طبع الضروف احيان تقسى علينا . .

[عقاااب]

السلام عليكم ورحمة الله وبركاتة
قصيده . .
(( طبع الضروف احيان تقسى علينا ))

‏​​‏​أسـوق عـذري وأحسن الظن دوم
طبع الظروف أحيان تقسى علينا
تلعب بنا الدنيا وشين المقادير
لكن غلاكم في الحشا ماحيينا
يمكن أغيب أحيان من دون تبرير
بس المشاغل والزمن مبتلينا
تهزني الذكرى وأنا ارتجي خير
وألـوم دنيا عالقصور تحدينا
أبا أعتذر لو حصل أي تقصير
لولا غلاكم مإعتذرنا وجينا
جاك القصيد يسوق معه المعاذير
حتى ولـو غبـنا ترى مـانـسيـنا

[علي الثاني]

وعليكم السلام ورحمة الله وبركاته.
صح لسانك ياخوي عقاب وبيض الله وجهك على هالجزلة ولو سمحت لي بتعديل آخر عبارة من شطر البيت الأول الطر الأول-لتصبح بعد التعديل ..
أسوق عذري وأحسن الظن بالغير.. واسف على التطفل ..دمت متألق تحياتي.

[عقاااب]

وعليكم السلام ورحمة الله وبركاته.
صح لسانك ياخوي عقاب وبيض الله وجهك على هالجزلة ولو سمحت لي بتعديل آخر عبارة من شطر البيت الأول الطر الأول-لتصبح بعد التعديل ..
أسوق عذري وأحسن الظن بالغير.. واسف على التطفل ..دمت متألق تحياتي.

جزاك الله خير يالغالي وصح لسانك

[عبدالله محمد الخضير]

صح لسانك ابيات رائعه ولاهنت