المساعد الشخصي الرقمي

مشاهدة النسخة كاملة : استفسارات بخصوص بعض الازرار في اللانكروزر 1999


BoFlanQ
10/12/2013, 04:12 PM
السلام عليكم ورحمه الله وبركاته



كيف حالكم .. عساكم مرتاحين


انا مالي علم كثير بالكروزر واتمنى تفيدوني


اول شي فيه زر يكون في القير .. يوم اضغطه السياره تندفع والار بي ام يزيد .. شو فايدته وبشو يستخدم

وفي زريين على يسار القير الاول مكتوب عليه بور والثاني 2nd شو فايدتهم واستخداماتهم


ثاني استفسار عن قير الدبل الي يكون يمين القير .. كيف استعمله وشو n و h و L

وفي زر مرسوم عليه اربع تواير يكون تحت زر الدبل اشاره .. الحين هذا دبل يختلف عن القير الي تحته ولا

اتمنى تساعدوني لاني ما احب ادخل واستخدم اشيآء وانا بعدني ماعندي علم كافي عنها

وان شاء ماتقصرون واسف اذا طولت
BoFlanQ
10/12/2013, 10:24 PM
لا اله الا الله محمد رسول الله
عـبـود 911
10/12/2013, 11:26 PM
وعليكم السلام ورحمة الله وبركاته
اولا الزر اللي في القير هذا الاوفر درايف ولا له علاقة في العزم بتاتا تستخدمه في الطلعات او خارج الازفلت وفايدته ( ما يعشق للرابع فقط الاول والثاني والثالث ) وهذا يريح كلتشات القير من كثرة التبديل للرابع والخامس على سرعات منخفضه

الثاني البور هذا يحن في النمر تستخدمه اذا بغيت تشد على الموتر في النفود او غيره

والثالث 2ND هذا يقوم الموتر من الصفر بالغيار الثاني ويكون استعماله مع الدبل الثقيل 4L فايدته بالثلوج او الطين بحيث انه ما يحفر في بداية القومه

نجي ( للدبل )الزر اللي تحت الفلشر هذا الخفيف وقفل الدفرنس الاوسط يعني يكون دوران احد الكفرات الخلفية نفس دوران احد الكفرات الامامية

وعصا الدبل دائما تكون في H يعني مفصول او سرعة عالية
N تعني فاضي يعني لو تعشق D مايمشي
L تعني الدبل الثقيل وحاول دائما ما تستخدمه كثير وسرعتك ماتزيد عن ٨٠ بأي حال من الاحوال

اتمنى اني افدتك :)
BoFlanQ
11/12/2013, 12:05 PM
مشكوووور ماقصرت ... بس الاوفر درايف والبور مافهمت كثير


: )
speed62
11/12/2013, 05:29 PM
اخي..البور هذا يخلي الموتر يعشق متاخر يعني يفيدك بالطلعات القويه جربه على الطريق وشف الـRBMكم يوصل
الاوفر درايف يصير الموتر يعشق 1وعلى طول 2وبعدها3
كلها تفيد بالبر..ومالها علاقه على الازفلت
الباقي كله واضح:)
عـبـود 911
13/12/2013, 12:14 AM
انت الى سقت قير عايدي وما انت مسرع ماراح تعشق للرابع والخامس
الاوفر درايف نفس الفكرة مايخلي القير يبدل للرابع والخامس

البور مثل ما تفضل speed يخلي الموتر يعشق متأخر بدل ما يبدل والـRPM على ٢ يخليه ع ٢ونص (على حسب الدعسة )