امتع السيارات في القياده

[ماء نوفا]

السلام عليكم
اخواني بغيت آخذ رايكم في امتع قياده للجيوب في اﻷسفلت والبر
يعني ماهي السياره الممتعه قيادتها
وشكرآ

[.. PATROL ..]

في البر انا اشوف الباترول من 97 وتحت

[sgl2002]

البترول بأنواعه
وكلامي عن تجربة عدة سيارات بر لم أرى امتع وافضل من الباترول في الخفه والرساوة والراحه

[الفنطاس]

جيب لكزس ٥٧٠ افضل سيارة في القيادة في البر والاسفلت

[التعـ King ـديل]

بشكل عام الباترول من 97 الى 2014 وخاصه الفتك 2005 - 2009

خاصه لا جاك سفاري 2 فتحه كلام كبير :good2:

[بائع الحوض]

اللي يجرب الدوج مايرضى بغيره

شي عجيب !

[بدوي جنوبي]

نعم جيب لكزس :good2:5700

[GMC79]

جيب لكزس 570 الله يرزقنا

[صياد الاحساء]

بترول٩٧ وتحت

[San Francisco]

g55 افضل جيب للبر والديره نظام تعليق لا يعلى عليه مكينه جباره

[جديعان]

افضل سياره كمتعه وتحس معك رجل fj40 84 MvlCbYaF2RE

[ملك الفكتوريا]

للجيوب جربت الباترول 2003 رهيب ما شاء الله

الله يهني اصحابه به

[التمسساح]

امتع شي اذا كان الجيب ماهو حلالك تحس متعه وتاخذ راحتك ههههه

[((ابوملاك))]

^^^
طيعني جلدم مهو جلدك على الشوك جره

ياعسى مايصير عندي خوي زيك واعطيه موتري

انا عكسك ارتاح بموتري لا اخذت موتر غيري اخاف يجيه شئ

[الحربي 591]

فيه سياره من المارسدس ضخخمه دفع سداسي
هذي منتازه

[ابوكشتات]

باترول بانواعه

[hamido]

باترول ونيس بالحيل لوسيع الصدر

[نواف685]

بالبر. اشوف الربع التويوتا من 2000 الى 2014. وخاصه السعودي به خفه نفس مايحسون به الا اللي استخدم السعودي

[لهذام]

الرنج روفر جربته فالطريق فقط وماجربته بالبر
من افضل السيارات اللي إستمتعت بقيادتها .

[speed62]

لكزز570:good2::good2: الله يهني ملاكه فيه

[ماء نوفا]

يعطيكم الف عافيه على التفاعل
انا عن نفسي جي اكس 97

[فراس الدوسي]

الجي اكس من 99 الى 2007

جربت 99 2000 001 002

واتوقع الباقي مثله

[Spank]

صعب التحديد كل واحد ورايه

اما بالنسبة للي لكزس 570 ونيسان الجديد محرك 400 حصان بنظام الهيدروليك

[مهند 2009]

اكستيرا قير عادي ( قير عادي فقط)

أمتع موتر سقتة بالزفلت و الرمل

أقوى الجيوب الشائعة لحد الان

أسهل المواتر قيادة كلتش خفيف + تعشيقات سهلة + تتحكم فية بالرمل والزفلت بسهولة

[دانفوس]

الباترول......

[الكابتن]

الرنج من موديل 77 الى 2014 كمتعه قياده لايعلا عليه اما الاعتماديه من الاعطال ( الحرنه) فمتوقعه بأى لحظه

[escape_man]

الباترول من 2003 - 2009

مكينة فتك - قليل صيانة - دفرنس امامي يعطي متانة وثبات اعلى من بقية السيارات

وعلى قولتهم القلب وما يهوى .. افضل مواتر البر الجموس دفرنسين قديمها وحديثها

لكن يعيبها الصيانة فقط. ولا القوة ماراح تلاقي مثلها.

مثل هالمدرعة الي على اليسار بالصورة .. ماعمري استمتعت بموتر بالبر مثلها

https://fbcdn-sphotos-b-a.akamaihd.net/hphotos-ak-frc3/527574_400209363350147_371482969_n.jpg

[صياد الخبر]

بالطريق بدون رفاهية ( الكابريس ) من 86 الى 90 فقط

بالبر الشيخ ولا حقران بحد الشاص اشهد انه وحش

وفي جيب باترول ابيض هدد نزل 2007 ( الهدد معنا عندي انه الاقرع ستاندر اللي بدون مواصفات )

بصراحة من ام رقيبة لين الخرخير اقطوع رحلة مع الحفر والمساحة لا يعلى عليه .

