المساعد الشخصي الرقمي

مشاهدة النسخة كاملة : منظم القير الاوتوماتيك وش الحل معه ( Gxr )


مشغول
30/10/2006, 01:37 PM
السلام عليكم ورحمة الله

حياكم الله وبياكم ومن كل خير اعطانا واعطاكم ..

الحقيقة لي فترة طويلة وانا عندي مشكلة في تغييرات القير الاتوماتيكي طبعا السيارة جيب لاندكروزر 2002 ..

المشكلة انه يغير من الاول إلى الثالث وبعدين إلى الرابع على طول ويطمر الثاني ولو تعست او زريت عليه ما يقبل ولا يلقم .. لكن لو غيرت بيدي وحطيت القير على D2 يلقم ويقبل ويعطيك من عمرة .. والمشكلة هذي ما تجي معي دايم بس اذا جت علتني .. اما اذا زريت عليه من البداية يعني وانا واقف يصير يغير التغييرات كلها منظمة ولا فيها مشكلة .
طبعا وديته الوكالة قالوا القير مافيه شيء ممتاز .. وديته لواحد فلبيني ممتاز وفحص القير قال القير ما فيه شيء بس يمكن من منظم كهرباء البنزين .. والحقيقة اتعبني ..
هل اجد عندكم حل لهذه المشكلة .. ارجو ذلك ..

لا تحرموني تكفون من خبراتكم ..
لبرتي
30/10/2006, 01:59 PM
وعليكم السلام ورحوة الله وبركاته

أخوي مشغول الله لا يشغلك الا بطاعته

أنا كانت عندي شروكي موديل 2002 وكانت التعشيقات ثقيلة واتوقع أنه كان مثل حالت موترك

غيرت زيت القير مع الفلتر والحمد لله تغير عندي

جرب غير الزيت مع الفلتر قبل ما تسوي أي شي بالقير

وأفدنااااااااااااااا
برادو
30/10/2006, 02:05 PM
السلام عليكم,
اخي التويوتا لها وزنه تعشيق عند البخاخ توزن فيه تعشيق القير تبيه ناعم تبيه ينتل نتل وطريقته زي وزن الريس انا العب بالقير حق ال Vxr موديل 94 لعب للبر وزنه وللديره وزنه. بس شف وانا خوك شف لك ميكانيكي فاهم ويعرف الوزنه هذي يعني بالعربي انشد الفني وقله فيه وزنيه للقير تازنها ولا لا؟ اذا ما عرفها حرك من عنده ولا تكمل نقاش
doha
30/10/2006, 04:12 PM
بدل منظم القير
وبدل سويكات القير

سعر المنظم ب 3500 ريال في قطر
وسعر السويكات كاملة تقريباً 200 ريال للسويك الواحد 6 = 1200 ريال

والله يوفقك