خيوط الفلوروكاربون "fluorocarbon"

[AbuTurki]

شباب

حسب ما اشوف من اخويانا اللي نطلع معهم

والسواليف هنا في المنتدى

قليل احد يجيب طاري الخيوط هذي

خيوط الفلوروكاربون "fluorocarbon"

اما في السوق ،،، فهي شبه معدومه

على الاقل عندنا في الشرقيه

بالنسبه لي

شريت من الخبر خيط اسمه Vanish،، من باركلي

http://www.mekshat.com/pix/upload06/images/2013/12/mk19781_download (1).jpg

مقاس 30 او 35



بس كان مش ولا بد،، الظاهر انه كان مضروب أو تقليد

بعدها،،

شريت واحد من امريكا

Trilene... Barkley،،، مقاس 40

http://www.mekshat.com/pix/upload06/images/2013/12/mk19781_download.jpg


تجربتي معه كانت ممتازه

كنت استخدمه كترديعه

وحبيت اشاركم بمعلومات عنها

ابتداءً،، شوفوا المقطع هذا

الخيط اللي على اليمين

هو الخيط العادي

واليسار

هو خيط الفلوروكاربون

http://www.youtube.com/watch?v=YpgGfm6Q0rY

الفكره ،، انه خيط الفلوروكاربون

اولاً

خواصه تشابه خواص الماء

فبالتالي،، يتجانس مع الماء ويختفي ..تقريباً

والميزه الثانيه

انه يتحمل اكثر من الخيط النايلون

طبعا مقارنةً بنفس المقاس

والميزه الثالثه

انه مافيه ستريتش

يعني ما يتمغط

الميزه هذي ،، ما تستفيد منها كثير

اذا كانت ترديعه


المشكله اللي اعتقد انه يتشارك فيها مع النايلون

انه يسحر

لازم تحسب حساب هالشي

لما يكون الصيد حداق

ومافي قمره

المشكلة الثانيه

انه سعره اغلى

من النايلون

بس اذا عشان الترديعه

تمل ،،، والخيط عيى يقضى

ماهي مشكله

عموماً

من متابعتي لبرامج الصيد الامريكيه

الخيط هذا تقريبا

دااااائماً

يستخدم كترديعه

ويكون الخيط الاساسي

اما حرير او نايلون

حرير غالبا

اخيراً

ودنا نشوف تجربة الشباب

مع النوع هذا من الخيوط

[البريق السحري]

يعطيك العافيه ماقصرت ع التقريل الجميل
بس شنو يعني ترديعه

[Amr Radi]

خيوط الفلوروكربون تستخدم كليدر و بالاخص فى الترولينج، الجيجنج و البوبنج لقدرتها المرنه و تحمله العالى لصدمه السمك مم يساعد على شمك السمك

[مخلد المحنا]

الفلورو ميزته الاساسية ان خواصه الضوئية تجعله لا يرى تحت الماء..

ولذلك سعره اغلى من باقي الخيوط النايلون والبلاستك الشفافة..

وبسبب سعره غالبا يستخدم كليدر "وصلة" وليس كخيط اساسي لانك تحتاج اول متر او مترين يكونون ما ينشافون من السمك..

او تسوي حركة الباكنج "backing" وهي انك تلف ثلثين البكرة خيط عادي والثلث الاخير فلوروكاربون..

اما بالنسبة لاحسن شركة.. انا اقول تشتري من الشركة اللي اخترعت الفلوروكاربون في الاساس وهي شركة "سيجار" Seaguar" منتج غاية في الجودة ومن واقع تجربة لا يضاهيه شيء على حد علمي..

تحياتي
مخلد المحناhttp://img.tapatalk.com/d/13/12/30/ude6e8y4.jpg

[ABOKHALID1]

نعم اخي الكريم انا استعملت الخيط اللي ذكره اخونا الفاضل مخلد المحنا (25 lb) . فعلا" صياد و فرق معي في صيد الشعم و المزيزي و السبيطي.
استخدمه على الاسياف. مترين في المقدمه او العلاق كامل منه فقط.

[رائد ابو محمد]

مشكور اخي على هذة المعلومات

[NOBL3]

اشكرك على الموضوع الشيق

بالنسبة لي استخدمت بعض أشهر خيوط الفلورو وكان أفضل خيط بينهم الـ Yo-Zuri
وانصح بشدة باللون الوردي او الأخضر ، وكان اسوأهم خيط الـ Seaguar بالنسبة لي

لكن يوجد خيوط حالياً تمزج بين الفلورو والمونو ،
تتمتع بميزة التمدد الخاصة بالمونو والاختفاء الخاصة بالفلورو
والأهم يمكن استخدامها كخيط رئيسي وليست محكورة كليدر فقط مثل خيط

Yo-Zuri Hybrid Ultra Soft

http://i.imgur.com/Gfqpum0.jpg


والله يعطيك العافية

[مخلد المحنا]

اليوزوري ممتاز من واقع تجربة.. بس النوع اللي ذكرته مو مصنوع من الفلوروكاربون فقط لانه ممزوج بنايلون "Nylon Blend"

اختيار الخيوط برايي دايم يرجع للتفضيل الشخصي.. قد يعجبك اداء خيط وما يعجب غيرك ولولا اختلاف الاذواق لبارت السلع..

