مهم : القياده وقت الامطار الاقتراحات والاخطاء مرفق صور مفيده مع هديه

[التعـ King ـديل]

السلام عليكم ورحمه الله وبركاته

اليوم الصباح طلعت من الرياض متوجها الى الاحساء وكانت السماء حلوة والجو غيم وكل شي حلو ويشرح الصدر وبعد مادخلت الى طريق خريص الطريق الآمن المؤدي الى الاحساء اللي مافيه ساهر و طريق حلو وسيدين كل اتجاه وبعد مامشيت حوالي 50 كيلو بدأت الامطار تهل وبغزاره الى هنا الموضوع حلو ولا فيه اي مشكله طبعا وقت الامطار الافضل الواحد يوقف على جنب خاصه ان المطر قوي جدا وفيه مخاطره ولكن اذا الواحد مشى مثلي ولا وقف المفترض انه يعمل حسابه ان الناس على الاقل تشوفه حتى لا يحدث تصادم لاسمح الله ولا يقول الجو نهار مايحتاج اشغل النور الا يحتاج علشان الجو نهار ولكن فيه مطر قوي طبعا صورت لكم بعض الصور لسيارات ممكن تسبب حوادث وسيارات مشغله النور للمقارنه

نبداء بالاخوان اللي مطفين النور وعلى بالهم محد غيرهم بالشارع

اول صوره : ونلاحظ ان السياره مخفيه الملامح والتصوير من مسافه قريبه

http://www.mekshat.com/pix/upload01/prof024/mk61060_2.jpg

ثاني صوره : هذا الاخ مطفي نوره ولا احد يشوفه الا لمن يكون قريب منه فقط

http://www.mekshat.com/pix/upload01/prof024/mk61060_3.jpg


ثالث صوره : اولا الحموله خطيره تمشي بالمطر فما بالك فوق خطوره الحموله الاخ مطفي النور


http://www.mekshat.com/pix/upload01/prof024/mk61060_5.jpg


رابع صوره : وهذا الاخ ايضا يعتقد ان الشارع مافيه الا هو ماسك اليمين ومطفي النور وطاير


http://www.mekshat.com/pix/upload01/prof024/mk61060_6.jpg


خامس صوره : مهما كانت الظروف لا تعكس الخط وقت الغيوم والامطار ولا بيكون مصيرك مثل الاخوان وشف عاد متى يجيك نجم او المرور وهذي الصوره او مادخلت الاحساء قريب الصناعيه


http://www.mekshat.com/pix/upload01/prof024/mk61060_7.jpg


سادس صوره : اشكر هذا الاخ كثير الشكر مولع الانوار وماسك اليمين ومهدي ومعين من الله خير وانا شفته من مسافه كافيه


http://www.mekshat.com/pix/upload01/prof024/mk61060_4.jpg


نجي للهدايا


الهديه الاولى عشقي الاول والاخير الفتك وهذي صوره كوميديه لتلطيف الجو


http://www.mekshat.com/pix/upload01/prof024/mk61060_vtc.jpg


الهديه الثانيه صوره لموتري بالقرب من منتزه سعد صورت عده صور واخترت منها هذي لكم


http://www.mekshat.com/pix/upload01/prof024/mk61060_1.jpg


وفي الختام

التصوير تصويري الخاص ولم اضع حقوق على الصور ولكن عند نقله لمنتدى اخر يرجى ذكر الكاتب : التعـ King ـديل و المصدر منتدى : مكشات

ان اصبت في كلامي فهذا من فضل الله وان اخطأت فسامحوني

[ماجد الحايلي]

ياحبيبي والله الا والله اصبت بأذن الله
ويتعداك العيب
فعلا نحتاج لمثل هالنصايح
وياحلو ممشى الهداوة والركاده
بكل وقت وباي زمن

[N أبورغد N]

كلام سليم ونخص اهل الجيوب الي دخلو طين ينظفون مراياتهم وانوارهم واسطباتهم بعد الخروج من البر
لانها تولع والا ماتولع ماتبان

[المميـز]

:

الله يجزاك خير موضوع رائع ومفيد في هذا الوقت
واستخدام الفلشر يساعد اكثر خصوصا من الخلف
لانه اقوى من الاصطب

الله يحفظ المسلمين من كل مكروه

:

[راعي الرود]

