يالربع اخوكم راعي الــهــدد يـريد منكم خــدمــه بـسـيــطـه فزعه + فزعه = مرجله وشهامه [الأرشيف]

راعي الهـــدد

28/10/2006, 03:27 PM

يا اخوان الي معه ربع نيسان باترول

او يستطيع خدمتي

فله جزيل الشكر

وله الدعوه الطيبه

بالمختصر المفيد

أنا معي هدد 2006 فل الفل

واريد بيعه من اجل حاجه لمبلغه المالي

المهم

وشار علي اخ عزيز علي وخوي بالمقناص

شار علي بالباترول ربع

حيث اني دائماً معه في المقناص اثنين فقط

وقال معنا كلامه ماله داعي موتر معك بهاك المبلغ ولا مستفيدين منه حيث اننا دايم اثنين

وانت بحاجه يابوحمد لدراهمه بعه واشتر ارخص منه ربع باترول فهو مناسب لك وسعره زين

واستفد من مبلغك الي مركون بهالهدد

قلت تم

ولكن لا اريد ان اشتري قبل ان اجرب

فالذي معه ربع باترول يا اخوان يرفع يده ههههه

ويعلمني عن قوة السياره وعيوبها واريد منه كل النصح

او معه نيسان باترول

الله يغفر لكم دنيا وآخره

ويرفع درجاتكم في عليين

وأن يكرمكم بطاعته

ويعزكم بعزه

ويجعل لكم من لدنه فرقانا

ويتوب علي وعليكم

ومن نحب والمسلمين اجمع

قاله وكتبه

الفقير لعفو ربه المنان

راعي الـــهـــدد

فتى الدهناء

28/10/2006, 03:45 PM

راعي الهدد .. الله يوفقك فيما سرت فيه .. ويختار مافيه الخير لك .. اللهم آمين

اسمع وانا اخوك .. اللي أعرفه ان .. الربع الباترول الجديد .. حلو .. قوة .. وسمعه ..

واذا كانك بتشريه فترة للقنص وللطلعات .. واذا جاء الصيف بعته .. فأنصحك بــ ( ربع تيوتا ) :p ايه ربع تيوتا !!

صح أنا عارف ان سمعة الموتر لك عليها .. حتى شكليا .. لكن أنا شفت ( صورة ) لربع .. رسمي .. وثقل ..

ويصلح لناس عاقله مثلك وشرواك .. بكل بساطه شف الصور .. ربع أبيض .. منزوع الخطوط:D اسبير معلق

ماشاء الله ..

http://aycu37.webshots.com/image/6836/2001729751140971824_rs.jpg

:

::

http://aycu03.webshots.com/image/3322/2001740674379667775_rs.jpg

:

:

http://aycu23.webshots.com/image/6142/2001703149247578182_rs.jpg

وقبل ذلك استخر .. ففي الاستخارة .راحة ..

والربع الباترول الجديد ... ترا ماعليه كلام .. وزين ..

وحيّاك الله

بواسامه

28/10/2006, 03:46 PM

ليت عندي اخدمك

باترول 4×4

28/10/2006, 04:08 PM

الله يكتب لك الأصلح ، ومثل ما قال أخونا أبو أسامة استخر قبل كل شيء .
وأما رأيي فهو يختلف عن رأي أبو أسامة ، فأنا أفضل ربع النيسان لأنه أريح بكثير من ربع التويوتا وكذلك أرسى .
والموتر معروفة سمعته مايحتاج إلا انه ما يمسك سعره لكن اذا كنت تبغى تسخدم ما يضرك سعره لو نزل .
وترى موتري جاهز إذا بغيت تجرب راسلني على الخاص وأبشر بسعدك .

ذيب الطبيق

28/10/2006, 04:31 PM

الله يكتب لك اللي فيه الخير
كلها زينه كلها جيوب تهقويك على الوعر ويصير عندها سهل
لكن انا رأيي يتوافق مع راي اخوي فتى الدهنا انصحك بالجيب الربع التويوتا حيث ان ماله مثيل عندي على الأطلاق فهذه وجهة نظر
اسأل الله العظيم رب العرش العظيم ان يدلك الى الخير ويهديك اليه انه وليه والقادر عليه

