المساعد الشخصي الرقمي

مشاهدة النسخة كاملة : استفسار لاهنتم بخصوص معلم في روضة الخفس


travel4arab
26/12/2013, 10:09 AM
السلام عليكم ورحمة الله وبركاته

يا اخوان عندي استفسار عن جبال برق وجبل على راسه حصاة على شكل الاصبع حول روضة الخفس او فيها والله مادري ياليت من يفيدنا عنه او يعطينا الاحداثية ولكم مني جزيل الشكر والتقدير ..


http://www.mekshat.com/pix/upload01/prof021/mk3281_aoromah%20(40).jpg
هواي الدهناء
26/12/2013, 10:23 AM
و عليكم السلام ورحمة الله وبركاته
هذا موجود ف روضة الخفس الشمالية وتراه شماله تجيه من جهت خط القصيم مخرج الصفرات الحسي بعد مخرج الدقله
المهم تدخل مع مخرج الصفرات إن كانك جاي من الرياض يمين وبعدين يسار ع الخاتله وتمشي الين توصل حد العرمه قبل ديرة رويغب يجيك مسحيه مسويتها البلديه بالشيول يمين امش معها والعرمه يسارك بينك وبينها حدود 2كيلو استمر وتجيك فياض مربعه امش وانت رايح جنوب الين قبل الروضه الشماليه تلقاه واضح منفرد لحاله وهو من العرمه
travel4arab
26/12/2013, 09:35 PM
الله يجزاك خيري الدنيا والاخره ياخوي وبيض الله وجهك ماقصرت ... تقبل ودي وتقديري
ابوعمرالفاروق
26/12/2013, 11:51 PM
السلام عليكم ورحمة الله وبركاته

يا اخوان عندي استفسار عن جبال برق وجبل على راسه حصاة على شكل الاصبع حول روضة الخفس او فيها والله مادري ياليت من يفيدنا عنه او يعطينا الاحداثية ولكم مني جزيل الشكر والتقدير ..


http://www.mekshat.com/pix/upload01/prof021/mk3281_aoromah%20(40).jpg

عليكم السلام ورحمة الله وبركاته

خذ معك أبو أحمد صاحب الصورة يدلك في هذه الرحلة الممتعة على موضع الصخرة أكثر لأنه شاهدها وهو من صورها

http://www.mekshat.com/vb/showthread.php?t=483289
ابوعمرالفاروق
27/12/2013, 12:56 PM
بعد متابعة هاهي الصخرة تقع داخل شعيب إلى الشرق من طريق رويغب الخط السريع وتفرق لها يمين قبل رويغب بسبع كيلو مترات وأول شعيب يجيك بعد حوالي 6.5 كم إلى 7كم وعند فمه قويرات سود يمين ويسار تدخل معه أربعة كيلو مترات وتجيك داخل الشعيب يمينك والصخرة الأخرى المنفرده في موضوع أبو أحمد قصيرة هالصورة على بعد نصف كيلو متر شرقا عنها

هاهي المحاطة بالدائرة الكبيرة وأختها المنفردة في الدائرة الصغيرة
http://www.mekshat.com/pix/upload01/prof024/mk81221_ru.jpg
هاهي مشار لها بالسهم و شعيبها
http://www.mekshat.com/pix/upload01/prof024/mk81221_ru1.jpg
وهاهو شعيبها بالنسبة لرويغب وما يحيط به
http://www.mekshat.com/pix/upload01/prof024/mk81221_ru2.jpg
الوعد هناك
06/01/2014, 09:28 PM
افادوك الاخوان
speculator
01/02/2014, 06:01 PM
وعليك السلام ورحمة الله وبركاته
هذي والله أعلم قبر قديم لأنهم كانوا يضعون نصب على القبور الملكيه أو التي لأصحابها شأن
راجع القبور الملكيه في قرية الفاو تلاحظ أن عليها نصب مشابهه لهذه الصخرة
وترا قبور قرية الفاو حصلوا تحتها ذهب طلاب جامعة الملك سعود