المساعد الشخصي الرقمي

مشاهدة النسخة كاملة : تركيب مبرد قير لسييرا


sloom1992
23/12/2013, 01:36 AM
السلام عليكم ورحمة الله وبركاته

حياكم الله اخواني المكشاتين

حبيت استفسر عن مبرد القير تركيبه واضراره وتكلفته لانه الموتر

ماشاء الله وحش بانفود لاكن اذا ارتفعت حرارة القير يطيح عزمه

علمن موتري سييرا2013 وموقعي القصيم بريدة
المميـز
23/12/2013, 05:50 AM
:

مبرد قير ( hayden - plate ) ( شرائح ) كفائه عاليه
http://www.mekshat.com/vb/showthread.php?p=9657524

ولله الحمد والمنه تم تركيب مبرد قير للتاهو 2008 والتجربة
http://www.mekshat.com/vb/showthread.php?t=505631

ترهيم مبرد قير بالصور
http://www.mekshat.com/vb/showthread.php?t=528202

تقرير مصور عن تركيب مبرد قير ( مخ سعودي )
http://www.mekshat.com/vb/showthread.php?t=576768

اذا اردت المزيد استخدم خاصية البحث

:
sloom1992
23/12/2013, 07:45 PM
بيض الله وجهك اخوي المميز وماقصرت
بيك اب 4X4
23/12/2013, 08:54 PM
اهم شي لا تركب مبرد هايدن ابو مواصير مثل هذا حتى لو ببلاش
هذا ما يصلح للجمس
ينفع للسيارت السيدان

https://encrypted-tbn0.gstatic.com/images?q=tbn:ANd9GcTkuESCACtarirdS5Jy0gvxgrhnwOZF9 37fZxJ-f_vkxn5LBSedRg

ركب مثل هذا

https://encrypted-tbn3.gstatic.com/images?q=tbn:ANd9GcQgpBa0KoIuXoimk9rkQSJ6YuylcyvK6 4NlGrhQXMNuyrELPEN9tw

هذا اقتباس لمشاركة لي و الأرقام تقريبيه و اتوقع اقل بعد


تجربتي مع مبرد قير نوع tru-cool الحجم الضخم واصل السعودية بـ1000 ريال
الموتر جمس بيك اب دبل 2005 حجم 1500 غمارة مكينة 4.8 يوجد مبرد خارجي شد بلد بس حجمه صغير
اول شي ركبت قيج عشان اعرف كم توصل حرارة القير
و كانت توصل في الخط 87 في الصيف طبعاً
و مع الوقوف و الزحمه او التطعيس فوق 100
بعد تركيب المبرد مع الخط 75
و التطعيس و الزحمه 95
ركبت المبرد بنفسي عند البيت اخذ مني ساعه تقريباً
و تركيبه سهل جداً
sloom1992
24/12/2013, 12:28 AM
مشكور اخوي بيك اب على مرورك
وااضح
24/12/2013, 02:16 AM
بالتطعيس. تشغل الدبل؟
ابو فهد 1
24/12/2013, 09:31 AM
السلام عليكم ورحمة الله وبركاته

حياكم الله اخواني المكشاتين

حبيت استفسر عن مبرد القير تركيبه واضراره وتكلفته لانه الموتر

ماشاء الله وحش بانفود لاكن اذا ارتفعت حرارة القير يطيح عزمه

علمن موتري سييرا2013 وموقعي القصيم بريدة

وعليكم السلام ..

مر ورشة العثمان بالتشليح
sloom1992
26/12/2013, 05:42 AM
بالتطعيس. تشغل الدبل؟
اكيد اشغله!!!
أبوبسام 0104
26/12/2013, 01:06 PM
شف العضو فرفوربريده يطلب لك المبرد من برا
والمبرد اللي يجيبه هو غرض السييرا
ابو محمد 2222
26/12/2013, 01:34 PM
انا عندي f150 حراره القير بالنص يبيله مبرد؟
فرفور بريده
26/12/2013, 03:55 PM
هلا اخوي حياك

شف مشاركتي السابقه ب موضوع اخر اتمنى افيدك


لكل من يعاني من حراره القير ب الجمس

الحل موجود ومن تجربتي ..

