كفرات جديدة ينقص الهواء وش الدبره

[محمد العطني]

ركبت كفرات
مضلعة
أندونيسي
لكن المشكلة ينقص الهواء
الكفرات تيوبلس

[صليب الرأس]

اخوي تاكد من البلف

[محمد العطني]

اخوي تاكد من البلف



البلوف جدد

وشيكت عليهن ما فيها تنسيم

والمشكلة

الأربع كلهن ينقص هواهن

[ماجد الحايلي]

والله مشكلة اذا كل الاربع
ممكن لو هو واحد او اثنين نقول ممكن فيه عيب مصنعي
بس انا كان معي فورد فكتوريا وهالكلام قبل 4 سنوات
اشغلني الكفر الامامي يمين اشيك عليه مافيه شي وينسم
يعني تقريبا يومين ينزل من 35 الى 15 او الى 10 بعد
وماخليت شي تاكدت من البلف فكيت الكفر ورجعته مالقيت حل
وطلع اخر شي الجنط نفسه:eek:
قلت ياناس وشلون الجنط ينسم حشيش هو قالو بس حطه
بوسط خزان الماء اللي بالبناشر علشان يعرفون التنسيم حق اللصاتك الا هو والله ينسم تقريبا تحت الشفه
حول الترصيص قالو لازم تصلحه مع انه مايرج ولا شي بس بعض السيارات عواكيس
مثل بعض البشر:D
وانت عاد الله يعينك يمكن لو تركب لصتك او شي يمكن ينفع معك
والله يعينك ويسهل امرك ومشكلتك .....

[رفيق المجره]

إذا مالقيت حل فالحل إنك تغيره لستك وإرتاح

[محمد العطني]

والله مشكلة اذا كل الاربع
ممكن لو هو واحد او اثنين نقول ممكن فيه عيب مصنعي
بس انا كان معي فورد فكتوريا وهالكلام قبل 4 سنوات
اشغلني الكفر الامامي يمين اشيك عليه مافيه شي وينسم
يعني تقريبا يومين ينزل من 35 الى 15 او الى 10 بعد
وماخليت شي تاكدت من البلف فكيت الكفر ورجعته مالقيت حل
وطلع اخر شي الجنط نفسه:eek:
قلت ياناس وشلون الجنط ينسم حشيش هو قالو بس حطه
بوسط خزان الماء اللي بالبناشر علشان يعرفون التنسيم حق اللصاتك الا هو والله ينسم تقريبا تحت الشفه
حول الترصيص قالو لازم تصلحه مع انه مايرج ولا شي بس بعض السيارات عواكيس
مثل بعض البشر:D
وانت عاد الله يعينك يمكن لو تركب لصتك او شي يمكن ينفع معك
والله يعينك ويسهل امرك ومشكلتك .....


الله يجزاك خير

[محمد العطني]

إذا مالقيت حل فالحل إنك تغيره لستك وإرتاح


اللي جرب التيوبلس
صعب يتقبل اللستك

لكن الله يعين

[الشيخ الظريف]

المفروض يوم ركبت الكفرات عبيتها ٤٠ او زياده حتى يلتصق الكفر بالجنط تماما وبعد يومين بعد المشي عليها بآمكانك تخفف الهواء٠ جرب الآن لعله ينجح هذا الاقتراح

[التعـ King ـديل]

الكفرات الجديده تخلي هواها 40 - 45 لمده 5 ايام يشد الكفر وبعدها تنزله الى الهواء اللي تبي

لكن انت شيك على الجنوط لانه ممكن ينسم من عند الشفه وممكن المشكله من الجنط او من التركيب جرب جنوط ثانيه

[المتلولس]

اتوقع المشكلة بالجنوط

[مهند 2009]

الكتاب باين من عنوانة

مشكلتك بالكفرات نفسهن. مثل نظام الماكسس الفيتنامي ينسم مع الشفة

والله اعلم

[الاشهب 507]

انا عندي الجنوط كل واحد يقول انا اخس من الثاني الي معطوف والي تم تعديله اكثر من مره ولي رايح فيه ولي مصدي وعد وحسب ونت ساكت ولله الحمد ماشفت لاتنسم ولا شي وكفراتي توبلس بعد ولي شهر من يوم ركبته لا تقص ولا شيء واللحمد لله ماشيه الامور طبيعيه وجاني اكثر من عرض مغري للتبديل بجنوط اصلي درجه اول وضمان 5سنوات وباقي افكر وشاور امشي فيه كم سنه ولا ابدله

