رحلة إلى منطقة الهضب ( صور )

[باب هداج]

http://www.aldorr.com/vb/photos/307.gif


كل عام وانتم بخير وعساكم من عواده


اليوم جايب لكم صور من كشته العيد انا وجماعة شرواكم ;) وحبيت انقل لكم تفاصيل الرحله صوره صوره وصراحه الكشته رائعة بكل ماتعنيه الكلمة :cool: ولا ابي اطول عليكم بكثرة الكلام :j



في يوم 30 / 9 / 1427 هـ الموافق 22 / 10 / 2006 م



استعدينا للكشته أنا و ابو الجوهرة وهذي صورة الباث وهو محمل الفرش





http://www.mr4job.com/upload/uploads/9dfdb4eee5.jpg





وهذي صورة ثانية للباث بعد ما اوشكنا على الأنتهاء من ترتيب الفرش






http://www.mr4job.com/upload/uploads/2a1f8d24fa.jpg



وبعدها توجهنا الى محطة على طريق القويعية عشان نعبي بنزين وهذي صوره






http://www.mr4job.com/upload/uploads/c0b8d91a5d.jpg






وهذي صورة من اليمين محمد وسعود مشاء الله عليهم طيور بر :good:






http://www.mr4job.com/upload/uploads/fcecfbfa9d.jpg





وهذي صورة للوحة وحنا متجهين للقويعية





http://www.mr4job.com/upload/uploads/a6edd7c285.jpg





وهذي صوره اخرى للوحة وتبين عدد الكيلو مترات للقويعية بعد ما تقريبا وصلنا لها





http://www.mr4job.com/upload/uploads/993128135e.jpg





وهذا لوحة مفرق الحصاة الي هي وجهتنا لها





http://www.mr4job.com/upload/uploads/832a2a8671.jpg





وهذي صورة للكيلو مترات للحصاة بعد ما اخذنا المخرج





http://www.mr4job.com/upload/uploads/03075298ef.jpg





وفي الكان هذا التقينا حنا وابو فيصل وابو محمد وسلمنا عليهم وعايدناهم بالعيد وبوقتها كنا ننتظر ابو سعود و ابو مشاري وبالصوره ابو الجوهرة وابو فيصل يتناقشون بس في ايش ما ادري لاني كنت لاهي بالتصوير :D





http://www.mr4job.com/upload/uploads/4c75d3dd54.jpg





وهذي صوره لأبو فيصل وابو الجوهرة بس من جهة ثانية





http://www.mr4job.com/upload/uploads/cf1b1dc7cf.jpg





ولما اجتمعنا تحركنا لشعيب البجادى وكان هذا المكان هو مكان مبيتنا




يتبــــــــــــــــــــــــــــــــــــــــــــع

[باب هداج]

