ابي اجابة شافية عن الدفلوك( الهزاز).. نبي اهل الخبرة... [الأرشيف]

مشاهدة النسخة كاملة : ابي اجابة شافية عن الدفلوك( الهزاز).. نبي اهل الخبرة...

وقيان

29/10/2006, 10:18 AM

السووووووووؤال للجميع....

بصراحة ودي اعرف بالتفصيل عن الدفلوك.... تعرفون هو نادر الاستخدام ( الله لايحوجنا له )

انا مرة كنت مغرز تغريزة خفيفة... قلت فرصة اجربه... شغلته و اشتغلت عندي علامة ال Abs لكن السيارة

ماهزززت ولا شي... ( دفيناها دفة خفيفة وطلعت :d )

سسسسسسسسسؤالي... ماهو الدفلوك... شلون يشتغل... ومتى نشغله... واذا اشتغل وش يصير :d ؟؟

ياليت اهل الخبرة نسمع منهم اجابة وااااافية وتفصيلية....

واللي عنده اي معلومة يذكرها حتى لو كانت بسيطة

مقدور

29/10/2006, 10:34 AM

ياهلاااا والله اخوي

ترا قوله هزاز هذي ماادري يعني ماادري وش سبب هالتسمه ؟

الدفلك ياخالي بطريقه مبسطه جدا:

انت شفت الى ثولث الموتر وصار الكفر الى عالق ثابت والكفر الى حر هو الى يدور لحاله
وضيفة الدفلك انه يشبك الدفرنس ويصير كل الكفرين يدورن

بس وتشغله ياخالي اذا ثولث الموتر وفيه بعض الاحيان يشغل اذا جاك مرقى طويل ولا ينصح بالسير به مسافات طويله ولا سرعات عاليه
وخصوصا اذا صار الدفلك رباعي مثل نظام الشاص وشابك الكفرات الاماميه ام الصالون فكله مايجي الى دفلك خلفي بس

اتمنى اكون افدتك ولك خالص احترامي

وقيان

29/10/2006, 10:38 AM

مشكووووووور وماقصرت..

و يسمووونه هزاز لأن بعض الشباب مجربينه يقولون تحس الموتر يهز اذا اشتغل

آل مهنا

29/10/2006, 10:52 AM

الاسم يا خوي يوضح الوظيفه ... ترجمته قفل الدفرنس ... وهو يجي انواع كثيره لكن زي منت عارف مانعرف غير التايوتا وهي ما يجي فيها الا قفل للدفرنس الخلفي ... الوظيفه لو ان الكفرات الي ورا متعلقه وتلف في الهواء ليا شغلت القفل تقريبا يوقف الدفرنس الخلفي ويتحول كامل العزم للامامي عشان تطلع السياره من الغراز (هذا في الصالون) ... سبب الاهتزاز لان القفل يتم اذا الكفر فقد الاحتكاك ويحصل ان الكفر يبدأ يحتك بالارض فتوقف عملية القفل ثم يفقد الاحتكاك فينقفل الدفرنس مره اخرى وهذا التحول (بين القفل والفك) قد يحدث عدة مرات متتاليه فيسبب نوع من الاهتزاز للسياره و من هنا جات التسميه الشعبيه له...

فيه سيارات يكون القفل على كل كفر لوحده (الاربع كفرات) مثل الهمر والاكسبيدشن والباجيرو والرانج روفر ... وهذي الله يسلمك كل كفر يفقد الاحتكاك بالارض يتقفل لحاله يعني لو الخلفي الايمن متعلق يتقفل وتتوزع القوه على الثلاث الباقيه و لو ثلاث كفرات فقدت الاحتكاك تتقفل ويبقى العزم على كفر واحد بس ...

الشاص (اعتقد لاني لم اجربه) القفل فيه اما للدفرنس الخلفي او الامامي (الكفرين يتقفلوا مع بعض)... يعني لو اي كفر فقد الاحتكاك يتقفل (يوقف) هو و اخوه ...

قفل الدفرنس ما يعطي اي نتيجه اذا لم يكن هناك كفر يلف في الهواء (متعلق) ... لذلك لن تشعر به الا في حالة صار عندك تعليق لاحد الكفرات ...

ارجو ان المعلومه وصلت ... تحيتي.

