فرخ وحش فارسي ...

[محمد ابن سعود]

بسم الله الرحمن الرحيم
السلام عليكم ورحمة الله وبركاته
1: ما نوع الطير : (فرخ حر)
2: ماعمرالطير ( فرخ )
3: ما(قياسه او وزنه)؟؟ :الطول( 15 وشرطه)العرض( 16) الوزن ( )
4: (الدوله المطروح بها ) (فارس)
5:تفريخ (الدوله والمزرعه)(اصيل)
6:تهجين (الدوله و نسبة التهجين والمزرعه)(اصيل)
7:أين مكان الطير حاليا (المنطقه / المدينه) (الرياض)
8:هل يوجد توصيل داخل اوخارج دولتك على حساب المشتري
9:ماهي الحاله الصحيه للطير (ممتازه )
10: هل صاد الطير الحباري (ماشاف )
11: هل صاد الطير الكروان (ماشاف)
12: هل صاد الطير الارنب (ماشاف)
13: هل الطير طلاع على الحباري (لا) وتشرط على ذلك : ( لا)
14: هل الطير يرغب الحمام ( نعم )
15: هل الطير راكد على تكاية السياره بدون برقع لا
16: هل الطير يمسح على التلواح او يلاعب الشلو ( نعم )
17:هل توجد في الطيرعيوب (الارتفاع,الكوشه,نقل العلف,الصياح)(لا )
18: هل توافق على فحص الطيرفي المستشفى (موافق )ومشاهد طياره بالمدعى : (نعم)
ملاحظه : الطير صقرناه عشان الحبارى بس ما الله كتب انه يشوفها والحمام للأمانه ما اهده واجد والطير يعشق الشلو خالي ويطق 90 .... والصور ماعرفت انزلها الى يبي الصور يراسلني على الواتس اب ابو سعود 0597777020

[نواف الحمد]

السلام عليكم
الصور كما وصلتني

http://store0.up-00.com/2013-12/1385913085021.jpg

http://store0.up-00.com/2013-12/1385913085112.jpg

http://store0.up-00.com/2013-12/138591308533.jpg

[نواف الحمد]

الله يرزقك البيعه الي تسرك

[محمد ابن سعود]

الطير وصل سومه ٧٠٠٠

[مودع الخلان]

الله يرزقك

[7md_al-m]

الله يرزقك

[أبو فااارس]

ليه فارسي يابن سعود .. قل ايراني مافيه مشكله

[القصير111]

يابوفارس

وش اﻹيراني و وش الفارسي ؟

وش إيران و وش بلاد فارس ؟

الله يرزقك ياراعيه البيعة الطيبة

[أبو فااارس]

احمر مجهم مطلق عمد صافي ظهره وطرح ايران تقوله فارسي!!
ادهم صافي ظهر وعمد وطرح ايران لاتقول فارسي بعد
اخضر صافي ظهر وعمد وطرح ايران هههههههههههه بعد قل فارسي..
طيب ابسألك وليه طيور منغوليا اكثرها فارسيات وهي تطرح بمنغوليا.. ابختصرها لك انت تعرف وشو الفارسي؟
على العموم الله يرزقك يابن سعود الطير كل مافيه طيب

[محمد ابن سعود]

فارس اخو ايران ههههههههههه والله يجزاك خير ،،،

[قرناس الضويلع]

حسب معرفتي الفارسي يجي مقاسه صغير وبدون دعوج

[سليمان99]

إذا قيل فارسي فهو الإيراني هذا الصحيح

[أبو فااارس]

اللي مايفرق الطير الفارسي من الشمالي واللي يطرح بايران لايجي يعلمني .. ياراع الطير انت ليه تقول طيرك فارسي وهو مدعج وبه رش بظهره الحاجه الثانيه ليه تعرض طيرك وتقول الوحش للبيع وهو مدهل ومدعي خابر الوحش اللي مافك سبقه حتى طريقة عرضك للطير غلط لاهو فارسي ولاهو وحش ..

[حرة البقوم]

اللي مايفرق الطير الفارسي من الشمالي واللي يطرح بايران لايجي يعلمني .. ياراع الطير انت ليه تقول طيرك فارسي وهو مدعج وبه رش بظهره الحاجه الثانيه ليه تعرض طيرك وتقول الوحش للبيع وهو مدهل ومدعي خابر الوحش اللي مافك سبقه حتى طريقة عرضك للطير غلط لاهو فارسي ولاهو وحش ..


كلام سلييم :good2::good2:

[فواز 2013]

السلام عليكم
ياربع ابصير ملقوف وبشارك معكم
انتو وش بلاكو على الرجال
الرجال ماقصر ذكر الموصفات الى يعرف وارسل الصوره وكلا يشتري على نظرة عينه ان شاء الله يقول الطير اصله امريكي
هاذا عرفه .. انت عليك من نظرتك وبس
وبعدين يدخل عليك واحد يقوم يتفلسف بعرف الطير وهو من جنبها هههههه
وانتم اتحداكم تعرفون طرح ايران من كازخستان
( معليه لحد يزعل من كلامي )
طيرك طيب والله يرزقك ياراع الطير

[أبو فااارس]

اللي مايعرف يافواز يتعلم مافيها شي ماحد طلع من بطن امه متعلم الصح بين والخطأ بين

[فواز 2013]

جزالك الله خير
بس الي مايعرف يتعلم ما يتفلسف بعرف الطير
ولا فيه احد عالم في عرف الطير مهما كنت صقار و ممارس هواة الصقاره سنين
كل فتره تطلعلك معلومه او معرفه جديده
والصقور يوم يقولون فارسي او شمالي ما حد مبيضهن وخابر مكانهن
الشمالي عموما هو من ايران كازخستان باكستان ماتقدر تحدد اي دوله والفارسي كذالك
لاكن تقول اقرب شي له الدوله كذا توقعات
اضرب لك مثال احيانا يطرحون طير في منغوليا مواصفات وشكل الفارسي الى يقولون وهو من منغوليا ...
نفس الشي لما يقولون طرح الحماد هاذا حمادي
طيب من وين هو جاي . طير مهاجر من الشمال اي دوله الله اعلم ماهو مفرخ بالحماد هههههههه
صدقني بعض الصقاقير والاكثريه لو اجيب لهم طير حر تفريخ لتشوف العلوم الي يقول كذا والى كذا وهو تفريخ
ياااااكم مره مشت على صقاقير كبار بالمعرفه طيور تفاريخ ماهي اصيله والي يقول هاذا فارسي والى شمالي والى مدري وشو
مايكشفونه الا بعدين بعد ماينقلونه ويعرفون طبعه
العرف صح بالمواصفات بريشه ( لونه ) بمقاطعه
وشكرا للجميع

[صقارعزاااام]

الطير الفارسى هو الايرانى والايرانى هو الفارسى لان اايران تسمى بلاد فارس والرجال ماقال شى خطاء

[محمد ابن سعود]

قلت الى في خاطرك يابو فارس الله يجزاك خير على المعلومات الثمينه ،،، السلعه لي ومحد يشري وهو مغمض وانا اخوك وكلام فواز صحيح ورح للسوق وشف التفاريخ وانا اقصد بالوحش الى مشبوك في الخلاء مهب تفريخ مكينه مفروض انت تعلم ما تنتعلم وشكراً ....