ظاهره كثرت بشكل ملف في شوارعنا الوقوف وترك مساحه فارغه

[التعـ King ـديل]

السلام عليكم ورحمه الله وبركاته

في السنوات الاخيره صرنا نشوف هالمنظر وكانه شي عادي بل واصبحنا نعلم الاجانب على هالشي انا مره شفت سواق عائله موقف بمثل هذا الشي ويوم قلت له قدم بوقف وراك رفض قال كفيل كلام مافي وقف قدام محل خلي مكان واحد سياره بعدين وقف ويمكن اهل الرياض بشكل خاص لاني من الرياض يذكرون طريق الملك عبدالعزيز وانت بااتجاه الشمالي بعد ماتقطع الدائري الشمال يجيك دوار شارع الامير سعود بن مقرن قبله على اليمين فيه مجموعه مطاعم هذا المكان كانت السيارات في نصف طرق الملك عبدالعزيز والمساحه بين السياره والمطعم يوقف فيه ثلاث سيارات بدون مبالغه

اخليكم مع الصور اللي التقطتها من عدستي

http://www.mekshat.com/pix/upload01/prof024/mk61060_img01529-20131219-1122.jpg

نلاحظ في الصوره الثانيه ان الكرولا البيضا والاكسنت البحريه قدامهم موقف يشيل سيارتين واللكزس الرماديه واللكزس البيضا قدامهم موقف يشيل سياره واحده هذا بالا ضافه الى انه واصلين نص الشارع

http://www.mekshat.com/pix/upload01/prof024/mk61060_img01530-20131219-1123.jpg

[وليد العابد]

الخطأ لا يعالج بخطأ .!

البلاء من اللي يسكر عليك ثم ما تشوفه الا بعد ما تطلع روحك .

[بترول88]

لان المفروض الموقف اللي قدام للي بينزل واللي وراه للي بينتضر ويكون بالسياره عشان لاابغى احد يطلع لكن ربعنا ان وقفت قدام جا وراك واحد وابلش والله ماتطلع

[خالد تميم]

فعلا من اسوء مارئيت تصرف في قمة الانانيه .
مشكور علي الطرح.

[ابونبيل]

والله ياخوك عجزنا فيهم الان مافي الا حل واحد انك تعامله بنقيض قصده سكر عليه عشان يوقف زي الناس

[العطاوي a511]

افكارك مثل افكاري ناوي اقدم شكوى لمدير المرور بخصوص هالشي لاكن الى الان متردد

[أبوغيث 2003]

وعليكم السلام ورحمة الله وبركاته

ماينلام اللي يوقف ويحط قدامه مساحة

لان فيه ناس تسد عليك وتنساك وبعد ساعه او ساعتين يرجع وبكل برود يقول لك معليش :mad::mad::mad:


وخير مثال عندك طلاب كلية المعلمين دايم يسدون على أصحاب الشقق عشان يلحق على محاضرة ولا اختبار

وكثيييير من أصحاب الشقق اللي على شوارع عامة ينسد عليهم عشان واحد قاعد يتمشى بالمحلات أو يأكل بمطعم


المفروض من المرور ممنوع أحد يوقف خلف أحد ,, لكن اذا ماحولك مرور ماله الا يوقف ولا يعطي مجال لأحد يوقف وراهـ


طبعاً أنا ضد طريقة وقوفهم واوقف بعيد ولا اوقف زيهم لكن ما أحط كل اللوم عليهم ،، لانهم ما صلحوا كذا الا من الناس اللي تسد عليهم وتنساهم

[escape_man]

مثل ما تفضلت به اخوي وايضاً بعض الناس يقف بشكل طولي او شبه طولي وياخذ بطريقة هالوقوف حق شخص او شخصين واحيانا ثلاثه ..

واذا نصحته عبس في وجهك وكشر .. هذي اخلاق مجتمعنا للاسف.

اسلام بلا مسلمين

احب لاخيك ماتحبه لنفسك - اعطو الطريق حقه - احب الناس الى الله احسنهم اخلاقا

تعاليم نبوية نحفظها عن ظهر قلب و لكن لا نؤديها

ولهذا تجد شعبنا دائما في شكوى وضيقة ودائما متذمر .. هذي عقايب الله يرفع عنا وعن

كل جاهل ..