مقدور

29/10/2006, 10:56 AM

اخوي عنيد يعطيك العافيه يالغالي على هالشرح

وبالنسبه لشاص فهو القفل يجي على الاربع كفرات ويجي الفاصل طقتين اول طقه تشبك الكفرات الخلفيه والطقه الثانيه تشبك الاربع كفرات

آل مهنا

29/10/2006, 11:05 AM

اخوي مقدور قصدك على الدفرنسين ... بمعنى انه يقفل الدفرنس الامامي او الخلفي (كفرين في كل حاله) ... لان عملية القفل على الاربع كفرات تستخدم فيها الفرامل لقفل كفر واحد او اكثر حسب الحاجه ... و تحتاج وجود حساسات على كل كفر (وهي عمليه بالكمبيوتر لا يتدخل فيها السائق ابدا) ... طبعا الشاص ما اعتقد ان فيه هالخاصيه لان معظم تقنياته تعتمد على السائق بدليل انك تشغل قفل الدفرنس وتطفيه بنفسك ... يليت احد عنده فكره عن هذا الموضوع (بالنسبه للشاص والربع) يفيدنا من باب العلم بالشئ ...

zaizoom

29/10/2006, 11:22 AM

أخي (romance202)
.
.
ما معنى الديف لوك أو DEF LOCK ؟

معناه القفل التفاضلي .

حيث أن كلمة DEF اخنصار لكلمة DEFFERENTIALLY أي تفاضلي .

وكلمة LOCK تعني قفل .
.
.
ما هي وظيفته ؟

باختصار وبساطة : يقوم بتوزيع عزم الدوران لكفريين الخلغيين بالتساوي .
.
.
متى يستخدم ؟

يستخدم في الطرق الموحلة ، أو الرملية الناعمة .
.
.
أتمنى إني أفدتك .. شكرا لك

مقدور

29/10/2006, 11:23 AM

اخوي عنيد ماادري وشلون اول لك المعلومه

لكن الشاص الحين لو تشوفه الى طب ربضه والى ثولث تشوف كل الاربع الكفرات تنوفر ( تطير الرمل ) في حاله انك طقيت الدفلك
ومااعتقد انه على كلامك كل كفر فيه حساس لان من تشبك الدفلك مافيه توزيع ثقل يعني كل كفر يجيه حقه من العزم بغض النظر عن الكفر
المتعلق والى الحر ونفس الطريقه الربع مع انه قليل جدا يجي دفلك ويجي دفلك خلفي فقط وتلحظه في الى يرقون في الطعوس بجيث
انه اذا نطل الموتر ماتشوف الموتر يتكي اذا صار شابك الدفلك وكل الكفرين يتحركن بنفس السرعه

ابوظبي 987

29/10/2006, 01:04 PM

السلام عليكم ورحمه الله وبركاته

اود ان اوضح نقطه بخصوص الدفريشن لوك الذي يأتي من الوكاله ( شدبلد) لايعمل الا مع الدبل الثقيل وعادة يأتي في الدفريشن الخلفي بالنسبه للتويوتا والنيسان

وشركه ARB تصنع دف لوك يعمل على الهواء اي يتم قفل الدفريشن بنظام الهواء وليس الكهرباء

مميزاته
1 - يعمل على الدبل الخفيف والثقيل
2 - تستطيع تشغيله والسياره تمشي
3 - يمكن تمشي عليه حتى سرعه 100

اليكم الصور
1 -
http://www.mekshat.com/pix/upload/images21/mk34422_d2.jpg

2 - خاص بالتويوتا
http://www.mekshat.com/pix/upload/images21/mk34422_d1.jpg

3 - خاص بالنيسان
http://www.mekshat.com/pix/upload/images21/mk34422_d3.jpg

ملاحظه : التويوتا يأتي للدفريشن الخلفي فقط ولايوجد للامامي بسبب المقصات
ام النيسان يوجد خلفي وامامي
تم تجربته على نيسان وشغله 100% :good:

السعر = 3000 درهم للدفريشن الواحد

مع تحياتي ...

salehhd

29/10/2006, 01:15 PM

السلام عليكم

الشباب ماقصرو

وهذا رابط ممكن يفيدك بس اقرى كم صفحة

http://www.assayyarat.com/forums/showthread.php?t=5752

وقيان

29/10/2006, 05:39 PM

مشكووووووورين جميعآ وماقصرتوا...

