استفسار (بسيط)

[راعي الجبيل]

السلام عليكم
مساء الخير لجميع الاعضاء
الصراحة انا عندي استفسار بسيط جدا ارجوا من الي يقدر يفيدني انه مايبخل علي
وهو:
السوال الاول:


وش احسن انواع الفرارات حقات الدبل الي يفصلن الدفرنس
وين القاها واوين اقدر اركبها


وهل لهن تأثير واضح على الموتر

مع العلم ان معي جيب ربع تويوتا

والسوال الثاني:


وش احسن الجنوط الي يركبن الربع




ولكم جزيل الشكر مقدماً

[(طيرشــــلوى)]

الفرارات الزينه يسمونها فرارات نيسان وهي قصيرة وشكلها على الجنط مقبول أما بالنسبة للجنوط فهذي مسأله تعتمد على عمر الشخص ومكنته الأجتماعية يعني هل هو ابو عيال او مدرس زي حالاتي او طالب........ وكانك توك شباب عليك بجنوط الVXR الجديد شكلهن شبابي جدا

[راعي الجبيل]

اخوي طير شلوى اشكرك على تواصلك معي وعلى هذه المعلومات
وماقصرت
واتمنى من الاخوان الي يعرف شي يدلي به الله لا يهينه

[الفرعاوي]

وشن له الفرارات و ممكن تركب على الباثفايندر ؟

[الاجودي]

الفرارات ياطويل العمر يفصلن الدفرنس الامامي

لين تشغلهن ويخلن الموتر اخف ((هذا على حسب علمي ))


وهن يركبن على اي سيارة فور ويل (دفع رباعي)

[جاروود]

السلام عليكم ورحمة الله وبركاته
راعي الجبيل
انا انصحك انك تاخذ الفرارات من عبدالطييف جميل وكيل تويوتا وتركبها عندهم لانها النسب لسيارتك

اخوي الفرعاوي
في البدايه
الفرارات تركب على الكفرات الاماميه
اما عمل الفرارات
فعندما تمشيء بسياره ولم تشغل الدبل الدفرنس قير الدبل ماهو شغال لاكنك مع الممشا تتحرك الكفرات الاماميه والكفرات الاماميه تدور فتدور معها الدفرنس الامامي مع ان ماله داعي يدور ولهاذ تصير السياره ثقيله ةتصرف بنزين
طيب أذا اركبت فرارات وش يصير
الفرارت فيه حركتين(تحطه على الي تبي)
على الوضع للوك وعلى الوضع فريي
الوضع فرييfree لما تحط الفرار على الوضع فري حينفصل الدفرنس الامامي عن الكفر الامامي يعني لو تمشي ماراح يدور الدفرنس لان الفرار خل الكفر يدور بدون العمود الي يجيء من الدفرنس وهاذ الوضع تحطه أذا كنت في وسط المدينه وفي الطرق ولانتاب مشغل الدبل لانك لو شغلت الدبل راح يدور الدفرنس الامامي بدون الكفرارات لان حطينا الفرارات على الوضع فري اي حر
وبهاذ تكون رحيت الدفرنس الامامي من الدوران الي على غير سنع وتكون كسبت طول عمر لدفرنس الامامي مع توفير للبنزيين مع سرعه اكبر لسياره
على الوضع اللوك : ماتحطه الى أذا بغيت تشغل الدبل يعن لو بغيت تدخل في الطعوس وقف ونسم والشبك الفرارات من الوضع الفري ال اللوك وبهاذ راحي يشبك الكفر مع الدفرنس الامامي ولو شغلت الدبل راح يشتغل مضبوط
الفرارت مهمه لاي سياره وكل سياره تاخذ الفرارت من نفس وكيله افضل

[الفرعاوي]

الاخ / الجودي و اللة و مشكور و ما قصرت

الاخ / جارود عزاللة انك كفيت و وفيت و الموضوع صار واضح و اعتقد كثير من اصحاب الجيوب ما يدرون لذلك اقتر ان يتم تثبيت الموضوع ..

[راعي الجبيل]

السلام عليكم
مساكم الله بالخير
اشكر الاخوان الاجودي وجارود واقول والله مانلحق جزاكم
والله يجزاكم خير
ووافيتوا وكفيتوا
والصراحه ان الصوره اتضحت الان وهذا كله بفضل من الله ثم فضلكم
والسلام عليكم