المساعد الشخصي الرقمي

مشاهدة النسخة كاملة : لمن لهم خبره في تجهيز الهايلكس دبل 2013 وافضل دعاميه


asd20009
26/11/2013, 01:07 PM
هلا يالاخوان حبينا ناخذ رايكم بتجهيز هايلكس دفرنسين موديل 2013

من ناحية افضل دعاميه للامام ...
افضل محل يضبطها وسعره مناسب ...

اشياء تنصحوني اركبها في الموتر لرحلات البر ...


انتظر ارائكم بكل شوق
ابونبيل
26/11/2013, 11:31 PM
انصحك بدعامية المواهب في نوع يجي بس دعامه وفي شي يجي مع عده مطرقة وشيول ومعلاق ذبيحة
وانصحك تركب شد عقرب يعطي شكل واذا بتكشت بعيد تلبسة شراع خفيف مقارنه بالشد الي يبيعه السنيدي
وركب لمبات لد علة حنايا الحوض بتريحك كثير وتانكي ماء ٩٥ لتر يرسي الموتر ويخدمك
والكفرات حقت الوكاله ترا ما تنفع انصحك تصرفها وتاخذ كفرات لينه اريح لك وافضل بالنفود
انا مركب بريزا كوري على جنط ١٥ حق الوكاله مقاس ١٠ على ١٥ ممتازه نظرتها قريبه من البالون وبالبر لينه وماتحتاج تنسم ونقشتها ناعمه حقت رمل. هذا الي يحضرني وجعله موتر مبروك
سرحان الوعرة
27/11/2013, 04:30 AM
من ناحيه افضل دعامه فهي دعامه
برق الشمال شبيهه بدعامه الشرطه
وركب عليها كشافات Hela
asd20009
27/11/2013, 11:21 AM
يامن العافيه يالربع ... بس هل فيه فرق بين دعامة المواهب ودعامة برق الشمال ؟

وطيب بالنسبة للكفرات انا ادخل نفود وحجره احيانا (شعبان وماشعبان )
هل البريزا الكوري ينفع لكذا والا بس للنفود ؟؟؟

اشكر لكم تفاعلكم وننتظر المزيد