وهذي صوره لشعيب البجادى وحنا شابين ضونا ويالله من فضلك


http://www.mr4job.com/upload/uploads/d7c69b43cb.jpg


وهذي صوره للجيب الشاص والنجدي فيها


http://www.mr4job.com/upload/uploads/44f6a44387.jpg


وفي يوم العيد 1 / 10 / 1427 هـ الموافق 23 / 10 / 2006 م


مشاء الله الشباب قايمين من صباح الله وفي الصوره شكل ابو مشاري ما نام زين :(


http://www.mr4job.com/upload/uploads/8893286307.jpg


وهذا صوره لابو سعود وهو نايم :D


http://www.mr4job.com/upload/uploads/b517a96483.jpg


وهذي بعض المناظر لشعيب البجادى اتمنى تعجبكم


http://www.mr4job.com/upload/uploads/8718eb65bd.jpg



http://www.mr4job.com/upload/uploads/d483f7871f.jpg


http://www.mr4job.com/upload/uploads/d03b32cea1.jpg


http://www.mr4job.com/upload/uploads/9df4cdfc51.jpg


وهذي صوره لابو مشاري وهو يسن سكاكينه


http://www.mr4job.com/upload/uploads/bc51e0c36e.jpg


وهذي صوره لابو سعود وابو مشاري وهم يصلخون الذبيحة


http://www.mr4job.com/upload/uploads/9f679f4bdc.jpg


وهذي صوره لابو فيصل وولده فيصل وهو يعاونه في سلخ راس النجدي ومشاري ومحمد يناظرون


http://www.mr4job.com/upload/uploads/cdca0f91a7.jpg


وهنا بالصوره ابو الجوهرة يشوف ابو فيصل وهو قاعد يسلخ الراس


http://www.mr4job.com/upload/uploads/48bef23a1e.jpg


وهذي صوره للشباب مشاء الله عليهم عبدالرحمن يناظرني ويبتسم ومشاري قاعد يطالع له شي بس ما ادري وشو وفيصل لاهي يعاون ابوه ومحمد قاعد يطالعهم وسعود متركي على المركى ولا ادري وش كان في ها اللحظه وش يدور في ذهنة


http://www.mr4job.com/upload/uploads/dafe3b1855.jpg


وهذي صورة للذبيحة بعد ما اوشكة على تقطيعها


http://www.mr4job.com/upload/uploads/74f1e2f47e.jpg


تيبـــــــــــــــــــــــــــــــــــــــــــع

[ابرق العزاف]

بالصحه والهناء النجدى وطلعه ممتازه وتمشيه حلوه
شكرا 0000000000 لك00000000

[باب هداج]

وهذا ابو الجوهرة وهو يقطع الكبدة وابو محمد قاعد يعاونه






http://www.mr4job.com/upload/uploads/1820655d77.jpg






وهذي الكمونية والله ابو سعود مدلعنا تسلم يدينك يا ابوسعووووود :good: ولا يهووونون الباقين :D والكبده ماصورتها شكلي لهيت بشيء ونسيتها :(






http://www.mr4job.com/upload/uploads/8b34314ed8.jpg







وهذا ابو سعود يشوف الكواتم والكبده والكمونية وش صار عليها






http://www.mr4job.com/upload/uploads/27b1e62f74.jpg







وهذي الكبدة والكمونية بالصحة وعافية :D






http://www.mr4job.com/upload/uploads/3fb09ca903.jpg






http://www.mr4job.com/upload/uploads/0441cf2902.jpg







وبعدها قمنا بالرحيل للتكملة المسيرة بقيادة ابو سعود






http://www.mr4job.com/upload/uploads/008e2f141f.jpg






http://www.mr4job.com/upload/uploads/4f0e056b8c.jpg






يتبـــــــــــــــــــــــــــــــــــع

[فل اوبشن]

ماشاء الله عليكم رحله موفقه .. ننتظر باقي الرحله ..

[Algthami]

رحلة موفقه وننتظر باقي الصور

[كحيلان 11]

همن وين رحتوا ورالك وقفت التصوير عسا ما شر ررررر رررر ررر ررر رر
اخلص علينا يا الغالي

[ع.ف.الدرويش]

ما شاء الله تبارك الله

رحلة جميلة
وتغطية رائعة

بإنتظار بقية الصور يا باب هداج
بإنتظار البقية

ولك كل الشكر

[salman]

ماشاءالله الله يعافيك وياليت باقي الحبايب في المنتدى يسون مثلك إذا اراد احد منهم ان يمتعنا معه برحلته وصورها ينزل الصور كما هي على الطبيعه ولا يقعد يشخمط على وجيه اللي في الصور (( لأن في نظري )) ونظر الأغلبيه ايضا إنها وسيلة تعارف ربما تصادف وتتحول الى صداقه وأخوه وأحلى ما في هالدنيا معرفة الرجال والأحلى منها الصداقه المبنيه على المحبه والتآخي (((((////////))))))))).........