وضحت الصورة بنسبة كبيرة

هاوي الله

29/10/2006, 07:43 PM

أُقسم بالله إن بعض الأعضاء الله يعطيهم العافيه يوهقوووووووووووون اللي يبي يستفسر عن موضوع أو يبي يكسب خبره ومعلومات يتوهق بسبب بعض ردود وفلسفة بعض الأعضاء الخاطئة × الخاطئة × الخاطئة 1000000000%

والله مدري وش اقول لكن بعض الردود اللي فوق غير صحيحه &

ياليت إنه رد أو ردين أو ثلاثه ردود خاطئة كان بنصحح لأخوانا لكن المشكله من تناحي ولاتفكرون إن فتى البران فاهم في كل شي لكن الشغله أو التجربه اللي أنا فاهم فيها بقول إني فاهم واللي مااعرفها بقول ماعندي علم أو مانيب راد على شي وأنا ماأعرفه , أهم شي ما أوهق خلق الله &

استغفر الله استغفر الله ولا حول ولاقوة إلا بالله &

imksa

29/10/2006, 09:26 PM

اخوي فتى البران

وش القصه ؟؟؟

اذا فيه كلام خطى فقل هذا خطى ولا تتوقع الشخص جاي يتكلم قدام الناس ويتعب نفسه ويحط معلومه خطأ ( إن بعض الظن اثم )

شباب معاي باث فايندر 2006 وشلون ادري فيه قفل دفرنس ولا لا ؟؟

فمان الله

أبو أسامة

29/10/2006, 11:24 PM

الغدير

30/10/2006, 12:27 AM

السلام عليكم ورحمة الله وبركاته

أخواني الكرام ........ بعض الكلام السابق غلط............ وأنا متأكد أن قصد كتاب هذا الكلام الخاطئ قصدهم شريف وهو تعليم الأخوة فائدة الديف لك ....... بسبب أنهم فاهمين الموضوع غلط ........

طريقة عمل الديف لك : وهي أنه عند تشغيله تتربط العكوس داخل الدفرنس ببعض فتدور الكفرتين مع بعض غصب طيب دايره مع بعض دايره مع بعض فيؤدي ذلك إلى خروج السيارة من التغريز لأن الكفرة اللي كانت واقفه تحركت وساعدة الكفرة اللي كانت تدور وتسبب حفر لأن أختها لا تساعدها ........

بالنسبه للتسيمه فليس لها علاقة بقفل أو إغلاق الديف لك ( أقصد تسمية الهزاز) وأيضاً السيارة إذا شغلت الهزاز ماتهتز إلا في حالة واحدة وهي أنه عند الإنعطاف والهزاز شغال تهتز السيارة وذلك لأن دوران الكفرتين الخلفيتين متساوي .... يعني إذا الديف لك ما هو شغال ولفيت يمين راح يكون دوران الكفرة الخلفية اليمنى أقل سرعة من الكفرة الخلفية اليسرى وذلك لأن زاوية الدوران عليها أصغر من زاورية الدوران على الكفرة اليسرى والعكس صحيح ......

أخوي الباث فايندر ما يجي عليه ديف لك إلا الأمريكي كما أسمع يعني المواصفات الأمريكية وليس الموديل الجديد.......

والسلام عليكم ورحمة الله وبركاته

نعم اخوي في كلام البعض خطا
ولكن له سبب
اولا فيه طريقة كنت جربتها من23 سنة لشبيه الدف لوك وهو هزاز فعلا في جيب مرسيدس ويكون برفع عصاتين جنب القير (وتشوف بعدها هز قوي للموتر) كأنه يرفع عجل معاكس للعجل الاخر ويطلع بذلك الموتر بدون تحركه للامام او للخلف وكأنه ماغرس (كأن العملية دك لارض التغريس)
اما الان فان اهم شيئ ابحث عنه في مواصفات السيارة الي اخذها بعد الجير الاوتماتيك وال ابي اس هو الدف لوك وهومثل ما قالوا الاخوان بربط العجلات مع بعض
مع ملاحظة ان كان عندي لاند كروزر فيه الدف لوك لاربع عجلات وشفت فيه نوع من الخطورة ولكنه ممتاز للي يعرف له

وقيان

30/10/2006, 12:49 AM

السلام عليكم ورحمة الله وبركاته

أخواني الكرام ........ بعض الكلام السابق غلط............ وأنا متأكد أن قصد كتاب هذا الكلام الخاطئ قصدهم شريف وهو تعليم الأخوة فائدة الديف لك ....... بسبب أنهم فاهمين الموضوع غلط ........

