المساعد الشخصي الرقمي

مشاهدة النسخة كاملة : جاري عارض علي VX-R 2005


مجنون عسل
09/12/2013, 10:44 AM
السلام عليكم ورحمة الله
اسعد الله اوقاتكم يالغالين
جاري عارض علي VX-R 2005 استاندر قير عادي ( بدون فتحه ولا دفلك ولا ونش ولا هيدروليك )
الموتر فيه رفرف يمين وكبوت غيره البدي وكاله
المحركات فيه اشياء استهلاكية
1- تهريب صوفة الدبل الاماميه والخلفيه
2- الفلانجات الاماميه
3- تربيط السيارة بشكل كامل لان فيه اصوات

المطلوب با الامانه بدون بخس كم يسوى ها الموتر وهو يقولي سوم وما راح نختلف

الاستمارة جديده الفحص جديد
أفلاطون العرب
09/12/2013, 12:37 PM
وعليكم السلام ورحمة الله وبركاتة

والله يا أخي الكريم حسب خبرتي المتواضعه

إن الجيب الفكسار القير عايدي مايكون غالي ابد

وسعرة يعتمد على نظافة المحركات والبدي بشكل عام .

ليتك ذكرت ممشاه كم ولونه .

طبعاً مافيه مواصفاة أبد يعني ممكن مايتجاوز 70 بأي شكل من الأشكال هذا كانه نظيف

هذا مجرد رأي قد أكون مخطي وقد أكون صائب .

والله يعطيك الف عافية
مجنون عسل
09/12/2013, 04:05 PM
يا الغالي افلاطون العرب رفع الله قدرك
والله حده حد 75 وانا سمته 70 كانك معي وقت ما اسوم
الممشى والله واجد شي 300 وقابل لزياده
الون ابيض واني شكلي با اهون با شوف لي موتر ثاني
سفير الحيا
09/12/2013, 07:59 PM
شف وأنا خوك الموتر 2005 وفيه رفرف وكبوت على قولتك وممشاه 300 وغير التهريبات !!

الممشى طيّب بالنسبه للموديل لأن 2009 الآن أغلبيتها تحصلها مشت 170 وحولها

لكن السعر للأمانه غالي شوي وأنت أبخص بجارك وعسى الله يوفقكم

بالنسبه لرأيي الشخصي لو تعرضه عليّ بـ 70 ماخذته

بعطيه سومه ان بغيت تعرف سومتي أكثر شي 65

آسف على الإطاله
سمر قند
10/12/2013, 06:00 AM
نصيحتي هون منه وشوف لك موتر ممشاه اقل من 200 ولو بشريه مابزود عن خمسين الف
مافيه
10/12/2013, 06:46 AM
يالربع تراكم كاسرين قيمته

قبل كم يوم واقف على نفس مواصفات الموتر 2003 خليجي جايه رفرف خلفي وباب راكب وباب خلفي ماشي حول ال400 محركاته شرط

وصل سومه في السوق 78

كان محركات الموتر المعروض عليك ممتازه و الضربة اللي فيه خارجيه ما اثرت على الرفرف الداخلي او الجسر وشغل الرش نضيف مابين على الموتر وداخليته نضيفه يستاهل حده وزود

طبعا كلامي على اسعار السوق
مجنون عسل
10/12/2013, 08:02 AM
شف وأنا خوك الموتر 2005 وفيه رفرف وكبوت على قولتك وممشاه 300 وغير التهريبات !!

الممشى طيّب بالنسبه للموديل لأن 2009 الآن أغلبيتها تحصلها مشت 170 وحولها

لكن السعر للأمانه غالي شوي وأنت أبخص بجارك وعسى الله يوفقكم

بالنسبه لرأيي الشخصي لو تعرضه عليّ بـ 70 ماخذته

بعطيه سومه ان بغيت تعرف سومتي أكثر شي 65

آسف على الإطاله


حياك اخوي سفير الحيا لكن انا نازل السوق 2005 اقل من 80الف ما لقيت
الرش اللي عليه بسبب صدمه خارجيه ما وصلت للعاير والا الاجزاء الداخلية
طبعا الرفرف مرشوش بويه بدون معجون لانه مبدله ام الكبوت فيه معجون خفيف
رائيك محل الاهتمام وسعدت بتواجدك
مجنون عسل
10/12/2013, 08:06 AM
نصيحتي هون منه وشوف لك موتر ممشاه اقل من 200 ولو بشريه مابزود عن خمسين الف

يا الغالي احترم نصيحتك بس الزين غالي اللي ممشاه حول 200 راعيه اقل من 100 الف ما راح يبيعه
رئيك محل الاهتمام و تحياتي لك شرفت متصفحي بتواجدك
مجنون عسل
10/12/2013, 08:09 AM
يالربع تراكم كاسرين قيمته

قبل كم يوم واقف على نفس مواصفات الموتر 2003 خليجي جايه رفرف خلفي وباب راكب وباب خلفي ماشي حول ال400 محركاته شرط

وصل سومه في السوق 78

كان محركات الموتر المعروض عليك ممتازه و الضربة اللي فيه خارجيه ما اثرت على الرفرف الداخلي او الجسر وشغل الرش نضيف مابين على الموتر وداخليته نضيفه يستاهل حده وزود