[كم كيلو باقي]

الشكوى لله يا كنق التعديل
المشكلة تحصل كثير حوادث لان اللي يمشون بالمسار الايمن أو الوسط لابد يحدون اللي بالمسار الأيسر

[بشير حسن]

فعلا هذي مشكلة نراها بشكل كبير وحتى لو كان الشخص اللي يسوي كذا بسبب خوف من أنه أحد يوقف وراه بحيث مايترك مجال ماله أي حق يسوي كذا أصلا المواقف والشارع ليس ملكا لأحد كان وبعدين هذه ظاهره سيئة جدا وظاهرة الوقوف خلف الاخرين بحيث مانترك أي مساحه أو مجال بشكل كافي للشخص اللي موقف بالامام للخروج وهذي ظاهره ادهى وأكثر خطأ

[تنومه1]

اسمع بعض الاخوان يتكلمون عن المرور.

المرور صلينا عليه صلاة الجنازه من 7 سنوات تقريباً

[المميـز]

:

أنت وضعت مشكله ... ووضعت سبب هذي المشكله من نفس الصورة

http://www.mekshat.com/pix/upload01/prof024/mk61060_img01529-20131219-1122.jpg


البرادو الاسود مشى على النظام ووقف بشكل صحيح .. ولكن كان ضحيه لواحد سكر عليه
لذلك شي طبيعي انهم يوقفون بهذا الشكل ويتركون مسافه امامهم


الحل ...

ليس من المرور لأن المرور تعب وهو يعالج هذي الظاهره


الحل ... تعديل الشارع وتصغيره
بحيث انه من المستحيل احد يوقف وراك لا بالطول ولا بالعرض
كما هو حاصل في شوارع دول الخليج
تصميم شوارعهم تجعلك تطبق النظام بالقوه ولو بغيت تخالف او توقف غلط مستحيل تجد مساحه تكفيك للوقوف الخاطئ


:

[سمر قند]

:




أنت وضعت مشكله ... ووضعت سبب هذي المشكله من نفس الصورة






ليس من المرور لأن المرور تعب وهو يعالج هذي الظاهره



:


اسمح لي اخوي المرور هو السبب

صارت مرة وواحد قفل الموقف دقيت على الدورية ولما جا قال كل اللي اقدر اسويه اعطيه مخالفة قلت له اسحب السيارة للمرور قال لا النظام في في الحالة هذي مخالفة يعني يعطيه مخالفة واحننا ننطر لبكرة الى ان يشرف حضرته ويشيل سيارته.

اذا كان حال النظام بهذا الشكل اؤيد الوقوف الخاطيء كما في الصورة لان ماعندك احد يحميك

وسلامتكم

[بيك اب 4X4]

موضوع على الجرح
بالنسبه لي اذبحني ولا :
1- تسقط علي عند الإشارة من اليمين.
2- تسكر علي في موقف.

الحمدلله من عرفت السواقه و انا اكره اسكر على احد و تحصلني اوقف اخر الدنيا
و إذا مره كنسلت المشوار إلا كم مره اذكرها كنت مضطر و لا طولت اكثر من دقائق

الوقوف بالشكل هذا غير سليم 100% لانه ما يعطي مجال للواحد ينتظر خروج سيارة بدون ما يعطل
السير في الشارع و النتيجه تحصل شوارع 3 مسارات غير المساحة المخصصة للوقوف و تحصل مسار
واحد فقط يمشي ( مثال لا للحصر عندنا في الدمام شارع كلية البنات )

المسؤوليه على المرور المفروض مخالفات و سحب سيارات و تفعيل برنامج النقاط بحيث اللي يخالف
ينحسب عليه نقاط من الممكن يسحبون رخصته و يرتفع عليه تأمين السيارة و في المقابل تخفيض التأمين
على المنضبطين

اللي يقول الشعب همج هذا الكلام غير صحيح
طبق النظام بصرامه و شف الإنضباط
حتى في الغرب عندهم ناس تخالف بس في تطبيق صارم للنظام و بكذا الأغلب منضبط

الكل يشتكي من شركة مواقف اللي ماسكين السوق و يقولون ما يمدي الواحد يوقف غلط إلا و سحبوا السيارة
و انا اقول بالعكس احسن شي انه حطوهم على الأقل تحصل موقف بسهوله و لا يتعطل السير

[راعي الرود]

والله الحل لا بيد مرور ولا غيره .. الحل هي من ذاتك يالسائق لو عندنا ثقافه في القياده ماحد وقف بهالشكل ..