طريقة عمل الديف لك : وهي أنه عند تشغيله تتربط العكوس داخل الدفرنس ببعض فتدور الكفرتين مع بعض غصب طيب دايره مع بعض دايره مع بعض فيؤدي ذلك إلى خروج السيارة من التغريز لأن الكفرة اللي كانت واقفه تحركت وساعدة الكفرة اللي كانت تدور وتسبب حفر لأن أختها لا تساعدها ........

بالنسبه للتسيمه فليس لها علاقة بقفل أو إغلاق الديف لك ( أقصد تسمية الهزاز) وأيضاً السيارة إذا شغلت الهزاز ماتهتز إلا في حالة واحدة وهي أنه عند الإنعطاف والهزاز شغال تهتز السيارة وذلك لأن دوران الكفرتين الخلفيتين متساوي .... يعني إذا الديف لك ما هو شغال ولفيت يمين راح يكون دوران الكفرة الخلفية اليمنى أقل سرعة من الكفرة الخلفية اليسرى وذلك لأن زاوية الدوران عليها أصغر من زاورية الدوران على الكفرة اليسرى والعكس صحيح ......

أخوي الباث فايندر ما يجي عليه ديف لك إلا الأمريكي كما أسمع يعني المواصفات الأمريكية وليس الموديل الجديد.......

والسلام عليكم ورحمة الله وبركاته

اخوي ابو اسامة.. انا عندي gxr2 2006

ممكن تشرح عن الدفلوك بالتفصيل بهالسيارة...؟؟؟

و اللي فهمته من كلامك.. ان الدفلوك بتقدر تشغله في حالة ان فيه تاير عالق ومايتحرك ؟؟؟ هل هذا صحيح ؟؟؟

آل مهنا

30/10/2006, 07:35 AM

اولا يا اخوان ... الي يرد على الموضوع يرد حسب عرفه ... والي بباله انه صح ... وهذا نقاش بناء من كان عنده لبس في الموضوع و اقتنع يرجع فيكون تعلم مع من سأل ...

على اي حال ما فيه امل نلاقي المعلومه بالعربي ... لي عوده للموضوع ... اعطوني فرصه ادور شرح له وارجع لكم ... يا اقتنعت بكلامكم او اقنعتوني ... تحيتي.

آل مهنا

30/10/2006, 08:36 AM

شباب الي انا كنت اتكلم عنه نظام لم يصل بعد لكل الشركات ... وهو التطوير الجديد لقفل الدفرنس ... على اي حال سأتعرض للموضوع بالتفصيل و الصور ...

للآختصار ... نظام قفل الدفرنس عمله ضمان مساواة سرعة دوران الكفرات و منع زيادة دوران الكفر المتعلق ... هذا شرحه بالانجليزي:
Differential locks (when engaged properly) guarantee equal wheel speed on all 4 wheels. Spinning wheels are prevented.

مع التحيه.

آل مهنا

30/10/2006, 10:53 AM

الدفرنس (Differental):
http://www.mekshat.com/pix/upload/images21/mk1939_difff.jpg
الصوره اعلاه لمجرد اخذ فكره عن شكل الدفرنس وبعض مكوناته ...

قفل الدفرنس (Differental Locks):

اولا هو نوعين من ناحية طبيعة العمل :

- يدوي (Manually) ... وهذا مثل الي مستعمل في سيارات التايوتا .
- توماتيك (Independently) ... و مثاله الموجود في الباجيرو.

