من له خبرة وتجربة مع ايسوزو ديماس Isuzu D-Max 4x4 الشكل الجديد ؟

[Qassim Land]

http://www.almrsal.com/wp-content/uploads/2013/09/1325082612Cover-Page.jpg

السلام عليكم
أخواني الكرام من فترة أبحث عن سيارة دفع رباعي للطلعات البرية وما شابه علما اني راعي بر على خفيف وأيضا ابغاها لتحميل بعض الحاجيات وأمسك فيها خطوط
رغبتي سييرا او سلفرادو او الفورد f150 ولكن ميزانيتي ما تسمح معي حول 70 السبعين الف وما أقدر أزيد عليه

أشار علي بعض الأخوة بالسوزو دبل مكينة سعة 3.0 لتر الشكل الجديد من 2013 وفوق
حيث ان شكلها الخارجي أجمل وأيضا السيارة ديزل للمعلومية

ولقيت 2013 مستعلمة نظيفة يبي راعيها يبيعها بالستينات وحوله


السؤال وش رأيكم بالسيارة بشكل عام ؟
من ناحية التحمل والأعطال
العزم وشلونة ؟
وأيضا وشلون السيارة بالخطوط هل فيها الحد المعقول من الراحة ؟
يعني عزمها ورساوتها أفضل أم الهايلوكس الدبل افضل ؟

وكيف السيارة بالبر والنفود تبيض الوجة ولا ما تنفع؟

أنا ضروري أبي قير أوتوماتيك فشلون الاتماتيك مع السيارة هل هو جيد؟


أي عيوب أو مزايا أتمنى من الأخوة الكرام ذكرها
وهل تنصحوني بالسيارة بشكل عام مع الأخذ بالاعتبار سيارة دبل نظيفة بهالقيمة 65000~70000 هل هي مناسبة

http://www.drivearabia.com/ar/wp-content/uploads/2013/03/2013-Isuzu-D-MAX-3.jpg

[ابونبيل]

لا تغامر فيها نصيحه
اذا ترغب بهذي الفئة دور لك هايلكس دبل مستعمل تحصل الخليجي رخيص بالسوق ال١٣ اصفار حاليا وصل ٨٤ دبل قزاز كهرب اتوقع لو تحصله مستعمل يكون بهالسعر او خذ لك جمس موديل ٢٠١٠ تحصل بحول هالقيمه او سلفرادوا ارخص بعد لا تاخذ الا النظيف ولا تاخذ شي الا وانت مقتنع

[أبوعذااب707]

السلام عليكم
أخواني الكرام من فترة أبحث عن سيارة دفع رباعي للطلعات البرية وما شابه علما اني راعي بر على خفيف وأيضا ابغاها لتحميل بعض الحاجيات وأمسك فيها خطوط
رغبتي سييرا او سلفرادو او الفورد f150 ولكن ميزانيتي ما تسمح معي حول 70 السبعين الف وما أقدر أزيد عليه

أشار علي بعض الأخوة بالسوزو دبل مكينة سعة 3.0 لتر الشكل الجديد من 2013 وفوق
حيث ان شكلها الخارجي أجمل وأيضا السيارة ديزل للمعلومية

ولقيت 2013 مستعلمة نظيفة يبي راعيها يبيعها بالستينات وحوله


السؤال وش رأيكم بالسيارة بشكل عام ؟
(((ممتازه)))
من ناحية التحمل والأعطال
(((مقدر احكم السياره لها 6 شهور معي)))
العزم وشلونة ؟
(((ممتاز جدا في الطلوع في الجنوب عزمها ممتاز وﻻ يطيح)))
وأيضا وشلون السيارة بالخطوط هل فيها الحد المعقول من الراحة ؟
(((نعم.راحتها ممتازة مقارنه بغيرها من البك اب)))
يعني عزمها ورساوتها أفضل أم الهايلوكس الدبل افضل ؟
(((نعم من ناحية الثبات وثابته بشكل كبير ما ابالغ لو قلت (( اثبت من الكامري)) في المعطغات تعليقها ممتاز جدا)))

وكيف السيارة بالبر والنفود تبيض الوجة ولا ما تنفع؟
(((ما جربتها بر)))

أنا ضروري أبي قير أوتوماتيك فشلون الاتماتيك مع السيارة هل هو جيد؟
ا(((لاوتوماتيك افضل من العادي في الدي ماكس )))


أي عيوب أو مزايا أتمنى من الأخوة الكرام ذكرها
وهل تنصحوني بالسيارة بشكل عام مع الأخذ بالاعتبار سيارة دبل نظيفة بهالقيمة 65000~70000 هل هي مناسبة
(((عيوبها: الصوت مزعج نوعا ما بس ماهو لذيك الدرجه
هذا العيب الوحيد
مميزاتها:
راحه
ثبات
تانكي 18 ريال يمشيك 1100كم بسرعه 120/110كم/س)))



وبالنهايه التجربه خير برهان

[ابوصنهل]

انا لي تجربة مع الديماكس موديل 2006

الموتر من ناحية العزم ممتاز وكان لنا تجارب مع الهايلكس الدفرنسين والغريب ان العزم متقارب جداً جداً

من ناحية العملية ، استخدمته 5 سنوات ومشيته حدود ال 200 الف ، السيارة ماكانت تمشي معي كثير لأن عندي سيارة بديلة ..