نعم انا اذا شفت العالم موقفين كذا وقفت معهم ولا يجي احد يسكر علي و يروح .. فيه ناس همج بشكل ماتتصورونه

كنت ساكن جنب عماره و باب الكراج حق بيتي ملاصق للعماره هذي ,, وكل ماجاهم ضيف وقف قدام باب الكراج و نزل بعضهم يجلس بالايام بدون مبالغه .. وش تسوي تروح تطقطق الشقق وحده وحده تسأل عنه ؟

بالبدايه كنت اتصل على المرور يقولون طيب بنرسل لك دوريه .. وهذا كان اخر موقف اتصل فيه على مرور لأني اتصلت من 12 الظهر وكل شوي اكرر الاتصال عليهم ويقولون خلاص جايك المرور .. يوم جت 3 العصر سكرت على اللي مسكر علي باب الكراج بموتري الثاني و اخذت موتر الوالد ولزيته على جهه باب السواق و حطيت رقم جوالي على قزازة اللي مسكر علي و اخذت تكسي ورحت اخلص اموري و دق علي وانا في مستشفى الحرس يقول مايصير هالكلام ومدري وش .. زعلان الرجال بعد حشفا وسوء كيل ,, ماكنت فاضي له قلت لاجيت تفاهمنا ...

لطعته لين اذن العشاء و جاني واحد من سكان الشقق اعرفه ويعرفني قال لي العذر والسموحه هذا ضيف عندي و صغير بالسن ولا كان يدري ان هذا باب والرجال مستحي منك قال لي رح استسمح لي من جارك ..

طيب ضيفك اذا صار صغير بالسن مايشوف ماله عيون ؟ حاط لوحه جنب الباب و ملزق ستكر على باب الكراج ممنوع الوقوف ولا طق لها اي اعتبار .. و مسكر علي من الصبح لين العصر عجزت اطلع و اضطريت اني اسكر عليه بموتري واروح بتكسي .. هذا لو هو صاير لك (أعني الجار) مانتب راضي به وش عاد انا اللي اعاني من عمارتكم و بشكل يومي لازم القى واحد مسكر علي حطيت لوحه حطيت ستكر على الباب ممنوع الوقوف و مازالو يوقفون .. المهم بعد شد وجذب وكلام تعوذت من الشيطان و وخرت الموتر

لو جاء المرور حل الموضوع من البدايه بدال ماتطول السالفه و يمكن لو شخص ثاني غير جاري ذا وصلت لمد اليد

بعدها صرت لا ادق على المرور ولا شيء احلها بنفسي .. يا انسم كفراته ولا اسكر عليه واروح ارقد .. واللي بيعترض انا ماشي في السليم و حاط لوحات و يوقف قدام بيتي ..


و بسبب هالهمج طلعت من البيت و رحت بيت ثاني

ولو توقف موترك عشر دقايق عند بيت مسؤول ولا بيت امير .. الطوارئ و الشرطه والحرس والجيش كله يجي يسحب موترك و هذي حقيقه

وبالنسبه للوقوف كذا اللي بموضوع سببه الناس الهمج مثل اللي سكر علي و هم كثير وهذي يطول الكلام عنها وحلها مايجي بيوم وليله .. والسبب الثاني المرور اللي لا بلغت ان واحد مسكر عليك قالو ايه بسلامته اللي بيطلع اللي وراه ولا يجيك لا دوريه ولا غيره وشوله يشغلون انفسهم

[التعـ King ـديل]

بالمصادفه اليوم وانا عند مطعم جيت ووقفت نظامي ويمكن سكان حي الملك فهد بالرياض يعرفون زحمه المطاعم اللي مقابل المحطه بشارع الامير نايف المهم مالكم بالطويله وقفت نظامي ونزلت اخذ عشاء للبيت وانا راجع للسياره الا الاخ مقفل علي ونازل المهم بوري بعد بوري وطبعا الجو بارد ماقدرت انزل من السياره واوقف وبالاخير نزلت ويوم قربت من السياره الا فيها بنيه صغيره ومرتاعه تدق بالجوال انا ادبا مني سكت علشان البنت اللي بالسياره وانتظرت لين جاني شايب وسلم علي باادب واعتذر احيانا حتى لو كان الشخص غلطان عليك اسلوبه يخليك تتعامل معه باادب وبصراحه انا كنت نازل اصور الموقف بس يوم شفت البنت بالسياره تراجعت عن التصوير

[aboabdullah96]

طبيعي وتصير كثير عن المطاعم

المشكله اذا وقفت نظامي تطلع وتهضم الاكل واللي مقفل عليك ما طلع وتروح تدور عليه



صارت لي في حي الشفاء كنت حاضر زواج وبيتي بعيد وعندي مشوار ضروري

طلعت مستعجل لقيت اللي مقفل على سيارتي عاد هذا وين احصله كل المنطقه قاعات افراح مو معقوله ادور على القاعات كلها

قدامي سياره وخلفي سياره ويمين رصيف وهو يسار

لازم اذا ابحرك ادقشه خفيف ولا قصرت معاه سيارته جديده والله يعينه يتحمل نتيجه تصرفه



