تعرفون الحطب؟؟؟

[المجد]

السلام عليكم
يا اخوان سؤالي عن الحطب اذا جيت تشتريه وشلون تعرف هو رطب ولا يا بس تعرفون الرطب غثيث ما يشب مره قمت مع اذان الفجر حاولت اشب بالحطب اللي معي لكن طلع رطب ما شب زين الا الساعه ثمان الصبح بدون مبالغه مع اني شاب بمسدس الغاز وخلصت الدبه الصغيره وغيرتها من ذيك المعاناة وان السؤال هذا في بالي بعض الناس يقول اذا صار خفيف تراه يابس واذا ثقيل تراه رطب لكن بصراحه هذا مهوب دليل ابغى دليل اوضح ولكم الشكر بعد شكر الله اولا واخيرا.

[المجد]

25 قارئ ومافيه رد وين اهل الحطب؟؟؟

[عبدالعزيز الدباسي]

حياك الله اخوي المجد

واسمحلنا اذا كان مافيه احد يعرف بالحطب ،، تعرف نتعلم من التجارب .

شف يالغالي اذا شفت الحطب ناشف تراه يابس :D :p ، امزح معك يالغالي .

الظاهر إن كل الدعوى توافيق من رب العالمين ،،، حتى اللي يبيعون الحطب الظاهر ما يعرفون الفرق بينهن لان الاشجار تختلف من بعضها ، ففيها ما ييبس بسرعة وينشف ، ومنها اللي يغثك ولا ينشف ابدا ويبتل يدخن .

لكن مسألية انك تبي تشب من الفجر وجت الساعة ثمان ولا شبت ،، هذا فيه كلام ثاني :mad:

لانه يالغالي المشب اللي معك اللي على شكل مسدس ، اللهب حقه كافي بان يولع نارك حتى لو كان الحطب ينقط ماء ،،،،

لكن يمكن الطريقة ما كانت موفقه ......

واذا بغيت يالغالي تشب حطب حتى لو كان رطب ،،، لازم تجمع بعض (المقابـــيس) وحاولت انها تكون صغيرة وناشفه واذا ولعتبهن حط من الحطب الصغار على شوي شوي ،،،، ودائما حاول اذا بغيت تشب انك تركز على اسفل الحطب ، يعني وجه اثم الغاز الى اسفل الحطب .....

وتقبل تحياتي

[الخبير]

السلام عليكم
للاسف مافيه دليل واضخ لرطوبة الحطب إذا إذا شبيته. لكن تقدر تعرف انه رطب مرة إذا كانت الرطوبة واضحة على السطح الخارجي.

[راعي عنيزة]

الوزن مهب مقياس لان السمر والسيال متشابهين في الشكل ومع ذلك السمر اثقل وزن ومع ذلك هو الاجود !

ريح بالك واشتري حطبك بالصيف او اول الشتا اضمن لك وارخص بكثير

واحب انبهك لمسدس الغاز تراه خطير خطير خطير واعرف عدة اشخاص انفجر فيهم فانتبه لنفسك ياخوي

[المجد]

السلام عليكم
يا حبيلك يا الشقردي على هالمزحه وقفت شعر راسي , واشكرك على هالطريقه للشبه بصراحه ماسويت كذا ذيك المره انت خابر ذابحنا البرد بالنفود , واخوياي تقل جنايز بالفرش ما تسمع الا هالفخيخ هذا يرسل وذا يستقبل...شكرا لك.
اخوي الخبير..بارك الله فيك..شكرا على المشاركه.
اخوي راعي عنيزة ..ياليت عندي مكان اشتري في الصيف لكن الله يخلف علينا حنا سكان الشقق..يا رجال قل يا معين , بس مسألة ان مسدس الغاز ينفجر ذي والله تخوف شكلي ابجدعه بالزبالة بعد هالكلام...الله يحفظنا واياك من الشر واخوانا المسلمين , شكرا لك وللأ خوان على الاهتمام.

[عود رمث]

السلالالالالام عليكم

ما عليش أنا مستعجل فاعذرون

إذا شفت الحطب ناخره الدود فهو يابس .. يعني تشوف به خروق تقل مضروب بشوزن ويطلع منهن مثل البودرة == وعلى مسؤليتي == .. إن شريته ولا صلح لك رجعه لي .. بس بشرط ما يصير جايه ماء من وقت قريب ..

