مساعده في اختيار جيب عائلي قير عادي

[نايف المطيري5]

بسم الله الرحمن الرحيم

لا اجيد المقدمات وبدخل بالموضوع على طول

انا رجال راعي بر فـ نويت اني اشتري الربع باترول وقررت والحمدلله قدرت اوفر الميزانيه

لكن بعد تفكير عممييق جداً ب الاهل وجدت ان الربع بوه ضيق وانا رجال بفك الربع 5 سنين قدام ف صعبه جدا
واقلبها يمين يسار مار ماش الشكل والقوه ماعليها كلامم لكن الكلام على الوسع

احترت وش اخذ موتر للبران وما يقول لا مثل الربع .. قلت مالي غير بطل الدروب لكن الدبل موعصا ف تقل ماش ما ينحط ع يمناك .. وقالو لي انه مو للبران وتلعب به بالشعبان موتر بالعربي حساس

وانا ابي شوركم ي الرجال هل الموتر ينشدبه الظهر بحكم اني بعد ابي قير عادي 2013 .. ولا اي خبرا (صبخه) تبلش به ولا ارضن سكريه تقعد انت والموتر

اتمني منن الكل المشاركه ..

[N.m.a]

خلصن مواتر البر .. الله يعين يارجل

[حطاب الشمال]

يانايف عدل العنوان

هداية الله ثم شوركم ماهو شوركم وهداية الله

[الخالدي999]

اخوي شوري لك تطلع الامارات وتأخذ لك باترول طويل اربع بيبان فتك الشكل القديم تراه حليو وعملي يكفيك انه دفرنس قدام مو فليور مثل الجيوب الجديده وانت اساسا متجه للباترول الله يختارلك الخيره الزينه

[ابن صبر]

اخوي شف الباترول الشكل الجديد xe قير عادي بس الدبل فرار وست سرعات غير الريوس اصلا هو مخصص على ما اظن للبر

[تركي98]

مايبيلها تفكير ..انت ياخوي عاجبك الباترول (مثلي) فا خذ لك فتك طويل 4 بيبان وتراه مهب بعيد عن الربع بالعكس ازين وسيع وياخذك انت واهلك وقشكم ومن يعز عليكم :)
ونشيط ويبيض الوجه ..وقليل خرابات بعد توفيق الله .. انا معي فتك 2007 طويل ومرتاح ولله الحمد..والله يكتب لك الي فيه الخير.

[قايد النيسان]

موجود طلبك
اخوي موجود فتك 2014
الشكل القديم بس صالون بابين وموجود قير عادي دفلوك وثلاجه ومكيفين
وسعره مقارب ل الربع وهذا شوري
افضل ممن بطل الدروب في البر

[أبلج]

هداية الله ثم شورنا

وأنا أشور عليك مادام انك صاحب عائلة وفي نفس الوقت لك رغبة بالنيسان انك تاخذ فتك اربع ابواب تراه موجود منه جديد 2013 و2014

وقير عادي

[مكشاتي اصلي]

السلام عليكم
أنا أشور عليك تأخذ فور تنشر تويوتا قير عادي ٦ سلندر و خفيف و يبيض الوجه و يشيل العائلة

[التعـ King ـديل]

فتك صالون قير عادي ولو يكون فتحه ودفلك بتكيف

الافضل تاخذ 2009 سفاري 2 قير عادي فتحه دفلك خليجي وراح تدعيلي

[sgl2002]

مايبيلها


اطلع العربيه بالامارات عندهم فتك باترول ٢٠١٤ الشكل القديم
فتحه دفلك مثبت سرعه قير عادي مكيفين وثلاجه

طقه يامال الغناة ماعاد بقاء موتر بر مريح وقوي غيره

[Spank]

toyota FJ Cruiser

[ثورة الشك]

اشور عليك خذ جيب تايوتا نفس شكل الربع لكن 4ابواب يشيل حول9اشخاص وشكله ممتازخاصه اللي يجي منه رفرفوسعره حول سعرالربع العادي

[5200]

ياخوي تقارن بطل الدروب بالباترول الشكل القديم مقارنه خاطئه لا من ناحيه الشكل اوالقوه اوالمركب...... اركب بطل الدروب وتعرف كلامي هذا خذ بطل الدروب وانت مغمظ شيخ ما شاء الله وبعدين انت دافع فلوس فليش تاخذ شكل قديم حرام وبعدين الشكل القديم خمس سنوات وتمل شكله لكن بطل الدروب شكل جديد ومركب وقوه وفخامه من داخل القديم داخليه اسود وهذا داخليه جملي فرق واضح وبالنسبه للصيانه الان تساوت انا موضب فتك 2003 ب 6500 ريال وواحد من الربع موضب باترول موديل 95 ب 6000 ريال خذ الجديد بيفرق بالصيانه شوي بس يستاهل والله يكتب لك الخيره ويوفقك .

[ابوسند9]

وعليكم السلام
اخوي نايف
انا ارشح لك بطل الدروب قير عادي وسياره ينشد بها الظهر وموديلات 10 و11 و12 و13 للان ما سمعنا عنها اللى كل خير وهذاها مع كثير من زملائي
صحيح الفتك ممتاز لكن الصراحه اللي يجرب الباترول الجديد الصراحه فرق السماء عن الارض
واذا طلعاتك للبر واجد ركب جنط 17 وبلون وياي استرالي من الرمايه من شان يرتفع شوي وانبسط
ولو تسير على رابطة الباترول الجديد افضل
والله يكتب لك اللي فيه خير

[ريف النشامى]

بالنسبة للعربية كلمتهم ما عندهم حاليا فتك

و سعره يقولون ١٤٩ شامل المقاصة

طبعا سفاري فتك قير عادي فدلك ثلاجة فتحة كشافات ريموت cd

[حسين السبيعي]

اشور عليك خذ جيب تايوتا نفس شكل الربع لكن 4ابواب يشيل حول9اشخاص وشكله ممتازخاصه اللي يجي منه رفرفوسعره حول سعرالربع العادي

انشهد انك صادق وان اختيارك صايب ؟؟؟ واسم موديله هو لاند كروزر76 وسعره عند ابو جميل 125500 والفضل انك تخذه من سعود بهون وكيل تايوتا في عمان مواصفاته احسن يجي ونش +جنوط + دفلك+رفرف

[abo naser 1]

انشهد انك صادق وان اختيارك صايب ؟؟؟ واسم موديله هو لاند كروزر76 وسعره عند ابو جميل 125500 والفضل انك تخذه من سعود بهون وكيل تايوتا في عمان مواصفاته احسن يجي ونش +جنوط + دفلك+رفرف

فرق السماء عن الارض هذا كنه سكه سد لا شكل لا رساوة لا تعليق لا مركب ولا مميزات
مناسب لعمال شغالين بشركة طرق ما اقارنه ابدا بالفتك الصالون

[aliooooo]

ترى القير العادي في التويوتا الجديد معاد هو على خبرك

فنصيحة لوجة الله من شخص عندة قير عادي تويوتا 2011 حاول تبتعد عنه قدر الامكان الشركة صار تركيزها على الاوتو والعادي صار شيء ثانوي وصناعتة اي كلااااام وخرباتة واااجد من كلتش وتروس واشياء ماكنا نسمع بها في تويوتا