راعي الهـــدد

28/10/2006, 04:37 PM

اخوي الغالي فتى الدهناء

الله يغفر لك ولوالديك ماقصرت بالراي

بس ودي براي واحد مجرب يعني معه باترول

اما التويوتا ربع مايصلح من ناحية انه قوي مطبه ماهو مثل النيسان وكذلك انقلابه سريع خصوصاً عند الطرد يعني النيسان اركد بكثير

وانا ونخوك مانيب من النوع الي كل موسم شاري موتر لكن بظروفها ونخوك

لاحرمك الله الأجر

--------------------------------------------

أخوي الغالي والحبيب المحب بو اسامه

يكفيني مشاركتك معي

وانا عارف لو عندك مابخلت عارف انها ماهي على يد بخيل

الله يغفر لي ولك وينفع بك ويسددك آمين

--------------------------------

أخوي باترول

راي موفق ومسدد

لكن فيه ناس قالوا انه يصرف بنزين وكذلك قالوا عيوب اخرى لكن نسفت كثير منها لعدم صحتها لكن البنزين هل يصرف ونخوك معك يعني كم يمشيك البنزين لو فللته

والله يغفر لك ولوالديك ويحرم وجهك عن النار

وراجع الخاص اخوي الغالي

-------------------------------------------

اخوي الغالي ذيب الطبيق

اشكرك على اسداء راييك وطرحه

ولكن مثل ماقلت يعيب الربع تويوتا انه نزر مطبه يعني قوي مطبه وكذلك مشبوه شوي وكذلك ليس براسي في الطرد مثل النيسان

وهل كلامك عن تجربه

وش رايك ونخوك

ولماذا لا تنصح بالربع نيسان يعني وش الأسباب ونخوك

الله يغفر لك ويجزاك خير الجزاء

محبكم والداعي لكم

راعي الهـــدد

تكفون اريد ناس مجربه

نعمان الفهمان

28/10/2006, 04:42 PM

انا كان معي سفاري ربع موديل 94 على وقتة
واللة الا الان متحسف اني بعتة
من ناحيتي اعتبرة احسن موتر للصيد اذا توفر سكن او مخيم بحيث ما تحتاج معك عفش

توكل على اللة
معي هوندا اكورد كم تزودن وتعطين الهدد
^^^^^^^^^^^^^^^ هذي من حقات الفيوز

شمالي غير

28/10/2006, 04:54 PM

اخوي راعي الهدد

انا جربت النيسان الربع 95 والصالون 97 بصراحه مواتر جباره والان ادور على نيسان ربع بعد ولو سبقتك ابشر يالغالي

الله يوفقك وينور دربك

ابو عادل1

28/10/2006, 04:56 PM

ياخوي راعي الهدد
أسأل الله أن يختار لك الخيرة المباركة اللي تتحمد عواقبها
مثل ماقيل ((((استخر)))) و((((شاور)))) فلا ندم من استشار ولاخاب من استخار اوكما قيل
بعدين
ياليت من قد جرب النيسان (الباترول) كله على شان نقول راينا لك ولشرواك
لكن من خلال تجارب الربع يمدحون الباترول الربع وخاصة الانواع الجديدة
بسسسسسسسسسسسسسسسسس
عذروبها فرق السعر عند البيع

طشي وامطري

28/10/2006, 05:19 PM

استخر قبل كل شيء
ودورلك ديزل

راعي الهـــدد

29/10/2006, 12:57 AM

نعمان وفهمان مازلنا ويا الفيوز الله يعين هههههههههه

الله يغفر لك على مشاركتك وطرح تجربتك

اخوي نعمان اما عن اني ازودك وآخذ موترك انا اعرف وش تبي تاصل له تبي تاصل لتثبيت سالفة الفيوز هههههههههه

---------------------------------------------------

أخوي الغالي شمالي غير

ماقصرت على ابداء رايك لأخوك

وفقك الله اخي وشكلي بكره عند الحمراني

---------------------------------------------

أخوي ابو عادل

ماقصرت ونخوك ويكفيني انك شاركت معي ونخوك

واما عن نقصان السعر فسمعت من كثير من الأخوان انه ماعاد صار ينقص كثير خصوصاً اذا اخذت مستعمل

-------------------------------------------------

أخوي الغالي طشي وامطري

الله لايحرمك الأجر على النصيحه

نصيحه في محلها الله يغفر لك ولوالديك

محبكم والداعي لكم

راعي الــهــــدد

خشكاري

29/10/2006, 01:27 AM

أخي الحبيب راعي الهدد . .