[محمد العطني]

ضغط الهواء الآن


50


ونفس الحكاية
تنقصصصصصصص

[وطن العزة]

غير البلف مع الأبره للكفرات كلها


لأن اللي ركب لك الكفر أتوقع حط بلوف قديمه عنده أو صناعتها ردية


صارت معي قبل كذا وتبهذلت , لأن البلف التجاري مع الضغط والحراره ينسم ولا يبين معك وانت تشيك عليه

[ماجد الحايلي]

ضغط الهواء الآن



50


ونفس الحكاية

تنقصصصصصصص



طيب شف اكثر كفر ينقص
وغطسه بماء بحنفيه او بانيو او شي
غطس الكفر كامل بجنطه ويمكن تحصل
الخلل مثل ماحصلته انا

[ابو امجد 11]

حط على حواف الجنط شحم سيارة وفاين فوق الشحم بكذا 99% يقفل التنسيم

[900]

اخوي مالك الا تفك واحد من الكفرات وتعبيه هواء وتغطسه في حوض ماء او تحط عليه ماء وصابون وشوف وين التنسيم

[تنويه]

أخ محمد
الحقيقة أنا مرت بي الحالة تهريب الهواء مع الجنط وأشغلني البلون ولكن شريت علبة سائل الخاصة للبنشر تباع عند محلات الزينه ورحت للبنشري ورفعت الكفر وفرغته أولا من الهواء ثم وضعت فيه جزء من سائل العلبه ونفخته يعني العلبة تكفي لثلاث كفرات تقريباً والآن كل شيء زين وأرى إنه قد يكون حل لمشكلتك علماً إني مشيت بالسيارة لا يوجد رجه ولا تغير شيء وربي يوفقك بما هو خير.

[Abunorh]

السلام عليكم
شف ياصاحبي مشكلتنا نشتري الرخيص
لكن ترى التيوبلس اذا طولت واقفه تنفص طبيعي جداً

ولا الكفرات مضروبه من نفس راعي المحل ارجع لمه
تحياتي للجميع

[اسدهم]

جرب علا واحدمن الجنوط الي عندك نسمة مرة وهمن جبلك سلكون. وعب الشفت الجنط همن اتفخ قبل لا ينشف وفي عملية رقم 2 انك تعبي شفة الجنط بسفرة ام ريالين زي حقين اتريلات وعب هوا وشف يمكن يتسكر معك

[محمد العطني]

ضعطت إلى 60 لمدة يومين

ونزلت إلى 40 ضبط 3 كفرات

وواحد راكب راسه إلا ينسم

نزلت الضغط إلى 30 وغداً
نعاير ونحكم على الثلاثة
حكم نهائي

أما الرابع

سأرفع ضغطه 80 يا يضبط

يا يقول بووووي

[abomohannad]

لا ياحبيبي لا تتعدى 50 وما أنصحك تجازف , أنت عندك مشكلة ولازم تشخصه

إذا تأكدت 100% انه مهب من البلف , شف الجنوط الي عندك لاتصير مضروبة ولا أتوقع هالشيء لأن التنسيم عندك بجميع الكفرات ، ومحتمل ان البنشري او راعي محل الكفرات مركبهن لك بغشامة وقطع لك الشفة ،،، وليتك تصور الكفر مع الجنط خل نشوفهن ،، ويبقى بالاخير ان صاحب المحل لازم يوجد لك حل أو يرجع لك فلوسك ...

[أب رحي]

السلام عليكم ورحمة الله وبركاته

شوف يالطيب انا مركب كفرات كوريه وللأشف عندي نفس مشكلتك
الكفرات ينقص هواهم كل شوي
رحت وبدلت البلوف كلها بس المشكلة مازالت موجوده
أنا أضن إن نوعية الكفر رديئه او في عفوط بالجنوط
بس الأرجح إن الكفر نوعيته رديئه

[speed62]

اخوي انا مدري وش تقصد بنوع كفراتك..تقريبآ كان عندي نفس مشكلتك
ركبت بالون فيتنامي وطلع ينسم الاربع كلها جربت كل شي مانفع إلى السيليكون
خرب شكل الجنط وتم التخلص منها
الله يعينك جرب الحركه وعب 40
ترا فيه سيليكون اسود بساكو