طبعا كلامي على اسعار السوق

بيض الله وجهك وكلامك صحيح وننتظر باقي الاخوه يفيدونا واسعدني تواجدك في متصفحي
الحيسوني-
10/12/2013, 08:27 AM
اذا هو حاده بـ ٧٥ وانت ما شريته ولا تبغاه ارسلي رقم راعيه
قطب 999
10/12/2013, 08:32 AM
سعره زين 0000
ذيب زلفاوي
10/12/2013, 10:57 AM
زود خمسة الاف احسلك من الفرفره بالمعارض وتطيحلك بواحد ينصب عليك. وجارك يستاهل
فهد 003
10/12/2013, 12:39 PM
انا بايع موتري جي اكس ار قبل 3 شهور عادي مررررره ماعدا الخلفية خلفية لكزس
قير عايدي وبدون اي مواصفات ثانيه سعودي نظيف بدي لارشه ولا اي كلام
ماشي 240 ألف نزلته في سوق بريده وفتحو بابه 75 ألف وبعته بسعر 94 ألف
والله لو ماني مستعجل على الفلوس والله ماينزل عن 105 بس ماعرضه للبيع الا يم الجمعه العصر وبعته بنفس اليوم

سومتك طيبه للموتر اذا الموتر شنطه مو باب
والموتر مايعيبه الممشى ولا التهريبات اذا المحركات نظيفه وصاحبه تعرفه وتثق فيه
مجنون عسل
10/12/2013, 02:08 PM
جزاكم الله خير وان شاء الله اني تممت اشريه ودعواتكم يالغالين
sgl2002
10/12/2013, 05:18 PM
الموتر اللي جايه صدم انحش منه

وبيخسرك هذا الموتر على كلامك

والفكسار القير العادي غير مرغوب نهائيا
نايس × كول
10/12/2013, 05:56 PM
خذ باترول 2014 استاندر 165 الف احسن لك وجديد وريحه الوكاله
مجنون عسل
10/12/2013, 08:40 PM
الله يرفع قدركم ويشهد الله تم صرف النظر عنه لعدم وجود الاطمئنان ومشورتكم انها وسام
على صدري وانتم عز وفخر و اشكر كل منكم باسمه ولكم فائق تقديري واحترامي اتمنى اغلاق الموضوع
شنطة عده
11/12/2013, 12:13 AM
اذا الصدمه خارجية ولم تائثر عليه من الداخل فترى السعر طيب
وانا متاكد انه بيجيب له اكثر لو نزله المعارض

بما انه جارك قله عطني الموتر يوم واحد اجربه وابفحصه
اما شريت والا هونت ...... انا اشوف ان سعره طيب
سقم المعادي 1
19/12/2013, 07:04 PM
اخوي ترا الموتر فكسار و الـ75 زينه عليه

والصدمه اذا هي خارجيه ماتأثر شيء ورى الرفرف لا شاصي ولا بطن الموتر ولا مكينه ولا غيره ترا الموتر يستاهل المبلغ ذا و مراعيك فيه جارك خذ العلم مني

انا لي حول 6 شهور ادور بالمعارض و تنباع قدامي مهب فكسار.. لا جكسار و موديلات 99 و 2000 و 2001 نظاف وقفه و اللي بدي فيه طقه باب ولا رفرف و ممشاه حوول 300 و تزود توصل للـ 65 الف إلى 70 الف

لكن عذروب موتر جارك القير ,, الجكسار يمشي فيه العادي والتماتيك لكن الفكسار الغالبيه تبي تماتيك لان مكينته تشيله عكس الجكسار بالتماتيك
بواسامه
19/12/2013, 08:12 PM
اتوقع احد الردود من جارك:D
سلكي نت
19/12/2013, 09:36 PM
اشوف سعره معقول
والله يكتبلك الخير
أبو براك 511
20/12/2013, 08:01 PM
الفكسار القير العايدي
غير مرغوب فيه لأنه من الوقت يطلع صوت طق في القير

لأن المكينة أقوى من القير والأفضل تماتيك
أبن ثعلي
21/12/2013, 11:45 AM
حياك الله اخوي

أولاً :

اسأل الله يكتب لك الخير والخيرهـ

ثانياً اشوف ان سعره جيد للمستخدم شرط سلامة المحركات

اذا الموتر ما يبي له الا شغلات استهلاكيه انا اقول لك اشر وتوكل بالله

انا قريت انك صرفت النظر ولكن لو رفعت سومتك اتوقع يبي يبيعك سومه بـ 73 خل تطيح عنك قيمة النقل والتأمين

واتوقع والله العالم ان وراهـ مكسب

...


اتمنى قبول وجهة نظري ويقول المثل من شاورك دخل في ذمتك

وانا اجتهدت لك بحسب معلوماتي وخبرتي المتواضعه

" ان كانك مستخدم توكل على الله وسومه 73 الف "

ان باعك اشتر والله يبارك لك
مجنون عسل
22/12/2013, 08:03 AM
يعطيكم العافيه وتم صرف النظر عنه لعدم الراحه والاطمئان من بداية البيع
كانت هناك عوائق والحمد لله على كل حال ولا هنتم ورفع الله قدركم

اخواني انا كان معي جكسار و فكسارين من اول وكلها قير عادي لكن فل الفل واحد مديله 2005 والثاني 2002 وكلها طيبات
وتم عمل لها صيانه من اشياء استهلاكيه وغيره
لكن في وقتنا الحالي السوق في نزول ويخوف ولا ودي بالمغامرات حتى ما تضيع دراهمي
والموتر حق جاري يبي له شغل اقل شي 7000 ريال يعني يطلع على 83 الف ريال واستاندر وماشي فوق 400 الف والصدمه اللي في الرفرف وصلت للعاير

اتمنى اقفال الموضوع