أبو الريم .. تحياتي لك -- خض البطارية وتزين

[عود رمث]

السلام عليكم

شفت موضوع أبو الريم عن البطارية إذا خربت عليك وأنت بالبر وش تسوي .. وهو موضوع جميل ومهم واستفدنا منه كثيرا ..

الحاجة اللي أنا ابقولها تشبه ما قاله أبو الريم إلا أنها تختلف شوي ( عواجه ):p

إذا فضت البطارية ( ما هوب خربت ) من تشغيل الكبس ولا النور ..... وما عندك أحد يسوي لك اشتراك يقولون إن الحل إنك تفك البطارية من السيارة وتقلبها ثمن تعدلها عدة مرات ( يعني ترجرجها ) بعدين تركبها وتشغل سيارتك .. وستفاجأ بأن السيارة إما :-
1- اشتغلت .
2- ما اشتغلت .:p

انا جربتها مرة لكن تجربة عجاز ما فكيتها بس اكتفيت برجّ السيارة بقوة ومع الأسف فزت برقم ( 2 ) بعدين سويت لها اشتراك من خويي وفزت برقم ( 1 )

ما ادري وش رايكم أحد جرب هالفكرة يعطينا عنا خبر .. مشكورا

اخوكم / عود رمث يبي يرمد :dance:

[(طيرشــــلوى)]

علميا هذه الطريقه غير وارده بتاتا

[جــلــمــود]

ليه لبن ؟

[ابو الريم]

شكرا اخوي عود الرمث


وطريقتك تستحق التجربة ...... وكل شي جايز بهذه الدنيا وعموما طالما البطارية فضت من لمبه فمعناها انها ضعفت شحنتها ولم ( تفسد ) وربما تكون طريقتك معالجه لهذه المشكلة ....


تحياتي ابو الريم ,,,,,

[عود رمث]

السلام عليكم

الاخوان اللي كسروا جناحي وفشلون بين الله وخلقه :cool: أقولهم ( شكرا ) :p

بس ليتكم جربتوا قبل ما تحكمون ...:(


رفع الله قدرك يا ابا الريم ..

لازم نجرب .. وإذا اضطرينا نبي نجرب بالغصب :mad: إن زانت ولا قعدنا به .. والله يعين .


أخوكم / عود رمث حمقان:no2:

[جــلــمــود]

عود رمث هلابك

والله صراحه انا احب الرمث قبل ما تكون من زملائنا بالمنتدى بس اللحين اعز الرمث اكثر يوم صار الرمث طيب مثل طيبتك يالغالي

[الفرعاوي]

اللي اعرفه ان البطارية العادية (الاحجار اللي تحط بالمسجل) اذا فظت و طقيتها تشتغل و على الله شي تسايد..

لكن جربو و علمونا

[الفرعاوي]

قصدي ما على اللة شي كايد

[زمن]

السلام عليكم ورحمة الله وبركاته

يوجد طريقه وهي تشب لك نار وتكون على رمل يعني مله دافيه بعد ما يكون الرمل دافي مش لازم يكون حار بدرجه عاليه بعد النار واحفر لك في الرمل حفره وادفن الباطاريه بنسبة ثلاث ارباع البطاريه واتركها ما يقارب نصف ساعه وبعدين طلعها من الرمل واتركها لوقت تكون بارده نسبيآ 00وعلشان ما احد يدعي علي خف درجة حرارة الرمل وإلا تراى البطاريه ممكن تنفجر وبعدين يلحقني ذنبك 00

[بركان]

الحل الوحيد
عندما تفضى البطاريه ولا حولك من يقول ربي الله
ارفع احدى عجلات السياره الخلفيه بالنسبة للدفع الخلفي
فك بوجي او اثنين لكي يخف ضغط البساتم ويدور الكفر
افتح السويتش
ضع التعشيق في 3
سم بالله وجمع كل قوتك ودور الكفر بيدك والا بحبل والا باي طريقه

اما طريقة رج البطاريه كانها سقى لبن فخلها عنك !!!

اما طريقة دفن البطاريه في رمل ساخن فلا مانع ان نجربها .

[الجوني]

عود رمث ماقصرة ومشكووور ;)

قل خيرا أو إصمت ... هداكم الله ... واحد يفعل خير وأنتم كأنكم تقولون ماتاسعه جيوبنا ؟؟:mad: أستغرب من بعض الردود...



ليه لبن ؟




اما طريقة رج البطاريه كانها سقى لبن فخلها عنك !!!


..؟؟..

