ابي انقل دفلوك باترول الى باترول ثاني

[صياد المزارع]

السلام عليكم ورحمة الله وبركاته

اخواني

مساكم الله بالخير

عندي استفسار وأتمنى أهل الخبره مساعدتي

عندي باترول ربع موديل 92 فيه دفلوك

وعندي برضو باترول ربع ثاني موديل 92 مافيه دفلوك


ابي انقل الدفلوك الاول لثاني

هل لازم أغير الدفرنس كامل مع القطع الموجودة داخل الكبوت والفيش فقط
او القطع الخاصه بالدفلوك انقلها مع تغيير إلكرونه

واذا تعرفون لي ورشه في الرياض أتمنى ماتقصرون معي
وهل هي طريقه مجديه

[التعـ King ـديل]

بتخرب الاثنين

خل كلش على بلاده

[راعي الرود]

برسل لك على الخاص رقم واحد سعودي بالشفا متخصص في الدفلوك دق عليه واستفسر منه

[بدوي جنوبي]

بتخرب الاثنين

خل كلش على بلاده



ترا شغلته بسيطه

فاقول اذا يحتاج انه يغير جرم الدفرنس هنا صح خسارة على غير سنع

لكن اذا الدفرنس فيه فتحه لتركيب الدفلك فأمره سهل

[صياد المزارع]

راعي الرود بدوي جنوبي ماقصرتو

كنق تعديل احنا نبغا الفائده تعم من اصحاب الخبره

وانا اقدر استخدمه في نفس السياره لكن السياره مهيب ذاك الزود
وبغيت انقله وأول ما اخلص نقل بنزلها هنا بإذن الله مع التفاصيل

[دانفوس]

يا اخي ترى فيه كارونه يابانيه تجي مع الباترولات المقصوصه المستورده من اليابان تجي كلتشات وكثير من الناس مركبها يعني فك كارونك وركبها ولاتبي لا كهرب ولاهوى ولاغيره ممتازه جدا علما انه تجي بنيون 10 وتجي بنيون 9 وريح راسك........ والتشاليح مليانه منها و 85 % منهن نظاف

[التعـ King ـديل]

الدفلك يحتاج الى تغير الدفرنس والدفرنس اذا كان شد بلد ماانصح تفكه الا لحاجه ملحه واذا انفك من سياره لسياره مو الكل يضبط الشغله

هذا مقصدي اخوي بدوي جنوبي

[راعي الرود]

يا اخي ترى فيه كارونه يابانيه تجي مع الباترولات المقصوصه المستورده من اليابان تجي كلتشات وكثير من الناس مركبها يعني فك كارونك وركبها ولاتبي لا كهرب ولاهوى ولاغيره ممتازه جدا علما انه تجي بنيون 10 وتجي بنيون 9 وريح راسك........ والتشاليح مليانه منها و 85 % منهن نظاف

+1

صح هذي راحت عن بالي

الدفرنس اللي يجي كلتشات نفس وظيفه الدفلوك و بدون زر ولا اي شيء الكلتشات توزع الجهد

اوفر لك بعد لأن اللي عطيتك رقمه يصلخ بالسعر حبتين

[قناص مزاجي]

السلام عليكم ورحمة الله وبركاته

اخواني

مساكم الله بالخير

عندي استفسار وأتمنى أهل الخبره مساعدتي

عندي باترول ربع موديل 92 فيه دفلوك

وعندي برضو باترول ربع ثاني موديل 92 مافيه دفلوك


ابي انقل الدفلوك الاول لثاني

هل لازم أغير الدفرنس كامل مع القطع الموجودة داخل الكبوت والفيش فقط
او القطع الخاصه بالدفلوك انقلها مع تغيير إلكرونه

واذا تعرفون لي ورشه في الرياض أتمنى ماتقصرون معي
وهل هي طريقه مجديه


نعم لازم تغير الدفرنس الامامي والخلفي هذا اولا

ثانيا- المواسير الخاصه بالهواء لازم تنقلها وتقوم بتقصيره

ثالثا - منظم الهواء الخاص بالدف لوك لازم تنقله ايضاً

4- فيش الدف لوك كذالك يتم نقله

[صياد المزارع]

راعي الرود والله يبغالي استفسر اكثر عن الكلتشات

وبكلم صاحب الورشة وبستفسر منه وأي جديد بوفايكم به
ماقصرت وبيض الله وجهك

الله يعطيك العافيه اخوي قناص

[ابوسند9]

وعليكم السلام
اتوقع اذا ارقام الكوارين زي بعض
سو عملية تبديل دفرنسات ونقل الباقي كا المواصير والجهاز اللي بالكبوت والفرار ولاسلاك

[فهم العدواني]

اذا تاخذ شوري بعها الاثنين وخذلك واحد دفلك اذا ملزم
وفك نفسك من الخساير ووجع الراس
لان الاحتمال الكبير
انها ماتضبط معك

[abo naser 1]

السلام عليكم

يلزمك تنقل الدفرنس كامل بأغراضة
الجرم يختلف طول العكس يختلف بين الاثنين
الكلتشات مركبها تقريبن. من سنة تقوم مكان الدفلك

[صياد المزارع]

الله يعطيكم الف عافيه ماقصرتو

ويا فهم العدواني والله السياستين تعرف قديمه في الموديل وكذا لكن فيه وحده فيهم انظف
وحبيت اركز عليها من ناحية التجديد والمواصفات وكذا

وبأذن الله راح انزل هذي التجربة اذا طبعا صار فيها مجال انها تكون فعاله او العكس

[دانفوس]

الله يعطيكم الف عافيه ماقصرتو

ويا فهم العدواني والله السياستين تعرف قديمه في الموديل وكذا لكن فيه وحده فيهم انظف
وحبيت اركز عليها من ناحية التجديد والمواصفات وكذا

وبأذن الله راح انزل هذي التجربة اذا طبعا صار فيها مجال انها تكون فعاله او العكس


يابن الحلال وشبك انت ....

فيه كارونه تجي كلتشات واعرف كثير من زملائي مركبينها وناجحه 100%

كانك تبي العلم والا بكيفك .

[SGL]

http://www.grraf.com/vb/t579.html
شوف هذا موضوع الأخ إستشاري ميكانيكي من موقع جراف راح يفيدك إن شاء الله فيه معلومات رائعه

[صياد المزارع]

دانفوس ماقصرت وانا مانزلت الموضوع الا ابي علم الدفلوك وليس الكلتشات

موفق خير


Sgl
الله يعطيك الف عافيه

[سقم المعادي 1]

نصيحه اخوي خله على وكالته مالك و مال شل و ركب من بيزبط شغله عندنا مافيه الا الدجه

والدفلوك ماهوب شيء اساسي خل معك مسحاه صغيره تقوم باللزوم و اوسع صدر هههههه