استخدام الدبل

[وااضح]

سلام عليكم
معي سييرا دبل فرار اذا نزلت البر اشغل الدبل الخفيف
طول الوقت ولا اشغلة عند الغرازات فقط واطفيه عند الخروج من الغراز
وهل يضر اذا شغلت الدبل الخفيف اسرع الى سرعة 50 مثل ولا يضر الدبل
وعطونا نصائحكم بخصوص استخدامة

[الاشهب 507]

انا استخدم الدبل الخفيف وانا ماشي 160 وبعض الاحيان اشبكه وانا ماشي ميه والحمد لله واشفت شيء خرب لكن انا موتري غير مدري عن موترك
موتري:فور رنر المديل:93

[Ra3e]

الدبل الخفيف لك الى 100 تشغله وتطفيه على راحتك

الثقيل لا لازم توقف وتفضي الموتر وتشغله وتنطلق :) واذا خلصت نفس الحكايه توقف وتفضي وتنطلق

[وااضح]

يعني قبل لا ادخل البر اشغل الدبل الخفيف لانه بعض الاماكن غراز وبعضه جلد
ارجو من الي معهم سييرا ويوكن وتاهو يفيدونا باستخدامه الانها نفس بعض

[يزيد 999]

خلك على الخفيف دايم وعادي تمشي عليه 60 أو 80 بس إذا غرزت أو بغيت تسحب لك موتر شغل الثقيل وإذا خلصت شغل الخفيف

[Ra3e]

يعني قبل لا ادخل البر اشغل الدبل الخفيف لانه بعض الاماكن غراز وبعضه جلد
ارجو من الي معهم سييرا ويوكن وتاهو يفيدونا باستخدامه الانها نفس بعض

ايه طال عمرك قبل لاتدخل ولاتنسا تنسم ترا يرتاااح الموتر وااجد وان شفت الموتر يبي ينشب وقف وفض الموتر وعطه ثقيل وامش

محاكيك معه سييرا

[وااضح]

ايه طال عمرك قبل لاتدخل ولاتنسا تنسم ترا يرتاااح الموتر وااجد وان شفت الموتر يبي ينشب وقف وفض الموتر وعطه ثقيل وامش

محاكيك معه سييرا

الكفرات هانكوك دايم 25 ضغط الهواء
اذا غرزت اشغل الخفيف لانه دايم طافي
جزاك الله خير

[Abo_Faisal_506]

بعد انذن صاحب الاعلان
السوبربان الدبل الخفيف سهم فوق والي تحت ققيل ولا للخلف

[وااضح]

الخفيف سهم فوق والثقيل سهم تحت

[الخالدي999]

مساء النور اخوي ابو فراس السهم فوق الدبل الخفيف والسهم تحت الدبل الثقيل ويلزم تشغيل الدبل الثقيل تحط القير في N بعدين تفر الفرار على السهم تحت وتصبر لين ت تاقف اللنبه عن التاءشير وتخلي القير على M وتحطه على 2او3 وتعطيه شوي شوي بانزين تر الجمس حبيب بس يبيله مسايسه وركاده السواقه في الرمل وتراه مايرده شي الله لايضره من تجربتي على شفر طويل اكشت عليه في كل محل ولاعمره خيب ضني نسم إلى ٢٠ وتكفيه .الله يوفقنا وياك

[Abo_Faisal_506]

مساء النور اخوي ابو فراس السهم فوق الدبل الخفيف والسهم تحت الدبل الثقيل ويلزم تشغيل الدبل الثقيل تحط القير في N بعدين تفر الفرار على السهم تحت وتصبر لين ت تاقف اللنبه عن التاءشير وتخلي القير على M وتحطه على 2او3 وتعطيه شوي شوي بانزين تر الجمس حبيب بس يبيله مسايسه وركاده السواقه في الرمل وتراه مايرده شي الله لايضره من تجربتي على شفر طويل اكشت عليه في كل محل ولاعمره خيب ضني نسم إلى 20 وتكفيه .الله يوفقنا وياك


جزاك الله خير

[بدوي جنوبي]

معلومه
عند أختيار الدبل الخفيف (هو في الحقيقه ليس دبل )
فقط توصيل الحركه للمحور الامامي (الدفرنس)
http://abauto.net/groot/w/OtherAssets/differential-repair-1.jpg
الدبل الحقيقي هو الثقيل لانه يضاعف العزم

اذا عندك خيار auto ،، اختاره وهو يقوم بالمهمه يشغل نفسه عند الحاجه ويفصل
يعنى اوتماتيكي ،، وبالامكان تشعيل في الخطوط الزلق مثل وقت الامطار على الازفلت
-dh0VQxprJA

نقص الصوت موسيقي

3aiNKwtPI5A
راجع الكتلوج وشوف هل يؤيد كلامي .

