الجي اكس ار أو اللكزس

[أمجد]

السلام عليكم
كل عام وأنتم بخير
ياجماعة تكفوووون أبغى ردود عاااجلة من ناس فاهمة
المسألة وما فيها أن أحد الزملاء(استماله هادي) يبغى يشري جيب لاندكروزر جي اكس آر وقبل ما يشري جاه علم أن عمه (شايب فسقان) يبي يغير سيارته من دون سبب وهي جيب لكزس 2001 نظييييف مرة واستعمال حشمة وشخصي كمان وزميلي استفزع بي يبغى شوري
لأنه بين جي اكس ار جديد هواللي يفكه
وبين جيب لكزس نظيييف
تكفووون علمونا وش المميزات ووش العيوب لأن هذي فرصة مصيودة

[آل مهنا]

اخوي أمجد ...
اولا السيارتين مختلفات من ناحية الاستعمال ... فالجيكس ... ينفع للي طلعاته للبر كثيره ويبي سيارة مكده وزينه بالديره ... لكن الكزيس سيارة كشخه وتنفع للطلعات الخفيفه للبر (مع المداراه) ... وهي سياره ممتازه للمدينه ...

ثانيا ... اللاند قريب يتغير (اعتقد 2008) فما انصح الواحد ياخذ 2007 وهو بعد سنه بيتغير ...

ثالثا ... الافضل يصلي صلاة استخاره قبل ما يقرر وش يشري ...

شخصيا ارى ان يأخذ الكزيس اذا سعرها زين وفرصه مثل ما تقول ... لأنها مستعمله ولو حب يبيعها بعد سنه عشان الموديل الجديد ما بيخصر كثير ان شاء الله ...

[راعي الهـــدد]

أخوي الفاظل أمجد

هلا بك ومرحبا بك

نصيحة أخ محب لك الخير

انصحك ونخوك أن كنت تشاورني فقط على هذه السيارتين وانك لن تشتري الا واحدة منها

فأقول لك

لا يقارن الجي اكس آر بالجيب اللكزس

تقول لماذا

أنا اقول لك

إذا كنت تريد الجيب للبر فلا يصلح لك الجيب اللكزس ابد لأنه ثقيل مره ويبي مداراه بالعربي بنيت حلال تبي من يترفق عليها ههههههه

اما اذا كنت تريده بس للديره فعليك بالجيب اللكزس فهو كشخه ووجه وجاه ولكن في البر مايزبنك

هذا عن تجربه

ودمت بخيرات

وإن كنت بالأصل انصحك ان تترك الأثنين وتآخذ جيب جي اكس (( هـــدد ))

فهذا للبر شي

ولديره شي بعد بالنسبه لأهل القنص والمطامر بالبر

دمت بخيرات

محبك

راعي الـــهــــدد

[أمجد]

الأخ عنيد
مشكور وما قصرت

[أمجد]

هلا وغلا ياراعي الهدد
وأقول الله يجزاك خير

[أمجد]

تسلمون 79 مشاهدة
و2 ردود من نشامى
على العموم
يسلموووووووووون النشامى