السيارة ما تتحرك الا شهرين في السنة

[hilux d4d]

السلام عليكم ورحمة الله وبركاته
مثل ما قريتو في العنوان انا عندي هايلوكس دبل ديزل 2.5 موديل 2011 ما تتحرك الا شهرين في السنة وعشر شهور في الكراج، والسيارة مخليها في كراج ومسكر عليها وموقفها على طابوق ومكلف واحد من اهلي انه يشغلها ويبدل غيارات الجير وهيا واقفة مرة في الاسبوع من 30 دقيقة ل 45 دقيقة ، وصعب جدا اني اخلي احد يطلع السيارة ويحركها لان المكان اللي فيه السيارة ضيق جدا والشارع صغير ومافي احد ثقة اقدر اكلفه بتحريكها بعد اخوي الله يرحمه، الزبدة من الموضوع احب استفسر هل فيه ضرر على السيارة من الوقفة (محرك-دفرنس-مساعدات-دبل ) ؟؟ وهل فيه ضرر على الدبل اذا خليته يشغل الدبل والسيارة واقفة ويشغل الدفلك ؟؟؟مع العلم ان السيارة جير عادي.
اتمنى انكم تجاوبيني على اسئلتي وجزاكم الله الف خير.

[aham707]

وعليكم السلام يجب عليك تفريغ السياره من الزيوت والبنزين وهذي اساسيه لكل شخص يخزن موتره وش لها طرق اخرى بالنت

[hilux d4d]

وعليكم السلام يجب عليك تفريغ السياره من الزيوت والبنزين وهذي اساسيه لكل شخص يخزن موتره وش لها طرق اخرى بالنت


ليش افرغ الزيوت وانا مكلف احد يشغل السيارة؟؟

[مدمن مرق]

1- ارفعها على بلك او جحوش بحيث الكفرات ماتلمس الارض
2- افصل البطارية
3-خلها بزيوتها وشحومها, هذي تظل الى الابد ومايتلفها الا الاحتكاك او الحرارة.

وان شاء الله ماتحتاج تشغيل ولاتغيير نمر, فقط وقت العودة اليها تعامل معها كانها وكالة تحتاج الى تمرين

[hilux d4d]

1- ارفعها على بلك او جحوش بحيث الكفرات ماتلمس الارض
2- افصل البطارية
3-خلها بزيوتها وشحومها, هذي تظل الى الابد ومايتلفها الا الاحتكاك او الحرارة.

وان شاء الله ماتحتاج تشغيل ولاتغيير نمر, فقط وقت العودة اليها تعامل معها كانها وكالة تحتاج الى تمرين

انا موقفها على طابوق وشايل كفراتها ، مخليها بزويتها وبكل شي ، بس في ناس قالولي السيارة لازم تتتحرك لانه اذا ما تحركت فيه ضرر على الدبل والدفرنس والمساعدات هل هو صح؟

[sbider2002]

انا عندي نفس سيارتي ومجهزها للكشته شهر في السنه وافصل البطاريه فقط وقبل ماطلع فيها اغسلها واغير زيتها فقط من خمس سنوات ولا فيها اي مشكله وانا اخوك

[أكسبلور]

افظل حل انك تبيعها وتريح راسك من مشاكل التخزين ... تحياتي

[أكسبلور]

السيارة اذا ماتخدمني مدار السنة ليش اشتريها وكاله واخزنها عندي .. اذا قرب وقت تحريكها اشتر لك سيارة مستخدمة وخلص شغلتك عليها وبعدين بيعها ... انا ارى ان هذا الصواب ...

[بدوي جنوبي]

طبعا الافضل التحريك

لكن طالما يوجد احد يشغلها وهى واقفه مافى مشكله يكون افضل
اسرع شي يتلف من الوقوف الطويل هو البطاريه بعدها
الكفرات ،،

اما اجزاء السياره الاخرى مافى اى مشكله
ممكن تتلف الصوف تصير ناشفه وقاسيه
لكن بعد وقت طويل .

بالتوفيق

[hilux d4d]

افظل حل انك تبيعها وتريح راسك من مشاكل التخزين ... تحياتي


السيارة اذا ماتخدمني مدار السنة ليش اشتريها وكاله واخزنها عندي .. اذا قرب وقت تحريكها اشتر لك سيارة مستخدمة وخلص شغلتك عليها وبعدين بيعها ... انا ارى ان هذا الصواب ...

السيارة تخدمني في الشهرين اللي استخدمها فيهم (اجازة الصيف) ، والعشرة اشهر الباقي مساافر ، يعني السيارة ما بمشتريها عشان اخزنها انا مشتريها عشان امشي فيها في الصيف.

[hilux d4d]

طبعا الافضل التحريك

لكن طالما يوجد احد يشغلها وهى واقفه مافى مشكله يكون افضل
اسرع شي يتلف من الوقوف الطويل هو البطاريه بعدها
الكفرات ،،

اما اجزاء السياره الاخرى مافى اى مشكله
ممكن تتلف الصوف تصير ناشفه وقاسيه
لكن بعد وقت طويل .