ماخاب من إستخار ولا ندم من إستشار . .

والله يالغالي ماملكت الربع لاكني ركبته كثير في البران والمقانيص والموتر مثل ماتفضلوا الاخوان جبار وماعليه كلام إلا أنه مايبي واحد يتشكى من عدم راحة وضيق وشبهه إلى ماهنالك من عذاريب تطال أي موتر . .

ويبقى شي مهم بارك الله فيك ماشوفك ذكرته ألا وهو العائلة الكريمة . .!! هل ستضطر يوما لأخذهم بالربع للمكشات . .!! هنا ستجد الفرق . . بمعنى أنك قد تتندم يوما ما على الهدد الله يبارك لك فيه . .

وإن كان موترك لك أنت فقط طوال العام . . وتشوف نفسك محتاج دراهم الهدد وبتحصلك جيب ربع موديل حديث نظيييييف مايطلب غير بنزين وزيت فلاتستعجل وإستخر ربك وشاور ورح وشوف وإنشد وحسب أمورك مزبوط وإللي لك وإللي عليك . .

والله يكتب لك إللي فيه خير ويشرح صدرك . . وإن إعتزت حاجه ولاش لايردك إلا الخاص يالغالي . .

والسلام خير ختام . .

راعي الهـــدد

29/10/2006, 01:44 AM

أخوي الغالي خشكاري

حقيقه ماقصرت بالرد الله يحفظك

اما عن العائله فأذا طلعنا بالعائله نطلع كلنا سواء الأعمام والأخوان نكون جمعه كبيره ويكون هناك سيارات اكثر ونخوك ويشيل بعضنا بعض

وان كان قصدك الديره فانا سأشتري سياره صغيره لديره وسيارة البر هي الجيب الربع اقنص عليها والرفيق الغالي

وأما العفش فانا ما احمل غير فراش البر وفراش خويي وثلاجه ثابته ورى والعزبه شنطه ماهي كبيره وتانكي البنزين مكان رجلين المرتبه الي ورى يعني ورى مرتبة السواق والراكب وتانكي ماء فوقه مباشره طبعاً المرتبه الي ورى ستخلع خلعاً هههههههه

هذا تفكيري ونخوك ما ادري وش رايك هل مضبوط كذا او مايصلح

وفائدة التانكي حق البنزين والماء بالموقع هذا فائده عظيمه بل فوائد كثيره مره منها اولاً انك ماتحمل المساعدات الخلفيه الحموله وسيكون الحمل متوزع على جميع السياره لأنه بالوسط وسط السياره خلف مرتبة السواق والراكب مباشره فهمت اخوي

وكذلك من فوائده ايظاً أنك تضمن ترتيب عفشك بشكل مرتب يعني مايكون بوجهك اول ماتفتح الشنطه التانكي ومامن شنطه اصلاً

وكذلك من فوائده سيكون مريح للسياره يعني ماتحس بحمولة الماء والبنزين ابد وانت تسوق والي يشوفه من برى مايحس بأن الموتر محمل يعني مايطيح الموتر من ورى لأنه بالوسط وسيكون متوزع الحمل على جميع الموتر وغيره كثير ما اريد ان اطيل

عموماً هذا الي براسي

بس ابي اسمع من بقية الشباب الي مجربين الموتر او معهم خصوصاً من 2004 وطالع

تسلم اخوي خشكاري الله يغفر لك ولوالديك آميــــــــن

عالي مستواة

29/10/2006, 02:53 AM

انا اقول خل الهدد معك ترا الهدد عز

ولا خذ لك شاص مادامم ثنين

مقدور

29/10/2006, 03:08 AM

والله ياخالي انا اشور اذا انتم 2 وموتر بر وعندك موتر ديره
وتبي موتر لك ولزمن ويشد به الظهر
خذ لك شاص وتوكل على الله
وماهو شرط تاخذ جديد دور لك من 2000 وطالع موتر ماعليها كلام
والى ياخالي عندك النيسان 4800 ارخص من الهدد وموتر ماعليه كلام
هذا شوري في الموتر الى جربتها وعسى الله يكتبلك الى فيه خيره لك

نجد 1

29/10/2006, 03:14 AM

اخوى راعي الهدد
انصحك بالشاص أفضل لك ، واتمنى لك التوفيق انشاء لله

عابد

29/10/2006, 07:16 AM

الأخ الفاضل راعي الهدد

السلام عليكم ورحمة الله وبركاته

إذا أنت ناوي تشتري النيسان احرص انه يكون 4800 vtc لأنه أقوى من 4500 وأقوى من اللاند وإذا لقيت 2002 أو 2003 تراه بيكون رخيص مقارنة بموديلة خاصة إذا لقيت موتر نظيف بعد شايب أو شباب ماهوب راعي مقانيص ومطاعس واحرص بارك الله فيك انه ما يكون ربع حتى تستفيد منه في المقناص وفي الديرة .

