اللى جرب الارمادا او عنده خبره به

[كاش مكشات]

السلام عليكم ورحمة الله وبركاته
ياشباب معى جى اكس آر 2010 ماشى مئة الف وخمس كيلو 6سرندل قير عادى وابى ابيعه واشترى آرمادا 2013 نص فل مارايكم بالارمادا وانا ماجربه بعد ..اللى جربه او يعرف احد جربه تكفون لاتبخلو علينا جعلكم للسياره آخر مديل تركبونها بالدنيا وبالجنه بالاخره

[أبوشريدح]

ما فيه مقارنة
الجيب افضل بمئة مرة من الارمادا

[900]

والله يخوي اذا ناوي على الارمادا

فارى ان السكويا افضل لك
والكل يمدحها وممتازة
رغم اني لم اجربهم
لا كـــــــــــــن اميل للسكويا

[كاش مكشات]

مشكورين وماقصرتو

[abahal]

انا جربت الارمادا والسكويا

الارمادا افضل

[Abo_Faisal_506]

الارمادا افضل واريح
وقوووي اخبر واحد مطلع ٢٠١٠ ماشاء الله ولا اروع
لاكن اذا تبي الكبر خذ سوبربان او جمس

[فارس العمور]

عندنا ارمادا ١٣ وسكويا ١٢
الارمادا افضل باجماع كل العائله
وبعيدا عن المهووسين بتويوتا الارمادا اقل اعطال واكثر تحمل وافضل شكل خصوصا الفل

[جرة قلم]

زميل بالعمل: معاه أرمــــادا 2009،،
سافر فيها بالعائلة إلى تركيــا وإلى صلالــة مرة واحدة،
وعدة مرات: داخل المملكة، وإلى ألآن لم يشكوا منها،

.

فالسيارة قليلة الأعطال، إقتصادية بالوقود مقارنة بفئتها،
كبيرة المساحة داخليًا ،
جميع المواصفات في السيارات الأخرى: موجودة فيها، وهي بسعر منافس،
مريحة بالمطبات، مقارنة بالجيوب من فئتها،
قوية في الماكينة، قوة جبارة عجيبة،
لكنها ليست مناسبة للتطعيس: بسبب ثقلها، والمقدمة تضرب بالأرض.

.

ولــكـــــــن:
حط في بالك الوكيـــل الخايس،
وهو ما دمر وكالة نيسان، بسياسته العقيمة.

.

وإذا تبي نصيحتي:
إن كنت راعي سفريات: خذ أرمادا، ولا تفكر بغيره،
أما إن كنت راعي مكشات ومطامر بالشعبان: فأبعد عنه، وشوف غيرها.

.
خاتمة:
بحكم المساحة الداخلية الكبيرة،
راعي الأرمادا مسوي شيء حلو بالسيارة (عند السفر) بالعائلة:
يضع العفش في السلة الخلفية، سلة رفيق الدرب،
ويسدح المراتب كلها،
ومفصل مرتبة أرضية مع جلسه عربية، بمقاعدها ومراكيها ووسائدها،
بصراحة صايرة مجلس متنقل ههههههه





.