المفروض المرور يتحرك ويحرر مخالفات على هالعينه



اذكر كنت في نادي وفيه ناس تقفل على الخلق الغريب اداره النادي تصوت في المايك وبطلعه الروح جاء صاحب السياره وينافخ على الاداره ليش ما ترفع صوت المايك هههههههههه



شخص في نادي عجزان يوقف بعيد ويشد حيله على رجوله كل هذا عجز طيب ليش داخل نادي اذا ماعندك استعداد توقف بموقف يبعد 300-400 متر





القهر امس الصباح رحت بالوالد لمشوار والوالد رجال كبير لقيت واحد قليل ذوق موقف عند الباب لكن ماخذ موقفين مع ان المواقف طوليه ومحدد على الارض باللون الاصفر لكن هو ملبق السياره بالعرض اضطريت اوقف بعيد

[sameer_1798]

لكل فعل ردة فعل واساس المشكله من المرور لو انه شغال قسايم على اللي موقفين خطأ ومعطلين السير كان الناس ماتعودت على هذا الفعل يجيك واحد ويلبق وراك ويلطعك ساعة ولاهمه فيك وتروح تدور عليه من محل لمحل وتتصل على المرور ولايعطونك وجه وان كان فيهم خير دقوا على جوال صاحب السياره وشوف متى يجيك ثم يقولك آآآآسسف وين تصرفها ذي .



:

ليس من المرور لأن المرور تعب وهو يعالج هذي الظاهره

:


يتعب غصب عدد السكان يزيد وعدد افراد المرور مثل ماهو المفترض يكثف توظيف الشباب العاطل ولايعقدون شروط التقديم وخل القسايم تشتغل على شيء مفيد للمواطنين ومنظر حضاري للبلد وبعد القسيمه ثلاث او اربع ساعات وان ماتحركت المركبه شغل الونشات وعلى الحجز كان تشوف شوارعنا منظر ثاني .

[ابوعقيل81]

المرور اذا تكلمه يقولك طيب نرسل لك دوريه
وما يجيك احد

[الصحافة 15]

الموضوع كوم والي يجيك يدخل عليك من اليمين عند الأشارة ويروح وأنت تمسك الأشارة والمشكلة أكثر ما يسويها سواقيين اليموزين

[أبوهادي]

أولاً تحية خاصة لك اخوي كنق التعديل
والحمد لله انك غيرت التوقيع عشان لا
ننحرم من طلتك البهيه
ثانيا بالنسبة للتوقيف الدبل انا اول واحد اوقف بهذه
الطريقه وانا من سكان المنطقه الشرقيه
لانه لو وقفت قدام جاك واحد ونزل احد المحلات
واخذ له ساعة والا نص ساعة لين يخلص شغلته
وانت ملطوع على بالك نظامي
وفي الاخير يمر جمب وزين اذا انه اعتذر بعد
والا عطاك ذيك الخزه مسوي فيها انه زعلان
وانه مااخرك واجد،
فمن باب اولى توقف زي مايوقفون العالم
واحنا لازم يكون فيه عسكري ويصك مخالفات
عشان نصير نضاميين
وسلامتكم
حسيت اني هذرت واجد

[عبدالله614]

اكثر شي يحرك شياطيني انه يوقف واحد خلفي ويختفي عن الارض او يجي واحد ويحط سيارته فوق سيارتي
ولايترك مجال حتى للهوى انه يمر وشلون عاد تبي تفتح الباب وتركب لذلك انا من الي يستخدمون
هالطريقة لدرجة اني اشوف من اكثر واحد طالع على الخط اصير انا طالع اكثر منه بربع متر,
طبعاً ماصار عندي هالتصرف الا بعد السالفة الي صارت لي عند دوار الأحساء بالملز عند المطاعم بالصبح
الساعة عشر , بحسن نية مني ماوقفت الين دقت الكفرات بالرصيف دخلت افطرت على عجل وطلعت
عندي موعد ضروري ابي اخلصه الا الي داخل تحت سيارتي ولا ترك لي مجال ملِ اتحرك فيه
ودقدق بالبوري لين صار فيه بحة وادخل على المطاعم مطعم مطعم واحرج على السيارة ولا احد يلتفت علي
لين فقدت الامل وطلعت الشارع ادور تكسي ولا قليل الادب طالع يدربي كرشته يتاغر ويتمنقش
وكان يسمعني وانا انادي على سيارته وسافهني , قلت له ليه انادي على سيارتك وسافهني , قال فيه احد يقوم
رجال من فطوره , قلت الله يجعله مر ومرض يسري بجسمك يالجيفة , تماسكنا وفكونا اهل الخير ومن
بعدها توبة اوقف مثل ماوقفت ,
اما المعاناة الثانية الي يلزق بجنب سيارتك , مره طلعت من فوال ولا خبيث موسع على عمره وانا حاشرني
ماترك حتى سانتي , اضطريت اني اركب مع باب الراكب وتبهذلت على ماوصلت مرتبت السواق , بعد
ماعدلت سيارتي قمت فكيت ابرة كفر سيارته وواسيته على الجنط وخله يهًظم يبدل الاستبنة ويعرف ان الله حق


