افضل طريقة لتوصل وتركيب منظم كهرباء السياره Mega Raizin بتفصيل والصور

[قناص مزاجي]

بسم الله والحمد لله والصلاة والسلام على سيد المرسلين

السلام عليكم ورحمة الله وبركاته

اليوم راح اهديكم طريقة تركيب منظم الكهرباء بالصور والشرح الممل
و الطريقه هذي طرحها اخوي احمد القحطاني الله يجزاه بالخير
طبعاً طرحها في مقطع فيديو اللي هو هذا:


‫المهندس أحمد القحطاني (افضل طريقة توصيل منظم كهرباء)FORD‬‎ - YouTube


فا حبيت اني اوضح الطريقه بالصور خطوه خطوه لان المقطع للاسف مو واضح عند كثيرين

نبدأ بسم الله:

اولاً:راح اتكلم عن الجهاز:

اول ماتشتريه وايش يجي معه من ملحقات:
1- الجهاز يجي في علبه تحتوي على ثلاث اشياء (الجهاز - اسلاك - كيس صغير)
2- عدد الاسلاك 3 اسلاك (سلك طويل - سلك وسط - سلك قصير) وهذي صوره للاسلاك:

http://im35.gulfup.com/iTvIY.jpg



3- الكيس يحتوي على:
أ-حديده تركب في اصبع البطاره (زي الموزع) هذي صوره لها
اللي عليها دائرة بالاحمر:

http://im32.gulfup.com/cv7r4.png

ب- ثلاث مسامير + اربعة صواميل وهذي صوره لها
اللي عليها دائرة بالاحمر:

http://im32.gulfup.com/ldXhG.png

ج- ملصق يقوم بتثبيت الجهاز

ثانيا:طريقة تركيب الحديده الموزع: هذا يركب في اصبع البطارية السالب وفائدته انه يشيل اكبر قدر ممكن من الاسلاك
لان اصبع البطاريه ما يشيل اكثر من اسلاك الوكاله

وعشان نركبه:
1- جيب مفك مقاس 8 او حسب مقاس الاصبع اللي عندك
2- فك صامولة المسمار اللي تثبت الاصبع (مو تفكها كامله) بس مسافه بسيطه
3- يجي في طرف الموزع زائده قم بأدخالها في وسط الاصبع
4- شد مسمار الاصبع


ثالثاً:تركيب الجهاز:
الجهاز ينشبك على طول في البطاريه
السلك السالب في الموزع اللي ركبناه اول والطرف الموجب في اصبع البطاريه الموجب
و الجهاز مكتوب عليه علامة + وعلامة -
.

http://im34.gulfup.com/AXaFQ.png

أ- على شان تركب السلك الموجب تفك مسمار الاصبع الموجب وتشبك السلك فيه وترجع تشد
ب- و على شان تركب السلك السالب تجيب مسمار من الكيس مع صامولته وتركبه في الموزع
في الفتحه اللي تبيها وتحط السلك داخل المسمار وتشد عليه بالصاموله
مثل الصور هذي للسالب :
.

http://im34.gulfup.com/Vzu1e.png

هذي صور عامه للجهاز بعد التركيب:
هذي وانا قالب الجهاز:


http://im34.gulfup.com/oeGda.png

هذي وهو على وضعه الطبيعي:


http://im34.gulfup.com/P16Qv.png

رابعاً: توصيل اسلاك السالب للحصول على افضل النتائج:
طبعاً انا ذكرت اول ان الجهاز يجي معه 3 اسلاك (طويل - وسط - قصير)
وكمان بروضو راح نحتاج سلك رابع و خامس
تروح محلات الاناره والكهرب وتشتري منهم مترين ونص سلك 6 مل او حسب اللي تبيه
مترين لوحده
ونص لوحد
ومعها 4 اصابع اللي تثبت السلك في المسمار

