كبسة الحمام بالكاتم لاتفوتكم يالربع

[الاصيفر]

اوالا: ان تضع البهارات والبصل والطماط والملح والزيت بالكاتم حسب كمية الحمام اللي انت تبي تحط .
ثانياً: تحركهن على الغاز شوي لمدة دقيقتين فقط مد التكشين .
ثالثاً : تحط الحمام وتحركهن مع البهارات شوي .
رابعاً: صب عليهم ماء دافئ حتى يكون الماء فوقهن مقدار 1 سم .
خامساً: سكر الكاتم حتى وشب عليه حتى تسمعه (( يتستس )) يصفر واحسب 18 دقيقه اذا كانن الحمام صغار
سادساً: طف الغاز وفك البلف وطلع الحمام وكب الرز على مرق الحمام ولازم الرز يكون مربص شوي وحط الرز وخل الماء يكون فوق الرز شي بسيط يعني 5ملم فقط .
سابعاً : سكر الكاتم وشب عليه حتى تسمعه يتستس ثم احسب خمس دقائق واقصر عليه لمدة عشر دقائق على الأقل يكون الغاز مقصور عليه مره (( نمل )) .
وبلهناء والشفاء للجميع ان شاء الله ....

اخوكم : الأصيفر

[عاشق الصحراء]

قصدك الحمام المنزلي او حمام البر.

[الاصيفر]

لا ياخوي ياعاشق الصحراء هذي طبخة حمام ديرة الله يسلملي هالوجه .
اخوك : الاصيفر .

[قناص راعي كييف]

تحياتي الأصيفر

الصراحه العيال والشله نسويها كذا الأصيفر المفروض تألف كتاب الطبخ الشبابي على الكاتم

على فكره ما تلاحظ أنك نسيت الحبحر الحار فوق الرز لا كبيته في الكاتم



أخوك

قناص راعي كييف