تكفون ا لفزعه .. أبغى أجابه شافيه ووافيه .. وخاصة للمجرب

[أخو شيخة]

رجة الكفر وخاصة للجنط 17 السيارة اللاندكروزر 2010 والكفر نوع بالون وشلون أخلي الرجه تروح .. لان الكفر يحك في الصاجات ..

وهل التبريز والترصيص الأرضي يوخر الرجه ..
وويش تشيرون علي به :
1-أركب هلل وكفارات بالون ..؟
2- أركب هلل كفارات هانكوك .. ؟
3- أركب هلل وكفارات حجريه ..؟

تكفون جعل والديكم في الجنه أتمنى الرد والتفصيل في الردود .. ولكم مني خالص التحية والتقدير

[ناصح]

ما فيه افضل من جنوط وكفرات الوكالة

كد ومد

ويحافظ على سلامة السيارة ثم سلامتك

حيث الكفرات والجنوط الغير متوافقه مع التصميم الهندسي والديناميكي للسيارة له عيوبه ومخاطره من حيث عدم الثتبات على الطرقات والانقلاب السريع وإتلاف نظام المحاور والتعليق

[أخو شيخة]

ما فيه افضل من جنوط وكفرات الوكالة

كد ومد

ويحافظ على سلامة السيارة ثم سلامتك

حيث الكفرات والجنوط الغير متوافقه مع التصميم الهندسي والديناميكي للسيارة له عيوبه ومخاطره من حيث عدم الثتبات على الطرقات والانقلاب السريع وإتلاف نظام المحاور والتعليق


شكراً لمرورك العطر ياناصح ( يامدير :D )

[راعي الرود]

الترصيص الارضي ينفع مع البوالين احياناً

و يفيدك فيها اكثر كنق التعديل


" يازين الشواهين بس :D "

[أخو شيخة]

المشاهدات طيبه .. والردو قليله .. سبحان الله وبحمده سبحان الله العظيم

[سنعوس نجد]

السلام عليكم ورحمة الله وبركاته
ليش مارفعت السياره قبل تركب البالون

[سنعوس نجد]

واحتمال الرجه تكون من الكفرات نفسهن يصير فيهن عيب

[سفير الحيا]

انا معي موتر هدد 2010 وفيه رجه على سرعة 120

نشدت المختصين بالورش قالو لي هذا أمّا الكفر محبّل أو يحتاج ترصيص

عملت الترصيص مافاد وشكل الكفر محبّل للتوضيح الجنوط هلل والكفر دانوب

بالنسبه لإستخدام الكفرات على جنوط الهلل أفضل شي دانوب حسب استخدامي

وعساني أفدتك يالنشمي

[أخو شيخة]

السلام عليكم ورحمة الله وبركاته
ليش مارفعت السياره قبل تركب البالون

أنا رافع السيارة بيايات أستراليه أمام 3.5 وخلف 4.5
الكفرات زينه ما فيها شي

[أخو شيخة]

انا معي موتر هدد 2010 وفيه رجه على سرعة 120

نشدت المختصين بالورش قالو لي هذا أمّا الكفر محبّل أو يحتاج ترصيص

عملت الترصيص مافاد وشكل الكفر محبّل للتوضيح الجنوط هلل والكفر دانوب

بالنسبه لإستخدام الكفرات على جنوط الهلل أفضل شي دانوب حسب استخدامي

وعساني أفدتك يالنشمي

بيض الله وجهك لكن هل ركبت تبريز أو لا

[التعـ King ـديل]

انا مركب كفرات بالون على هلل والحين جنوط فكسار كانك من الرياض بدلك على بنشر يرصص لك الكفرات وتنسى الرجه

[omar 3]

انا مركب كفرات بالون على هلل والحين جنوط فكسار كانك من الرياض بدلك على بنشر يرصص لك الكفرات وتنسى الرجه




وينه فيه المحل لاهنتت

[سنعوس نجد]

على العموم اسباب الرجه
1/اما ان تكون من الكفرات او الترصيص
2/العمدان او الصليبات
3/ وهو اخر شي وان شاء الله مايصير هو القير انا اكلمك من واقع تجربه ماخليت ورشه مارحت يمها وكم ورشه اكدو انا القير طبعا اخوك طبعا باع السيارة والي شرا السيارة كلفته 5000 ريال.
هاذا قير تماتيك