وجرب واحكم .

ثمن علمن وش صار عليك ؟

-------------------
أخوكم الحطبه الصغيرة / عود رمث

[السمح]

حاول تاخذ جزء من قشر الحطب الخارجي ، وإذا انكسر بيدك فهو والله أعلم يابس وإذا كان يتمشع معك ولا يخرج اللحاء بسهوله فهو رطب ..
وفائدة ثانية الحطب المشلّق أفضل بكثير وبدون دخان من الأعواد الكاملة المستديرة لأنها تبعث بأنواع الدخان وعدم الولعة بسرعة ..
بالنسبة لي انا أستخدم مكعبات التوليع أفضل من الدافور ، وجرب وقل السمح ما يدري ..

أحلى تحية ..

[عروان]

مرحبا يا أخوان

اذا جيت تشري لا تستعجل مع البايع لف الحوش كله تمش تدور اليابس. تراه بيزهق منك وبيظهر لك اليابس من اقصى الحوش.

السمر اليابس القديم تلقى الارضه ماكلتة شوي. وبعضة تلقاه بدون لحا من اليباس طاح اللحا.

بس مثل ما قلت لك زهق البايع لين يطلع لك الحطب الزين.

تحياتي

[المجد]

الأخوان .. عود رمث .. السمح .. عروان ... اشكركم شكرا جزيلا على المعلومات القيمه وجزاكم الله خير.

[أيمن]

( لقد تم إضافة هذا الموضوع إلى المواضيع المميزة والشيقة في هذه الخيمة (http://www.mekshat.com/vb/showthread.php?s=&threadid=8691) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

[المجد]

شكرا أخي أيمن...

[عاشق الصفاري]

حاول تاخذ جزء من قشر الحطب ..فهو يابس ..زي ما قال مشرفنا السمح..

وان اليابس سريع الاشتعال ..والرطب يبغاله وقت علشان يشب..
وهذا الي عندي..
ومشكورين

[الجوني]

عندي لك طريقة وش حلاتها تشوف البياع حجر له بربعه وقله طلع لي الحطب المعتق الناشف ولا فقعت وجهك وقله ابزود لك لاتخاف وماعليك الا تنتظر دقايق وتلقى الحطب بالغمارة وش رايك صح فكرة:rolleyes: :rolleyes: ;)

[الجوني]

عندي لك طريقة وش حلاتها تشوف البياع حجر له بربعه وقله طلع لي الحطب المعتق الناشف ولا فقعت وجهك وقله ابزود لك لاتخاف وماعليك الا تنتظر دقايق وتلقى الحطب بالغمارة وش رايك صح فكرة :rolleyes: :rolleyes: :rolleyes: ;) :rolleyes: :rolleyes: ;)

[خشم الحصان]

الاخ الحبيب
المجد
السلام عليكم
ابشرك معكم وانا ناقص حسب علمي والله اعلم ان السمر اليابس ان له صوت اي خذ كم من حطبه
وارمها علي شي صلب واذا طلع لها رنه قويه فهو يابس اما اذا دبج كنه كيس شعير ماله صوت
فنحش عنه
والله اعلم
انبه لايصير بوصطه ماصوره ويغرك الصوت :D :D امزح معك
اخوك في الله
خشم الحصان
ملاحضه
الطريقه مجربه:good:

[المجد]

مشكورين يا اخوان ...

[googl11]

شل معك الدافور اللي زي الفليت وجرب وانت الخبير

[كانو1]

تدرون ليش الحطب اللي في السوق ما يشب ؟؟؟؟؟؟؟؟؟؟؟؟؟؟؟؟؟
ناظر الملف المرفق.
C:\Documents and Settings\عتيق\سطح المكتب

[كانو1]

ما أعرف ارفق ملف ريل أرجو المساعدة . وشكراً والله ورطة

[Abu Saad]

السلام عليكم
يا اخوان سؤالي عن الحطب اذا جيت تشتريه وشلون تعرف هو رطب ولا يا بس تعرفون الرطب غثيث ما يشب مره قمت مع اذان الفجر حاولت اشب بالحطب اللي معي لكن طلع رطب ما شب زين الا الساعه ثمان الصبح بدون مبالغه مع اني شاب بمسدس الغاز وخلصت الدبه الصغيره وغيرتها من ذيك المعاناة وان السؤال هذا في بالي بعض الناس يقول اذا صار خفيف تراه يابس واذا ثقيل تراه رطب لكن بصراحه هذا مهوب دليل ابغى دليل اوضح ولكم الشكر بعد شكر الله اولا واخيرا.

