استفسار ؟ رفع الددسن

[بن شمروخ]

السلام عليكم ورحمة الله وبركاته أعضاء مكشات...

مبروك عليكم الأمطار ماشاء الله تبارك الرحمن والحمد الله على نعمه وفضله وجعلها الله سقيا رحمة للعباد والبلاد والزرع والحرث والأنعام, وأن لا يجعلها علينا سقيا بلاء وهدم وغرق ,,, اللهم امين


الموضوع بإختصار ... نويت أرفع الددســـــــن

أولا......
مريت محل مرات اللي بالصناعية امس بالليل ولقيته مقفل ,,,
وتمشيت بمحلات المخرطة اللي حوله,
وفيه مخرطة مقابل محل مرات وجها لوجه فيها باكستاني اسمه شوكت عنده لعابات وجازت لي مقاس 22 وسعرها 100 ريال بعد المكاسر ... ويفرق عن باقي المخارط انه يلحم المسمار مثل لعابات الوكالة ..
أتوقع مافي فرق اللحام لكن سعره بعد المكاسر مثل اللي بدون لحام ..

ثانيا.....
نصحني الباكستاني اركب مساعدات جبريال حقت باترول خلفي فقط
سعر المساعد ب125 ريال جبريال حق باترول ...


وش رايكم ي شباب هل وضعي بالسليم ..

وعطوني العلم الأكيد وأرائكم من واقع تجربة عشان اليوم ابلش اشتغل بمحل مرات يقولون وسط الاسبوع فاضي ويمديك تكاسره بالسعر...

وجزاكم الله خير ورفع الله قدركم واٍسأل الله ان يوفقكم بالدارين وجعل والديكم وهالوجيه الطيبة مثواها الجنة ....

[جنيفاوي 503]

انا معي ددسن مركب لعاب مقاسه 25 وسسته امراتيه ومساعدات قدام مورنو
ومساعدات ورا v.xr والموتر رفعته ممتازه بس مطبه قاسي شوي بسب السسته

[سقم المعادي 1]

مساعد الجبريل مادمر العصعص الا هو للحين اشتكي من ظهري !!

نصيحه لا يقرربك

[بن شمروخ]

جزاكم الله خير ,,,,

الرفعة ماني مخليها دايم ... وانا ماني راعي تطعيس ومراقى نبي نرفع الموتر ونركب عليها بوالين 15/820 خاصة للدسسن والهلكسات وطقتها ...