نسيت اهم نقطه

و هي اذا شفت منقع ماء قدامك حاول تهدي و تنبه اللي خلفك لأن دخلتك على منقع ماء وانت مسرع ممكن تسبب مشكله

زود عن ان مناقع الماء تلعب بالموتر وهو مسرع ماتدري المنقع ذا وش تحته و صارت لي على طريق شويه الرفيعه قبل امس منقع ماء دخلته وانا مهدي الحمد لله لكن كان فيه حفره يمكن لو جاء واحد مسرع راحت عليه ,,

وفيه طريقه اعجبتني الله يجزا من سواها خير الجزاء ,, على طريق الرجوع من الرفيعه إلى الرياض مروراً بالعتش الطريق مليان بالغدران واهل الحلال و الديار اللي هناك الله يجزاهم خير شابين في كفرات وحاطينها على طرف الخط عشان ينتبه اللي جاء ان قدامه قاطع سيل تخبر بالليل ولاحد يشوف و فيه ناس مطافيق ماتحسب حساب ,,

لاهنت

[((ابوملاك))]

^^^
فعلا انا صار لي حادث بسبة نقعة ماء صدمت صبات الكبري

[التعـ King ـديل]

^^^
فعلا انا صار لي حادث بسبة نقعة ماء صدمت صبات الكبري


الحمدلله على السلامه

[عساها تساهيل]

الله يجزاك خيــر ياكنــق

ونصائح مهمــه اتمنــى الالتــزام بهـــا
والسرعه في وقت المطر خطره جدا لا سمح الله انقلب الموتــر وابتليت لك في ناس

وان كنت لابد لك تمشي مستعجل مثلآ ولع النور واركــد

تحياتي

[sgl2002]

وقت المطر حتى تتجنب الزلق نسم الكفرات وقلل في هواها

واللي معه جيب نظام قديم يشغل الدبل الخفيف يثبت الموتر

[بدوي جنوبي]

http://www.mekshat.com/pix/upload01/prof024/mk61060_7.jpg

الصورة فيها شي غريب :)

[التعـ King ـديل]

وقت المطر حتى تتجنب الزلق نسم الكفرات وقلل في هواها

واللي معه جيب نظام قديم يشغل الدبل الخفيف يثبت الموتر


معي هدد 13 دفع رباعي ومع ذلك الفتك افضل منه بالتماسك في الامطار

مع اني اتكلم عن الفتك بدون تشغيل الدبل

وكل الاثنين كفرات بالون 900

[التعـ King ـديل]

http://www.mekshat.com/pix/upload01/prof024/mk61060_7.jpg

الصورة فيها شي غريب :)


ماغريب الا الشيطان وش الغريب :D

[sgl2002]

^^
غطا البيبسي

[التعـ King ـديل]

^^
غطا البيبسي


هههههههههههههههههههه هذي تعليقه على شكل غطاء ببسي :good2:

[ملك الفكتوريا]

ما قهرني الا راعي الهايلوكس دايم طاير كان معه احصنة المرسيدس 12 سلندر
وعزم رابتر

وثبات بورش

الغالبية من اصحاب هالسيارة كذا ولا انسى سفره مع احد الاصدقاء حتى الشاهي ما تقدر تشربه

[التعـ King ـديل]

ما قهرني الا راعي الهايلوكس دايم طاير كان معه احصنة المرسيدس 12 سلندر
وعزم رابتر

وثبات بورش

الغالبية من اصحاب هالسيارة كذا ولا انسى سفره مع احد الاصدقاء حتى الشاهي ما تقدر تشربه



اعجبني هالسطر كثير :D


الغالبية من اصحاب هالسيارة كذا ولا انسى سفره مع احد الاصدقاء حتى الشاهي ما تقدر تشربه

:good2:

[Mhana ali]

احسنت يامشرفنا معلومات يجهلها الكثير جعلها الله في ميزان حسناتك

[شوحط1]

كل الشكر لصاحب الموضوع على النصائح الثمينه (وبلاش حكاية الـ 7000 وتعوذ من ابليس)

وكذلك لجميع الأعضاء الذين ادلوا بدلوهم في صلب الموضوع وقاموا بإثرائه

وأحببت أضيف إن أول المطر يكون أخطر وقت لأن طبقة الإسفلت تحتوي على كميه كبيرة من فتات وبقايا الإطارات وعند إبتلالها بماء الأمطار تتكون طبقه رغويه خطيرة .