استفسار بخصوص بطن الموتر

[فهد فرحان]

السلام عليكم

كيفكم جميعا

ابارك لكم
جميعا
بهالامطار

الله يجعلها سقيا خير وبركة



استفساري يااخوان بخصوص رشة

بطن الموتر هل في ورش بالرياض

ترش السيارة من تحت وترش
المادة الي ضد الصدا

بطن الموتر مرمل ولونه مو عاجبني

الله يجزاكم خير الي عنده خلفيه ينورنا

[سقم المعادي 1]

اسمح لي اضيف نفس الاستفسار و انا عندي صدى في الدفرنس بعد وش الحل معه ؟

[فهد فرحان]

90 مشاهدة
ولااحد افادنا بشئ

[سقم المعادي 1]

الله كريم هههههه الجماعه كاشتين الظاهر محد يمنا

[باتفندر 2006]

صباح الخير انا عضو جديد في هذا الصرح الرائع الذي اتمنى للجميع التوفيق والنجاح
بخصوص استفسار الاخ عن رش الموتر من تحت
انا معي باتفندر 2006 امريكي وكان في بداية لظهور شي من الصداء توجهة الى التلميع محل في تبوك اسمه
(اتوا ماجك) وسويت له رشة اسمها مانع للصداء
والحمد لله له الان تقريبا سنتين ولا في اي اثر من الصداء

[فهد فرحان]

الله يبارك لك بموترك
ننتظر اهل الرياض

[هويدي]

بيفيدونكم اصحاب الاختصاص ان شاء الله

ولكن اسمحولي ان ادلي بطشتي :)

صنفر مكان الصدا او حاول تزيله اما بخل او بكلوركس " سبق شفت مقطع شايب امريكي يفرك الصداء بقطعه قصدير وماء ويروح !!

بعد ما نخلص من ازالته فيه بخاخات بساكو اسود مطفي لمعة خفيفه وبعظها حراري " يتحمل الحراره " عليه رسمه شوايه او غيره

اعتذر على الاطاله

[فهد فرحان]

هلابك اخوي هويدي

لو تجيب لنا صورة
او اسم البخاخ

الي عند ساكو
الله يجزاك الجنة

[فهد فرحان]

مااحد عنده خلفيه من بقية الاعضاء

[بدوي جنوبي]

في الرياض ما تحتاج الرشه

يحتاجها اكثر اهل المناطق الساحليه

عموما اذا تحب تشغل بنفسك
بعد ما تغسل بستم أشتر كم علبه بخاخ اسود ورشه انت بنفسك
وصلى الله على محمد

او فيه محلات تلميع السيارات بعضهم يرش ضد الصدا
او من محلات ساكو