كشته للشمال .. رايكم يهمن الله لا يهينكم

[الفارس النجدي]

بسم الله الرحمن الرحيم
السلام عليكم ورحمة الله وبركاته
ناوين اكشت الاسبوع الجاي انا وربعن لي شرواكم للشمال لينه وفياض الحجره وفياض رفحاء

ابي رايكم وشوركم وش احسن المناطق والفياض اللي ربيعه بيهج للي مارن عليه بالايام ذي يعني عهده بهن قريب
ياليت تفيدونن بالاماكن اللي تستاهل وان حصل صور واحداثيات اكون لكم من الشاكرين

اللي عنده علم لا يبخل به علينا الله لا يهينكم ويكتب اجركم ولا يعنيكم لمكرووه

انتظر رايكم وتوجيهاتكم ..

[فووااح الفياض]

السلام عليكم ورحمة الله وبركاته
والله ابقدم لك اقـترآح يعنـي ـآسمحلي بالمداخله انا اقول شد الــرحـآل لـلديره اللي تبي وانت شف بعينك والربيع اللي يعجبـكم نزلـو العزبة فيه .....! تبي تسئل لية ببسـآطة اقولك غـالبية الشمـآل جـآهـ خير مع بدـآية الـوسـم . ـــــآسف ع الإطــالة والله يسـتر عليك ..!

[الفارس النجدي]

عليكم السلام ورحمة الله وبركاته مداخلتك على العين والرااس وما قصرت رايك هو الراي بس ودك الواحد يصير له هدف تخبر الفياض واجد وحرام يضيع وقتك ونت تدوج بهن وبعضهم ازين وفرررق عن بعض وانت ابخص

[عاشق الكركي]

انا يالغالي مابي اكثر كلام شوري لك رح للينة وهاك الديار
والسلام عليكم ورحمة الله وبركاتة

[الفارس النجدي]

بيض الله وجهك يا عاشق الكركي

[الفارس النجدي]

حايل يا أهل حايل هل به ربيع يستاهل العنوة والنفود الكبير ذكر لنا ربيع وراحو بعض الشباب ولا لقو شي ياليت اللي مر عليهن يفيدنا

[سيف السيف1]

ربيع النفود باقي عليه تقريباً في شهر خمسة .. مثل ما قالو الربع الحجرة كلها زينه بس الله الله بالنظافة ,,

[الفارس النجدي]

هذا الكلام عز الله اكياس القمامة ونت بالكرامة تركب قبل الربع

[ابوحسن ...]

النفود كبير مافيها ربيع ابد رحت لها ولينه والحجره ربيعها طيب

[الفارس النجدي]

صدقت ابو حسن هذا ما اجمعوا عليه الشباب الله يعطيهم العافيه

[ابوهيثم2008]

السلام عليكم
الله ييسر امركم ويسهل عليكم وترجعون بالسلامه
انا زرت الحجره قبل ثلاث اسابيع ربيعاه زين وفيه شي الباذر بدايته
افضل شي شفته وانت متجه من الحدقه الى ام رضمه تجيك لوحه باقي على ام رضمه ٣١ كيلو بعده بكيلو ونصف او كيلويين اطلع يسار تجيك بوجهك وبعده الى شعيب غنيم فيه فضيتين زينه ٠
وعندك غرب لوقه ربيعها زين شايفه قبل اسبوع زينه. بعد لوقه يجيك فيضتين يمين ويسار وانت على السفلت ارف يمين ويجنك ورى بعض وتخير منها وافضلهن تقريبا تبعد عن السفلت ٧ كيلو ٠

[الغرش]

السلام عليكم ورحمة الله وبركاته ..
الفارس النجدي حياك الله
تكفى اذا عندك إحداثية الحجرة أكون شاكر لك وممنون
لأني سمعت عن أكثر من موقع يقال له الحجرة !