ثانيا المكان والاستعمال له ثلاث انواع (لاحظ في الصوره يبين لك مكان كل قفل) :
http://www.mekshat.com/pix/upload/images21/mk1939_unimog_traction72.jpg

- الخلفي او الامامي:

http://www.mekshat.com/pix/upload/images21/mk1939_diff_lock.jpg

يربط الكفرين ببعض لتوزيع سرعة الدوران للكفرات لتكون بنفس السرعه (لاحظ نتكلم هنا عن السرعه وليس العزم) بغض النظر عن حالة الكفر... بمعنى لو ان احد الكفرات ماهو واصل للارض او انه في منطقه ضعيفه فحمل السياره (وزنها) بيكون على الكفر المقابل اكثر وبالتالي الكفر الي متعلق تكون سرعة دورانه اسرع بكثير من سرعة دوران الكفر الي ماهو متعلق والنتيجه انه يحفر بزياده اذا كان في ارض ضعيفه او يلف في الهواء وياخذ معظم عزم السياره عن الكفر المتماسك اذا كان معلق ... عمل قفل الدفرنس انه يمنع دوران كفر اكثر من الآخر وبالتالي تكون سرعه دوران الكفرين مثل بعض والنتيجه يتوزع العزم بينهم ليأخذ الكفر المتماسك عزم كافي لتتحرك السياره ... واذا كانوا الكفرين على ارض متماسكه فهم يدوروا بنفس السرعه وبالتالى يتساوى العزم على الكفرين المتقابلين في هذه الحاله حسب القفل المستعمل (امامي او خلفى) ...

شوف التعريف باللغه الانجليزيه من احد المواقع المتخصصه :
Differential locks (when engaged properly) guarantee equal wheel speed on all 4 wheels

- وسطي:
هذا القفل نادر ... وهذا القفل هو الموجود حاليا في الباجيرو (الدبل الثالث الموجود بين الخفيف والثقيل)... كما هو موضح في الصوره هذا القفل موجود بين الدفرنس الامامي والخلفي ووظيفته انه يوزع العزم بين الدفرنس الامامي والخلفي بالنص ...يعني 50% من عزم السياره للامام و 50% للخلف...

ألآن نجي للموضوع الي انا كنت اتكلم عنه :
طبعا (اللبس الي صار عندي ان قفل الدفرنس في الباجيرو توماتيكي بدون تدخل السائق) ... لكن الكفر الي يلف في الهواء او غير متماسك ليه يأخذ عزم ... ليه ما نوقفه تماما ... وهذا الي يحصل في الباجيرو و كثير من السيارات رباعية الدفع ذات التقنيه العاليه ... اي كفر يلف بسرعه عاليه او انه فقد تماسكه مع سطح الطريق يتم ايقافه تماما باستعمال الفرامل (طبعا لثانيه او جزء من الثانيه) ...

متى استعمل قفل الدفرنس:
حسب الموقع الموجود رابطه تحت ... الافضل انك تشغله قبل يتعلق عليك الكفر ... مثال عند الدخول لرباضه ... طبعا ما يمنع انه احيانا يشتغل معك اذا شغلته بعد تعلق الكفر (لكن هم ماينصحون بذلك)...

اعذروني ياشباب ... ما اقدر ازيد اكثر من كذا ... والي يبغى استزاده يرجع للروابط الي تحت ...

روابط باللغه الانجليزيه للموضوع :
http://www.4x4abc.com/4WD101/diff_locks.html
http://www.4x4abc.com/jeep101/engage-diff-lock.html

والسموحه على اي قصور او لبس سببته كتاباتي.

وقيان

30/10/2006, 11:47 AM

ماشاء الله عليك اخي عنيد.. اضااااااااافة طيبة ووو وووافية.... بصراحة استفدت كثير من تعقيبك...

هاوي الله

30/10/2006, 12:05 PM

متى استعمل قفل الدفرنس:
حسب الموقع الموجود رابطه تحت ... الافضل انك تشغله قبل يتعلق عليك الكفر ... مثال عند الدخول لرباضه ... طبعا ما يمنع انه احيانا يشتغل معك اذا شغلته بعد تعلق الكفر (لكن هم ماينصحون بذلك)...

والسموحه على اي قصور او لبس سببته كتاباتي.