[هاوي البر]

ما شاء الله تبارك الله

رحلة جميلة
وتغطية رائعة

[باب هداج]

ثم اتجهنا إلى منطقة تسمى بالضيرين ( على عهدة الراوي ابو سعود ) وهذي بعض الصور وحنا متجهين لمنطقة الضيرين









هذا فيصل يأشر بيده ويقول صوروني :) وهذا ابو محمد والقارمن بيده









http://www.mr4job.com/upload/uploads/b2a6898231.jpg










http://www.mr4job.com/upload/uploads/c029e01739.jpg









http://www.mr4job.com/upload/uploads/08fdb40567.jpg









وحنا في طريقنا سبحان الله لقيت سبعه بيوت في الصحراء القاحلة فكرت بيني وبين نفسي قلت هذولا وشلون جابو البلك والاسمنت والحديد بس ابو سعود ماقصر جواب على سؤالي وقال التريله تقعد يومين على ماتوصل للمكان هذا من خط الحجاز






وهذي صورة للبيوت الي ذكرتها









http://www.mr4job.com/upload/uploads/5ce44195ba.jpg









ثم كملنا مسيرتنا ومرينا على خمس قلبان ( جمع قليب ) اذا ماخانتني الذاكره بعددها وهذي بعض الصور لها









http://www.mr4job.com/upload/uploads/58cb30623d.jpg









وهذي صوره أخرى للقليب وحنا عندهـ









http://www.mr4job.com/upload/uploads/4af3376b66.jpg









وهذي صوره للماء الموجود بالقليب









http://www.mr4job.com/upload/uploads/98b49c0e7c.jpg










وبعدها كملنا مسيرتنا ثم وقفنا نرتاح شوي ونشرب بيالة شاهي على الماشي



وهذي صوره للمكان الي ارتحنا فيه ويظهر بالصوره ابو سعود وابو فيصل يتبادلون اطراف الحديث وسعود ومحمد مستمعين لهم وابو الجوهرة تعبان مسكين مانام من البارح يحسب السالفه نوم الى العصر مادرى ان العلم قومه من صباح الله :D









http://www.mr4job.com/upload/uploads/ad932e9f7d.jpg









وهنا ابو مشاري يطالع ارتفاع الهضبه وبالنفس الوقت منتبه لعبدالرحمن وولده مشاري من السقوط لاسمح الله









http://www.mr4job.com/upload/uploads/f442205373.jpg









وبعدها ابو سعود قال لازم نحطب عشان نطبخه عليه الليله للعشاء





وهذي صوره لابو فيصل وهو يحتطب









http://www.mr4job.com/upload/uploads/64b7d2fefa.jpg









وهذا صوره لابو سعود وهو يحتطب









http://www.mr4job.com/upload/uploads/46c20d91df.jpg









وبعدها كملنا مسيرتنا لمنظقة الضيرين والحمد لله وصلنا بالسلامه






وهذي صوره لمكان المبيت









http://www.mr4job.com/upload/uploads/ff76fe2ca4.jpg









واعتذر اني ذيك الليله ماقدرة اكمل التصوير ولا صورة عشى ابو سعود لاني مانمت زين :o وتعبان من الطريق



يتبـــــــــــــــــــــــــــــــــــــــــــع

[باب هداج]

بعد ماصلينا الفجر اخذت كمرتي وصورة الشباب وهم حول الضو يتدفون



http://www.mr4job.com/upload/uploads/bdd16823bd.jpg


وفي الصباح كملنا مسيرتنا إلى منطقة قمرى

وهذي بعض الصور للشباب وهم يحملون العفش والأغراض


http://www.mr4job.com/upload/uploads/b6414e8111.jpg


http://www.mr4job.com/upload/uploads/c5210b63c4.jpg


http://www.mr4job.com/upload/uploads/db18fba889.jpg


http://www.mr4job.com/upload/uploads/90e2374153.jpg


http://www.mr4job.com/upload/uploads/416a989942.jpg


وبعدها توكلنا على الله لقمرى وهذي بعض الصور وحنا بالطريق لمنطقة قمرى


http://www.mr4job.com/upload/uploads/97a6a83513.jpg



http://www.mr4job.com/upload/uploads/58a06e7343.jpg


وبعدها توقفنا عند سد صراحه يجهلني اسمه للاستراحه ومنها بيالة شاهي على الماشي


وهذي صور للسد


http://www.mr4job.com/upload/uploads/0e319481ed.jpg


وهذي صوره من داخل السد وبالصوره ابو محمد منشغل بالتصوير بكميرته الفديو


http://www.mr4job.com/upload/uploads/4250660707.jpg


وهنا مكان الجلسه للاستراحه ويظهر بالصوره ابو سعود وابو محمد وابو مشاري وباب هداج للمره الأولى اطلع بالصور