[Y&Y_4X4]

ولا تنسى تمدحن تراي احبك شفن ما قعدت اضحك مثلهم ؟:rolleyes:


الي انا اعرفة يأخوان ان البطارية اذا فضت من لمبه او غيره فهي تحترق بأغلب الاحيان ، وخصوصا اذا هي مكروفة لها كم شهر في اغلب الاحيان، وكل الطرق المذورة يمكن توفر شوي كهرب بس مايشغل السلف للأسف اما عن الطريقة الي قال اخوي بركان فهي ممتازة بس مع القير العايدي اما التماتيك يفتح الله والحل يأخوان يوجد .........

بعد الأتكال على الله سبحانه فهو في البطارية الأضافية ،،،،،،،،،،،،،،،،،،،،،

[عود رمث]

تراي من مبطي ما دخلت ولا كتبت موضوع ..

بس الله يهديه بركان زعلن شوي قلت لازم أدخل وأخانقه :D

أولا : الطريقة أنا شخصيا ما جربتها لكن سمعن عنها مثل ماقلت أول الموضوع ..
ثانيا : الله يهديك يابركان الخير;) عندك استعداد تجرب دفن البطارية برمل ساخن ويمكن ماتلقاه فتضطر لشب النار وتقعد تحتري الملة وتتعب روحك على شي ما هوب أكيد !! طيب ورا ما تجرب رج البطارية الله يرج عدوك قبل ما تدفنها وإن ما انجحت الفكرة ادفن أبوها وإن مانجح الدفن نم جنب سيارتك لين يفرجها اللي ماتنام عينه .

عموما تراي مروّق الليلة ومستانس وأمزح معك .

حلك عملي مية بالمية الله يعافيك عليه.. وأضنه ممكن يصلح لو البطارية خربانة ..


الاخوان :
جلمود
الفرعاوي
زمن
مشكورين على المشاركة والمعذرة على التأخر..

الأخ الجوني
لاتشره على التعليقات أنا وهو أنا ياكاتب الموضوع يوم أكتبه وأنا أتخيل نفسي معي سقا لبن وأخضه ..


Y&Y_4X4
هلا بك وشكرا على المعلومات

[ابو شكاع]

طيب ممكن ياعود رمث تخلي السيارة على منحدر او اذا كنت بالنفود تخليه على سيف همن تدفه وتخليه تتقلب ............... بهالطريقه اعتقد ان البطارية تبي تتقلب بعد خخخخخخ

<<< امزح لا تزعل همن اهون ادخل مكشات او اي موقع ثاني

نجي للصدز

الله لايهينك .............. معلومة طيبة وما قصرت .............. والله لايحوجنا له

شكرا لك

[بركان]

اخوي عود رمث
ما دامك تقول انك مروق اجل باخذ راحتي واعصب عليك وانشاء الله ما علي.

اولا كان الاجدى شكري بعد الله على انتشال هذا الموضوع من الارشيف ووضعه في الواجهه.

اما طريقة دفن البطاريه في حرارة مناسبه فتبدو منطقية لاننا كنا في السابق عندما تفضي بطاريات الراديو الاصبع نرميها في الشمس لساعات او نغليها لفترة في قدر ماء وتستعيد طاقتها لفترة بسيطه.

اخوي الجوني/ حنا جايين نتبادل الافكار ونستفيد من تجارب البعض وليس بالضرورة ان نتفق في الآراء
انا اعتبر ان فكرة رج البطاريه غير مجديه لانها خطرة جدا فماذا لو انسكب الاسيد على جسدي؟؟؟؟
ثانيا هل انت جربت رج البطاريه واستفدت لكي نقتنع بهذه الفكره.

وانا الان قاعد ارج لي بطارية فاضيه ابشوف وش نهايته. بس الله يستر عسى ما تطلع الزبده وتنفجر!!!

يا اخوان بدون زعل.

وختاما يا اخوان
عود رمث
والجوني
تراكم والله غالين ولا صار شي يزعل.
وكل يصلح موتره والسلام.
وخذوا راحتكم ترا اخوكم ما يزعل بالمره!!!

[الجوني]

هلا بك أخوي عود رمث...

بركان أشكرك على طيبة النفس وهـhttp://smilies.sofrayt.com/%5E/y/remybussi.gifـــذي مني لك واللحمد لله ... بس ونوقف عند ... بس ربما اذا أخذنا الموضوع على قولة سقى لبن البعض لن يجرب والبعض لن يأخذ الموضوع بمحل الجدية


محبـhttp://smilies.sofrayt.com/%5E/y/luvlove.gifـــكم :/ أبو صالح