استفسار عن افضل لعف للشعور

[samihrt]

السلام عليكم .....انا بصطاد بالمكينه من ابحر فى الليل وبرمى على الشعور بالجمبرى المقشر وماشاء الله يضرب الشعور عليه بسرعه لكن الاحجام وسط ....حبيت استفسر عن انواع لعف تانى ممكن استخدامها .....مع طريقة التحضير والشبك بالسنار.....للعلم انا استخدمت السردين البلدى لكن لا يثبت ف السنار ويقع على طول ....
خبرتكم ..............

[jokeryanbu]

الجمبري بس لا تقشرها

[عجيبان]

الصراحه اخوي انا استعمل الخثاق ويضرب على الشعور لاكن انا احدق داخل البحر طراد

[قناص الهوامير]

الحبار تمام عليه

[مخلد المحنا]

الخثاق ( الحبار ) تقطعه مكعبات.. وتقصص الشنبات حقته .. تشك مكعب في الاول وتوصله لعين الميدار.. وبعدين تجيب شنب الحبار من الجهه العريضه وتدخل الميدار مثل تركيبة الدودة.. لين يلصق الشنب بالمكعب..

وراح تدعيلي! ومثل قال النوخذة : الشنب يبا له شنب هههههههههه

[أصيل ينبع]

يالحبيب الاحجام الكبيرة او الصغيرة هده ارزاق ولاكن جرب تغير المكان ربما انت تصطاد في اماكن التكاثر للشعور

[NOBL3]

في المنطقة الشرقية أفضل طعم للشعري هو الخثاق الأبيض بلا منازع ، واسأل مجرب

[hassan jasem]

نعم الخناق الأبيض يطلعه من الكهف ويسحبه ولو كان ١٠ كم بعيد يجيبة يعنى يجيبة وسلامتك

[ابوراكان24]

شباب لو سمحتوا كل واحد يدخل على لوحة التحكم ويضع عنوانه

مشكور اخوي مخلد على التوضيح عن اسم الحبار

وﻻتنسو العجينه بزيت الساردين ممتازه للشعور

[ابو حسان اسحق]

الشعور أعتقد انه يأكل اي شىء تحياتي

[سنارة]

أنا من رأيي دام انك تبي الكبير كبر الميدار وكبر الطعم وراح يجيك الكبير يا كبير

[Baracoda1]

جرب السلماني ممتاز قطعه لبايب وادعيلي

[accentkool]

اخوي عليك بالحبااار يموت فية

[م/عبدالمنعم]

الحبار طبعا او الصرمباك الي يضرب عليه شعور ابو عين طعمو خيالي

[ethichalman]

تبي الكلام المضبوط احسن طعم هو الصلاخه سلس او اي سمكه بيضه والافضل الي يمسك مايفك الجد بس يكون فرش الحداق ركه طويله مع تغير الثقل بشرط انه لايرتفع عن الارض والافضل انه يطرق الارض ويرتفع قليلاويرجع لان الشعري يدور الطعم المتحرك. او ركه قصيره اذا رخت المايه وبلادي عند طيحة المايه وربيان وابشر بالخير. معلومه مهمه الشعري يدور طعم متحرك اكثر الاحيان وتيار يعني حرك الخيط من فتره الى اخرى. هاذي حداق الشرقيه للشعري طراد. طريقه اخرى لي اكتشاف محل الشعري. هو السمار وثقل خفيف. واذا ضرب عندك خزن المحل واطرح.

[ماسيوم]

الشعور ياكل اي طعم تحطة دون استثنا من واقع تجربة اذا تبغي تصيد الشعور الكبير كبر العفة يجيك الحوت الكبير وفالك البيرق هههههههههههه تقبل تحياااااااااااااااااتي....

[ابو يحي جده]

الحبار
يحب القمبري والحبار والدود
ولاكن كبر الحجم هاذي ازاق اولا اما الاسباب ليس من الطعم بل من المكلن اللي تصيد فيه

[fish]

[QUOTE=ابوراكان24;9868775]شباب لو سمحتوا كل واحد يدخل على لوحة التحكم ويضع عنوانه

مشكور اخوي مخلد على التوضيح عن اسم الحبار

وﻻتنسو العجينه بزيت الساردين ممتازه للشعور[


ممكن شرح للعجينة ومن فين أشتري زيت السردين؟