ٣؟سنوات
تبيعه ١١٠ وهاذا الي حاصل الان الفرق ٦٠ الف ريال
فاوينها مسكة السعر الي تقولون

[ابو مقعد511]

ياهلا ومرحبا الف بالجميع

حياكم الله ،،

ماشاءالله تبارك الله ،،

اسأل الله انه يجزاكم الف خير على كل حرف كتبتوه ويجزاكم الجنه
وبيض الله وجيهكم وجمل الله حالكم يالامراء ،،،

وما استغني عنكم يالنشاما ،،،،،
وعز الله انك ريحتوني و افدتوني بمعلومات قيمه ،،،،،
،،،،،،،

اخواني حصلت بعض الاسئله بيني وبين اعضاء هنا مواترهم ربع فتك ،،،،،

فا واحد منهم قالي ان فيه حذفه طبيعيه عاليمين خفيفه ورجعه للوكاله قالو له انها وزنيه وطبيعيه ،،،،،
المهم قالي لازم تغير مساعد الدركسون ،،،،!!!

انا استغربت سياره جديده واغير فيها ،،،،،

طبعا موتره فتك فل كامل 2012 قير عادي ...

[الندى]

ربع تويوتا ولا تحتار

[أب رحي]

عليكم السلام ورحمة الله وبركاته

من رأيي إنك تاخذ تيوتا
تبي تعرف ليش روح وشوف السوق وسوي مقارنه بالأسعار وبتعرف
وأيضا روح ودور على قطع الغيار وشوف كم أسعارها وهل هي متوفره ولا لا.

[ابو مقعد511]

عليكم السلام ورحمة الله وبركاته

من رأيي إنك تاخذ تيوتا
تبي تعرف ليش روح وشوف السوق وسوي مقارنه بالأسعار وبتعرف
وأيضا روح ودور على قطع الغيار وشوف كم أسعارها وهل هي متوفره ولا لا.

يامرحبا بكم جميع ،،،

الربع تويوتا ب 124 بدون ونش سلق .
الربع النيسان ستاندر دفلك ب 107

فرق شاسع جدا ،،، :eek:

اما قطع الغيار ماظن انها غير متوفره ،،،

[sgl2002]

قطع متوفره بكثره

تحصلها بكل مكان واتحدى تحصل قطع تويوتا ماتحصل جنبها محل نيسان

يارجال على كثر مايسبون نيسان مانشوف بالبر الا الباترولات

[abdullah-vtc]

ربع فتك وانت مغمض وانا اخوك .. ولا يبيلها كلام

عسى الله يوفقك ويسهل امرك

[قاعس]

طيب تقدارون تقولون لي من لعب عليكم بمسألة مسك السعر

انا ابي اشوف الباترول ذا اللي يطيح سعره وهو ينباع مخبط ب15 الف مديل 89

اشرحوا لنا طيحة السعر هذي ياهل اللاند ال2011 خاصه
شروا ب228
والحين يالله يجيب 170


والشاص 2010 ب130
والحين يالله ب90

اشرحوا وفسروا وين مسكة السعر

عز الله صدقت شاري هدد 11 ستيني 175000 الف والحين 170000 مواصفات افضل ومكينة أقوى ما أقول الا حسبي الله على بعض التجار لعبو فينا

[الربذي]

وش قررت ي راع الجيب اشتريت ولا لا ارشح لك نيسان فتك امتع من ربع تويوتا ينقد علي راعيه الحين

[أنصر نبيك]

ربع النيسان اريح وأزين شكلاً واشوفهم يمدحونه مع اني مررت بتجربة سيئة جداً لايمكن انساها يوم خذيت
ربع نيسان فل كامل موديل 2000 وكالة بعد اسبوع واحد فقط فاجأتني الحرارة ترتفع
حتى H والرديتر يسيل ماءه من شدة الحرارة وأستمرت المشكلة والوكالة ماعرفوا يصلحوه
وفي النهاية بعته بخسارة وهو ماكمل شهر ومن يومها فقدت ثقتي في نيسان
للأبد

[ابوكشتات]

ربع نيسان وشف حقين الصيد والمقانيص مايثقون الا بالباترول للرساوه الغير طبيعيه اللي فيه واستخر الله قبل كل شي

[الرامي الماهر]

الفتك طبعا وانت مغمض

[sgl2002]

ربع النيسان اريح وأزين شكلاً واشوفهم يمدحونه مع اني مررت بتجربة سيئة جداً لايمكن انساها يوم خذيت
ربع نيسان فل كامل موديل 2000 وكالة بعد اسبوع واحد فقط فاجأتني الحرارة ترتفع
حتى H والرديتر يسيل ماءه من شدة الحرارة وأستمرت المشكلة والوكالة ماعرفوا يصلحوه
وفي النهاية بعته بخسارة وهو ماكمل شهر ومن يومها فقدت ثقتي في نيسان
للأبد



اخوي تفكه وكاله والوكاله ماعوضوك


هذي اخطاء مصنعيه تصير بنسبه قليله

وكل سيارات العالم تصير فيها ولو ماتصير ماحطوا ضمان