كانك تنشد عن الحطب اللدن .. يعني اللي مقطوع وهو اخضر:mad: ويباع وهو شبه يابس فهذا تعرفه بالخبرة والعين المجردة ... من مقطعه ومن وزنه في يدك ومن حفور الدود فيه وغيرها من العلامات اللي ماتاتي الا بالخبرة فقط فقط.
وكانك تنشد عن الحطب اليااابس اللي جايه رطوبه او مطر ... فهذا بين على شكله وكلها يوم يومين ويابس تقريباً وماعندك مشكله في شبوبه راح يشب على طريقتك في اول الموضوع.
والسلام عليكم

[كانو1]

عرفت أرفق الملف ..............

http://www.sa8r.com/download-2dc975a256.3gp.html

[نمر بن حثلين]

احسن وقت لشرا الحطب هو قبل دخول الوسم يعني بنهاية رمضان السنه هذي

ودور الحطب الباقي من العام وتعرفه بسهوله من الغبار ولونه اشهب وحفر النخر
وتضمن ان حطبك يابس 100%لانه حامسته الشمس كل الصيف وتكون شريت قبل يجي المطر الله يجيبه

[رقم9]

احبتي المكشاتية مشرفين واعضاء تحياتي لكم جميع وبالنسبة للحطب ومعرفته اسمحو لي ان ادلي بدلوي واقول وبالله التوفيق :ان معرفة الفرق بين القديم والجديد تكون بان الجديد يكون لونه زاهي ونظيف اما القديم يكون مغبر وغير نظيف ويكون اللحا زي ما قال احد الاخوة متكسر وطايح.ورأي احد الاخوان اللي قال اشتر من الصيف ارخص وافضل لك رأي سديد وفي محله واذا ما كان عنك مكان مهوب ضروري تشتري لك شحنة دينا او ددسن اشتر على قد الحيز اللي عنك في مكان اقامتك وازين شي في الحطب انه ممكن يحط في اي مكان يعني فوق الملحق او في سطح الشقق وبالنسبة لراي احد الاخوان في ان الحطب اللي ناخرته الارضه طيب اقول انها في الغالب تلعب في لب الطب لعب مما يجعله خفيف الوزن وسريع لااستهلاك ويرمد بسرعه
آسف على الاطالة وتحياتي للجميع اخوكم رقم 9
mz_20002002@hotmail.com

[(مواصل)]

اذا كان ارطى يكون الخفيف يابس
اما اذا كان سمر فهي صعبه حتى لو قشرت قشره

[راعي الجنوب]

شكرا لك وللأ خوان على الاهتمام

[ابوناصر111]

حاول تاخذ جزء من قشر الحطب الخارجي ، وإذا انكسر بيدك فهو والله أعلم يابس وإذا كان يتمشع معك ولا يخرج اللحاء بسهوله فهو رطب ..
وفائدة ثانية الحطب المشلّق أفضل بكثير وبدون دخان من الأعواد الكاملة المستديرة لأنها تبعث بأنواع الدخان وعدم الولعة بسرعة ..
بالنسبة لي انا أستخدم مكعبات التوليع أفضل من الدافور ، وجرب وقل السمح ما يدري ..

أحلى تحية ..



انا مع هذا الكلام

[نعتزبخدمتكم]

ترا الدعوه توافيق بعدين الي اعرفه شف الشلايخة الي فيه اذا مزعتها اذا انكسرت يابس

[عاشق الفرعه]

أنا مع عروان

[icom1969]

جيد وشى حلو والله

[ERIC7]

يا اخوان ترى الموضوع من 2003 يعني من ست سنين هذي فايدة مكشات
ناس راحت وناس جت والى الحين فايدة هاذي المواضيع موجوده جزيتم خيرا يااعضاء مكشات على مساعدة اخوانكم عند الحاجة

[أبو فهد ( 1 )]

أنا الذي أعرفه أن جذوع الإرطا تشتب وهي رطبه من تجارب بالنفود بس عيبه الدخان
؟؟؟ الموضوع قديم وشولون يبي يقرأ ردي صاحب الموضوع