الانظم الجديدة اللي تجي فرار بالطبلون وغيرها لم تفلح ( على الاقل في شغلنا ) مطامر الشهر كله من قيعان لقيعان .


من واقع تجربة عشر سنوات مع شركات الحفر والارقوق وتجربة اكثر من نوع دفع رباعي وسداسي

بالتوفيق

[الذئب الاليف]

باترول
اهم شيئ قير عادي متعه بالبر

[عاشق الحريه]

جيوب تايوتا وجيوب النيسان في البر كايفه ويعتمد عليها بعد الله

[الحيسوني-]

امتع سياره بالقياده لازم لها شرطين
1) انها تكون رفيعه يعني مثل الهايلكس والددسن ما تكون رفيعه واجد
والشرط الاساسي
تكون ما حسبت حسابها ( سياره داخله عليك ببلاش)

[ابوسند9]

وعليكم السلام
كل سيارات الدفع الرباعي ممتعه بالقياده بالبر
لكن تختلف القياده وين؟
اذا والله الارض وعره فا الباترول الفتك رقم واحد وخاصه اذا كان عليه بلون والهواء 15
بعده يجي الباترول بجميع فئاته
بعده الاف جي
بعده مجموعة اللاند الصالون
اما الخطوط فا الالماني بجميع فئاته والباترول الجديد
اما الشاص التايوتا والربع مافيه متعه لاخط ولا بر

[ALBDRANE]

كانك راعي بر بجد أنتبه من ابو استبنه تحت ولا عليك .....

[شمســـان]

امتع سيارة بالبر هي السيارة اللي ماتخاف عليها..
يعني سيارة اللي تخدمك ماهي بالسيارة اللي انت تخدمها
فهمتوا علي ؟؟؟؟؟؟

[ل ي ه 570]

جيب لكزس 570 سياره ممتعه مشالله بكل المقايس

[sgl2002]

يارجال جيب لكزس اضحوكة على الناس
ركبته صراحه ماشفت شي يستاهل ٤٠٠ الف

[الفكتري]

افلانش وبس

[ortiga]

FJ ممتع جدا

[منفلوط]

fj قوي جدا بس يهج فيييك سلام سلااام

[casper2013]

على كثر ما ركبت مواتر دفع رباعي بصراحه
ماارتحت في مثل التندرا لا من المركب ولا من النشاط
ماشاء الله تبارك الله
غير كذا رحابة المقصوره مع وضوح الرؤيه من جميع النواحي
طبعا فيه سلبيات من ناحية صعوبة الإلتفاف وطول الشاص لاكن فيه ايجابيات اكثر تنسيك السلبيات


وفي قديم الزمان ههههه
جمس قطع 10 يالربع عليه مرتبه وطربة شكمان بس مشكلته لا تبعد عن الديره هههههه

[NissaN 1990]

الباترول قير عادي سواء ربع أو أربع أبواب
الجموس القديمه موديلات ال 80 ونازل
هذي اللي جربتها شخصياً
والخط كدلك دفع خلفي موديلات 92 ونازل

[حبل الوريد]

الي ما جرب الهلكس الغماره بالقياده لا يتكلم عن " المتعه"

[فهد-بوعبدالله]

الاف جي متعه في القياده لايعرفه الا من امتلكه

[أبو الوليد 14]

في الرمل كل المواتر ممتعة
لو افيو واكسنت اهم شي ارفعها ونسم لها

انا جربت االاكستيرا قير عادي ممتاز و ممتع واحسن شي انك تشد من تحت الطعس ما يحتاج تجي مسرع

[حبل الوريد]

ايه صح كلامك يعطي احساس انك في مالاهي من كثر المطامر و من قوة البريكات تحس انك راكب فيراري.
تتكلم من جد؟
عندنا هايلوكس 2001 يا اني اكرهه و اكره الغبي اللي صنعه.
مناقز
بريك مافيه تحس انك في فلم مصري الكفرات بس تصارخ في كل لفه والله اني استحي اسوقه يحسبوني افحط و انا رجال كبير.
مافيه ادنى مواصفات الرفاهيه حتى عاكس في المرايه اللي بالوسط مافيه.
فيه عزم صح ولاكن مافيه اي شي ثاني غير العزم

خخخخخخخخخ طيب هد اعصابك جعل والديك للجنه
قصدي السواقه فالنفود واللعب

[ماء نوفا]

يعني امتعهم صار الباترول ماشاء الله عليه

[راعي الجيوب 1]

بكل أمانه البترول في أنواعه وخاصه الفتك
اما اليوم ما فيه افظل من قياده البترول 400 حصان ما يرده شي
ثبات قوه مشي بالخط
مشاء الله أتكلم بحكم تجربتي له من نزوله
تحياتي