وهذي معاناتي مع ناس والله مافيهم ذرة حيا ولا مستحى واننا والله نسيء للحمير اذا وصفناهم فيهم

[المميـز]

:

طيب الموقف اللي ياخذ سيارتين ورا بعض بالطول
ماتشوفون انه غلط ويحتاج تعديل قبل لانحط اللوم على المرور ؟

:

[سقم المعادي 1]

بلا والله من سوء الانظمه و سوء التوعيه

و اخوي المميز كيف تعدل كل شوارع الرياض صعبه لازم تعدل الانظممه و لازم يخففون شروط التجنيد بالمرور عشان ينتشرون بشكل اكبر بالرياض

[GM_400]

المشكله هي ثقافه مجتمع وضعف العقوبات وتفاوتها

نحن بحاجة الى توعيه في كل المجالات لنرتقي

[صياد الخبر]

لكل فعل ردة فعل واساس المشكله من المرور لو انه شغال قسايم على اللي موقفين خطأ ومعطلين السير كان الناس ماتعودت على هذا الفعل يجيك واحد ويلبق وراك ويلطعك ساعة ولاهمه فيك وتروح تدور عليه من محل لمحل وتتصل على المرور ولايعطونك وجه وان كان فيهم خير دقوا على جوال صاحب السياره وشوف متى يجيك ثم يقولك آآآآسسف وين تصرفها ذي .



يتعب غصب عدد السكان يزيد وعدد افراد المرور مثل ماهو المفترض يكثف توظيف الشباب العاطل ولايعقدون شروط التقديم وخل القسايم تشتغل على شيء مفيد للمواطنين ومنظر حضاري للبلد وبعد القسيمه ثلاث او اربع ساعات وان ماتحركت المركبه شغل الونشات وعلى الحجز كان تشوف شوارعنا منظر ثاني .


السلام عليكم

مجرد تخلي الونش واقف بطرف الشارع
زي ما سوت مرور الخبر سنة من الاسنين
قسم ما تلاقي احد يسويها

للأسف السعودية اكبر بلد مشرع انظمة
وللأسف السعودية نفسها ما تطبقها

الله يصلح الحال


بالتوفيق

[صياد الخبر]

المشكله هي ثقافه مجتمع وضعف العقوبات وتفاوتها




نحن بحاجة الى توعيه في كل المجالات لنرتقي


السلام عليكم

الوعي والتوعية

طيب اكبر من كذا وعي ...

http://montada.haraj.com.sa/imgdir/512bcc8ae66f5.jpg

---

http://montada.haraj.com.sa/imgdir/512bccbd8b15e.jpg


انا مو ضدك اخوي انا معاك نشر الوعي ولكن للأسف

الصور تفقع المرارة ( الله يحمينا ويأكم )


بالتوفيق

[الشرقيه 03]

والله انا ما اوقف الا وقوف شبه طولي واخذ موقف سيارتين بتقولون ليه؟
بعضهم همج يفتح الباب كله وبعضهم بقوه على بدي السياره ويروح وانا اللي اكلها
كل ماطلعت لقيت ضربه على البدي .... مالقيت الا هذا الحل صراااحه

[مسير عليكم]

وعليكم السلام ورحمة الله وبركاته


ماينلام اللي يوقف ويحط قدامه مساحة


لان فيه ناس تسد عليك وتنساك وبعد ساعه او ساعتين يرجع وبكل برود يقول لك معليش :mad::mad::mad:



وخير مثال عندك طلاب كلية المعلمين دايم يسدون على أصحاب الشقق عشان يلحق على محاضرة ولا اختبار


وكثيييير من أصحاب الشقق اللي على شوارع عامة ينسد عليهم عشان واحد قاعد يتمشى بالمحلات أو يأكل بمطعم



المفروض من المرور ممنوع أحد يوقف خلف أحد ,, لكن اذا ماحولك مرور ماله الا يوقف ولا يعطي مجال لأحد يوقف وراهـ



طبعاً أنا ضد طريقة وقوفهم واوقف بعيد ولا اوقف زيهم لكن ما أحط كل اللوم عليهم ،، لانهم ما صلحوا كذا الا من الناس اللي تسد عليهم وتنساهم


