المرور يرفض نقل ملكيه هيونداي h1 12 راكب بحجه عدم وجود 12 ولد لي [الأرشيف]

mreendoor

02/12/2013, 12:09 PM

السلام عليكم

الوالد توفى الله يرحمه وترك لنا فان هيونداي h1 12 راكب لدي 10 اخوه عملت عقد مبايعه باسمي وكافه الاجراءات لما ذهبت للمرور رفض نقل الملكيه بحجه يلزم وجود 12 ابن لي او مؤسسه فقط

مالحل معهم غير معقول اسس مؤسسه حتى اسجل الفان باسمي

انا سعودي الجنسيه للتوضيح

صياد الخبر

02/12/2013, 12:26 PM

السلام عليكم

رحم الله والدكم وبارك الله لكم فيما اخلفه لكم

نفس اللي حصل معاي اما ان يكون افراد الاسرة فوق العشرة او يكون بأسم مؤسسة

لكن واحد همس في اذني عن الافة اللي اذتنا ونخرت عظام المجتمع اللي هي ( و )

يقول يسلكها لك بشربة شاهي

قلت الله يغنينا

اعانك الله

abahal

02/12/2013, 01:05 PM

عقبال هالشرط يحطونه بالجمس والصوالين مسوين زحمه بالبلد والعدد بالسياره اثنين

abo naser 1

02/12/2013, 01:06 PM

الصحافة 15

02/12/2013, 02:07 PM

شريت فان من مزاد الحرس وقال ماينقل باسمك وما خليت واسطه ألا ودخلتها في الموضوع وبدون فائده والسيارة واقفه لها خمس سنوات بدون نتيجه

التعـ King ـديل

02/12/2013, 05:17 PM

مصخره سياره عائليه مااقدر انقلها بااسمي الا لازم عندي 12 ولد ولا بااسم مؤسسه

سلفاريو

02/12/2013, 05:27 PM

عقبال هالشرط يحطونه بالجمس والصوالين مسوين زحمه بالبلد والعدد بالسياره اثنين
والعوائل وش تبيهم يركبون دباب .ههههههههه

سمر قند

02/12/2013, 07:36 PM

نظام متخلف

sameer_1798

02/12/2013, 09:36 PM

الله يرحمه ويغفر له
وياقلب لاتحزن الله المستعان هذا اللي حاصل من انظمتنا الى متى هذا الظلم وفي الاخير يمشي سوق الواسطات ومكاتب التعقيب طيب ليه التعقيد على المواطنين .

راعي الجيوب 1

02/12/2013, 09:44 PM

هذا من الا نظمة الفاشلة لتكوين نظامية

الي صار حاربو اهل الديرة بها النظام صار المتخلف يشتري باص ويسجله بأسم موسسة ب 500. ريال بالشهر ويله اعث في الارض فساز الفجر عمال بعدها مدارس واخر الليل ينقل !!! الا من رحم الله

نعم كلامك في محله لأسف الباص مع الأجنبي يسرح ويمرح بنقل الطلاب لحسابه الخاص كان الله في عونك

اسدهم

03/12/2013, 08:39 AM

خلة علا اسم الولد وجددالاستمارة وسو تفويض من اشرطة او من المرور بقيادة داخل وخارج المنطقة الانت فيها وشولة تنقل اذا هي كذا ونا والله صادز اذاكان الاسم مطابق الاسم الاب اشوف مافي شي يعقد عند اتفتيش

abahal

03/12/2013, 12:49 PM

والعوائل وش تبيهم يركبون دباب .ههههههههه

ركز باخر كلامي قلت العدد اثنين
انا ساكن بعماره كلهم جموس وسكويا وعدد افراد العايله لايزيد عن ثلاثه هذا غير معارفي واقاربي بالكثير 4 واغلبهم صغار

ن م ر

03/12/2013, 10:12 PM

هذي سياسة المغفور له

الله يكون بعونك

بيك اب 4X4

03/12/2013, 10:30 PM

نظام المنع مافي اسهل منه عندنا
صار حادث سكروا التقاطعات بصبات و حطوا مطبات
واحد يغلط يعاقبون الكل

اجل ممنوع تحط باص بأسمك !!
والله مهزله

بائع الحوض

03/12/2013, 11:42 PM

أعرف واحد مشتري نفس سيارتك موديل 2013 وعنده ولدين بس بدون واسطات

ماخذها تأجير منتهى بالتمليك

كايد

05/12/2013, 05:59 PM

اخوي ما حددت أي مدينة أنت !!!!
لانا صرنا في بلد كل مدينة تختلف عن الثانية
روح للمدن اللي مافيها فحص او المدن الصغار
أو دور لك.معقب مرتب ويزينها لك
كان الله عونك وعون الشعب كله
الأنظمة ضدنا
الوضع ضدنا
كل شئ ضد المستهلك الضعيف .......عسى الله يزينها من عنده .