[سقم المعادي 1]

اللاند 2007 وتحت شييييييخ

والباترول 97 و تحت

[- النشمي -]

اللاند من 2007 وتحت فعلا ملك

الفتك امبراطور في المتعه على الرمل

والجمس القديم وحش ماشاء الله عليه


هذي المواتر الممتعه بالنفود


اما التاليات فحدها عيون القطط سواء اللاند الجديد او الباترول الجديد اللي كنه سيكويا
بصراحه خربوها اليابانيين وزادو وزنها فوق الطنين ونص لو تنقزه نص متر طب على وجهه وتكسرت صداماته وطبلونه

[- النشمي -]

نسيت الشيروكي القديم منقزينه ثلاثه متر ولا قال شي وخفة الوزن تلعب دور
والباجيرو منقزينه مترين ونص ولاقال شي ماشاء الله على ملك الصحاري
اما الوحش اللي اسمه الرابتر فهذا طاير في الهوا على ارتفاع اربعة امتار وطب ولا جاه شي

هذي ثلاث مواتر ممتعه في النفود اضيفها للاند القديم والفتك

[عاشق الددسن92]

بطل الدروب ما فيه غير:good2:ه

[الوباله]

بطل الدروب بلا منافس

[زياد علي]

بعد تجربة باترول 1992 خط وبر وديرة

[اسبيدر مان]

بنسبه لي سيرا 2011 غماره
جربته وكان رائع وممتع وصوت يهيض الله يهني ملاكه فيه يارب

[najdi]

بالنسبه لي عندي جيب 2007 مثل هذا
http://img1.haraj.com.sa/userfiles30/2013-12-20/52b3740690478.jpg

في الطريق يمشي حاله خصوصا اذا كنت ما تحب السرعه..
اما في البر فهو ثقيل جدا يعني طعس طوله متوسط ما اقولك كبير انسي تطلعه لكنه ممتع ..
هذي تجربتي..

[يالبى الهلا]

النيسان ملك الصحراء بلا منازع

[يالبى الهلا]

ومن ثم الفكسار ماعليه نشيط

[s3ed]

g55 افضل جيب للبر والديره نظام تعليق لا يعلى عليه مكينه جباره

السلام عليكم

اخوي تتكلم عن تجربه ولا عشانه مرسدس


ال g اقسى سيارة متعبه لاخر درجه

[الوباله]

الباترول الجديد ملك الدروب
ابداااااع في الخط والبر والديرة
شي عجييييب

[النجم السيار]

التاهو :f:l:s:c:lr

[قناص مزاجي]

بترول 88-97

امتع قياده

[الجارح2014]

انا معي باترول 2004م سفاري 2 من 6 سنوات استخدمه في البر والاسفلت والحمدلله ممتاز جدا

[مطر وسم]

الفور تشنر قوي وخفيف ومريح ممتع بالخط والطعوس والشعبان

[tiger.anas]

انا من عشاق اللاند ..

لكن الباترول الجديد غيرر بالخط والبر موووتر يستاهل كل قرش

[تصر يحات]

خذ هدد جديد بتستانس تحس انك ملك

[عالم مجنون]

راي انا ان اغلب السيارات الجديده وخاصه الاندكروزر والباترول والبرادو انسبها

[::الراصد الجوي::]

خذلك جيب لكزز ٥٧٠٠ او جكسار ممتاز في الاسفلت والبر

[ابونبيل]

وش الفايده من الموضوع كل واحد قام يدعدع بموتره
وبتسوي لنا مشاكل بين المتعصبين 😒

[سيف الظفير]

من تجربه جيب لكزس 570

وجيب فكسار 2014 و 2013 5700 سبير علاق كلالالالالالالالام كبير وافضله على اللكزس

[معاند2000]

الجيب نيسان وبعده الجيب المرسيدس

[albarraq44]

الووووحش باجيرو قاهر المستحيل وملك الطرق الوعره
وعلى الأسفلت رساوه عجيبه ماسك بالاسفلت بيده ورجله ماشاء الله
إبدااااع وتقنيه يابانيه منقطعه النظير .

[ابشرو بالسيل]

الباترول 400
من جربه بيعرف معنى متعة القياده
اما في التطعيس والنفود الاكستيرا كلام ثاني :good2:

[ماء نوفا]

وش الفايده من الموضوع كل واحد قام يدعدع بموتره
وبتسوي لنا مشاكل بين المتعصبين 😒

اهم فائده فيه مرورك يالغالي

[تميم2222]

والله بنسبه. للقديم عندك 2007 لاند حلوه قيادته. اما الجديد فباترول بلا منازع.

[راديكالي]

غراند شيروكي الأمتع في القيادة على الإطلاق