:good2: بيض الله وجهك هذا الي كنت بقوله واذا فيه شكوى فهي نشكي المرور نفسه ياخي يمر من جنبه ولاكنه شايف شي والقهر لوتوقف عسكري وتقول مسكر علي قال دوره حولك موب بعيد والي يرفع ضغطك انك تدور في المحلات ماحد يرد لدرجه اني رجعت
انادي بالموتر وقول وين راعيه تراني حكيته ويطمر لي يركض للموتر يشوفه :D
اخوي قبل ما نعتض علي ضاهره لازم نعدل ثقافه لو فيه احترام او اقل شي نضام رادع ماشفنا الحركات ذي للاسف

والدليل خله لاسافر برا يسكر ولا يوقف هالوقفه :D حتي الخط الابيض مايوطاه :p

[بشير حسن]

أصلا من الغلط تصحيح الخطأ بخطأ مثله ومعالجته بهذا الأسلوب وبعدين أسلوب السائق في القيادة تعكس شخصيته ودائما أنا مع مقوله الشخص المحترم يكون محترم في كل شئ وبعدين اللي بيعالج الشئ بأسلوب خاطئ مثل هذا الاسلوب بس لأنه صار له موقف أو ماشابه تذكر أخوي انه الاحترام احترام للطريق وللقوانين الطريق وكل شئ له آداب ومن هالأشياء الطريق

[مسير عليكم]

والله الحل لا بيد مرور ولا غيره .. الحل هي من ذاتك يالسائق لو عندنا ثقافه في القياده ماحد وقف بهالشكل ..




نعم انا اذا شفت العالم موقفين كذا وقفت معهم ولا يجي احد يسكر علي و يروح .. فيه ناس همج بشكل ماتتصورونه


كنت ساكن جنب عماره و باب الكراج حق بيتي ملاصق للعماره هذي ,, وكل ماجاهم ضيف وقف قدام باب الكراج و نزل بعضهم يجلس بالايام بدون مبالغه .. وش تسوي تروح تطقطق الشقق وحده وحده تسأل عنه ؟


بالبدايه كنت اتصل على المرور يقولون طيب بنرسل لك دوريه .. وهذا كان اخر موقف اتصل فيه على مرور لأني اتصلت من 12 الظهر وكل شوي اكرر الاتصال عليهم ويقولون خلاص جايك المرور .. يوم جت 3 العصر سكرت على اللي مسكر علي باب الكراج بموتري الثاني و اخذت موتر الوالد ولزيته على جهه باب السواق و حطيت رقم جوالي على قزازة اللي مسكر علي و اخذت تكسي ورحت اخلص اموري و دق علي وانا في مستشفى الحرس يقول مايصير هالكلام ومدري وش .. زعلان الرجال بعد حشفا وسوء كيل ,, ماكنت فاضي له قلت لاجيت تفاهمنا ...


لطعته لين اذن العشاء و جاني واحد من سكان الشقق اعرفه ويعرفني قال لي العذر والسموحه هذا ضيف عندي و صغير بالسن ولا كان يدري ان هذا باب والرجال مستحي منك قال لي رح استسمح لي من جارك ..


طيب ضيفك اذا صار صغير بالسن مايشوف ماله عيون ؟ حاط لوحه جنب الباب و ملزق ستكر على باب الكراج ممنوع الوقوف ولا طق لها اي اعتبار .. و مسكر علي من الصبح لين العصر عجزت اطلع و اضطريت اني اسكر عليه بموتري واروح بتكسي .. هذا لو هو صاير لك (أعني الجار) مانتب راضي به وش عاد انا اللي اعاني من عمارتكم و بشكل يومي لازم القى واحد مسكر علي حطيت لوحه حطيت ستكر على الباب ممنوع الوقوف و مازالو يوقفون .. المهم بعد شد وجذب وكلام تعوذت من الشيطان و وخرت الموتر


لو جاء المرور حل الموضوع من البدايه بدال ماتطول السالفه و يمكن لو شخص ثاني غير جاري ذا وصلت لمد اليد


بعدها صرت لا ادق على المرور ولا شيء احلها بنفسي .. يا انسم كفراته ولا اسكر عليه واروح ارقد .. واللي بيعترض انا ماشي في السليم و حاط لوحات و يوقف قدام بيتي ..