ونسيت حراره القير .. بالبر حدها 90

هذا شكل المبرد

للعلم انه يستخدم ب امريكا لمشاريع سيارات تصل ل 900 حصان .. ويستخدمون هالمبرد ولا واجهو مشاكل مع حراره القير

http://www10.0zz0.com/2013/12/19/12/724610318.jpg (http://www.0zz0.com)


انصح كل جمس يركب هالمبرد

نصيحه اخ

ولمن يريد الحفاظ على القير

هذا الحل الوحيد من تجربتي .. وكلنا ندري عدو القير هو الحراره فقط

واللي يبي هالمبرد انا موجود .. اجيب له هالمبرد وارسله له

والتركيب سهل جدا .. ماياخذ ساعه وشغل يد 100-200

فقط تزود زيت للقير بمقدار علبه تقريبا او اقل

واذا تبي هالمبرد كلمني واجيبه لك

واصل لبريده ب 1000 ريال

وانا موقعي بريده

وتركيبه سهل جدا
فرفور بريده
26/12/2013, 03:56 PM
^
للمعلوميه موتري سييرا 2011
ومركب هالمبرد .. بهالجو البارد والله ماتعدت 60 بالديره ماشاء الله
انصحك فيه
aboabdullah96
26/12/2013, 06:18 PM
^^^^^^





مشاءالله تبارك الله

60 قليله بالحيل جب قصدير وغلف نص المبرد واترك النص

لين يجيك الحر وبعدها شل القصدير مبرد بالحجم هذا المفروض يجي معاه ثرمستات وعلى فكره الشركة نفسها ممكن تطلب منها بكج مع ثرمستات واشياء ثانيه ناسيها





لكن القصدير حل سهل ويفكك من الثرمستات في الصيف
مخ سعودي
26/12/2013, 06:32 PM
حرارة القير لاتضر ياجماعه الخير
انا حرارة المبردين عندي ٣٠ حاليا واسافر عليه ميزته فزته سريعه
ولا في اي اضرار وله راكب عندي سنتين
كاشت بالبر
26/12/2013, 08:16 PM
وعليكم السلام ورحمة الله وبركاته

برأيي المتواضع

خير الأمور أوسطها
والشيء اذا زاد عن حده انقلب ضده

زي حرارة المكينه ما ينفع تكون بارده جدا جدا ولا ينفع تكون حااااره جدا جدا جدا

عندي لك حل بسيط وبتكلفه بسيطه
ركب مروحه كهرباء صغيره أو متوسطه قدام مبرد القير اللي يجي بالسياره .. وحط لها فاصل و كتاوت أصلي و سلك ناعم ومتين ( عاد قوة سحب الكهرباء تختلف حسب المروحة والمقاس و حجم وسرعة دينمو المروحه والخ... ) وأتوقع تلقى مكتوب على المروحه أو كرتونها كم تسحب واط watt أو أمبير Ampere .

إذا جيت تطعس وتكرفه أو اذا جيت تشد على القير والمكينه شغلّ المروحه الإضافيه عشان ما ترتفع حرارة القير

عاد ما أدري اذا مبرد قير سيارتك .. داخلي في الراديتر أو خارجي
إذا داخلي تتبع مواصير أو ليّات زيت القير .. وحط المروحه عندها
عشان يكون هواء المروحه بإتجاه مبرد القير
ويفضل تكون المروحه قريبه من الراديتر أو المبرد عشان ما يتشتت الهواء خارج الراديتر أو المبرد
بس انتبه لزعانف المروحه لا تحك بالراديتر أو المبرد ثم تعدمه وتسبب تهريب ومشاكل ؛ ولازم تثبت المروحه زين عشان ما تتحرك وتضرب الراديتر أو المبرد

و لا تنسون تأثير الحراره والبروده .. على لزوجة وسيولة الزيوت والسوائل وعلى تمدد وتقلص المعادن
و لا تنسون تأثير التغير المفاجئ بالحراره ( مثل اللي يغير ماء الراديتر والسياره حااااااااره وفجأه يعبيها ماء باااااااارد جدا مقارنة بحرارة المكينه = ممكن ينشعر رأس المكينه أو الخ... )


بالتوفيق ان شاء الله
Abo_Faisal_506
27/12/2013, 02:04 PM
ركب مبرد هايدن شرائح
مع حق الوكاله لاتفكه
اذا كان براد مره يمكن يطق القير ويبدا يفوت
فرفور بريده
27/12/2013, 08:07 PM
مبرد قير الجمس خارجي

وبالنسبه لقير الجمس الجديد .. كثير خبراء جمس ب امريكا اصحاب المشاريع والكراجات

ع كلامهم يقولون اهم شي حراره القير تكون فوق 30 ( اما تحت 30 فهي مضره لمكونات القير )

اما فوق 30 الى 60 تقريبا فهي مضره ( لاتكن ليست مضره لمكونات القير )

فوق 60 فهي مناسبه
بيك اب 4X4
28/12/2013, 02:25 AM
صحيح كلام الأخ / فرفور بريده
و الدليل وضع الوكاله مبرد للقير وسط الرديتر عشان يرفع من حرارة زيت القير
و يخليها في مستوى معين و إلا لو كان المقصد التبريد فقط كان اكتفوا بمبرد خارجي فقط