استفسار من اهل الخبره

[إبو محمد]

السلام عليكم ورحمة الله وبركاته

انا امتلك فكسار 2001 تماتيك
وزميل لي يمتلك باترول 91 اربع ابواب مكينته شد بلد

اليوم صار موقف كرهني سيارتي بصراحه

كنا في نفود وفيه طعس قررنا نرقاه ولكن مانقدر ناخذ عزم
لان مافيه مسافه كافيه وتعرفون الارض ممطوره
وفي نص الطلع لازم نلف على طلوع اخف

المهم ماشاء الله تبارك الله
قبل ننسم جربنا ولا قدرنا طبعا ولكن الباترول مشا مسافه اكثر

ويوم نسمنا طلع موتره وانا عجزت
حاولت يمين يسار ماقدرت

طبعا تملطشت لين رجعنا وسامو الشباب موتري بعشرين ههههه

سؤالي لأهل الخبره هل هذا عزم الفكسار ال 8 سلندر
والا موتري به بلى والا وش القصه

ارجوك افيدوني

[الشيخ الظريف]

ترى خبرة السائق لها دور وبعدين لا يضيق صدرك من السياره باختبارات لا اول لها ولا آخر يمكن الشركات التي تكسب المليارات ما تسوي كل الأشياء اللي يسويها الشباب السعودي 0 ولا تزعل تقبل وجهة نظري بصدر رحب الله يوفقك

[إبو محمد]

بالعكس وانا اخوك
وشكرا على ردك
مع العلم منسم والقير على L ولاهو مدح لنفسي
لكن الموتر في اللفه اللي بنص الطلعه يهبد شوي ويبرد عزمه وبعدين انسى يمشي
والا بالبدايه ماشاء الله طلقه

[شاق النفد]

لا بالله موترك فيه بلى لان ما فيه مقارنه بين الموترين من ناحية العزم
بس انت سو تصفية لموترك من بواجي وفلتر هوا وصفاية بنزين
عقبها بيعود لعزمه

[بدوي جنوبي]

انا اقول مافيه بلى والموتر سليم
طبعا الفكس اثقل

الباترول اخف ،،، ونظام التعليق الامامى
يختلف تماما عن الفكس وهذا لمصلحه الباترول

وترا الباترول اصلا هيكله الخارجى ونظام التعليق الامامى والخلفى
والمحرك والقير والدبل والدفرنشات مخصصه للبر
اكثر من الفكس
مهى مذمه في الفكس .

[إبو محمد]

انا اقول مافيه بلى والموتر سليم
طبعا الفكس اثقل

الباترول اخف ،،، ونظام التعليق الامامى
يختلف تماما عن الفكس وهذا لمصلحه الباترول

وترا الباترول اصلا هيكله الخارجى ونظام التعليق الامامى والخلفى
والمحرك والقير والدبل والدفرنشات مخصصه للبر
اكثر من الفكس
مهى مذمه في الفكس .


حياك اخوي وعادي بالنسبه لي حتى لو ذميته السياره ماصنعتها

وردك ريحني والله لاني كنت شاك الموتر فيه بلى