المساعد الشخصي الرقمي

مشاهدة النسخة كاملة : استفسار بخصوص لاندكروزر 1997


الشاهين2004
28/11/2013, 01:40 PM
اخواني عندي لاندكروزر 97 VXR يدخن ويصرف زيت قال لي راعي ورشه المكينه تحتاج تغيير شنابر هل اغير شنابر فقط او اوضب المكينه كامل وشوركم في افضل ورشه بالرياض توضب المكينه
لاخاب من استشار
هدفي قرناس
28/11/2013, 07:30 PM
انصحك توضيب كامل
sgl2002
29/11/2013, 02:45 AM
ماتقدر تحكم الا بعد فتح المكينه

بعض المكاين مايحتاج غير الشنابر
وبعضها تلقاها معدومه من داخل
ابوتركي83
29/11/2013, 09:59 AM
اخوي اذا عندك نية توضب فك المكينة وتبين معك اذا كانت مجاري البساتم متوسعه او ما يسموها المكيانيكين فيها شفه هنا لازم توضب عشان الفراغ اللي بين البستم والسلندر هو المشكله كل ما كان الفراغ اكبر كل ما زاد احتمال وصول الزيت لغرفة الاحتراق وصارت السياره تصرف زيت وتدخن
اما اذا ما كان هنالك فراغ او زي ما يقولون شفه فالشمبر كافي وبالمره شيك على الراس والقايدات حقت البلوف المجرى اللي يدخل فيها البلف اذا كان متوسع احتمال يدخل الزيت لغرفة الاحتراق وتدخن
ذيب النجيل
29/11/2013, 05:39 PM
اذا الدخان ابيض ويبين اذا خليته شغال دقيقتين ثلاث وثم دعست له يطلع الدخان الابيض

فهذا جلد بلوف

غيرهن يكلفن من ١٠٠٠ الى ١٥٠٠ وفيه ورش يكبسونهن كبس بدون فك الراس
الشاهين2004
30/11/2013, 01:14 AM
اشكر جميع من ساهم بالاجابه واسال اخوي ذيب وين الورش الي يكبسونهن بدون فك الراس
ذيب النجيل
01/12/2013, 12:29 AM
بتبوك ورشة التضامن مقابل معرض عمدة المعارض
او ورشة تويوتا بشارع القطع بالصناعيه
ويمكن فيه ورش غيرهن اسأل بالصناعيه ويدلونك
الشاهين2004
02/12/2013, 01:38 PM
سؤالي للاخوه الكرام عن افضل ورشة توضب لاندكروزر بالرياض
الشاهين2004
05/12/2013, 08:33 PM
اخواني افيدكم اني وجدت ورشة بالصناعية القديمه بالرياض واتفقت معه يفك المكينه ويغير الشنابر وجلد البلوف واي شي يحتاج تغيير بمبلغ الف وستمائة ريال واشكر كل من تفاعل معي