استشارة: ما رأيكم بالباترول 2003 مستعمل؟

[abu.abdallah]

بسم الله الرحمن الرحيم

السلام عليكم ورحمة الله وبركاته

حياكم الله إخواني المكشاتية

أتمنى أن تكونوا بصحة وعافية


الموضوع باختصار..


وش رايكم بالباترول 2003 أو 2004 ؟


طبعاً مستعمل..
والممشى أقل 300 والبدي نظيف


من ناحية الاستهلاك؟
من ناحية الصرفية؟
من ناحية القوة؟


خصوصاً إني ما أطيق الصناعية. . ما أبي موتر يبلشن بالصيانة


تتوقعون مناسب؟

لا سيما وأسعاره مناسبة جدآ


أخوكم،،

[المميـز]

:

احرص على النظيف والممشى مايضر
شف لك موتر راعيه مواضب على تغيير القطع الاستهلاكيه اول بأول
والله يكتب لك اللي فيه الخير

:

[نايس × كول]

كل السياره المستخدمه راح تبلشك في الصناعيه

انصحك 160 الف في الباترول جديد احسن من المستخدم

[سقم المعادي 1]

انصحك 160 الف في الباترول جديد احسن من المستخدم

الرجال ينشد عن موديل 2003 و 2004 فيه فرق بين 160 الف و 55 الف !

[التعـ King ـديل]

احرص بهالموديل على المحرك النظيف والموتر المجدد ولا يهمك البدي لانك اذا دورت بدي بتتعب

[sgl2002]

اسال مجرب جميع السيارات

اذا شريت موتر له اكثر من ست سبع سنوات لازم من الصناعيه كل ثلاثه شهور وفيها


عندي باترول ٩٨ مواضب على صيانته بنفسي

وافتح كبوته كل اربع ايام كذا تشييك

ومرتاح من روحة الصناعيه بالشهور لكن لابد منها بحكم ان مديله قديم وماشي ٥٠٠ الف

لكن الباترول ترى ماتحصل نظيف لو تقعد سنين

[قيران]

الباترول الفتك ممتاز او صبور والمكينة ماعليها كلام من ناحية القوة او
صرفيته بالخط ممتازة لاكن بالديرة لك عليه شوي يصرف واذا لقيت
لك واحداً نضيف ان شاء الله ماراح يبلشك بالأعطال
والله يكتب لك الي فيه الخير

[بارق تبوك]

توكل على الله وانا اخوك وخذه أنا معي فتك ٢٠٠٣ فاكه من الوكالة على يدي ولله الحمد في الخط وفي الصحراء يعجبك قوي وراسي حتى صرفه للبنزين اقتصادي ومركبه مريح وكل من مشى معي يقولون ماكنى نتوقع ان الباترول بهذي القوة والراحة تراه فرق عن الاول بكثير

[الفيصلْ]

اسال مجرب جميع السيارات

اذا شريت موتر له اكثر من ست سبع سنوات لازم من الصناعيه كل ثلاثه شهور وفيها


عندي باترول ٩٨ مواضب على صيانته بنفسي

وافتح كبوته كل اربع ايام كذا تشييك

ومرتاح من روحة الصناعيه بالشهور لكن لابد منها بحكم ان مديله قديم وماشي ٥٠٠ الف

لكن الباترول ترى ماتحصل نظيف لو تقعد سنين


في البداية اذا اشتريت لابد تحاول قدر الامكان ان يكون محركاته نظيفه وباقي القطع لازم تتعب شوي وتشيك عليها وتستبدل المتهالكه على حسب امكانياتك
ولاكن من واقع خبره مثل ماقال sgl2002
الاهتمام بالموتر والتشييك عليه كل كم يوم وملاحظه اي شي يطراء عليه تجنبك من الصناعيه اشهر الا للضروره
انا شريت بترول موديل 99 مستعمل في البدايه تعبت في صيانته وتغيير القطع المنتهيه
ولاكن الان ولله الحمد مايشتكي من شي اسافر عليه وبر واستخدام يومي

[ابونبيل]

تبي باترول قديم وما تبي الصناعيه هذا شي مستحيل

[وطن العزة]

^
^

عادي وش المشكلة يبي يلقى شي نظيف وما راح يتعبه بالورش

لكن بعض الناس اللي يهديه يشري مستخدم ومن زود الحرص يغير كل اللي ببطن الموتر , ثم يقول الموتر طلب علي

قطع واجد وخسرني مبلغ , بالعربي حرك ساكن تبلش :)


معي باترول 98 شريته وممشاه 100 ألف والحين قرّب للـ 500 ألف

و لله الحمد بطنه وكاااااااله ولا غيرت فيه إلا مساعد الدركسون مرتين أو ثلاث وربلات عمود بنهارد فقط

[abu.abdallah]

جزاكم الله خير.. كلام 100%


وطبعاً أنا لاقي موتر ماشي 260 وبديه وكالة.. يعني نظيف وممشى قليل ماشاءالله.. وإن شاء الله انه مايطلب لأن راعيه الأول استخدام حشمه



شاكر لكم