http://www.mr4job.com/upload/uploads/64159d7c8a.jpg



وهذا انا باب هداج


http://www.mr4job.com/upload/uploads/dc3f005d1c.jpg



وهذا ابو الجوهرة وهو في الظل مرتاح ومبسوط وشبعان نوم :D وقدامه مشاري قاعد يشوفني وانا اصور


http://www.mr4job.com/upload/uploads/c87aab544c.jpg


وبعدها توجهنا قريه اسمها عسيلة عشان نعبي بنزين


وهذي بعض الصور للقرية


http://www.mr4job.com/upload/uploads/8e1de43b6e.jpg


وهذي صورة بقالة عسيلة الي اهلها يشترون منها


http://www.mr4job.com/upload/uploads/f1a4f5829a.jpg


وهذي سيارة ابو الجوهرة ماخذها دورها في تعبئة البنزين وبالصوره ابو محمد عند الباكستاني وهو يعبي سيارة ابو فيصل


http://www.mr4job.com/upload/uploads/412af6a132.jpg


يتبـــــــــــــــــــــــــــــــــــــــــــــــ ـــع

[حمد808]

مشكور يالحبيب على الموضوع الرائع

[منتعش]

ما شاء الله
رحلة مبروكة
والحمد لله على السلامة

[باب هداج]

وبعد ماعبينا بنزين توكلنا على الله لأقرب مكان زين عشان نتغدى فيه ونريح شوي من تعب الطريق


واخترنا ها المكان الزين عشان ابو سعود يشوف شغله مع الغدى


http://www.mr4job.com/upload/uploads/917afad3c2.jpg



وهذا انا ادق الهيل للقهوة


http://www.mr4job.com/upload/uploads/e89f6a657e.jpg


وهذي صوره للشباب وهم يتقهون


http://www.mr4job.com/upload/uploads/0dfffc9df3.jpg


وبعد ماشربنا القهوه كل واحد خذله شغله


ابو سعود و ابو فيصل يقطعون اللحم


http://www.mr4job.com/upload/uploads/18f15debb2.jpg


وابو مشاري يقطع الطماط


http://www.mr4job.com/upload/uploads/3105f8d83b.jpg


وابو محمد تولى المراهيف


http://www.mr4job.com/upload/uploads/95c10fba42.jpg


وكان هذا غدانا مراهيف باللحم


http://www.mr4job.com/upload/uploads/8ce9ff1244.jpg


http://www.mr4job.com/upload/uploads/be6c728ff6.jpg


وبعدها كملنا مسيرتنا لقمرى وهذي بعض الصور الي صورتها بكميرتا وحنا بالطريق اتمنى تعجبكم



http://www.mr4job.com/upload/uploads/6f677d3acc.jpg


http://www.mr4job.com/upload/uploads/6d1d0db11b.jpg


http://www.mr4job.com/upload/uploads/1dad6cf32e.jpg


http://www.mr4job.com/upload/uploads/4bd5a11984.jpg


وهذي الصورة لهضبة ترتفع تقريبا لـ 200 متر


http://www.mr4job.com/upload/uploads/e3af2b606a.jpg

وهذي الصوره بعد وصولنا للمنطقة المقصوده وهيا قمرى وهو مكان المبيت :o


http://www.mr4job.com/upload/uploads/3b2fbd943a.jpg


يتبـــــــــــــــــــــــــــــــــــــــــــــــ ــــــــــــــع

[باب هداج]

في تاريخ 3 / 10 / 1427 هـ الموافق 25 / 10 / 2006 م

بعد ماصلينا الفجر وتقهوينا وكل واحد صار ياخذ علوم الثاني بعدها كل واحد قام يساعد في تصليح الفطور