نبدا وعلى بركة الله في التوصيل:
1- تاخذ السلك القصير والسلك الوسط والسلك اللي اشتريته (المترين)
تاخذهم وتشبكهم في الموزع
كذا يصير عدد الاسلاك الموصله في الموزع 4 اسلاك
سلك الجهاز - السلك الوسط - السلك القصير - السلك اللي اشتريه
وهذي صوره لهم:


http://im34.gulfup.com/ZlRPW.png

1-ناخذ السلك القصير ونوصل طرفه الثاني في رفرف الراكب مع سلك الوكاله:


http://im34.gulfup.com/n0vgM.png

2- ناخذ السلك الوسط و نوصل طرفه الثاني في الماص السفلي للمكينه :


http://im34.gulfup.com/nEfOG.png


صوره اقرب


http://im34.gulfup.com/CUC9j.png

3- المترين اللي اشتريتها تركبها من البطارية (الموزع) السالب
الى المسمار اللي يثبت الدينمو:
امتداد السلك
.


http://im34.gulfup.com/Mjfjj.png
.

http://im34.gulfup.com/Y1Ba8.png
.
الوصول الى الوجهه خخخ
.


http://im31.gulfup.com/6fppD.png
.
(طبعا تلاحظوا ان فيه 3 اسلاك ) اللي هي:
السلك ابو مترين - السلك الطويل (يروح لرفرف السائق) - السلك ابو نص متر (يروح للماص العلوي للمكينه)

4- ناخذ السلك الطويل اللي يجي مع الجهاز
ونركبه من مسمار الدينمو الي رفرف السائق:


http://im31.gulfup.com/yf3dG.png
.
صوره اقرب :


http://im31.gulfup.com/FFBD5.png
.
5- ناخذ السلك ابو نص متر ونركبه من مسمار الدينمو الى الماص العلوي
وتحتاج للمسار هذا صاموله عشان تثبته
.

http://im31.gulfup.com/tclio.png

.

وبكذا انتهينا ولله الحمد

الحين نجي للنتائج:
قبل تشغيل السياره 12.3 فولت:


http://im31.gulfup.com/64TeC.png

بعد تشغيل السياره 14.3 فولت:


http://im31.gulfup.com/VJLh1.png

بعد تشغيل الاضاءة والمكيف 14.2 فولت:
.

http://im31.gulfup.com/b4o09.png

اهم الاشياء اللي لاحظتها:
1-السياره اول كانت بعض الاحيان تشتغل من الدقه الثانيه
الحين الحمد لله اختفت
2- حسيت ان فزت السياره صارت افضل من اول (فقط الفزه دون زياده في العزم)
3- لاحظت وضوح في اللمبات يعني تحس ان اللمبه تشتغل من كل قلبها هههه
4- تعشيقات القير احسها صارت انعم
5- الار بي ام ماينزل اكثر من 980 دوره

هذي اكثر الاشياء اللي لاحظتها

واخيراً رجاءاً
ردورد + تقيم
وياليت تدعوا لي معكم ان الله يوفقني و اتخصص هندسه بأذن الله



" منقول"
"" الله يوفقك اخي العزيز ويرحم والديك على هذا الطرح وتم نقل الموضوع للفائده """

[الهواوي 1]

الله يوفقنا وانت دنيا واخرة

[المهاجر انا]

الله يسر امرك ويوفق ويجزاك خير وينفع بك

[باوزير]

ما شاء الله شرح واضح جزاك الله خير

هل الموزع يركب على كل السيارات و لا كل سيارة يختلف

[مسمار شداد]

وين يباع وكم سعره

[اسدهم]

انا سويتها بدون كذا شبكت علا طول وعطاني نفس القراة

[Bader-M]

http://www.mekshat.com/pix/upload02/images59/mk41473_upload2world81dc7cp1.gif

شرح وافي و صور واضحة
شكرا لك

[مسير عليكم]

الجهاز هذا وين الاقيه وهل هو الجاهز الي يثبت كهرب السياره ويحافض ع البطاريه