جت سليمه هل المرة

[هاوي البر 999]

السلام عليكم ورحمة الله وبركاته

بعد التمشيه الزينه والروحات والجيات والتصوير وفي الرجعه حال في الطريق شعيب لازم نقطعه عشان نختصر الطريق وبعد دخولي اول مره والرجوع والدخول وفي المنتصف توقفت السيارة سبب الرمل المشبع الماء من الداخل المهم انا طلعنا بشق الانفس بعد السحب بسيارتين

ابي وسائل مساعدة في هذا الموقف والافضل اقدر اشيلها معي في كل مكان علماً ان سيارتي فوقها سله

والله يحفظكم

[harth_10]

الحمد لله على سلامتك اخي الكريم

لو انا محلك ضروري سيارتي يكون فيها وينش في الصدام الامامي لمثل هذه الحالات وغيرها مهما يكلفني فهو من الضروريات للبر ومنقذ بعد الله سبحانه فيه انواع جيدة قوة وخدمه تركب على الجيربوكس ويكون الواير حقه طويل . في مثل حالتك هذي اربطه في اقرب شجره لك واسحب سيارتك في ثواني ولا فزعات ولا حفريات ولا دفنيات ولا جيب خشب ولا نسم كفر اسمحب وامشي حتى في المناطق الجبلية ممكن تسحب سيارتك في الصعود في اوعر المحلات وفي نظري ان الونش من الضروريات الملحه لراعي البر والمقناص اسمه المنقذ بعد الله

[تساهيل1]

الطريقه المثلى

دامك تقول ابي اختصر

فلا تختصر دام هناك طريق اخر آمن
الا اذا صرت مجبر فأبحث عن حلول وربك يعين ان شاء الله

تصل متأخرا افضل من ان لاتصل ابدا

وترانا نحبك ونبيك لاعاد تقطع شعيب يصيبك مكروه
الله يبعد عنا واياك كل شر

[ابو محمد 276]

عليك بالونش يا خوي وخل معك وايرين قماش تحتاجها وقفازات كبيرة غير كذا ما ينفعك الا المساعدة .
بالتوفيق

[حلم البحر]

اخي الكريم من الافضل اذا فيه طريق اخر تسلكه كما ذكراخوي لوطالة المسافة لاجل سلامتك وكثيرمنا يعرف الشعيب ونقول دايم نقطع من هنا لكن الحذر اخواني لان جريان السيل يغيرصلابة ارضية الشعيب اخبر نقطع بعض الشعبان وفيها حصاء طبعا بغير وقت السيول وبعد ماتجي السيول ويجري السيل فيها وبعد ماتجف تجدالاماكن التي كنت تعبر بالسيارة انها حفر كبيرة ماتقدرتقطع حتى لوكانت جافة الحذراخواني جريان الشعبان يغيرمعالم الطرق الي انت عارفها قبل والحذرلسلامتك

[هاوي البر 999]

الله يجزاكم خير على الردود يعني الحل الونش يكون أفضل في السيارة وأخذ الطريق المضمون بعد الله

لكن سيارتي نيسان باترول وش الونش اللي يركب عليه ويتحمل وزن السيارة والاغراض والماء و

نوع الونش
مكان التركيب

[escape_man]

الرمل مو مثل الطين .. الرمل اذا وقفت والماء في حالة جريان يحفر تحت الموتر باستمرار لين يصير بطن الموتر بمستوى الرمل.

فاذا دخلت برمل فحاول تشد حيلك وماتوقف.

اذا وقفت ونزل لبطنه فاعتبرك امرك منتهي .. لو طياره ماتسحبه

[ابوس11م]

مرحبا هذا ونش وارن مخفي مركبه على موتري
http://www.mekshat.com/pix/upload05/images253/mk566_nwkmu.jpg

[عبدالله الدوسري]

الصورة بعد تعديل حجمها
http://www.mekshat.com/pix/upload05/images253/mk566_nwkmu.jpg

[مكشاتي سبشل]

ياجماعة الخير الحل مثل ماقال اوخونا بالسابق تساهيل وحلم البحر لا تختصر و الونش موب حل يمكن يطفي مع المويه
يمكن ماعندك شي تربطه فيه
اهم شي الواحد يرجع مستانس وهو مرتاح مو تعبان منهد حيله
وسلامتك

[راعي الرود]

وش الله حادك وانا اخوك السيل ماينلعب معه

عين من الله خير و فل الحجاج و لا تنسى ان الواحد يطلع يوسع صدره ولا ودك تنقلب الدعوه نكد عشان كم دقيقه تبي تختصرها

شف الطريق الزين ولو تزود ساعه مهيب مشكله على الاقل مرتاح بممشاك و مريح بالك