4x4ofroad

06/12/2013, 01:00 AM

ركز باخر كلامي قلت العدد اثنين
انا ساكن بعماره كلهم جموس وسكويا وعدد افراد العايله لايزيد عن ثلاثه هذا غير معارفي واقاربي بالكثير 4 واغلبهم صغار

الله يرزقهم ويوسع عليهم
ياخوي شكلك تبي نظام اشتراكي كل واحد يسكن على قده ويركب على قده وياكل على قده
اذا الله منعم عليهم ويحبون المواتر الوسيعه فهذا شأنهم

mreendoor

06/12/2013, 04:32 PM

اخوي سفاري سوبر (http://www.mekshat.com/vb/member.php?u=266547) ارسلي رقم جوالك على الخاص مااقدر اتواصل معك بسبب عدد مشاركاتي

mreendoor

06/12/2013, 05:29 PM

انا موجود في بريده والسياره مفحوصه وخالصه سواء مخالفات او نقل او غيره من رسوم واستخدام عائلي يوجد معي بطاقه العائله فيها عشره اشخاص كلهم اخوتي سعودي الجنسيه اذا احد يعرف معقب او طريقه يرسللي على الخاص مع الارقام للتولصل لانى مااقدر ارد بسبب عدد المشاركات

iOS

07/12/2013, 02:14 AM

نظام متخلف

والله انك صادق

الكعمي

07/12/2013, 11:08 AM

يعني اذا بشتري باص اربعين راكب لازم يكون عندي أربعين ولد

اذا تبي تمشي أمورك خرخش يعني ادفع؟؟؟ الله المستعان

أبي عبدالله

07/12/2013, 11:38 AM

sameer_1798

07/12/2013, 01:11 PM

جب ورقة اعاله واثبات هويه ودفتر عائله
يثبت صلة قرابه ومزكي وشهود

الله يرحم الحال

وبعدين تعالوا الاجانب اللي ينقلون المدارس باصات نقل

من وين لهم نقل الملكيه باصات يطاردون كل جهه

سوال من اين لهم ......................!
لاياخوي هذولا مسجله باسم شركه او باسم سعودي عنده عقد توصيل عمال ويشتغل لحاله او ياجره على احد

mreendoor

07/12/2013, 07:11 PM

حتى الان ندور طريقه لنقل الملكيه ببريده اذا احد يعرف

ABUAZIZ

07/12/2013, 10:36 PM

الله يرحم والدك

اذا بتستعمل انت مهب سواق .. خله باسم الوالد ماهنا خلاف ان شاء الله

الحيسوني-

07/12/2013, 11:03 PM

يا خوي رح لمرور البكيرية او عيون الجواء ولا تشرحلهم انه فان و١٢ راكب
وخابر فيه معرض بعين الجواءينقل السيارات الصغيرة بدون فحص مره يمكن يدبرك ( المعرض قبل بنك الراجحي اللي بالعيون)

ولا تحاول تنقله بمرور بريدة لان بحياتي ما شفت مرور اعقد من مرور بريدة

البناوي 12

07/12/2013, 11:38 PM

شرط غرييييب فعلا،،، تقول شاري طياره ،، كان الله بعونك ،،والللي ينقلون الطالبات والمعلمات وشلون سوو؟؟؟

bigboos555

08/12/2013, 12:40 AM

لا اله الا الله محمد رسول الله

الحيسوني-

08/12/2013, 02:06 AM

شف انت سو اللي قلتلك وردلي
وانا خابر واحد يمكن يقدر يسويها بس تراه ياخذ فلوس ويلطع بالوقت يعني يمكن تاخذ معه اسبوع او اسبوعين الاوراق

San Francisco

08/12/2013, 02:07 AM

هذا الي بالمرور إنسان غبي ألفان هونداي لوحته خصوصي يعني ماله دخل بعدد الركاب
رح لمرور عنيزه وأسكت لا تقول عيو حقين بريده ولا شي بس خل أوراقك كامله وإذا قالولك ماينقل قله أبي أشوف التعميم حق منع نقل الملكية للفانات

الحيسوني-

13/12/2013, 10:08 PM

وش صار عليك نقلة السيارة

mreendoor

14/12/2013, 08:13 PM

تم نقل السياره بفلوس 1000 ريال من 3 معقبين والسبب انه الوالد الله يرحمه مسجلها باص 21 راكب اليوم استلمت الاستماره باقي اللوحات الله يعين وان شاء الله مايمر على احد الموقف هذا

الخطأ من المرور ونحن من يدفع ثمن تصحيحه والله المستعان

الكعمي

14/12/2013, 08:43 PM

قلتلك خرخش وتمشي أمورك

بريق الحسام

14/12/2013, 10:38 PM

والله الحسد خوفتهم يترزق أحد من رزق الله ...خلوا العالم يكدون على عيالهم حسبنا الله ونعم الوكيل!!!!!!