اخوي بوحمد
أنا عندي سفاري 2003 ما شاء الله عليه موتر ما عليه كلام صحيح اني ماني راعي مقناص لكن والله انه جبار في الرمل وبالأخص القير العادي وانا مجرب هذا الشيء مع اني غشيم بالمطاعس خابر اخوك عابد شايب ماله في حركات الشباب وإذا ودك تجرب الموتر تراه حلالك وهذه صورته في التوقيع عسى ربي يبارك لنا فيه .

اخوك عابد

ع.ف.الدرويش

29/10/2006, 09:10 AM

السلام عليكم ورحمة الله وبركاته

أخوي راعي الهدد.. أخوك بالله إللي هو أنا معي نيسان ربع 2004
مواصفاته كالآتي...
ستاندر فئة S
6 سلندر
محرك 4500 Efi طبعاً بخاخ
ويقال 230 حصان
والموديلات الجديده 245 حصان
نوافذ يدوي
أقفال يدوي
مكيف يدوي (الحين تقولون مهفّه)
ولله الموتر سنع
بالبر وبالمدينة
أما من ناحية الصيانات
فما يطلب مني إلا حاجته الضرورية أو الدورية
والحمد لله أستخدمه ((بمعنى الكلمة))
ومن هنا إن كنت صامل على مشترى الربع
فتوكل على الله
لأن أهم شيء القناعه التامة
التامة
أعرف عدة أشخاص معاهم النيسان الربع وبالطبع أنا من بينهم
تتراوح الموديلات من 2003 وحتى 2007 وما شاء الله تبارك الله
مواتر سنعه
إلى أبعد حد
((تصور واحد منهم كان معاه شاص 2003 بريمي باعه وأخذ النيسان
سألته عن السبب قال جربت وبان الفرق..!))
أما مسألة المستعمل.. فمثل ما قالوا الشباب (هنا) عيب النيسان إن نزلة سعره تكون بزيادة
مع إني ألاحظ الفترة الأخيرة في معارض السيارات وفي الحراج إن أسعارها زادت عن العام الماضي
ربما يكون لزيادة للإقبال عليه
وأعتقد إنه فعلاً يستاهل هالشيء
نهاية للرد..
أسأل المولى(عزوجل)
ان يوفقنا وإياك لكل خير
دنيا وآخرة

أخوكم(أبوفهد)...

عبدالرحمن السالم

29/10/2006, 10:21 AM

أخوي الهدد طع شعوري وهذا انا قدامك اعض اصابع الندم اني بعت ربع نيسان مديل 2003 يمين بالله
ماقد اشتكيت منه اى شى ولا قد طب ورشه بالرغم اني طالع فيه لكل مكان نفود .. بر .. مقانيص يمين بالله ماشكيت منه ولا قد حطيت فيه مسمار واحد اللهم الزيت والفلتر بس وطع شوري توكل على الله وخذ لك من 2003 وفوق وترى 2006 وحتى 2007 ممتازات وجداً عمليات .. بس الحمد الله شريت باث فندر 2005 وارتحت مثل ارتياحي للربع النيسان بس ولو

و أسأل المولى عز وجل ان يوفقنا وإياك لكل خير

تحياتي لكل وللجميع ،،،،،،،،،،،،

راعي الهـــدد

29/10/2006, 01:08 PM

أخوي عالي مستواه

اشكر لك مرورك وطرح رايك

------------------------------------------

أخوي الغالي مقدور

الشاص لي تجربه معه شريت فيها كم مره وكسرة ضهر كل مانسيت تكسيره لظهري شريته ثم اعود ابيعه يعني شاص ما ابيه ابد

أما عن النيسان فانا اريد ربع واظن مايجي ربع وهو 4800 صح

دمتم بخيرات

أخوك

راعي الــهـــدد

الرسسسام8808

29/10/2006, 01:17 PM

السلام عليكم انا عندي لك سفاري سلقه 2005 اخو الجديد ماشي 29000 كم اذا يصلح للك اخذ سيارتك وهذا جوالي 0505268808