و بسبب هالهمج طلعت من البيت و رحت بيت ثاني


ولو توقف موترك عشر دقايق عند بيت مسؤول ولا بيت امير .. الطوارئ و الشرطه والحرس والجيش كله يجي يسحب موترك و هذي حقيقه


وبالنسبه للوقوف كذا اللي بموضوع سببه الناس الهمج مثل اللي سكر علي و هم كثير وهذي يطول الكلام عنها وحلها مايجي بيوم وليله .. والسبب الثاني المرور اللي لا بلغت ان واحد مسكر عليك قالو ايه بسلامته اللي بيطلع اللي وراه ولا يجيك لا دوريه ولا غيره وشوله يشغلون انفسهم




لوني محلك شريت ونش وحطه قدام الكراج والي بيوقف بسحبه صدقني ماحد بيجي عند بابك وبالعكس يمكن تطلع قيمته من جيرانك تسحب لهم

[الدبل الثقيل]

وعليكم السلام ورحمة الله وبركاته
الصراحه انا ممن يفعلون ذلك
لانه يجي شخص يوقف وراك ووين تدوره
و رأيي ان الخطأ على البلديات والمرور واصحاب المحلات والعمائر وليس على اصحاب السيارات
البلدية يُفترض ماتعطي تصريح لمحل او عماره الا بمواقف تزيد عن الحاجه احتياطاً وهذا هو اساس الحل
لكن بعض اصحاب العمائر والمحلات ماهمه الا الفلوس
بعد ذلك المرور مسؤول بتطبيق النظام بعد وجود مواقف لكل محل خصوصا وقت الذروة
مثلا البيك في جدة وين مايفتح تحصل الشوارع اللي حوله فيها اختناق مروري
والسبب ان البيك ماعنده مواقف تكفي ولاحتى لربع زبائنه
فالمشكله متراكمه من عدة مشاكل
يعني الواحد ياخذ ليموزين لكل مشوار؟!
الحل لمشاكل الزحمه وماذكرته من ظاهره
هو بإيجاد مواقف زائده عن الحاجه لاوقات الذروه
توفير نقل عام للمدن الكبيره
التشديد في اعطاء رخص القيادة لصغار السن والعمال
توفير نقل عام للمدارس
نقل عام لكثير من الموظفين طبعاً باستثناء ال vib لازم لهم سائق خاص وعددهم محدود
بعد ذلك يمكن ان نلوم من يخالف
طبعاً فيه مخالفات قد نضطر اليها مثل هذه الصوره

[عبدالله الدوسري]

وقوف رجل مرور واحد بدباب معه دفتر المخالفات في يده كفيل بالقضاء على الظاهرتين (السبب والنتيجة)
والمطاعم على طريق الملك عبدالله بين التخصصي والملك فهد أوضح مثال لهذا

[الدبل الثقيل]

وعليكم السلام ورحمة الله وبركاته

ماينلام اللي يوقف ويحط قدامه مساحة

لان فيه ناس تسد عليك وتنساك وبعد ساعه او ساعتين يرجع وبكل برود يقول لك معليش :mad::mad::mad:


وخير مثال عندك طلاب كلية المعلمين دايم يسدون على أصحاب الشقق عشان يلحق على محاضرة ولا اختبار

وكثيييير من أصحاب الشقق اللي على شوارع عامة ينسد عليهم عشان واحد قاعد يتمشى بالمحلات أو يأكل بمطعم


المفروض من المرور ممنوع أحد يوقف خلف أحد ,, لكن اذا ماحولك مرور ماله الا يوقف ولا يعطي مجال لأحد يوقف وراهـ


طبعاً أنا ضد طريقة وقوفهم واوقف بعيد ولا اوقف زيهم لكن ما أحط كل اللوم عليهم ،، لانهم ما صلحوا كذا الا من الناس اللي تسد عليهم وتنساهم



يعني الطلاب لايداومون ولااحد يتمشى في المحلات ولاياكل في مطعم!
المشكله ان البلديه تعطي تصاريح ومافيه مواقف كافيه لا للطلاب ولا اصحاب العماير ولا اللي جيعان يبغى ياكل!!
ولافيه نقل عام بسعر رمزي يقدر الواحد يقضي اموره بدون انه يشيل سيارته ويسبب زحمه ويسكر على الناس!
الحل مايبدأ بالمرور
يبدأ بالبلدية واصحاب المحلات والمباني

[black_list]

ماشاء الله كل اللي بالمنتدى مايخالفون اجل من اللي يخالف ؟؟؟؟

[صياد الخبر]

والدليل خله لاسافر برا يسكر ولا يوقف هالوقفه :D حتي الخط الابيض مايوطاه :p

السلام عليكم

لا تروح بعيد البحرين حذفه حصاه
قسم تحس انهم اوربيين مو ربعك :)
تعرف ليش القانون صارم مافي خشمك واذنك
سحب السيارة ك عهدة حجز + غرامة اقلها 5000 ريال
وهو يالله بجيبه 500 للسينما والافلام
وين يخالف ؟؟؟
يحضرني المقوله اللي تقول
( من امن العقوبة اساء الأدب )

وقس على ذلك ..

