جلد بلوف جي اكس ار

[واحد درويش]

بسم الله الرحمن الرحيم

السلام عليكم ورحمة الله وبركاته :

اللهم فاشهد أني لم أكتب هذا الموضوع الا ليستفيد اخواني المسلمين منه .


لكل من عانى من جلد البلوف ومايبي يفك راس المكينة لكي لايشوه سيارته فيه ورشه بالنسيم شارع المعارض الي يحد المعارض من غرب الي عليه المعارض الكبار الصقر وغيره .
وانت نازل من خريص تجيك اشاره تتعداها ويجيك فاصل بالرصيف تديور وتمشي تقريبا 150 متر تجي الورشة على يمينك فيها ادارة مصرية مديرها اسمه ابو محمد .

المهم غيرت جلد بلوف عندهم من غير فك راس المكينة فك غطاء المكينة وطلع عمدان البستم وكبس البستم وطير جلد البلوف وركب الجديدة . وضغط البستم مرةة ثانية وركبه مكانه .خلال 3 ساعات

الفني بنقالي اسمه عباس ماشاء الله عليه واضح جدا انه خبره .

راح الدخان بفضل الله وراحت ريحة الكربون وضبطت السيارة وانتهت معاناتي معها مع العلم ان كثير من الورش قال السيارة تبي شمبرلكن ولله الحمد كانت فقط جلد بلوف


وكتبت هذا بتاريخ 23.1.1435 ليستفيد من اخواني المسلمين من عانى معاناتي من جلد البلوف وفك راس المكينة .

والسلام عليكم ورحمة الله وبركاته

[ايودحيم]

مشكور اخوي
هل لديك رقم تلفون الورشة

[ابن عكاش]

تسلم يالغالي كم التكلفه لاهنت

[أخو شيخة]

كم موديل موترك

[واحد درويش]

رقم الورشة ماعرفه لكن الموقع حسب الوصف السابق

موديل موتري 2004

وماشاء الله تبارك الله راحت الدخنة

والتكلفة طال عمركم 1000 ريال الجلد مع التركيب وكالة

شغل يد حسب كلامهم 600 ريال

والباقي قيمة جلد البلوف

[abo naser 1]

جزاك الله خير

كذلك يوجد ايادي سعودية تجيدها قبل ها العمالة
مثل اخونا المبارك تخصص لاندكروزر في الشفاء دين واخلاق وذمة

[هيمو الضيوفي]

السلام عليكم ياخوي البنقالي ذا نصاب انا من سكان تبوك معي صالون 94 تويوتا غيرت جلد البلوف بدن مافك الراس بس فك غطا الراس وغير الجلد شغل ايده 300 ريال كمان اللي ركب الجلد تركي موبنقالي تقبللل مرووري اخوك احمد العطوي تبوك

[ايودحيم]

ترى فرق السعر في الرياض او في المدن الكبيرة دايماً الورش يفرق سعرهم دبل
لا رقيب ولا حسب ويتعذرون بالغلا
فعلا الغلا يفرق بس زيادة بالمعقول مو دبل
وتحياتي للجميع