وشلون عند دخول الرباضه! والصانعين( تويوتا ) يوصون على السرعه إنها
ماتتعدى 8 كم في حالة تشغيل الدفلوك!!! عشان مايخرب !!؟؟

اخوي الرباضه إذا وصلناها لعنا أبو جد الموتر عشان مايربض! ( أكثر المرات نربض ) :D
وش رايك لوتجيب مثال ثاني مثل صعود الجبل والتضاريس الصلبه أو الإنسداح في الجفّر والحُفر ;) :D
ملاحظه :
يمكن إستعمال الدفلوك إذا ربضت يعني بعد ماتوقف السياره في الرباضه تماماً ولكن بحذر ودقه من السائق &

آل مهنا

30/10/2006, 12:59 PM

فتى البران :
ترى الحوار له اصول ... والاحترام واجب من الجميع للجميع ... والناس مقامات وانا اخوك ...

كلامي كان واضح (حسب كلام الموقع الاجنبي انك تشغله قبل التعليقه وهذا ماهو كلامي انا ... ارجع للرابط وشوف بنفسك)

بالنسبه لمثالي ... تدخل للرباضه ... ويبدأ الجيب يحفر ويقص ... تشغل قفل الدفرنس عندها مو تتحرى لما يتعلق ...او اذا انتبهت للرباضه تقدر تشغله قبل ما تدخل ... وماهو لازم انك تتعدى ال 8 كم الي محددتها تايوتا.... مسألة انك تدخل للرباضه بسرعه عاليه ... هذي اكيد منت محتاج فيها للقفل ويمكن حتى الدبل ما تحتاجه ...

احترامي ...

imksa

30/10/2006, 01:04 PM

في الزلفي ( الكسر ) كان فيه مطر وخير والناس طالعين يتمشون .

المهم فيه راعي سكس جاي بيدخل وغرز ،، قام الزول وسوى شي ( عرفت بعدين انه شبك الدفرنس ) ثم كسر الدرسون وما سمعت الا كم واحد يزعقون عليه (لا لا )

والا اسمع ذيك الطقه ( صوتها قوي )

قالو له حسبي الله عليك كسرت الدفرنس ،، الدفرنس ما يشبك الا والدركسون عداااال .

هذي القصه قالها لي احد الثقات من زمااان وانا متأكد من صحتها لكن هل تم تعديل النظام أو هل يختلف النظام للسيارات الكبيرة عن الصغيرة ؟؟

فمان الله

آل مهنا

30/10/2006, 01:26 PM

اخوي imksa:

مسألة ان قفل الدفرنس لازم ما يشبك الا والدركسون عداااال ... هذي سمعت عنها لكن والله ما قد جربتها بنفسي ... لأن قفل الدفرنس في سيارتي نظامه مختلف تماما ... اخونا (عود حي) في الصفحه الاولى ذكر ان قفل الدفرنس لازم يكون مع الدبل الثقيل ...

عشان يكون الموضوع هذا مرجع ونفتح النقاش اكثر ... نحتاج اصحاب التجربه (وخاصه الموديلات الجديده) يدلوا بدلوهم في الموضوع...

salehhd

30/10/2006, 01:50 PM

السلام عليكم

الاخ عنيد كففيت ووفيت وشرح وافي واسمحلي نسيت نظام المستخدم في الشروكي وهو نظام يشبك عن طريق فحمات في الدفرنش الخلفي

الاخ فتي البران
ذكرتني بالجزيرة هذا غلط وهذا مايسير وحل مافي

دام انك فاهم ليش ما افتدتنا ولو بكلمه مفيدة في الموضوع وتعلمنا بالصحيح

هاوي الله

30/10/2006, 02:23 PM

كلن بعقله راضي ولا ينكسر الدفرنش في الرباضي

وقيان

01/11/2006, 07:41 AM

مشكوووورين اخواني على مداخلاتكم... و بانتظار بقية الاعضاء من اهل الخبرة و التجربة ان يدلو بدلووووووووهم..