بالتوفيق


انا شايل الكفرات والبطارية تعتبر قطعة استهلاكية ما هي مشكلة فيها انا اهم شي عندي المكينة والجير والدفرنس والدبل والصوفة من فترة لفترة باشيك عليها.

[hilux d4d]

يعني باذن الله مافي ضرر على السيارة؟؟

[مسير عليكم]

اخوي الهايلكس ماعليه الا العافيه الموتر مكانيكي اكثر من كهرب فلا تخاف عليه واهم شي قبل لا تحرك شيك علي الزيوت وتتوكل علي الله واذا الموتر يشتغل لو مره وحده بالشهر يكفيه عشان ما يكربن
لو موترك امريكي مشكله لان الامريكي لاخزن يعوكس ويطلب ويخرخر زيوت

[hilux d4d]

اخوي الهايلكس ماعليه الا العافيه الموتر مكانيكي اكثر من كهرب فلا تخاف عليه واهم شي قبل لا تحرك شيك علي الزيوت وتتوكل علي الله واذا الموتر يشتغل لو مره وحده بالشهر يكفيه عشان ما يكربن
لو موترك امريكي مشكله لان الامريكي لاخزن يعوكس ويطلب ويخرخر زيوت

ما قصرت اخوي وربي يريحك مثل ما ريحتني

[waheedqatar]

اخوي مايضر الموتر شي اذا مخزن في كراج كل الي عليك انك ترفع السيارة على جيكات وتفصل البطارية انا عندي موتر مخلية في مصر ماستخدمة الا ثلاث شهور في السنة ومسوي هذي الطريقة

[كبسولة2]

عادي اخوي غسلها بستم ورشها بزيت سيارات من تحت عشان الصدا

وشغلها كل اسبوع مرة ربع ساعة وقدما قدام متر وريوس متر

وطفها

[hilux d4d]

عادي اخوي غسلها بستم ورشها بزيت سيارات من تحت عشان الصدا

وشغلها كل اسبوع مرة ربع ساعة وقدما قدام متر وريوس متر

وطفها

ماقصرت اخوي ، بس ما فيه احد يقدر يقدمها متر ويرجعها متر لان المكان ظيق جدا.

[اسبيدر مان]

يالغالي لاتوسوس
عندنا جمس قديم موديل 77 واقف في مضله له اكثر من ست سنوات وعليه طوله اغبار وكفراته منسمه والبطاريه عطلانه
يوم من الايام احتجنا المضله وكان لازم نشيل الجمس
قلت انا لازم نجيب سطحه تشيله وقال اخوي اصبر ابشغله يمكن يشتغل ركبنا له بطاريه وصبينا بنزين مع الكلبليتر وندق له سلف ويشتغل وكأننا موقفينه البارح مافيه اي اخلاف

فلو كل شهر تشغلها فتره ربع ساعه اتوقع انها مناسبه وكافيه
وبالاخير الله يغفر لاخوك ويسكنه فسيح جناته

[أطلال نجد]

السلام عليكم ورحمة الله وبركاته

تشغل السيارة مرة واحدة بالشهر مدة ربع ساعة كافية جداً

عند التشغيل أنتبه لا تكون السيارة في مكان مغلق للتهوية

بالنسبة للكفرات الأفضل رفع السيارة بمقدار بسيط مع زيادة هواء الكفرات ٤٠ أو أكثر حسب مقاس الكفر

اسأل الله تعالى الرحمة لأخوك و لجميع موتى المسلمين

[hilux d4d]

يالغالي لاتوسوس
عندنا جمس قديم موديل 77 واقف في مضله له اكثر من ست سنوات وعليه طوله اغبار وكفراته منسمه والبطاريه عطلانه
يوم من الايام احتجنا المضله وكان لازم نشيل الجمس
قلت انا لازم نجيب سطحه تشيله وقال اخوي اصبر ابشغله يمكن يشتغل ركبنا له بطاريه وصبينا بنزين مع الكلبليتر وندق له سلف ويشتغل وكأننا موقفينه البارح مافيه اي اخلاف

فلو كل شهر تشغلها فتره ربع ساعه اتوقع انها مناسبه وكافيه
وبالاخير الله يغفر لاخوك ويسكنه فسيح جناته

ما قصرت اخوي ، بس هل فيه ضرر على الدبل اذا ما شغلته؟
آميين، والله يرحمه ويرحم جميع اموات المسلمين

[hilux d4d]

السلام عليكم ورحمة الله وبركاته

تشغل السيارة مرة واحدة بالشهر مدة ربع ساعة كافية جداً

عند التشغيل أنتبه لا تكون السيارة في مكان مغلق للتهوية

بالنسبة للكفرات الأفضل رفع السيارة بمقدار بسيط مع زيادة هواء الكفرات 40 أو أكثر حسب مقاس الكفر

اسأل الله تعالى الرحمة لأخوك و لجميع موتى المسلمين

ما قصرت اخوي على مرورك واهتمامك ، الشخص اللي يشغله دائما يفتح الكراج .
انا شايل الكفرات وموقفها على طابوق ومخبي الكفرات عشان الكفرات لا تخرب والموتر لا ينسرق لاقدر الله.
الله يرحمه ويرحم جميع موتى المسلمين.