راعي الهـــدد

29/10/2006, 01:30 PM

أخوي الغالي نجد 1

هلا بك ومرحبا بك

بس الشاص سبق وقلت اني ما اطيقه يكسر الظهر وانا مجرب

ابي موتر يريحني ونخوك

-----------------------------------------------

أخوي الغالي عابد

أنا ابيه ربع والربع مايجي 4800 حسب ما اعرف والله ييسر لي لقطة موتر

وراجع الخاص الله يغفر لك ولوالديك

--------------------------------------------------------

أخوي ابو فهد

الله يبارك لك بموترك

ويطعمك خيره ويكفيك شره واشكرك على طرح رائيك

راجع الخاص الله يغفر لك ولوالديك آمين

----------------------------------------------------

أخوي دحيم آخر لفه

الله يغفر لك طمنتني اكثر والله يجزاك خير

ويرزقك ربي اخير من موترك الي بعت

وتسلم ابوي

-----------------------------------------------

ولازلنا ننتظر مزيداً من الآراء لكتمال التصور

وبالأخص رأي من يملك ربع نيسان

محبكم

أبو حمد
راعي الــهــدد

ال معلى

29/10/2006, 01:47 PM

راعي الهدد

ابي اقول لك نصيحه انحش من النيسان الكلبليتر

لا تاخذ الا بخاخ جعل والديك بالجنه انا كان معي

كلبليتر ونشب في حلق

البخاخ وتوكل على الله

راعي الهـــدد

29/10/2006, 02:30 PM

اخوي الغالي الرسام 8808

هلا بك

باتصل بك الآن والله يكتب الي فيه خيرة وخيره لي ولك

الله يغفرلي ولك آمين

---------------------------------------------

أخوي الحبيب ال معلى

الله يجعل والديك بالجنه هذا الي مخطط عليه

والله يغفر لك ولي وللمسلمين والمسلمات

واشكرك على النصح ونقل تجربتك

استفدت حقيقه منك وتسلم يالغالي

محبكم والداعي لكم

ابو حمد
راعي الــهـــدد

مزاجي

29/10/2006, 07:40 PM

السلام عليكم

ياراعي الهدد كانك بتبيع علمني وش لونه وكم تبي فيه والجنوط اللي عليه وشهي والله يكتب اللي فيه الخير انا محتار بين هدد وبين شاص

system

29/10/2006, 09:03 PM

السلام عليكم جميعا...
راعي الهدد الظاهر انك اشتريت وخلصت ومبروك مقدما بس انا عندي لك نصيحة مجرب,انا جربت الباترول الربع 2002 الصراحه موتر خفيف بالبر ومريح بس عزمه لك عليه شوي لأنه كبريتر اذا دعست يكتم شوي وبعدين يمشي وبعته علشان اسباب اخرى وبعد مده شريت 2005 عزمه مايحتاج وغيروا شكله الداخلي والخارجي وصار الموتر مسكت بس للأمانه فيه عيب وحيد في اغلب الباترول الى وهو الرجه بالدركسون من 80الى100 فيه رجه خفيفه حاولت بشتى الطرق اصلاحها بس ما قدرت وعلشانها خفيفه وتجي وتروح انا متغاضي عنها هذا اللي اقدر افيدك فيه من تجربتي المتواضعه والله اعلم.

ملاحظه:المديلات 2004 وطالع بخاخ.

أبـوالبـــراء

29/10/2006, 09:13 PM

أخي الغالي في كل الحوال لاتشري الموتر من الوكاله

تلقى جدد عليه لوحاته وتلقى اللي مامشى واجد بسعر اقل من الجديد

هذا غن أردت وجزمت على النيسان

هذا رأيي

بالتوفيق

sal7

29/10/2006, 09:41 PM

اخوي راعي الهدد

و الله في القصيم و صل الهدد البيج موديل 2000 و 2001 و 2002
إلى مبالغ خرافيه خصوص النظيف
الحين اهلهن مجدعينهن و شارين باترول ليه هنا السؤل
حصلو أن الباترول أفضل من الهدد 100 مره تحمل و قوه و عزم و راحه
الباترول الجديد خصوص 4800 الفتك سوى ثوره في عالم سيارات الدفع الرباعي
تحمل المحرك وهو 6 سلندر للعمل الشاق شيء خرافي و راينا هذا بأم أعيننا في مهرجان
بريده الترويحي في ميدان الفروسيه كانت له الغلبه في فئة الـ 8 سلندر وهو 6 سلندر
ورأينا كيف كان يرتفع على كفريه الخلفيتين من قوت هذه المكينه طبعن مع التعديل
أخوي هذه السياره أشتهرت في المقناص عند اهل الامارات