وهذي صوره للشباب وكل واحد منشغل في شغله


ابو فيصل وابو الجوهرة منشغلين في تقطيع اللحم


http://www.mr4job.com/upload/uploads/f7a52a6481.jpg


وابو محمد منشغل في تقطيع البصل


http://www.mr4job.com/upload/uploads/042a47b268.jpg


وبعدها استأذن ابو فيصل وقال ابي اروح انام لي شوي ( حسيت انه مانام زين ) :)


http://www.mr4job.com/upload/uploads/bd2bddbde2.jpg


وهذي صوره للشباب من بعيد


http://www.mr4job.com/upload/uploads/d02785907f.jpg



وهذا فطورنا حميس والله اني اشتهيته


http://www.mr4job.com/upload/uploads/5f89566e61.jpg


http://www.mr4job.com/upload/uploads/6497abc732.jpg


ثم جهزنا عفشنا استعداد للرحيل وكان الساعه وقتها 9:20 ص


http://www.mr4job.com/upload/uploads/ebd1a0c305.jpg


وبعدها مرينا على قرية عسيلة عشان نبي نرقع اللستك حق الشاص لانه والله اعلم من طريقنا لقمرى جاه شي وشقه بس للاسف مالقينا عندهم عفريته قلنا يالله مو مشكله وعبينا بنزين من عندها ومشينا


وهذي صوره لابو الجوهرة مع قاسم صاحب المحطة في عسيلة


http://www.mr4job.com/upload/uploads/e82a3b0fe0.jpg


وهذي صوره اخرى من اليمين محمد فيصل سعود


http://www.mr4job.com/upload/uploads/06250e8bf7.jpg


ثم تحركنا من عسيلة متجهين لمنطقة صاحى وهنا وقفنا للاستراحه تحت ها الغار


http://www.mr4job.com/upload/uploads/84267c1f96.jpg


وهذي بعض الصور الرائعة للغار اتمنى ان تعجبكم مثل ما اعجبتني


http://www.mr4job.com/upload/uploads/3848d1964e.jpg


http://www.mr4job.com/upload/uploads/cb0857ab08.jpg


http://www.mr4job.com/upload/uploads/71c0ef10dc.jpg



http://www.mr4job.com/upload/uploads/d28d3919b9.jpg

وهذي صوره لعبدالرحمن في أعلى الهضبة


http://www.mr4job.com/upload/uploads/8202658aff.jpg



وهذي صوره لفيصل مشاء الله فندق خمس نجوم على الجلسة



http://www.mr4job.com/upload/uploads/a7f9dd1ff5.jpg



وهذي صوره من اليمين محمد مشاري سعود


http://www.mr4job.com/upload/uploads/6bd7ed6029.jpg


وبعدها مشينا لمنطقة صاحى ورقعنا اللستك


وتحركنا للشعيب الي حول الديره وكان هذا المكان مكان المبيت

صوره لمكان المبيت


http://www.mr4job.com/upload/uploads/cf4bdf56d1.jpg


وكان عشاء ذاك الليلة غير كان بطبخ ابو الجوهرة ( بس كان تحت اشراف ابو سعود )


http://www.mr4job.com/upload/uploads/a3027cf06b.jpg




يتبــــــــــــــــــــــــع

[الأمارة]

مشاء الله
وحمد لله على السلامة
صور ممتازة خطوة بخطوة

الأمارة

[برادو]

السلام عليكم,
الله يعطيك العافيه على هالتقرير الرائع وطولة بالك ومشالله عليك انت وربعك والله انكم شقرديه

[باب هداج]

وفي تاريخ 4 / 10 / 1427 هـ الموافق 26 / 10 / 2006 م

عند الساعه 10:15 ص حملنا عفشنا متجهين طريق العوده إلى الرياض


وهذا ابو فيصل صوره له وهو يجهز الباث بالأغراض


http://www.mr4job.com/upload/uploads/9f9de9e832.jpg


وهذي صوره وحنا في طريقنا إلى الرياض


http://www.mr4job.com/upload/uploads/93ff968e50.jpg


وهنا مكان الاستراحة والغداء


http://www.mr4job.com/upload/uploads/ca5891c15b.jpg


http://www.mr4job.com/upload/uploads/65e1979cbd.jpg


وهنا اللوحة تدل على كم كيلو باقي للرياض


http://www.mr4job.com/upload/uploads/1d790d4a73.jpg


واسف جدا على الأطالة لكن والله حبيت انكم تعيشو معي الكشته من اولها إلى اخرة وانقلها لكم خطوة خطوة

