الي ضايعله شيهانه يدخل

[الفارسي18]

بسم الله الرحمن الرحيم

والسلام عليكم ورحمه الله وبركاته

وكل عام وانتو طيبين
وتقبل الله طاعتكم اجمعين

اول ايام العيد الساعه 4 العصر لقيت شيهانه بالكويت وبالتحديد بين منطقه الجهراء والدوحه وبالضبط مقابل حراج السيارات

وهاذي امانه ف الينشاما الي ضايعله شاهين يقولي اوصافه ولون سبوقه والطير فيه شغله مبينه مثل الشمس اذا ذكرها راعيه عزله لو اتعناله واجيبله طيره

وانا بلغت المرابط الي اعرفها والصقاقير الي اعرفها والله يعقلها لراعيها اللهم امين

[غضنفر]

جزاك الله خير
تشكر على أمانتك
ان شاء الله تحصل راعيه

[نجم السهاء]

:eek: السلام عليكم ورحمة الله وبركاته :eek:

تسلم هذي حقتي الشيهانه وعلامتة به بهق على قولت بعض الناس :D

أمزح معك :) الله يجزاك خير ويكثر من امثالك

[ال معلى]

السلام عليكم

ما اقول الا بيض الله وجهك وجعلها في موازين حسناتك

وان شاء الله تلقى راعيه

ودعوه مني جعل ما يضيع لك شي الا تلقاه باذن الله يالغالي

[نقا خريم]

مشكور اخي على امانتك..
لكن الاخوه الكويتين الصقاقير في هذا المنتدى اضن انهم قليل...
فياليت بدورك تبلغ في المنتديات الكويتيه المتخصصه افضل وأسرع....
واكرر جزاك الله كل خير على حرصك وأمانتك...
والسلام...

[قلب شاهين]

اخوي انا ضايعتلي شيهانتين بحريه وجبلية كلهم 13*13 والجبلية ضاعت يوم كانت فرخ قبل سنة والبحريه ضاعت وهي قرناسه 3 يمكن ونفس الشي قبل سنة والجبلية فيها ريشة موسره وسبوقها ازرق والبحرية ريش الذنب متعفس وفيها صرع خفيف ولون سبقها اصفر ،،

وشكرا على اهتمامك لمثل هذه المواضيع ،،

[الفارسي18]

والله يالربع ان هالامانه ثقيله واول مره اطرح طير ظايع من راعيه ثقيله من ناحيت انها تموت

وال تمرض وال يصيبها شي وانا قاعد افكر طول هاليوم ولكن بكره اروح للبيطري وافحصها

واذا فيها شي نعالجها


واشكركم علي المرور وبلغو تكفون علي الشيهانه وانا ماخليت احد ال وبلغته وبكره اجيبلكم العلم

بلاك اشكرك وتقبل الله طاعتك

نجم اسهيل والله اني قلت جابه الله راعيها ويوم كملت باقي الجمله ضحكتني الله يجزيك خير

ال معلي بيض الله وجهك ومشكور علي الدعوه وتقبل الله طاعتك

نقا خريم والله انك صدقت وانا اخوك انا بلغت وحطيت لوحه عند سوق الطيور الي بالمنطقه والله يردها لصاحبها باسرع وقت وجزاك الله خير

صقار القصييم ماهي من الي قلت واني عند ربي شاهد وتابع هالموضوع علي شان اذا لقيت راعيها احط صور الشاهين علشان الي ضايعله شاهين يتاكد انها له او ماهي له وماهو لون سبوقها ازرق او اصفر والله يرد طيورك باسرع وقت ويعوضك اطيب منه وجزاك الله خير


ولكن يالربع ابيك تعطوني رايكم وشلون اعرف انها ضايعه هالسنه او صار لها كم شهر وا كم يوم


لان لو اكثر من سنه بتصير وحشه وهالشيهانه ماهي وحشه مسكتها بحمامه بدون شبكه

ولكن السبوق الي فيها قديم مره واليوم ماعليها شي راكده ولا تكافخ وهاديه مره علي العلف شغله ثانيه مستغرب منها

رحنا نهد الطيور وقال واحد من الربع نبي نهد الشيهانه بخيط نشوف وشرايكم قلت مادام بخيط الي هو سبب نسميه عادي علشان ماتضيع ماهددت لا علي حمام ولا علي الملواح وشرايكم معقوله انها ماتعرف الحمام مستحيل الملواح يمكن وهي مصرف عشاها مبطي ولاكن علي الدس الشيهانه تعلف

ومشكورين واسف علي الايطاله

[ابوفهوودي]

بيض الله وجهك يالذيب


بشوف ربعي انا كان فيه احد مضيع طيره ولا لا

لاهنت

[الفارسي18]

بسم الله الرحمن الرحيم

والسلام عليكم ورحمه الله وبركاته

ابشركم اليوم دق علي رجال وقال اوصاف الشيهانه ولون الجرير وطلعت له

والشيهانه اوصافها جبيله الطول 13 والعرض 13 ثنو

ولون جريرها ابيض

وصاحبها فهد راشد العازمي

وساكن بالكويت منطقه الصليبيخات

وشهدنا الرجال عليه وحلف

ابو فهوودي

الله يعقل طير انشالله والحلال مايروح وجزاك الله خير

[بوشكري]

انا ضايع لي شيهانه مقاس 13 بدون حجل مع سبوقه وكان فيها ورم برجلها يوم ضاعت

[الفارسي18]

يوم انطرحت مافيها ورم وعطني اوصاف السبوق

عطني لون السبوق مو الجرير انا ذكرت لون الجرير فقط بالرد الي هو ابيض

والجرير انواع مثل جرير يجي صافي مافيه حلقه وجرير يجي فيه حلقه مدوره وجرير يجي قطعتين بدون حديد ربط يعني ويجي بحديد

والشيهانه مثل ماقلتلك بوشكري الله عقلها لراعيها واذا هي للك عطني اوصافه الجرير 100/100 واعطيك رقم الرجال

وانا اخوك وينك والطير معلن عنه صارله من اول ايام العيد

واذا هي لك في شهود علي الر جال والحق نجيبه

[عاشق البسيتين]

انا واحدمن ربعي ضاعت لها شيهان 14*13.5

سبوقها اسود

فيه دقه تحت

[الفارسي18]

الله يعقلها له ماهي هي

والشيهانه الله عقلها لراعيها

[ابو ناصر2020]

الله يجزاك خير ويكثر من امثالك .

[الفارسي18]

الله يسلمك ويجزاك خير علي الدعوه ياابو ناصر