إستفسار عن السفر

[professor1]

السلام عليكم

صباح الخير ياأعضاء منتدى مكشات

إن شاء الله سوف أذهب من السعودية إلى الإمارات (دبي)

بواسطة سيارة هل تنصحوني أم الطيارة الأفضل

كم المسافة من القصيم إلى دبي

كم أسعار الفنادق لشخصين أو 3 أشخاص (شباب) في دبي

ماهي أفضل الفنادق بحيث تكون رخيصه وليست غاليه مع وضع أرقام الهاتف

يفضل تكون قريبه من السوق الصيني

ماهي أفضل الأماكن التي ينصح بها

هل تنصحوني بالسكن في الشارقه

الجمارك هل يأخذون شي على شراء البضائع

شريحة جوالي موبايل هل يوجد خدمة لتخفيض التكاليف للمكالمات الدولية

والفحص يكون يدوي ولا جهاز عند الحدود

هل أستطيع الدخول عن طريق بطاقة الهوية مع العلم بأن عمري 22 سنة

بطاقة صرافتي الراجحي هل هي متوفره في دبي

كيف طريقة سحب الفلوس وكم يأخذ فلوس على السحبه الواحده

أريد شراء دبابات وشحنها إلى السعودية عن طريق شركات الشحن

هل يسمح الجمرك بشراء أكثر من واحد لشخص الواحد

أنا سمعت لا يستطيع الشخص شراء أكثر من دباب

أريد أرقام هواتف شركات شحن تكون قريبه من السوق الصيني ورخيصه وممتازه

معليش أطلت بالحديث

أرجود الرد بسرعه

مشكورين مقدما

[professor1]

معقوله مافيه أحد يدري

[ابوغلاالقصيمي]

بواسطة سيارة هل تنصحوني أم الطيارة الأفضل

تختلف حسب رغبتك وانا انصحك بالطياره لأن المسافه 1200 كم تقريباً ولكن يلزم استئجار سياره هناك

التنقل بالسياره اكثر حريه رغم ان التكاسي والمترو يوصلك لأغلب الأماكن السياحيه

بس السياره غير.. بشرط ان يكون معك قارمن سواء رحت بسيارتك او استأجرت سياره هناك

كم أسعار الفنادق لشخصين أو 3 أشخاص (شباب) في دبي

تختلف حسب تصنيفها ومواقعها وانصحك بالمرور على موقع بوكينق لحجوزات الفنادق للأطلاع على الاسعار

ماهي أفضل الفنادق بحيث تكون رخيصه وليست غاليه مع وضع أرقام الهاتف

يفضل تكون قريبه من السوق الصيني

السوق الصيني خارج دبي ولايوجد فنادق قريبه منه

انصحك بالسكن بمنطقة البرشا يوجد شقق رائعه مختلفة الاسعار

هل تنصحوني بالسكن في الشارقه

الشارقه اسعار السكن فيها مناسب مقارنه بدبي اذا انت بتدور السعر المنخفض

بس مافيها شي من ناحية الاماكن السياحيه

المسافه قريبه بين دبي والشارقه 15 او 20 كم بس اذا صادف الطريق زحمه الله يعينك

شريحة جوالي موبايل هل يوجد خدمة لتخفيض التكاليف للمكالمات الدولية

الافضل استخراج شريحه من هناك وترتاح من المبالغ اللي ممكن تتوهق فيها

شركاتنا انصب منهم مافيه لذالك ماانصح تستخدم شريحتك هناك

بطاقة صرافتي الراجحي هل هي متوفره في دبي

تقدر تستخدمها عادي بس لاتكثر السحب منها

كيف طريقة سحب الفلوس وكم يأخذ فلوس على السحبه الواحده

صرافات عاديه زي اللي عندنا

السحب منها يحسب عليك قيمة فرق العمله وكمان عمولة البنك وتختلف من بنك للثاني

ممكن تسأل موظفين الراجحي عن العموله اللي تخصم عند السحب من هناك


هذا اللي املك اجابه عليه والباقي ان شاءالله مايقصرون الاخوان

وبإمكانك التوجه لمنتديات متخصصه بالسفر والسياحه للبحث اكثر

وانصحك بمنتدى العرب المسافرون بتحصل اجابه على جميع اسألتك

[professor1]

الله يجزاك خير ويكثر من امثالك

[حجازي20]

أحجز عن طريق طيران فلاي دبي تجي عروض احيانا من القصيم الى دبي لشخصين ذهاب واياب ب 900 ريال بس لكن أحجز من بدري عشان ماترتفع عليك الأسعار وإذا معك شناط كثيرة او ناوي تجيب هدايا لاتنسى تشتري وزن عشان مايورطونك وتدفع مبلغ وقدره