واسف على الأطالة تحياتي لكم اخوكم الصغير باب هداج :D

[باب هداج]

تسلم يا الغالي باسل على مشاركتك
----------------------------
تسلم فل ابوبشن على على مشاركتك
----------------------------
تسلم asgthami على مشاركتك
----------------------------
كحيلان 11شكلك كنت مستعجل لكن ابشر يا الغالي الموضوع اكتمل
----------------------------
تسلم يا الدريويش على مشاركتك في الموضوع
----------------------------
سلمان الله الله هذا هو الكلام المعقول وانا من الناس الي ما احب اخرب معالم الصورة وتسلم على مشاركتك اخوي
----------------------------
تسلم ياهاوي بر ياغالي على مشاركتك
----------------------------
تسلم حمد ويخليك ربي ياغالي
----------------------------
منتعش يبارك فيك ياغالي

[باب هداج]

تسلم الأمارة ياغالي ومشكووور على مشاركتك في الموضوع
---------------------
تسلم ياغالي برادو وانتم اخواني وتساتهلووون كل خير ياغالي

[مردف]

أخي باب هداج السلام عليكم ورحمة الله .
يعطيك العافية على الصور المعبرة والتعليق الجميل وجهد تشكر علية الحقيقه كا أنا معك من أول مامشيتو من عند البيت ومشكوووور............. وأنا اضم صوتي الى صوت الاخ salman ان الشخبطه على الوجه في الصورة يفقدها شي كثير من معنها .
وشاهدت صورة لشخص مشخبط على الرأس كاملا وبنفس لون الخلفية تخيل كيف شكل الصورة .
هذا رأي وكلا يؤخذ من رآيه ويرد الارسول محمد صلى الله عليه وسلم .

[قائد النوايف]

تغطية رائعة للرحلة

الحمد لله عالسلامة

[x24]

السلام عليكم ورحمة الله وبركاته












الأخ العزيز ( باب هداج ) في الحقيقة رحلة رائعة ومشوقة وتغطية أروع ......






ولكن كان بودي لو أنك تذكر المكان بأسمه الحقيقي لا أن تختصره ، وأنا هنا لا ألومك فواضح أنك لأول مرة تزور هذه المنطقة ، وأن الذي يستدلكم له هو خويكم ( أبو سعود ) ، والذي أما أنه أخبركم بأسم المنطقة أم أنكم لم تسألوه عن أسمها الكامل .












أنها منطقة جبلية صحراوية بها وديان وبها سهول ، وتكثر بها - السدود المائية - تمتاز هذه الأرض بميزة قل ما نجد هذه الميزة في مكان آخر شبيه لها ، ألا وهو ( الربيع المتأخر ) فالمعروف أن هذه المنطقة لا تأتيها الأمطار الموسمية ألا في أواخر شهر فبراير وشهر مارس مع تقطع لهطول الأمطار في شهر أبريل ، أي أنه هذه الأرض لا يكسوها اللون الأخضر ويبدأ العشب في الظهور ألا في أواخر الربيع ، في أشهر السنة ( 2-3-4 ) ويمتاز ربيعها بطول المدة وحفاظها على غطائها النباتي المتجدد الى منتصف الصيف ( شهر 7 ) ، وهذا معروف لدى أهالي جزيرة العرب ، فعندما تجدب مناطق الشمال ويبدأ عشيها بالتيبس وتندر المياه ، نجد هذه المنطقة قد بدأ موسم الربيع لتوه بها في نفس الوقت ، أنها منطقة الهضب المعروفة لجميع قبائل الجنوب ونجد وحكومة المملكة العربية السعودية حفظها الله بأسم :-


















( هضب آل زايد )

محافظة وادي الدواسر



الموقع :- يحده من الشمال ( حصاة قحطان الدنيا ) ، ومن الغرب ( عروق سبيع ) ، ومن الجنوب (عرق وادي الدواسر ) ، ومن الشرق ( نفود الدحي ) .