[راعي الرود]

خله على الاوتو افضل

[alabewy]

السلام عليكم
تعليق بسيط بما ان السلفرادو اخوو السييرا
نصيحه اذا تبي تحافظ على موترك من واقع تجربة
اولا نظام الاوتو انحش عنه
ثانيا عند تشغيل الدبل الخفيف او الثقيل وقف وفظ الموتتر
ثلاثا والاهم تنسيم الموتر 20

[بدوي جنوبي]

علل : ليه ينحاش عن نظام الاوتو ؟

بعدين مو لازم يوقف عند تشغيل الدبل الخفيف

[التعـ King ـديل]

الافضل اول ماتدخل للبر تشغل الدبل الخفيف وتتمشى على راحتك والسرعه توصل في بعض السيارات الى 120 ولكن الافضل والاسلم لك ماتتعدى 80 احتياط سبحان الله واجهك شي او اعترض طريقك احد

وفي حاله الغراز لا سمح الله تفضي القير وتشغل الدبل الثقيل وتدعس خفيف علشان مايحفر ولا يحترق الكلتش عليك

[زياد علي]

1-ضروري تنسم الكفرات 20-25 وضع القير على M وحاول تمشي بدون دبل لان ماكينة السييرا جبارة
2-في حال ان امامك غراز او طلعة قف تماما واشبك الخفيف ومعك الى سرعة 80كم وتجنب الدوس المفاجيء ولاتدوس بقوة!
3-شيك دائما على زيوت الدفرنسات والدبل ولادخلت معها في مشاكل!
4-في حال الموتر رفض يمشي بالخفيف لاتحاول فيه لان راح تحترق عليك الكلتشات وتعدم الدبل طوالي اشبك الثقيل (اقصى سرعة للثقيل 40كم)
5-ارفق على موترك ولاتطامر فيه مثل الجيوب وتجنب الطلعات ذات المسافات الشاهقة يبي له واحد راكد
6- تجنب زر اوتو (هذا خصصوه للثلوج والوحل كمانع للانزلاق لان الطين ماراح يمسك الكفر بقوة يعني فيه مجال انها تدور بمكانها)باعكس الرمال تحجر للكفر بقوة وراح تشد على الدبل فجائي
7-لاتحاول تكسر الدركسون وانت شابك الدبل لانك راح تعدم العكوس يعني نص لفة
وبالتوفيق

[وااضح]

الله يجزاكم خير الاوتو ما استخدمه ابد
الي استخدمه الدبل الخفيف

[وااضح]

علل : ليه ينحاش عن نظام الاوتو ؟

بعدين مو لازم يوقف عند تشغيل الدبل الخفيف

لانه يشغل الدبل الخفيف وانت تمشي

[hijack]

استغرب من الي يقول لك تمشي بالدبل ل100 وغيره واحب اقول لراعي السؤال انصحك تقرأ كتاب المستخدم وتعرف كل شي وخل عنك حقين السوالف والتفلسف

[بدوي جنوبي]

استغرب من الي يقول لك تمشي بالدبل ل100 وغيره واحب اقول لراعي السؤال انصحك تقرأ كتاب المستخدم وتعرف كل شي وخل عنك حقين السوالف والتفلسف

اسلوبك ذا مو كويس ،، احنا نتناقش مو فلسفه

وترا الدبل الخفيف مستعد امشي عليه 200 مافي ضرر

[التعـ King ـديل]

استغرب من الي يقول لك تمشي بالدبل ل100 وغيره واحب اقول لراعي السؤال انصحك تقرأ كتاب المستخدم وتعرف كل شي وخل عنك حقين السوالف والتفلسف


عزيزي النقاش لا يعتبر فلسفه ،، ولكن كان الاجدر بك افاده الاخوان بدل هذا الاسلوب لان من الواضح انك لا تعرف شي ابدا لا فلسفه ولا غيرها وكان الافضل لك قرأه الموضوع وبس بدون ماترد :good2:

[أبو الوليد 14]

إذا بتدخل رمل خلك شابك الخفيف على طول وان شاء الله انك منتب محتاج للثقيل
بالنسبة للاوتو في الرمل اشوف انه ما ينفع لانه احيان ما يشبك إلا إذا برك الموتر ويكون فيه صعوبة بالخروج ...عكس لو انه شابك على طول
يمكن انه يصلح للثلوج لتخفيف الانزلاق مثل ما قال اخوي زياد علي
و النقطة الاهم انك تنسم كفراتك منها تريح المكينة وتحافظ على القير وعلى السيارة بشكل عام من التفكك

[وااضح]

استغرب من الي يقول لك تمشي بالدبل ل100 وغيره واحب اقول لراعي السؤال انصحك تقرأ كتاب المستخدم وتعرف كل شي وخل عنك حقين السوالف والتفلسف

اول جزاك الله خير
والكتاب موجود ولا اعتمد علية