مشورتكم الله لا يهينكم حصلت لي موتر و محتار اعربن عليه ولا لا

[سقم المعادي 1]

السلام عليكم يا اخوان


بدون لا اطيل عليكم انا حصلت لي لاندكروزر جي اكس ار 6 سرندل موديله 99

فتحه و مكيفين وثلاجه بدون دفلك بدون مكره خلفيه ابواب

قيره تماتيك و ممشاه 280 الف

الموتر من المالك الاول شايب كبير بالسن و محد استعمله غيره على كلامه

و جايه رش باب يمين ورفرف على كلامه انها حكه ماهيب صدمه قويه

لكن مفصلات الابواب تعبانه تطقطق لا فتحت الباب و مدري شكيت انه مصدوم صدمه قويه ,, و فحصته في البريدي طلع نفس كلام الشايب سمكره في الجزء العلوي من الباب الايمن الخلفي فوق العروه بالضبط و الرفرف الخلفي مع رش

و طلع فيه صوفه دبل و فلنجه مدري وش الفلنجه ذي و تصفيه مكينه


وش رايكم في الموتر وهل هو عملي ؟ و هل بعد هالممشى يصير فيه عيوب يعني نقص زيت ولا شيء متعارف عليه يعني مثل العيوب المصنعيه و غيره لأن راعيه الشايب يقول ماينقص ملي واحد


حاده علي بـ62 صافي وش رايكم ؟؟

هل فيه ملاحظات ادقق عليها ولا شئ من خبراتكم اخوكم ماعنده خبره بذا الامور

والرجال راعيه بانتظار الرد مني

[شاق النفد]

وعليكم السلام ورحمة الله وبركاته
خوفك من الموتر اللي حاده راعيه لان غالبا ما يحد موتره الا يبي الفكه منه وبلاويه
على موديله وممشاه وسمكرته حقه 55

لاكن دامه باسمه وكالة ومافيه الا صوفة الدبل والفلنجه فتراه حليو لان خوانه على موديله قليل منه النظيف
المهم ان كانك صامل اهم شي حرارته والمحركات وجربه وامسكبه اقل شي50 كيلو خط لانهابتعلمك وشو من موتر

[سقم المعادي 1]

وعليكم السلام ورحمة الله وبركاته
خوفك من الموتر اللي حاده راعيه لان غالبا ما يحد موتره الا يبي الفكه منه وبلاويه
على موديله وممشاه وسمكرته حقه 55

لاكن دامه باسمه وكالة ومافيه الا صوفة الدبل والفلنجه فتراه حليو لان خوانه على موديله قليل منه النظيف
المهم ان كانك صامل اهم شي حرارته والمحركات وجربه وامسكبه اقل شي50 كيلو خط لانهابتعلمك وشو من موتر

انا اللي ريحني بالموتر ان راعيه كبير في السن يعني ان شاء الله ماهوب لاعب علي في شيء لانه ذكر لي نقطه نسيت اكتبها وهي ان عداد الكيلو وقف معه من فتره و طلع فيه ترس خربان وغيره يقول الممشى يوم وقف العداد ماتعدى 1000 كم على طول صلحته

انا ارغب بالموتر و وقفته زينه لكن مدري هل سعره مناسب ؟؟ ولا اتوقع انه بيوافق بالـ55 بحاول به بالستين صافي مناسبه ولا غالي ؟؟

و بعدين لا كتب الله وشريته و بغيت ابيعه هل الخلفيه ابواب مرغوبه اكثر ولا اللكزس ؟؟

[اسدهم]

انت ماتعرفة وتقول شايب .علا راسي بس هذي فلوس جاية بتعب بتحويشة العمر وعسا يطول اعمارنا في طاعت الرب.. بس مايمنع افحصة عند كم واحد وخلي واحد يمشي وراي يشوفة وهو ماشي في نزول ما جها في صاش فية حذفة فية دخنة مع الدعس غير الكربون...

[bosalih]

--------------

[bosalih]

اخي مالك والقديم كل يوم طالع لك عله اليوم جلبه وبكرى صوفه . وبالنهايه تدفع صيانه قد قيمته

[سقم المعادي 1]

انت ماتعرفة وتقول شايب .علا راسي بس هذي فلوس جاية بتعب بتحويشة العمر وعسا يطول اعمارنا في طاعت الرب.. بس مايمنع افحصة عند كم واحد وخلي واحد يمشي وراي يشوفة وهو ماشي في نزول ما جها في صاش فية حذفة فية دخنة مع الدعس غير الكربون...

صحيح صدقت كلامك على متمه بس قصدي ان راعي الموتر ان شاء الله ماهوب راعي لف ولا دوران هذا قصدي بقوله انه رجل كبير بالسن

انا فحصته عند البريدي و طلع نفس اللي قلت لك صوفه دبل و فلنجه و سمكره باب خلفي ورفرف خلفي مع الرش و طلعنا انا و الزول و ساقه و طمر فيه مطبات و دعس له مافيه قربعه ولا فيه حذفه و الدبل شغله و جربه سليم مافيه صوت ولا شيء و حطو بالشكمان زي الانبوب و دعسو للموتر يقولون مافيه شيء و فحصو كمبيوتر و ماطلع فيه شيء الا تصفيه مكينه

وش رايك يكفي الفحص ولا افحصه ثانيه ؟؟ وهل البريدي ممتاز في الفحص او فيه مركز ثاني في النسيم افضل منه

[سقم المعادي 1]

اخي مالك والقديم كل يوم طالع لك عله اليوم جلبه وبكرى صوفه . وبالنهايه تدفع صيانه قد قيمته

والله ودي بفكسار 2014 و انت كريم و حنا ان شاء الله نستاهل :D

مافيه احد وده بالجديد بس مد لحافك على قد رجليك على مايقولون ولا ودي اشتري موتر و حتى لا كان رايح من عمره سنتين ثلاث بس يطلع غثيث انا اثق بالتويوتا و ان شاء الله يكون اعتمادي

[باوزير]

صلي استخارة

[راعي الرود]

انا شريت واحد ماشي 320 لا يهمك الممشى دور نظافه اللاند مايعيبه الممشى ابد هذاهن تباع و ماشيات 600 الف وعليها ولا تخالف
اكبر عيوب المكينه السته جلد البلوف اذا مافيه دخنه جلد بلوف ان شاء الله الموتر نظيف لان هذا سبب نقص الزيت الشائع بالـ4500
ولو تدور شنطه واستبنه علاقي او خلفيه لكزس ترا احلى بالشكل و مرغوب اكثر لو تبي تبيعه

[امير المشاعر]

الفلجات وش خربها غريبه شكل الرجال رجلة حارة
الفلنجه هي اللي يركب عليها الهوب
شكلة جايته طقه من تحت

[سقم المعادي 1]

عربنا على الموتر الله يبارك لنا فيه ان شاء الله

مشكورين جميعاً كلن بأسمه ماقصرتو

[أبو الوليد 14]

الله يطعمك من خيره ويكفيك شره

[المميـز]

:

ماشاء الله .. الله يعطيك خيره ويكفيك شره

: