المساعد الشخصي الرقمي

مشاهدة النسخة كاملة : بيالات ضد الكسر .. وش النوع الطيب و المجرب ؟


راعي الرود
15/12/2013, 08:41 PM
السلام عليكم


اخواني تعرفون هالايام برد مايرحم و البيالات عندي ماتطول الا وهي منكسره .. على اني اصب شوي قبل بالبياله و امرجها عشان تحتر على خفيف و اصب زود شوي شوي يعني الوضع بالسليم بس مابعد طحت على نوع زين

و شريت انواع واشكال من البيالات و اخر طقم شريته بادريق مكتوب عليه صنع في جدة دورت الفرنسي مالقيت و الاسبوع اللي راح انفجرت بيالتين و المشكله وحده منهن صبيت الشاهي فيها بشوف خدر ولا لا و رجعت اصب الشاهي بالبريق و خليت البياله على جنب والا يوم انفجرت وهي فاضيه اعوذ بالله و تناثر القزاز .. دريت ان بادريق ماعندك احد

وين البيالات اللي عليها الكلام .. السيف زينه ؟ مابعد جربتها للحين

ولا نشتري اكواب ورق اوفر و آمن :D
ذيب المغاره
15/12/2013, 09:14 PM
عليك بالسيف الفرنسي
سقم المعادي 1
15/12/2013, 09:23 PM
صادق انا نفس معاناتك مع البيالات هههههه البيالات بادريق صناعه وطنيه اتوقع نص درزن على 7 ريال لكن سيئه بما تعنيه الكلمه وين ايام اول ماوعينا على هالدنيا الا وانت تشوف اسم بادريق مرتز قدامك وانت تستمع باخر جغمه من الشاهي المخدر

اما هاللحين رديه صناعتهم

جرب بيالات السيف عطها فرصه و اهم شيء لا تنقعها بالماء و تطلعها من الماء وهي خامره و بارده وتصب فيها شاهي لو هي خرسانه انكسرت

لا غسلت البيالات امسحهن من الماء و خلهن على جال الضوء ولا صبيت سو نفس طريقتك و تعيش معك البيالات ان شاء الله
web
15/12/2013, 09:36 PM
مالك الا ان الكاسات تكون دافيه اما حول النار ولا حول الهيتر .

الفرنسي صار نادر جداً واضن يمديك على السيف الفرنسي بس البيلات تكون كبيره ماهي نفس حجم البادريق بس لك ولزمن عندي لها فتره وان شاء الله بدور مثلها نحطها سبير لانه ماعاد تورد الموجود بالسوق قديم
الارطل
15/12/2013, 10:17 PM
السيف الفرنسي تقريبا سعرها حول ال20 عندي وكل ليله ابرد من الثانيه والامور طيبه
شفر2001
16/12/2013, 06:45 AM
فيه نوع على البياله نفسها استكر ذهبي صغير به رسمه فيل .............. نسيت اسمه بس تراه طيب
تقريبا يقصدون الفيل واقف على رجل وحده فوق البياله
ههههههههههههههههههههه
راعي الرود
16/12/2013, 01:37 PM
الله يعطيكم العافيه

شريت السيف و المشكله حجمها اكبر من بادريق و بدل ماتاخذ شنطه البيالات 12 بياله صارت 8 لكن مايخالف
ماهر الحمد
16/12/2013, 07:13 PM
مالك الا تسوي طلب بخيمة البيع والشراء بيالات بادريق الفرنسيه بس تراه سعرها تقريبا 100ريال تزيد أو تنقص
ايضا عندك باخشوين الامارتيه لابأس بها وهي أفضل من باديق الموجود بالسوق
ايضاً عندك بيالات بادحمان تركية الصنع وشكلها مناسب للبر قريبه من بادريق وقويه
هاني السعيد
16/12/2013, 08:08 PM
عندي حوالي خمسة درازن بادريق فرنسية
مستعمله ونظيفه
ترميه على البلاط وينطط الين يتعب وما يجيه شئ
اذا لك نظر ارسل لي على الخاص