ملاعب الريح

01/11/2006, 01:20 PM

shaheenshah

15/11/2006, 11:09 AM

السلام عليكم ورحمة الله وبركاته

أخوي الديف لوك أو ما يسمى بالهزاز يأتي بالتايوتا الصوالين وليس كلها ويأتي للكفرن الخلفيه فقط

أما الشاص الفل يأتي دفلكين يعني طقتين الألى للكفرات الخلفيه فقط والثانيه للكفرات الأماميه والخلفيه

وبالنسبه لطريقة عمله الإخوان ما قصروا

تحياتي (ملاعب الريح)

وأحب أضيف على كلام اخوي ملاعب الريح بالنسبة للشاص:

حسب تجربتي:
- انه ما يشتغل الا مع الدبل الثقيل
- ما هو شرط ان الدركسون يكون عدال لان القفل يكون من الدفرنس وليس من عكس الهوب .
- تحس ان لف الدركسون يكون ثقيل بشكل ملحوظ جداً
- ما تحس بعمله في التغريز الا اذا تعلق احد الكفرات

snakes

15/11/2006, 06:55 PM

اخوي عود حي هل هذه القطعة تركب على كل سيارة دفع رباعي للنيسان والتويوتا

هاوي الله

16/11/2006, 03:52 PM

فيه موضوع أنا قد شرحت فيه عن الدفلوك بالتفصيل ( اللي في الكاتلوج حق اللاندكروزر ترجمته لكم بلغتنا الشعبيه ) وسلامة الجميع &

وقيان

17/11/2006, 08:38 AM

فيه موضوع أنا قد شرحت فيه عن الدفلوك بالتفصيل ( اللي في الكاتلوج حق اللاندكروزر ترجمته لكم بلغتنا الشعبيه ) وسلامة الجميع &

ممكن رابط الموضوع لو سمحت...

وشكرررررررررررآ للجميع على مشاركاتهم الطيبة

هاوي الله

17/11/2006, 06:09 PM

باالنسبه للموضوع اللي شرحت فيه كانت مشاركه مني ونسيت عنوان الموضوع والظاهر إن عنوان الموضوع = دفلوك فقط

ملاحظة :
الشرح كان عن اللاندكروزر

السالمي

18/11/2006, 02:33 PM

وليه الواحد يحتد لدفلوك

ليه ماينسم الهواء على 15 مع الدبل الخفيف

وخل اطلق رباضه توقفك

والا لا صحيح نسيت انتم مواتركم لاندكروزرات والطريقه هذي ماتنفع الا مع الـ jeep

والله يالربع الواحد اذا بيفكر بعد مايغرز وينشب ماراح يستفيد شي

خل تفكيرك قبل التغريز

وسبحان الله الاندكروز دائما اذا نشب نشب مايطلع بسهوله

امس انا في هافمون لقيت واحد مغرز ومن قو النشبه مايل على جنبه

بس ماكان فيه دفلوك

لاكن هذا بعد ماغرز راح ينسم وراح يجرب دبلاته بس مانفعته

الجيب اللي دبله عكوس دايم ينشب

حان الرحيل

21/11/2006, 10:59 PM

السلام عليكم يا اخوان
من خبرتي البسيطه وباختصار
1- بالنسبه لتويوتا فهي نوعين من م97 واقل لها قفلين مثل الشاص تماما وتستطيع تشغيل الخلف اوالاثنين معا اما من98 وما فوق فتستطيع قفل الدفرنس الخلفي فقط لان القفل مرتبط بوجود الدفرنس والنيسان خلفي فقط
2- الرانج روفر والباجيرو والفوردات ذات التعليق الحر (المستقل) يعني بدون دفرنس فالتعليق يختلف وهو اوتوماتيكي فيقوم الكمبيوتر بتوزيع الحركه على المحور المطلوب بغض النظر ان كان في منطقه قويه او منطقه فارغه(حفره مثلا) حتى لو كفر واحد في منطقه صلبه وبقية الكفرات في منطقه ضعيفه فسيقوم كفر واحد بالطلوب
3-وظيفة الدف لوك يعني بالعربي قفل الدفرنس في الفقره1 هي شبك المحور بحيث يعمل الدفرنس على لف الكفرين بالتساوي بغض النظر عن مكان الكفر00ويجب ان يكون السير مستقيم وبسرعه بطيئه لاتتعدى8كلم-س الا اذا كان الجيب من98 وفوق فالسير بخط مستقيم ليس ضروريا لانه ليس فيه قفل امامي
4-السير في الرمال او السبخات لا يلزم تشغيل القفل لانه بدون فائده لان العزم موزع بالتساوي الا اذا كان هناك تعليقه او المنطقه غير مستويه00اشكركم على سعة صدوركم