تحياتي

[أبو فيء]

فعلاً .. كلام أخوي مخلد المحنا ممتاز ..
وخيوط Seguar من أفضل الخيوط وأغلاها ..
وتستخدم أكثر في صيد التونا ..
وخيوط Yozuri أيضاً ممتازه .. وخصوصا. H.D Carbon ...

[hasansalies]

Whiplash-Barkley
القديم جدا ممتاز

[AbuTurki]

يعطيك العافيه ماقصرت ع التقريل الجميل
بس شنو يعني ترديعه


ردك اللي احلى

شاكر لك تعليقك

الترديعه،،، هي الليدر :D

اللي هي الجزء الاخير من الخيط

اللي تركب عليه مياديرك وطعمك وحركاتك وفنياتك

اخر متر ...عموماً

[AbuTurki]

خيوط الفلوروكربون تستخدم كليدر و بالاخص فى الترولينج، الجيجنج و البوبنج لقدرتها المرنه و تحمله العالى لصدمه السمك مم يساعد على شمك السمك


صح عليك يا استاذ عمرو

خصوصا في شمك السمك :p


نور الموضوع بمرورك عزيزي :)

[AbuTurki]

الفلورو ميزته الاساسية ان خواصه الضوئية تجعله لا يرى تحت الماء..

ولذلك سعره اغلى من باقي الخيوط النايلون والبلاستك الشفافة..

وبسبب سعره غالبا يستخدم كليدر "وصلة" وليس كخيط اساسي لانك تحتاج اول متر او مترين يكونون ما ينشافون من السمك..

او تسوي حركة الباكنج "backing" وهي انك تلف ثلثين البكرة خيط عادي والثلث الاخير فلوروكاربون..

اما بالنسبة لاحسن شركة.. انا اقول تشتري من الشركة اللي اخترعت الفلوروكاربون في الاساس وهي شركة "سيجار" Seaguar" منتج غاية في الجودة ومن واقع تجربة لا يضاهيه شيء على حد علمي..

تحياتي
مخلد المحناhttp://img.tapatalk.com/d/13/12/30/ude6e8y4.jpg



يا سلام عليك

رد ينم عن.. درايه وخبره

صدقت،، Seaguar هم مخترعين هذا النوع من الخيوط

ولحد الان هم يطبلون على النقطه هذي


شاكر لك اضافتك

القيمه

[AbuTurki]

نعم اخي الكريم انا استعملت الخيط اللي ذكره اخونا الفاضل مخلد المحنا (25 lb) . فعلا" صياد و فرق معي في صيد الشعم و المزيزي و السبيطي.
استخدمه على الاسياف. مترين في المقدمه او العلاق كامل منه فقط.


اخيرا،، احد عطانا تجربته الشخصيه

شعم ومزيزي وسبيطي... يا سلاااام

عطرت الموضوع بطاريهم

لازم اجرب السيجار...دام كذا

انا ما جربت الا الباركلي...vanish و trilene

[AbuTurki]

مشكور اخي على هذة المعلومات


شكرا على مرورك

عاود..

[AbuTurki]

اشكرك على الموضوع الشيق

بالنسبة لي استخدمت بعض أشهر خيوط الفلورو وكان أفضل خيط بينهم الـ Yo-Zuri
وانصح بشدة باللون الوردي او الأخضر ، وكان اسوأهم خيط الـ Seaguar بالنسبة لي

لكن يوجد خيوط حالياً تمزج بين الفلورو والمونو ،
تتمتع بميزة التمدد الخاصة بالمونو والاختفاء الخاصة بالفلورو
والأهم يمكن استخدامها كخيط رئيسي وليست محكورة كليدر فقط مثل خيط

Yo-Zuri Hybrid Ultra Soft

والله يعطيك العافية







خيط الـ Yo-Zuri دائما يعرضونه علي البياعين،،ولكن ما فكرت اخذه

مادري ليه

لكن مؤخرا انتبهت لمعلومة ما كنت ادري عنها سابقاً

انه الخيط هذا صناعه "يابانيه"

الجماعه اليابانيين هذولا ياخي انا احترمهم،، مادري ليه

كذا من الله

وخيطهم لازم نجربه

بالنسبه للسيجار

شكله متعبك...