[دلهميز]

السبب موجود في ثقافتنا مؤخرا اننا شعب سيارات شعب مراكب ,, المشي بالنسبة لنا تكليف وعبء

حتى المسجد تلقى السيارات تزاحم عنده من ان الواحد لو وقف ومشى له كم خطوة يؤجر عليها وتكفر الذنوب

تلقى الواحد يدور حوالين المحل اللي يقصده عدة مرات الين يلقى ماقف ,, كله اعتبار ان وقوفه بعيد ومشيه كم خطوه خسارة وقلة سناعة وعبء

ما ادري هي عجز وكسل والا ثقافة شعبية خاطئة والا من تربية الاباء ؟

الضيف وش يضره اذا وقف سيارته على بعد خمسين متر ومشى خمسين خطوة واستراح ضميره من جهة سيارته انها في امان وانه ما ضايق على احد او ما يخاف ان احد يسوي لسيارته شيئ

[صياد الخبر]

يبدأ بالبلدية واصحاب المحلات والمباني

السلام عليكم

اسعد الله كل اوقاتك

البلدية ... او الامانة المسؤلة نعم نعم نعم ؟؟؟؟؟؟؟؟؟

اصحاب المحلات ........ والمباني ...

تدري ولو اخذ متر سكروا محله ؟؟
تدري راعي العمارة ان تقدم مسافة بلوكة وحدة صكوة بغرامة 25 ألف ؟
تدري اصحاب المحلات لو حطوا حدايد اسمنتية تخص محلاتهم او اعلانية للمواقف تخالفوا
الارض محددة اطوالها والرصيف محدد
لا تروح بعيد
بيتك وانت تبني وهو بيتك ملزمينك بطول معين للرصيف ؟؟

بالتوفيق

[سفاري نجد]

ألا يعلم صاحب هذي الحركه بأنه يؤذي الأخرين ؟!!

ما يحصل من حوادث بسبب هذي الحركه والزحمات اخشى الأثم عليه ,

يا أخوان لنبتعد عن الأنانيه ونعطي الطريق حقه .

[التعـ King ـديل]

ألا يعلم صاحب هذي الحركه بأنه يؤذي الأخرين ؟!!

ما يحصل من حوادث بسبب هذي الحركه والزحمات اخشى الأثم عليه ,

يا أخوان لنبتعد عن الأنانيه ونعطي الطريق حقه .



يعلم ولكن لا يهتم ،، مره حاولت اجربها وبصراحه ماقدرت رجعت لسيارتي علطول وقدمتها

[أبو هشام راشد]

شكل المواقف بهذه الطريقة ما اقتنعت به لأنه سهل الدخول والوقوف لكن صعب الخروج وبعض السيارات ما أشوف شيء عند الخروج من هذه المواقف
فأفضل الوقوف ثم الدخول للموقف بالخلف ليكون خروج السيارة اسهل

بالنسبة لهذه الظاهرة أكيد الكل شاهدها والوقوف له معاني :
اللي يدخل ويقترب من حافة الرصيف هذا بيتعشى :) أسعد الله قلبه فمطول وفاتح المجال لغيره :)
واللي بالنصف عنده طلب بسيط لكنه مؤدب ويخشى من قفل الموقف عليه فوقف هكذا .. لا نلومه
واللي واقف في الشارع من اللي في الصور فهذا مستعجل .. لكنه أخطأ وخطأ غيره لا يبرره بخطأ مثله فيضيق على الطريق
واللي موقف في الشارع على جانب السيارات ومقفل عليه هذا الله يسلمكم بيأدب الأثنين :)

الموضوع بالممارسة يتعدل فإذا عدلت سلوكي وعدل الآخر سلوكه تعدل سلوك المجتمع لأننا نحن المجتمع فالأفضل تقترب من الرصيف وتترك النور يعمل

وبالخلق تأسر كثير من الناس لي صديق يعكس الشارع لأن الممر قريب والمدخل للحي بعيد فقابله صاحب خلق رفيع ووقف له لكي يمر وعرقل بذلك سير عدد من السيارات وقال خجلت من صنيعي ومن خلق ذلك الرجل وتعهد بعدم المخالفة مرة أخرى

[بيك اب 4X4]

الحل عند المرور و الدليل شارع الأمير نايف بالدمام مقابل كلية البنات تحصل الناس يسوون هذي الحركة
امس اشوف دوريه تعطي مخالفات اليوم استغربت من الترتيب بس المشكله بعد ما تروح الدوريه بيرجع الوضع
لو في تفعيل لقانون النقاط بحيث اللي يأخذ مخالفه تحسب عليه نقطه ما بيتعودها مره ثانيه