احتاج لتركيب لمبات الكبوت بنفسي ولاكن ..

[N.m.a]

السلام عليكم
حبيت اركب لمبات في الكبوت بنفسي لان امرها بسيط وماتاخذ وقت ولا جهد
وحرام اعطي بنقالي 100 ولا 200 على شغله ماتستاهل ، سلكين ولمبة وياخذ هاك العده
عالعموم .. بحثت بالانترنت وقالوا لازم تشتري سلك كهرب مخصوص للسيارات
وايضاً بيت للفيوز وقاطع كل القطع اصلية
لاكن والله ما ادري وين احصلها ؟ لازم الغرابي ؟
لاني ابي القطع الاصلية ( سلك و بيت للفيوز و قاطع )
مريت كم محل زينة وتركيب زنون ومن هالكلام وكل الاسلاك والفيوزات الله بالخير حتى قواطع الظاهر ما عندهم

الغرض من هذا الموضوع .. وين القى القطع الاصلية المذكورة فوق في شرق الرياض ؟ ( الروضة الريان ... الخ

[كبسولة2]

حياك الله ااخي الكريم

الشغلة يسويها اي كهربائي اذا مرة ضاحك عليك

ب 20 ريال ولا حقها ب 10

على العموم تقدر تركيها بنفسك

سلك 2ملم على حسب الطول المتر ب 2 ريال

فيوز 5 انبير 1 ريال قاطع ب 10 ريال

واشبك السلك في طرف البطارية + ومدة للمبة وثبت اللمبة

في الكبوت وحط الفيوز قبل + والقاطع بعدة وحط شطرطون

على اماكن تواصل الاسﻻك

[N.m.a]

يعني يكون الترتيب من اصبع الموجب ١ الفيوز ٢ القاطع

بس ما ذكرت يا عزيزي كبسولة وين القى هالاشياء وتكون نوعية ممتازة
مهوب اي كلام مثل فاصل واحد من العيال مع المطاب تولع اللمبة وتطفى !

[حاميش]

في الصناعية القديمة تحصل كل شي إن شاء الله

[San Francisco]

تبي احسن سلك ورخيص

خذلك سلك كنود يجي ٣ متر سالب و موجب يعني كنك شريت ٦ متر ومعه فيوز ويتحمل الحرارة انا ما أوصل الا فيه وسعره رخيص حدود ١٥
وخذلك قاطع ألماني ولا تايواني ابعد عن الصيني
اللمبه انت وختيارك

[عبدالرحمن.1]

ذيبان كلمني ونسويها انا واياك مجانا

[.manofstar7]

فيه كهربائي أتذكر موقعه بعد محل 4500 اللي في الربوة بشارع الثلاثين
و صاحبه مواطن و هو يشتغل فيه بنفسه و أسعاره معقوله و شغله نظيف.
و إذا تبي سلك فعليه بأي سلك 2 ملم أسود عند أي كهربائي منازل و اللمبه تحصلها عند محلات العدد
اللي في صناعية النسيم بدون ذكر أسماء لمحلات ( عشان الدعايه:D ) و راح تحصل الشريحة اللي فيها 4 لمبات LED أو 8 لمبات مع فاصل ألماني و خلصت السالفة و صلى الله و بارك وركبها أنت و طير شلوى :good2: الله يجزاه خير الجزاء.