ياليتك عطيتنا تفاصيل اكثر عن مشاكلك معه

عموما الله يعافيك

وشاكرلك تعليقك

[ABOKHALID1]

اخوي ابو تركي ال seaguar مكلف سعره خصوصا" الليدر منه . و الليدر يكون اقسى ويتحمل حز الصخور و القواقع . ال Vanish و P-line و اليوزوري ممتاز ه و سعرها اقل ولا احب الملونه منها ( فقط ابيض شفاف).
ولكن مثلك عارف اهم شي سماكة الخيط . الخيط النحيف النايلون العادي اصيد من الفلورو السميك (سماكة الخيط هي اهم شي لازم يركز عليه الحداق ).
مشكور على طرح الموضوع .

[NOBL3]

خيط الـ Yo-Zuri دائما يعرضونه علي البياعين،،ولكن ما فكرت اخذه

مادري ليه

لكن مؤخرا انتبهت لمعلومة ما كنت ادري عنها سابقاً

انه الخيط هذا صناعه "يابانيه"

الجماعه اليابانيين هذولا ياخي انا احترمهم،، مادري ليه

كذا من الله

وخيطهم لازم نجربه

بالنسبه للسيجار

شكله متعبك...

ياليتك عطيتنا تفاصيل اكثر عن مشاكلك معه

عموما الله يعافيك

وشاكرلك تعليقك










صحيح يبو تركي اليوزوري صناعة يابانية ، وعن تجربة شخصية كان افضل خيط بالنسبة لي . السيجار استخدمت منه سماكتين ٤٠ و ٧٠ وكان سيء ، الذاكرة فيه مرتفعة مقارنة بخيوط اليوزوري والبيركلي ، ايضاً كان قاسي بزيادة وهالشي يصعب عليك ربط العقد بأنواعها بينما خيوط اليوزوري والبيركلي ناعمة والذاكرة فيها منخفضة مع العلم ان كلهم 100% Fluorocarbon وهذي وجهة نظري

[أحمد السوويدي]

قواكم الله ع الموضوع والمشاركات الطيبة

بالنسبة لل Yo-Zuri

شفته بالبحرين بس احس انه حار ع اليد

يعني سبيطي اربعه كيلو ممكن يسبب لك مشاكل خخخ

[AbuTurki]

اخوي ابو تركي ال seaguar مكلف سعره خصوصا" الليدر منه . و الليدر يكون اقسى ويتحمل حز الصخور و القواقع . ال Vanish و P-line و اليوزوري ممتاز ه و سعرها اقل ولا احب الملونه منها ( فقط ابيض شفاف).
ولكن مثلك عارف اهم شي سماكة الخيط . الخيط النحيف النايلون العادي اصيد من الفلورو السميك (سماكة الخيط هي اهم شي لازم يركز عليه الحداق ).
مشكور على طرح الموضوع .


صدقت

انا شفت السيجار المخصص لليدر...

كان ودي اجربه

بس حسيت انه تو متش

من ناحية السعر


شاكر لك تعليقك واثرائك للنقاش

[AbuTurki]

صحيح يبو تركي اليوزوري صناعة يابانية ، وعن تجربة شخصية كان افضل خيط بالنسبة لي . السيجار استخدمت منه سماكتين 40 و 70 وكان سيء ، الذاكرة فيه مرتفعة مقارنة بخيوط اليوزوري والبيركلي ، ايضاً كان قاسي بزيادة وهالشي يصعب عليك ربط العقد بأنواعها بينما خيوط اليوزوري والبيركلي ناعمة والذاكرة فيها منخفضة مع العلم ان كلهم 100% Fluorocarbon وهذي وجهة نظري




يا سلام عليك

موضوع ذاكرة الخيط،، قليل ما احد يتكلم عنها

مع انها من اهم العوامل في ما اذا كان الخيط

يكد معاك فتره

من غير ما يفقد مرونته ونعومته وقوته

اما من ناحية قساوته

فهذا الشي متوقع

لأنه مخصص انه يكون ليدر

وبالتالي يتحمل اللي يجيه

كونه في الواجهه

:good2:

[AbuTurki]

قواكم الله ع الموضوع والمشاركات الطيبة

بالنسبة لل Yo-Zuri

شفته بالبحرين بس احس انه حار ع اليد

يعني سبيطي اربعه كيلو ممكن يسبب لك مشاكل خخخ





يا هلا اخوي احمد

فعلا،، ما استبعد انه يكون حار على اليد

مقارنةً بخيوط النايلون

بس اذا بيكون في الترديعه

يدك بتكون بخير

واذا على السبيطي،،،

تراه يستاهل :)

نور الموضوع بتعليقك

استاذ احمد

[accentkool]

بااارك الله فيك
ويعطيك الف عافية
ومشكور على نقل تجربتك
وجاري البحث عن خيط الفلور كاربون

[حداق الخبر]

جربت اليوزي وعيبه انه مايجي الا لون زهري واسود والوان غير مقتنع فيها

فلذالك راح اجرب السيجار واطلبه من امازون هاليومين استعدادا للسبيطي