لاهل الباث الجيل القديم فزعتكم ..

[شروكي 93]

السلام عليكم ورحمة الله وبركاته .
كيف حالكم عساكم طيبين ..
ياخوان خل ابقولكم قصتي مع الباث ..
قبل اسبوع ونصف تقريبا ..
مريت على مزرعه ولقيت لي باث موقف له حوالي من ثلاث الا اربع سنوات وممكن اكثر ..
الزبده اني آويت للباث ..
كلمة راعيه وقالي ابدن مابيه ولا احتاجه وخذه بالفين ريال وقالي ترا موقف مبطي ومكن الممكن انك تدفع فيه حوالي 15 الف قلت ماهيب مشكله لو دفعت فيه حتى 15 ابكون انا الكسبان ..
شلته بسطحه وديته لمكانيكي متعامل معه متواضع شغله للامانه
قام يشوف الموتر ويفحصه وفك الإديتر وفك المرواح الخ الزبده انه قالي رح جب حساس محرك او حساس البنص موجود بالمكينه للعلم ان الموديل 2000 وكلن قال ان مكينته ضعيفه جدا * بس مانيب راعي مطامر اهم شي عزبتي وكشته وتمشي * رحت وجبت له القطعه ثمن قال رح جب بواجي وجبت له بواجي وجبت له مروحه المكينه جديده يوم شغلنا الموتر المكينه ممتازه جدا جدا وحتى ماشيه 200 الف .. ممشى معقول ..
الزبده ركبت الموتر ابوديه لكهربائي يوم جيت ابمشي عيا لايمشي والمشكله طلعت بالدزك والكلتش والصحن وغيرتها يوم اششتغل صال الموتر يمشي على خفيف بمعنى يوم اشغل الموتر وادعس بنزين اكثر من الربع الموتر يقطع همن يطفي !!! قالي حساس الزبده ان الحساس يتواجدد جب الفلتر بالضبط يوم فتحت الكبوت الا القطعه ماهيب موجوده ودق على راعيه قالي الحساس فاصله وحاطه بالدرج الزبده . استوعبت اخيرا ان الكهرباء ماش واسلاكه نصها مقطعه والحساس يبيله تركيب .. الزبده هل مشكله دعسة البنزين لادعستها وقام يقطع الموتر .. السبه من الحساس .؟؟ والفتر ..

ولا زبطت وش تنحصوني ابدا فيه يعني اغير زيت الدفرنس وزيت المكينه وزيت القير . طبعا القير عادي ... ويحتاج له فحص كمبيوتر الزبده انصحوني باشياء مهمه لازم اسويها

ياليت من اهل الفايده فايده ..
ولاهنتم

[عبدالرحمن.1]

افحص الكهرباء عند الجابري في الصناعية القديمة
او وده عند ورشة الثنيان وهو متخصص في الباث والموتر ان شاء الله انه يقضي لزومك حسب كﻻمك

[عبدالرحمن.1]

http://www.mekshat.com/vb/showthread.php?t=156827
شف الرابط هذا يمكن تستفيد منه

[شروكي 93]

افحص الكهرباء عند الجابري في الصناعية القديمة
او وده عند ورشة الثنيان وهو متخصص في الباث والموتر ان شاء الله انه يقضي لزومك حسب كﻻمك


يامرحبا .. والله وانا اخوك .. انا من سكان عنيزه ..
كانك تخبر لي ورشه ممتازه بعنيزه ..

وشاكر لك عزيزي

[شروكي 93]

http://www.mekshat.com/vb/showthread.php?t=156827
شف الرابط هذا يمكن تستفيد منه


ان شاء الله اني ابتكي به وابقراء ..

والله يجزاك خير ..

[أبتمس]

السلام عليكم
أخوي فيه ورشة(الجربوع) في بريدة>>>>أتوقع الأسم كذا
متخصص في الباثفندر في صناعية السليم أسئل عنه وإن شاء الله يدلونك عليه
.
.
.
.
.
وبالتوفيق

[شروكي 93]

الله يجزاك خير وانا اخوك وان شاء الله ابتوجه لمه


بس هل ممكن او هل يعقل ان التقطيع وبعد التقطيع تطفي .. يكون من حساس الهواء اللي جنب الفلتر .؟

[ابو تركي 211]

الله يعننا وياك اذا انت با الرياض
اسمع عن ورشة الثنيان يمدحونها

[أبوأسامه...]

ورشة الجربوع بس ما يشتغل بالمكاين 3.300 فيه ورشة مقابل الجربوع باكستاني وفية ورشة بس ماني ذاكر اسمها خل ورشة الجربوع على يسارك بعد التقاطع خامس او سادس محل ترا يشتغل بالحساسات وتخصص باث الي مكينته 3.300 (صناعية السليم -بريدة)