المساعد الشخصي الرقمي

مشاهدة النسخة كاملة : وين أحصل محل في الدمام يفصل براقع ممتازة للسيارات


سوبرمان
30/10/2006, 11:08 AM
إخواني الإعزاء في منتدانا الجميل مكشات
السلام عليكم ورحمة الله وبركاته
حيث إني إن شاء الله مسافر إلى الرياض يوم الجمعة وحيث أن سيارتي فورد ماركيز جديدة وأخاف عليها من العج وغيره .
آمل من إخواني الكرام اللي يعرف محل في الدمام ويفصل براقع ممتازة للسيارات [ يعني مايعمل أصوات أو يجرح البويه ] أن يدلني على المحل ، ويكون مشكوراً ويجزاه ربي عني خيراً ،،،،
ولـد الدوادمي
30/10/2006, 11:16 AM
اخوي موجود المحل وانا مفصل عنده بعد محل زينه على الشارع التجاري حق سلمان الخالدي

واذا مضطر حط تغبيره للخطوط
salehhd
30/10/2006, 12:37 PM
السلام عليكم

بصراح ما انصحك بالطربال

واذا كنت مصر فعندك شارع الزينة (شارع الملك سعود ) في ابجد
سوبرمان
30/10/2006, 12:46 PM
أخوي ولـد الدوادمي
الله يجزيك خير ولو تبين الوصف أكثر أكون لك شاكر


salehhd أخوي
ليش الله يجزيك خير ماتنصحني بالطربال ، أجل وش أسوي . وجزاك الله خير
ولـد الدوادمي
30/10/2006, 08:47 PM
شف ترا تبي نصيحه ردها بالتغبيره لان البرقع يرفع من حراره السياره وعندك شارع الملك سعود
هاوي قصيده
30/10/2006, 10:21 PM
يا ابن الحلال وش طربال وبرقع

الناس تركوهن من زمان

عليك بالتغبيره تلقاها باغلب محلات الزينه ...اول شي ما تأثر عالبويه ..وثاني شي لاصادفك ليل والا شي تمسحه بسرعه مايحتاج فك وربط..

وسع صدرك وانا اخوك وحط لك تغبيره ولامن وصلت اغسل موترك...

اما اذا انت مصمم ...فشارع الملك سعود يفي بالغرض ...عند ابجد او مثل ماقال ولد الدوادمي ...الشارع التجاري بالمحطه اللي بـ 71 بها محل سلمان الخالدي..

وعساك عالقوه والله يبارك لك عالسياره
salehhd
30/10/2006, 11:06 PM
السلام عليكم

من ناحيتي افضل الفيري

وفي عازل عند زيبارت لاكنه غالي حول 700 ريال وضمان 5 سنوات

بالنسبة للتغبيرة والله ماجربتها لاكن سمع انها تصنفر البوية اذا في عج والله اعلم
ولد الشايب
30/10/2006, 11:52 PM
السلام عليكم

من وجهة نظري تحط الفيري وأول ما توصل اغسله بماء

هذي الطريقة استخدمها من زمان ولا اثرت على بوية الموتر
ابوعزيزm
31/10/2006, 01:27 AM
بالنسبة لي أقوووول الله يعيينك

أنا مرة سألت وكالة ميجاويز وقالي الفيري يخرب السيارة لكن في شحم يسمى شحم أبيض يقووول ما يأثر على البوية وسهل غسيلة
خشكاري
31/10/2006, 01:44 AM
لا هذا ولا ذاك . . .

من يوم عرفت نفسي وأنا أستخدم فازلين . . ماغيره . .



حط طبقة رقيقة وستكون كافيه وعند ازالته قم بمسحه أولا بخرقه أو كلينكس وبعدها غسل الموتر وزود الصابون شوي . . .

جربه وراح تدعي لي . . .
MS
31/10/2006, 02:04 AM
الله يستر لا الفيرى ضابط ولا الطربال ضابط ولا التغبيره ضابطه وش الى بيضبط


الله يسلمكم انا جربت الفيرى اكثر من مره وكان جيد ((رخيص الثمن سهل الغسيل))
وجربت التغبيره ((غاليه نسبياً )) وجربت رشتين وحده منهم سهله جداً ووحده منهم بهذلتنى بالغسيل
والبرقع الناس تمدحه بس اهم شى يكون مشدود على الوجه زين ومايكون مسكر التهويه وانا اشوفه انسبهم كلهم بس اهم شى يكون مشدود ولا يسكر فتحت الشبك

فهل هناك اعتراض عل البرقع غير انه مايكون مشدود ومايسكر على فتحة الشبك؟؟
المنصوري 11
31/10/2006, 10:41 PM
يا شباب خوكم من الامارات يستفسر عن التغبيرة هل توجد بالامارات
وكيف شكلها هل تنباع داخل قواطي عشان اخليها عندي بالامارات وكم قيمتها وهل جربتوها
الرجاء التعاون مع خوكم بومبارك المنصوري