ولكن لي ابن عم معه موديل 2007 ماشي فوق الثلاث ميه ، واختصر استخدامه في ان السيزو عملي ولكن يعيبة (الدبل) ، ضعيف جداً ومايتحمل كثير مع العلم انه خرب عليه مرة واحدة فقط ..

القطع سعرها مثل سعر الياباني ، واذكر ان كان في انواع كثيرة من القطع مثلاً ( اصلي ، تايلندي ، سعودي ، تجاري وكذا )

في النهاية لا تنسى الاستخارة ، وان حصل لك تجربة او تستأجره فأفضلك ..

موفق خير :)

[الولهان807]

اخوي انا جربت الديماكس القير عادي بالنفود تبيض الوجه ما شاء الله وبالخط راسية كأنك تسوق صغيرة وبالسرعه تفصل على 180 اذا انت راعي سرعه ، يعيبة اول قومته ثقيله شوي بس .

[سلكي نت]

معاي من 2007 اول دفعة دبل ls
سيارة خفيفة ونشيطة مع انها ديزل
سيارة ما يحتاج ولاني راعي خطوط كثير ركبت لها مثبت سرعة
جربتها بالخط وبالجبال ممتازة جدا بالنسبة لسيارة ديزل ودبلها اكتروني وبالبر تجمل الى حد ما ومرضي مع تنسيم الكفرات (تقييمي لها جيد جدا)بالبر
ماشيت معي 255000 كلم لان عندي سيارة ثانية
عيوبها فلاترها كثيرة واعتقد الجديد فقط فلترين زيت وديزل فقط يعني حلوها..
والصوت يزعجني اذا كنت مصدع بس اغلب الاحيان انساه لاني تعودت عليه والجديد منه اعتقد انهم خمدو الصوت شوي
وايضا من عيوبها اعادة البيع سعرها يطيح للمستعجل اما الفاضي بيحدد السعر وينتظر واللي يرغبها بيدفع فيها.
الحمد لله الى الان ما اسمع فيها صوت قربعة وتفكك
والقطع الاستهلاكية متوفرة وبخيارات متعددة اما الاخرى فما ادري عنها مع ان صحن الكلتش بدا يخرب والله يستر من سعره جديد الى الان ما سعرته

الان اخذت بريمي 2013 ويوم جربته حسيت فرق كبير بينه وبين الاسوزو بالبر
لكن مع ذلك اداءها مرضي ولو قررت اشتري جديد اخذ اسوزو دبل قير اوتو

[ابوفارس 22]

موفق خير :)

[باوزير]

خذ شاص فتك مستعمل ممكن تحصل على قد ميزانيتك

[Qassim Land]

لا تغامر فيها نصيحه
اذا ترغب بهذي الفئة دور لك هايلكس دبل مستعمل تحصل الخليجي رخيص بالسوق ال13 اصفار حاليا وصل 84 دبل قزاز كهرب اتوقع لو تحصله مستعمل يكون بهالسعر او خذ لك جمس موديل 2010 تحصل بحول هالقيمه او سلفرادوا ارخص بعد لا تاخذ الا النظيف ولا تاخذ شي الا وانت مقتنع

بيض الله وجهك يا ابو نبيل
للأسف ما لي رغبة بالهايلوكس وميزانيتي ما تسمح بهذا السعر

[Qassim Land]

السلام عليكم
أخواني الكرام من فترة أبحث عن سيارة دفع رباعي للطلعات البرية وما شابه علما اني راعي بر على خفيف وأيضا ابغاها لتحميل بعض الحاجيات وأمسك فيها خطوط
رغبتي سييرا او سلفرادو او الفورد f150 ولكن ميزانيتي ما تسمح معي حول 70 السبعين الف وما أقدر أزيد عليه

أشار علي بعض الأخوة بالسوزو دبل مكينة سعة 3.0 لتر الشكل الجديد من 2013 وفوق
حيث ان شكلها الخارجي أجمل وأيضا السيارة ديزل للمعلومية

ولقيت 2013 مستعلمة نظيفة يبي راعيها يبيعها بالستينات وحوله


السؤال وش رأيكم بالسيارة بشكل عام ؟
(((ممتازه)))
من ناحية التحمل والأعطال
(((مقدر احكم السياره لها 6 شهور معي)))
العزم وشلونة ؟
(((ممتاز جدا في الطلوع في الجنوب عزمها ممتاز وﻻ يطيح)))
وأيضا وشلون السيارة بالخطوط هل فيها الحد المعقول من الراحة ؟
(((نعم.راحتها ممتازة مقارنه بغيرها من البك اب)))
يعني عزمها ورساوتها أفضل أم الهايلوكس الدبل افضل ؟
(((نعم من ناحية الثبات وثابته بشكل كبير ما ابالغ لو قلت (( اثبت من الكامري)) في المعطغات تعليقها ممتاز جدا)))

وكيف السيارة بالبر والنفود تبيض الوجة ولا ما تنفع؟
(((ما جربتها بر)))

أنا ضروري أبي قير أوتوماتيك فشلون الاتماتيك مع السيارة هل هو جيد؟
ا(((لاوتوماتيك افضل من العادي في الدي ماكس )))


أي عيوب أو مزايا أتمنى من الأخوة الكرام ذكرها
وهل تنصحوني بالسيارة بشكل عام مع الأخذ بالاعتبار سيارة دبل نظيفة بهالقيمة 65000~70000 هل هي مناسبة
(((عيوبها: الصوت مزعج نوعا ما بس ماهو لذيك الدرجه
هذا العيب الوحيد
مميزاتها:
راحه
ثبات
تانكي 18 ريال يمشيك 1100كم بسرعه 120/110كم/س)))



وبالنهايه التجربه خير برهان

جزاك الله كل خير يا ابو عذاب أنشهد انك ما قصرت واستفد كثيرا من ردك هذا وعسا الله يكثر من أمثالك

[Qassim Land]

انا لي تجربة مع الديماكس موديل 2006

الموتر من ناحية العزم ممتاز وكان لنا تجارب مع الهايلكس الدفرنسين والغريب ان العزم متقارب جداً جداً

من ناحية العملية ، استخدمته 5 سنوات ومشيته حدود ال 200 الف ، السيارة ماكانت تمشي معي كثير لأن عندي سيارة بديلة ..

ولكن لي ابن عم معه موديل 2007 ماشي فوق الثلاث ميه ، واختصر استخدامه في ان السيزو عملي ولكن يعيبة (الدبل) ، ضعيف جداً ومايتحمل كثير مع العلم انه خرب عليه مرة واحدة فقط ..

القطع سعرها مثل سعر الياباني ، واذكر ان كان في انواع كثيرة من القطع مثلاً ( اصلي ، تايلندي ، سعودي ، تجاري وكذا )

في النهاية لا تنسى الاستخارة ، وان حصل لك تجربة او تستأجره فأفضلك ..

موفق خير :)

صادق والله أهم شيئ الأستخارة
بارك الله فيك يا أبو صنهل ولا عدمناك

[Qassim Land]

اخوي انا جربت الديماكس القير عادي بالنفود تبيض الوجه ما شاء الله وبالخط راسية كأنك تسوق صغيرة وبالسرعه تفصل على 180 اذا انت راعي سرعه ، يعيبة اول قومته ثقيله شوي بس .

أنا ابغاها بر على خفيف ويبدو مثل ما ذكرت انها ممتازة وما تعوق
والرساوة مهمة وانت تقول راسية وهذا شيئ مشجع
مشكور يالولهان وما قصرت

[Qassim Land]

معاي من 2007 اول دفعة دبل ls
سيارة خفيفة ونشيطة مع انها ديزل
سيارة ما يحتاج ولاني راعي خطوط كثير ركبت لها مثبت سرعة
جربتها بالخط وبالجبال ممتازة جدا بالنسبة لسيارة ديزل ودبلها اكتروني وبالبر تجمل الى حد ما ومرضي مع تنسيم الكفرات (تقييمي لها جيد جدا)بالبر
ماشيت معي 255000 كلم لان عندي سيارة ثانية
عيوبها فلاترها كثيرة واعتقد الجديد فقط فلترين زيت وديزل فقط يعني حلوها..
والصوت يزعجني اذا كنت مصدع بس اغلب الاحيان انساه لاني تعودت عليه والجديد منه اعتقد انهم خمدو الصوت شوي
وايضا من عيوبها اعادة البيع سعرها يطيح للمستعجل اما الفاضي بيحدد السعر وينتظر واللي يرغبها بيدفع فيها.
الحمد لله الى الان ما اسمع فيها صوت قربعة وتفكك
والقطع الاستهلاكية متوفرة وبخيارات متعددة اما الاخرى فما ادري عنها مع ان صحن الكلتش بدا يخرب والله يستر من سعره جديد الى الان ما سعرته

الان اخذت بريمي 2013 ويوم جربته حسيت فرق كبير بينه وبين الاسوزو بالبر
لكن مع ذلك اداءها مرضي ولو قررت اشتري جديد اخذ اسوزو دبل قير اوتو


أخ سلكي لا اقول الا جزاك الله كل خير على الافادة والنصيحة
ومن كلامك وما ذكر الشباب يبدو ان السيارة حقت كرف وتتحمل
سعر السيارة دبل اوتو جديد بالوكالة عند العيسى 95 :looney:
مبالغ فيه وبقوة

[Qassim Land]

موفق خير :)

جزاك الله خير ابو فارس

[Qassim Land]

خذ شاص فتك مستعمل ممكن تحصل على قد ميزانيتك

الفتك يجي غمارة ولا ؟
انا يهمني غمارتين بشكل كبير
الف شكر لك أخ باوزير

[Qassim Land]

مشكورين يا أخواني الكرام وكل من أفادني برأي ونصيحة أو تجربة للسيارة وأسال الله أن يجزيكم عني وعن المسلمين خير الجزاء

أبستخير الله والله يكتب الي فيه الخير