أخوي هذا الموتر مميزاته واجد لو ما يجيك منها ألا الراحه و القوه و الرساوه
و اتوقع ان الاخيره و الاولى في الربع التايوتا معدومه

وشوف الناس أرجعت للباترول و الناس ما ترجع لشيء ألا أنها حاسه أنه افضل من اللي معها
انا يا مهرجك معي ربع 2005 ودي أبيعه و أشتري باترول

مقارنه مع محرك النيسان 4500 مع محرك التايوتا 4500
القوه شبه متقاربه بس الصرفيه في التايوتا أكثر من واقع تجربه
و العمليه أتوقع أن النيسان أكثر عمليه من خويه التايوتا
مر الورش و شوف كثرت التايوتا الموضب أنا ما أسب التايوتا بس
من المعروف عالمين أن محركات النيسان هي أفضل محركات بالعالم
في فئة الـ6 سلندر
وشف الموديلات القديمه للحين عايشه

أنت تبي سعر مناسب و موتر ما يشيل ألا أثنين و راحه و قوه
و عملي و قليل أعطال مالك ألا هو و خصوص من 2004 و فوق

و أن كانك تبي من الشكل القديم خذ 97 و أن ما حصل 96

و ترا الزين ما يكمل فيه عذروب وهو الغبار يدخل عليك
على خفيف و بعض القطع الاستهلاكيه غاليه شوي

تحياتي

عبدالله الجري

29/10/2006, 09:57 PM

السلام عليكم ورحمة الله
اخوي راع الهدد
الاجاويد ادلو بدلوهم ....وانا سأدلي بدلوي
من ناحيتي...... جربت كل المواتر الجكس والباترل الربع والصالون والجموس بأنواعها ولي اكثر من عشر سنين راسي على الجكسات واخر واحد 97 فكس معي له اكثر من سبع سنين ولا عينت خير بفضل الله الا يوم قنيته
ويكفيك انه يحل ويجمع بين سيارات كثيره من ناحيت السعة ولا تبلش بأمر الله بعدد المرافقين والامتعة
ولا تنسى الكلمات المكتوبه على الحديده النيكل اللي بباب السايق (سياره ركاب متعددة الاغراض) لن تجدها الا بمثيلاتها
وايضاً اذا جا طاريه ....لا يذكر بسؤ ..فهو مركب ...وحمل ...ووجاهه
اذا كنت منتب بحاجت الفلوس والحال زينه ومستورة .. .فأمسك مجنونك لايجيك اجن منه

وتراى المواتر بعد ماجربت اللي معك الله يطرح فيه البركة تبي تطيح من عينك فالتانكيين ستصبح تانكي والمكييفين ستصبح مكيف واحد
والثلاجه ستصبح بدون
وبدل السياره الواحدة سيصبح لديك سيارتين كنت مستغني عنهما بواحده

هذا راي واحد مجرب ولكم الخيار
اخوك ابو صالح

راعي البير

29/10/2006, 10:14 PM

اخوي راعي الهددالسلام عليكم . تبي شوري خذ لك جيب هونداي او شروكي والا اقول جيب لادا ترى يمدحونه كلها كم شهر وانت بايعه قصدي كم سنه اسف .والا اقول سم با الله وتوكل وطق نيسان ربع با العربي خربها يكفي مشاور تراك اشغلت خلق الله يرحم وا لديك بع الهدد خلاص .المشكله وش بتحط اسمك بعد ما تبيع الهدد ؟؟؟ الله يزوجك وييسر امرك قل امين . ولا تزعل علي يا ابو حمد

راعي الهـــدد

29/10/2006, 11:41 PM

أخوي الغالي مزاجي

هلا بك
الموتر اكيد للبيع وسأفرد له موظوع مستقل قريباً وهو مثل ما خلقه ربي وكاله ماغيرت به شي

