تـجـربـه أسـتـمـرت ســـنـــه لــســائـل تــبـريـد الرديـيـتـر

[كشات]

بسم الله الرحمن الرحيم



اخواني جميعا



الســـــــــــــــلام علــــيـــــــــــكم ورحــــــــمــــــــــــة اللـــــه وبــــركــــاتــــه







من يوم اني صغير وانا راعي تجارب

ولا اقتنع الا اذا شفت الشي بعيني او سويته بنفسي



ومن هذا المنطلق;)

سمعت عن سائل تبريد ماء المشع (الردييتر) اللي يسمونه كولنت او انتي فريز

وبالفعل بعد ماسمعت عن هذا السائل بالتحديد ذهبت للشركه اللي تستورده وشفت عندهم علبتين بلاستيك شفافه وحاطين بالاولى قطعة حديد ومعها ماء وسائل تبريد عادي اخضر (ان ماخانتني الذاكره)

والثانيه فيها قطعة حديد ومعها ماء وسائل التبريد اللي هم يستوردونه



واذا شفت الفرق تستغرب اشد الاستغراب وحده ماتشوف شي من عكارة الماء وصداه والثانيه تقل توهم حاطينه

سألت البياع كم لكم حاطينها قال سنتين (هالكلام قبل سنه من الان)



مالكم بالطويله(وش عقبه :( )

المهم شريت منهم الماده وسويت له اختبار لعيون اعضاء المنتدى:rolleyes:

ولمن اراد الفائده لأخوانه في اي منتدى فلابأس بنقل الموضوع لتعم الفائده



ولملاحظة امر مهم:-

فلوس صيانة سياراتنا وقطع غيارها وين تروح اذا كل يوم نبي نغير راس ونفك قازقيتات ونغير رادييترات خصوصا الاصليه

طبعا الفلوس تبي تهاجر لبرا :mad:



المهم بالموضوع هو التجربه طبعا

وماتركته دون توثيق وتصديق بالصور

التجربه تمت على 3 انواع من المياه عادي وحلو ومقطر

بدون اضافة السائل

ومع اضافة السائل

التجربه هي ان وضعت مسامير (مصديه) في عدد 6قوارير ماء شرب لمدة ســــــــــــــــنه كامله تقريبا

1-ماء عادي 2-ماء حلو(صحه) 3-ماء مقطر

3-ماء عادي+السائل 5-ماء حلو+السائل 6-ماء مقطر+السائل





والليكم الصور



بدون سا ئـــــــــــــــل التبريد

http://www.mekshat.com/pix/upload/images21/mk485_no1.jpg



وهذه ايضا بدون سا ئـــــــــــــــل التبريد بس بعد ماركد الماء

http://www.mekshat.com/pix/upload/images21/mk485_no2.jpg



واما هذه فمع ســـــــــــــــــائل التـــــبــــــريـــــد ولاحظو الفرق

http://www.mekshat.com/pix/upload/images21/mk485_yes1.jpg





اتمنى اني اضفت شي لخبراتكم الكبيره

وسامحوني على القصور



اخوكم ابو علي

ولاتنسونا من

صالح دعاكم

[سنكرس]

السلام عليكم ورحمة الله وبركاته

يعطيك العافية على هذه التجربة المفيدة وبالفعل والتي توضح اهمية الكولنت للرديتر

جزاك الله خير

[فايز العامر]

جزاك الله خير..

ماشاء الله عليك.. شلون صبرت سنة كاملة .. ماشاء الله عليك مرة ثانية..


بصراحة تجربة أكثر من رائعة،، أسأل الله أن ينفع بك..

[كشات]

الاخ سنكرس

شاكر لك مرورك وتعليقك

لاعدمناك ياغالي


الاخ رعاد
جزاك الله خير

لعيون اعضاء وزوار مكشات اصبر سنين يا غالي

تسلم على المرور والتعليق

[(سكود)]

الحقيقه انك بذلت مجهود تشكر عليه لاكن ويش اخذ منها الي بمويه مقطره ولا المويه المحلاه وكم السعر ووين يبيعونها فيه

[سعد الدين]

الله يعطيك العافية


فعلا التجربة خير برهان

الله لا يضيع لك تعب

[كشات]

الاخ الغالي سكود
الي استنتجته من التجربه
ان الماده اللي استعملتها تنفع مع جميع انواع المياه
بصراحه غاب عن بالي استعمل ماء البحر:d


الماده المستعمله هي من انتاج كالتكسcaltex (امريكي)للأسف الشديد :(
ويبيعها وكيل كفرات فايرستون (التميمي)



اخوي الغالي سعد الدين

بارك الله فيك وجزاك الله خير على دعاك

[ابو-الوليد]

شكراً اخي كشات على المشاركة المميزة وشكراً ايضاً على اثبات فاعلية الكولنت على المدى الطويل.

سؤالي هو:
* بعد التجربة هل تجد الماء العادي+الكولنت هو الافضل ام المقطر+الكولنت ؟
* وهل تقصد بالماء العادي هو ماء البزبوز (الصنبور) ؟

وكل عام وانت بخير......عيدك سعيد

[كشات]

الاخ الغالي luminass_2002

العفو ياغالي وهذا اقل مانقدمه لمثل هذا المنتدى الرائع والمفيد لنا

بالنسبه للسؤالك اخوي
الافضل انك تستعمل ماء مقطر او على الاقل ماء حلو تفاديا لأي ضرر قد يحصل لأجزاء المحرك ودورة مياه التبريد

الحرص افضل

وشكرا على مرورك وتعليقك لاعدمناك:)
ولو اني فاقد مشاركاتك من تالي لاتحرمنا منك ومن مواضيعك

[الرهدن]

غفر الله لك أخي كشات ولكل مسلم00
سؤالي00
سائل التبريد حق تويوتا الأصلي مكتوب فيه لاتضيف الماء00
وش يفرق عن السوائل الأخرى ؟


.