سبب التسمية ( بهضب آل زايد ) :- نسبة الى قبيلة الدواسر المعروفة والذين هم ملاكه في الزمن الغابر الى وقتنا الحاضر ، وأغلب سكانه من الدواسر هم من قبيلة ( المخاريم ) خاصة وجميع قبائل الدواسر عامة . وقصة التسمية ( بهضب آل زايد ) معروفة ومحفوظة ، وليس هذا هو المكان المناسب لذكرها فلكل مقال مقام .
















ومنظقة هضب آل زايد تشمل :- جبل اللميمي وجبال الحمرانية وجبل يفيخ (الباقر) في اقصى الهضب من جنوب ، الى محمية مجامع الهضب وجبال المعاييز ورغوة من ناحية الغرب ، الى جبل الصاقب وهضاب الأميلاح (وجبال الدخول وهضبة حومل ) المعروفتين لدى الجميع لمن يعرف قصة :- أمرؤ القيس - وتقع من ناحية الشمال الغربي ، وهضاب الضيرين وجبال أحيمرات وهضبة الرقاش وهضاب العوج من ناحية الشمال ، الى الركا ومنطقة السوادة والتي تشمل كل من صيحة والستارة وكلاخ وأحامر وذلك من ناحية الشمال الشرقي ، الى حدود نفود الدحي والذي يعتبر أمتداد لرمال الدهناء من ناحية الشرق .















أشهر الأودية المعروفة :- وادي القمرا وهو اشهرها ، وادي الحمل ووادي الحميل ، وادي الدهو ، وادي الفجحاني ، وادي الركا ، وادي مجامع الهضب ، وادي الفرشة وهو من أضخمها وأكثرها ضررا على محافظة وادي الدواسر في الزمان الغابر فعندما تسقط الأمطار بغزارة ولمدة متواصلة فأن وادي رنية ووادي بيشة يسيران بمحاذاة مع بعض ليلتقوا مع وادي الفرشة في نقطة معينة ليواصل وادي الفرشة مسيرته بقوة ليلتقي أيضا مع وادي تثليث في منطقة الهجلة والتي تبعد 50 كيلومتر تقريبا من وادي الدواسر ، والتي بدورها تؤدي بالسيول الجارفة الى فرعة وادي الدواسر العليا مؤدية الى خسائر كبير بالأرواح والممتلكات ، ولكن بسبب زحف الرمال وتغير جيولوجية الأرض وتغيير مجرى بعض الأودية وبناء السدود الكبير كسد بيشة ، فأنه آخر مرة تضرر وادي الدواسر من وادي الفرشة كان قبل 90 عام ، وفي شهر مارس من سنة 2006 أي هذا العام ، سال وادي الفرشة بعد أمطار مستمرة لمدة 10 أيام متواصلة ليصل الى الهجلة ولكنه لم يصل الى الوادي والذي أوقفه هو عرق الصفية والذي هو أمتداد لنفود وادي الدواسر بسبب زحف الرمال المتكرر .















أشهر الشعبان المعروفة :- شعيب قمراء ، شعيب الحاوي ، شعيب الناصفة ، شعيب القرعاء ، شعيب الفرشة .














أشهر السدود المعروفة :- سد الصبيحاء ، سد الهبالة ، سد الوغدية ، سد مطيريحه ، سد علاق ، سد طويرفة ، سد الستارة وهو السد الذي مررتم به في طريقكم الى عسيلة .







أشهر الهجر :- هجرة أبا الأكوان ، هجرة الدهو ، هجرة رغوة ، هجرة صيحة ، هجرة العبدة ، هجرة العسيلة .




























وترقبوا أن شاء الله قريبا مشاركة كاملة عن ( هضب آل زايد ) مدعومة بالصور مع الأحداثيات . مع خالص جزيل الشكر الى الأخ ( باب هداج ) الذي أتحفنا بهذه المشاركة الرائعة والرحلة الأروع .


