اسبيرين ودف لك وونش وفتحه وثلاجه ومكيفين وخلفيه شنطه ماهي ابواب ولونه ذهبي وارد اليحي ماشي عشرة الآف ولاطب بر الى الآن كلها ازفلت وبس

وركبت به تانكي 90 لتر او حولها تحت مكان الأسبير الثاني يعني فكيت الأسبير الي تحت وركبت مكانه التانكي

وفيه سلة فوق من النوع الجديد

وفيه تجهيزات كنود حول 3000 ريال ثلاثة الآف ريال

وغيره من الأمور

ولاتحرص بافرده بموظوع مستقل للبيع

والمفروض عطيتني رايك بالربع نيسان ماهوب بس تسأل عن بيع الموتر الهدد هههههه

-------------------------------------------------------------

أخوي الغالي سيستم

هلا بك ومرحبا بك ونخوك

تسلم على الراي بس الى الآن ماشريت ونخوك انتظر آراء من هو مثلك وشرواك

-----------------------------------------------

أخوي الغالي ابو البراء

رايك في محله وهذا الي مخطط عليه

بس ادع لي ان الله ييسر لي موتر على الكيف ونخوك

---------------------------------------------------

أخوي الغالي وشيخي الفاظل صالح

الله يغفر لك على
طرح رايك ولا قصرت ياشيخي الفاظل

رايك استنرت به كثيراً

الله لايحرمنا من علمك آمين

------------------------------------------

أخوي الغالي المخر

الله يستر بس ونخوك

لكن نتفوال خير

وأن شفنا به عذروب المعارض تنادي وتصيح من يبي يبيع ههههههه

اشكر لك مرورك الله يغفر لك ولوالديك

---------------------------------------------------

أخوي الغالي راعي البير

ما من زعل ابد بس رايك محل النظر ههههههههه (( صفقني محل النظر ))

وعلى العموم عارف وش زعلك علي وخلاك تتكلم كذا بزعل

لعشان المسيار ابشر والله اني ساعي لك بزواج مسيار وقريب بتدعي لي بس احلم علي العجله مابها خير

الله يكفينا شرك تراه زواج ماهوب سياره خصوصاً ان طلبك صعب شوي ومعقد زيك ههههههههه

ودمتم بخيرات ومسرات اخوتي الأعزاء

محبكم والداعي لكم

ابو حمد
راعي الــهـــدد

مزاجي

30/10/2006, 03:40 PM

اهلين براعي الهدد

وش ذا التجهيزات اللي ب3000 ياليت تذكرها ...اما من ناحيه شوري عليك بالسفاري يفداك الكذب ماعندي اي معلومات عنه ابد لان خويك من ربع تويوتا

الا على فكره ياراعي الهدد انت وين موجود

راعي الهـــدد

30/10/2006, 10:27 PM

أخوي الغالي مزاجي

التجهيزات عباره عن توصيلات فظه

وأسلاك من نوع ممتاز

وموزع للأرايل

وارايل نوعية كومت

وامبي فير

وشغل مهندس محترف لوزن الأرسال وتقويته

وغيره

اما عن مكان تواجدي فانا حولك مانيب بعيد عنك ههههههههه

آمر بالي تبي نحن تحت الخدمه ونخوك

ولازلنا ننتظر آراء النشامى

حول النيسان ربع

يالربع لاتحرمونا خبراتكم

راعي المسرى

30/10/2006, 11:27 PM

الحين عقب ما خليتنا نشري التايوتا بتروح وتخلينا ياااااااااا راعي الهدد

اركد وخل عنك التهور ترى ما للتايوتا عوض!!!!

صوح الجبل

30/10/2006, 11:45 PM

آسف جداً جداً ...... ياخوي الغالي ..... راعي الهدد ....... على المشاركه بالموضوع لاكن يشهد الله اني من اول ماشفت الموضوع في الشريط وانا جايك متدربي ...... والله ياخوك ...... انا مجربت ...... السياره المذكوره ...... لاكن الهدد سياره مافيها كلام ...... يحاول الانسان يخارج نفسه ويقضي لزومه .... بدون تفريطه بسيارته الغاليه عليه ....... وماتضيف الا تنفرج .... تقبل تحيتي ومحبتي لك

