استشارة بالنسبة لمساعدات الباترول

[ابوخلف..]

السﻼ‌م عليكم× قاعنا قليلة الوعورة وابركب مساعدات حصلت وكالة× وحصلت امريكي وجبريل الجبريل يقولون قاسي× وش رأيكم حق الوكالة زين واﻻ‌مريكي وش وقعه اﻻ‌ستراليات شايلهن من راسي ﻻ‌نها غالية ابي رأيكم يا اصحاب التجربة الله يجزاكم الجنة

[مزدهر]

افضل.شي مساعد مرسدس لاكن يحتاج ترهيم
بعده مساعد تويوتا. ربع او شاص رخيص
اقصد مساعدات امامية

[ابوخلف..]

بيض الله وجهك ورأي بعين الاعتبار

[سيف وقلم]

كم موديله الموتر، أشوف بعضهم يركب حقت شاص مدري vxr. عندك بعد نوعية يابانية kyb وكيلها البابطين، وفيه بعد مونرو لونها أصفر وكيلها كابلي.

في الصناعية القديمة وكلاء المساعدات المذكورة أعلاه وهم حول بعض.

[ابوخلف..]

الموتر موديله 1992 يركبن عليه الي ذكرتهن واسعارهن حدود كم

[Abo_Faisal_506]

مساعدات منرو

[التعـ King ـديل]

مساعدات شاص 2000 خلفي و امامي فكسار 97

مناسبه وسعرها اقل من الوكاله وتطول تخدم

[سيف وقلم]

الصراحة ما أدري وش اللي يركب بالضبط، لكن في المنتديات والمواضيع يطرون مساعدات الشاص واللاند 97

ولو تبحث في قوقل عن مساعدات الباترول


وبالنسبة لشركات المساعدات فيه شركات عالمية ومتخصصة في صناعة المساعدات مثل جبريال وkyb ومونرو

وهذي أرقامهم دق واستفسر عن السعر وهل هي موجودة لسيارتك.

1- جبريال وكيله السبت.
فرع الرياض:011/4482470


2- مونرو وكيلها كابلي.
فرع الرياض:011/4485485


3- KYB وكيلها البابطين.
فرع الرياض:011/4467391

[abu-turki2009]

بالنسبه لي مركب مساعدات شاص أمامي وخلفي لها الان سنه تقريباً.وأشوفها ممتازه والموتر باترول95

[ابوخلف..]

بارك الله فيكم ورحم الله والديكم على المعلومات القيمة
لكم مني كل الشكر والتقدير

[sgl2002]

مساعدات الفكسار ماتركب ع الامام بسبب انها طوال وكل شوي تدق

ركب مساعدات شاص شفها لها بموتري سنه ما اشتكت

وتركب زيها زي الوكاله بدون اختلاف

[ابوخلف..]

ماشاءالله لكن الي حاب اوضحه
ارضنا ماهي نفود

[thanks.9]

بالنسبه لي - مساعداتي كلها جبريل :

الخلفي يجي لونه ازرق و سعره 320 . بس تراه قاااااااسي ,, وانا مرتاح معاه لان عندي حموله و وزن في العزب و التوانك .

الامامي : مركب جبريل ابيض ابو 3 طقات .. انت اوزنه على كيفك ( خفيف / وسط / قوي ) سعره 115 ريال .

الدرقسون : مركب جبريل العادي .. سعره اعتقد انه ب 160 ريال .

[][][زلفاوي][][]

عن نفسي يا طويل العمر موتري نيسان ربع 2004 شاده وكاله بوقته

مركب على موتري مساعدات جبريل الزرقاء الطقم كاملا

ولله الحمد لي الآن 4 سنوات

اطامر واروح واجي واحمل على سواقة بالديره ومن مجاميعه

اما الدركسون فمركب مساعد استرالي تقريبا من اشتريت موتري والى الآن وضعه عسل

ومريح راسي وتبقى تجربتي انا وكلن له رايه

[ابوخلف..]

جزاكم الله خير وبيض الله وجيهكم

[عاشق الحريه]

بالنسبه للمساعدات بعض الاخوان رهمو مساعدات فكس آر لكن يشتكون من قساوة الموتر وينطنط مثل تويوتا لكن فيه مساعدات بعضها مناسب ومريح ياليت احد يفيدنا فيها

[Inch]

أفضل شي له مساعد مرسدس أمامي مكان البلد ( ترهيم )
وخلفي فكسار97 ( ترهيم ) موتر ماسك + راحة

[الجارح2014]

انا مركب مساعدات منورورالغاز الامامي والخلفي شد بلد والياي قبل يومين ركبت خلفي استرالي 400 ك والامامي 80ك وتوي اشوف موتر صح علما ان المساعدات المنورو طالع الزيت من قديم لكن ما لاحظت شي عليهن ممتازات جد هذا رأيي وانت بالخيار

[هاج س]

ورشه الشيف فى بريده
يركبون لكزاز قدام بالخلف فكسار ، وكذلك يدبل لك مساعد الدرقسون ، يرهم لك ثانى ، يعنى يصرن مساعدين ، كثير من الشباب شتغلو عنده و يثنون عليه ،

[هاج س]

ورشه الشيف فى بريده
يركبون لكزاز قدام بالخلف فكسار ، وكذلك يدبل لك مساعد الدرقسون ، يرهم لك ثانى ، يعنى يصرن مساعدين ، كثير من الشباب شتغلو عنده و يثنون عليه ،

[اسدهم]

مساعد شاص حلوة وثابت الموتر ماينطنط 500اربع مساعدات اصلي وكالة مو اصلي سوق تفرق النهدي يجيب من دبي وابو جميل نقول ياباني اشوف في الكرتونة

[Alwagdani]

عن تجربه أنا ركبت علي موتري ٩١بترول سلق المساعدات الصفر استرالي الله لايعيدها من ساعة تقول راكب علا حمار أعزكم الله تكسير في تكسير ركب مساعدات البلد وحط كعكه ٢سم المنيوم وارقد

[ابوخلف..]

الله يوفقكم ويجزاكم خير
صراحة استفدت من خبراتكم

[ابو سديم 15]

يعني الافضل برايكم مونروا

[سقم المعادي 1]

مساعدات الشاص اتوقع انها بتصير قاسيه ولا

[ابو فيصل 518]

* عن نفسي كنت مركب مساعدات الشاص .. و قاسيه جدن ، و بدلت الي ورى ب مساعدات جبريال و اتوقع اني كنت بكحلها و عميتهااا .. و طلعت اقسى من الشاص .. و الأمامي شكلي برجعه شد بلد
* مع العلم إني مركب الياي الخلفي استرالي و الأمامي اتوقع شد بلد .. و الموتر صار فيه ميله جهة السواق ؟ اتوقع السبب من الياي الامامي ؟

[ميكا مكشات]

انا مركب للنيسان سلق 2006 مساعدات شاص 2002 لكنها قاسيه وتحس انك راكب شاص مهو نيسان تجنبها ولا تفكر. فيها