اخوكم بالله :- محمد الدوسري

[جبل راف]

بارك الله فيك صور جميلة ورحلة موفقة

[كبريت]

الف شكر لك على هذا التصوير والتوثيق الرائع للرحلة

وفي انتظار جديدك

[ابو الفهدة]

ما شاء الله تبارك الله رحلة جميلة

[الكايف2]

رحله موفقه ونقل طيب تسلم اخوي0

[سيد النشاما..]

ماشاء الله تبارك الله
جعله عليكم بالعافية

والحمد لله على السلامة وبالتوفيق

[باب هداج]

مردف / اخوي اول شي تشكر على تعليقك للموضوع ..... اما من ناحية تشويه الصور بالطمس على الوجه او ماشابه ذلك فـأنا من الناس الي لا احب ان اشوه منظر الصوره بالاضافات بل ادع الصوره تعبر عن نفسها وتحياتي يا غالي
--------------------------
قائد النوايف / الله يسلمك من الشر وتشكر على تعليقك لموضوعي
--------------------------
x24 / اخوي تسلم على تعريفك الرائع والأسلوب الشيق عن هضبة اَل زايد لكن هذه المنطقة أجهل معالمها الرائة بحكم اني للمرة الأولى ازورها وتحياتي على تعليقك للموضوع
--------------------------
المعترض / الله يجزاك خير اخوي وتسلم على تعليقك للموضوع
--------------------------
ابو محمد / لاشكر على واجب وبارك الله فيك ياغالي على التعليق للموضوع
--------------------------
ابو الفهدة / الله يجزاك اخوي كل الخير وشكرا على تعليقك للموضوع
--------------------------
الكايف2 / تسلم ياغالي وشكرا على تعليقك للموضوع
--------------------------
سيد النشاما.. / يعافيك ياغالي من كل شر وتسلم على تعليقك للموضوع

[shoshita]

ليش الصور ماطلعت عندي ؟.

[كشُوتي]

حلووووووووووه الرحله و أكثر من راااااااائع ....

وتسلم على الموضوع والصور بس للأسف ما طلعت عندي ...

و يعطيك الف عافيه ...

[ودعاني الفرعة]

المعذرة يا أخوان الموضوع قديم لكن من يستطيع مساعدتي في كيفية فتح الصور في الموضوع كونها عندي روابط فقط وله جزيل الشكر و العرفان .

[صقرحايل]

ماشاء الله تبارك الله
تقرير ممتاز وشكر لك

[دكتور بر]

الحمد لله على سلامتكم أخوي بس غثيتنا بالدخول على الصور كل وحده لحالها

[ودعاني الفرعة]

للمرة الثانية :
المعذرة يا أخوان الموضوع قديم لكن من يستطيع مساعدتي في كيفية فتح الصور في الموضوع كونها عندي روابط فقط وله جزيل الشكر و العرفان .

[نيوتن]

وين الصور !!!!

[ذئب الدهناء]

الصورلم تظهر

[جبال العارض]

اخوي ما طلع عندي ولا صوره تجي بالشكل هذا
bimg]http://www.mr4job.com/upload/uploads/f442205373.jp g[/bimg]

[محمد الشاوي]

للمرة الثانية :
المعذرة يا أخوان الموضوع قديم لكن من يستطيع مساعدتي في كيفية فتح الصور في الموضوع كونها عندي روابط فقط وله جزيل الشكر و العرفان .

أعد تحميل الصور على مركز مكشات

وضعها في رد جديد وأخبر أحد مشرفي الخيمة ليقوم بوضعها بدل الصور القديمة

تحياتي لك ياغالي .

[ودعاني الفرعة]

اخوي ما طلع عندي ولا صوره تجي بالشكل هذا
bimg]http://www.mr4job.com/upload/uploads/f442205373.jp g[/bimg]
نعم وهذا اللي طلع عندي لكن نريد الحل لمن يستطيع لا يبخل علينا .

[ودعاني الفرعة]

جُزيت خيراً أخي الفاضل محمد الشاوي .

[العمارية2]

مشكووووووور على الصور

[برق الشتاء]

حلووووووووووه الرحله و أكثر من راااااااائع ....

وتسلم على الموضوع والصور بس للأسف ما طلعت عندي ...

و يعطيك الف عافيه ...

نفش السي :) ماطلعت الصور عندي