راعي الهـــدد

31/10/2006, 12:19 AM

أخوي الغالي راعي المسرى

لا ونخوك ماهوب تهور بس الظروف الي تلزمك غصب تنفذها والواحد يبي يستفيد ونخوك

ولو خليتكم فتره وبرجع لكم بحزب الهددات هههههههه

--------------------------------------

أخوي االغالي صوح الجبل

هلا بك ومرحبا بك

أشكرك على طرح رايك الله يغفرلك ولوالديك

والله يحبك ويرفع مقدارك ويجمعنا بك في دار كرامته آمين

وانا عارف ان الهدد ماله بديل بس الشكوى لله ونخوك

تسلم يالغالي

محبكم

ابوحمد
راعي الــهـــدد

شاص

31/10/2006, 12:29 AM

أخي العزيز راعي الهدد
أولا :الله يكتب لك الصالح وما تحمد عواقبه ولا تنس الاستخارة
ثانياً : لي تجربة مع النيسان الصالون بصراحة في النفود يطربك يسبح سباحة ما شاء الله ومركب مريح وسعة
ولي تجربة مع ربع التايوتا efi4500 اللي نقل فتى الدهناء صورته بالموضوع قوة وعزم ونشاط غبر طبيعي لكن ماهنا راحة ولا سعة
وتجربة أخرى مع الشاص التايوتا وأنت سبق وأن جربته وعارف عيوبه وميزاته
فيبقى النيسان متميز في الخفة والراحة

الله يوفقنا وإياك

راعي الهـــدد

31/10/2006, 01:11 AM

أبو عقيرب

31/10/2006, 06:05 AM

أخي الغالي راعي الهدد ,,,

شف وانا اخوك .. انا ما ابطيت مطلع لي باترول ربع 2005 وكالة قبل 6 شهور وما جزمت عليه الا بعد ما سألت ونشدت وانفغا راسي :)

الموتر روعه ما عليه كلام وانصحك تشريه خاصة اذا حليت مسألة العايله وصغر الموتر .. قطع الغيار غويليه شوي يعني اغلى من التويوتا وهذا شي معروف والبنزين يصرف بصراحه لكن قلت الصرفيه شوي بعد ما صار بخاخ من موديلات 2004 وانت طالع ..

وقضيت ان سعره يطيح فما أظن هالكلام صحيح وانا اخوك لأني قبل اطلع الموتر درت معارض بريده وعنيزة ولقيت ان الـ99 اسعارهن من 38 الى 40 الفوهن من فئة S يعني سلق وعلى ذلك فقس ..

تحياتي

راعي الهـــدد

31/10/2006, 01:00 PM

جزاك الله خير اخوي ابوعقيرب

وبعد مطالعة آراء الأخوان والمقارنه بين كل ماقالوا

على ذلك قررت ان آخذ ربع نيسان

وهذا الرابط ادعو الجميع لقرائته

ففيه عرض وطلب ومن نوع خاص جداً لايفوتك

http://www.mekshat.com/vb/showthread.php?t=61439 (http://www.mekshat.com/vb/showthread.php?t=61439)

أخوكم

راعي الــهـــدد

ســـرحـــان

31/10/2006, 01:22 PM

الاخ راعي الهدد ... اولا الله يكتبلك الخير اين ما كان ... ثانيا اسأل الله العلي القدير ان يفك ضيقتك عاجلا غيراجلا اللهم امين .. ثالثا اسف اني ارد متأخر لكن اضيف الراي لاني مجرب والتجربه خير برهان وطبعا مايهونون الربع اللي ابدوا رايهم لكن زيادة الخير خيرين ... انا ولله الحمد معي بترول 2005 سفاري وشاص .. الشاص انا اذكره لانه نفس الربع كمقارنه صحيح ان الشاص موتر وماعليه كلام لكن متعب ... والسفاري ماشاء الله لاقوة الا بالله موتر مايحتاج وانت ان الله كتب لك واخذته بيفرق عليك بفزته ومريح وقوي وبالبر والله انه تحطه على يمناك ... واذا كان على سعره انه ينزل فاذا انت نيتك الاستخدام فهالكلام ماينطبق عليك ... اسف على الاطاله والله الموفق

هولوكس2005

31/10/2006, 01:30 PM

اخوي كان تبي نصيحتي

فخذ لك يا ربع أو شاص

ترى التايوتا مايشكي ابد يعني اطيب من النيسان

كل ماخرشته كل ما عرفت قيمته وطاب فعله

بس اخرشه بسنع مو من غشامه

راعي الهـــدد

31/10/2006, 02:41 PM