كفرات للوعر

[احساس ذيب]

السلام عليكم ورحمة الله وبركاته
ياشباب ابي اعرف كفرات مخصصه للوعر
مايهمني ازعاج ولا قربعه الموتر
همي ماتصلخ بسرعه من الوعر
ابيها قاسيه تعفط (المسامير) شرايكم بتشبيه
سمعت فيه كفرات اسمها ابو لبنه تجيبها من الامارات يقولون مصنوعه للوعر الي يعؤف عنها شي يفيدنا

[bad boy]

اذا تبي كفرات للوعر ركب بالون
انا عندي طقم بالون بالجنوط مخليهن لموسم الصيد مافيه شعبان ولا حيوف ترده
مع ان الي ورى ماسحات لكن لله الحمد ماضرهن
اما الي يقولك ركب ابو لبنه انا مغيرهن اليوم دعسته حليله لكن
جنوبه ضعيفه يلعب بوه الشوك
أربع كفرات كلها رقع داخليه وبعضهن على رقعتين وثلاث كله بالجنب بسبب الشوك
هذا وهو ياباني وارد بن زقر
وأبعد عن الي يقول اماراتي ترى مجدد بالامارات اردى من الصيني !!

[ابوسند9]

وعليكم السلام
شف يا الذيب
بالون بالون بالون
واترك عنك ابو لبنه او شاهين وبا قي الكفرات
ركب بالون بس بشرط ان الهواء يكون 20 الى 18 وعلى حسب نوع البالون واضرب الوعر على سرعتك ضرب منها تنسى البنشر وترتاح ويرتاح موترك
واعلم ان كفر البالون كلما زاد نسبة الهواء في الوعر والشعبان زادت نسبة البنشره
يعني البالون ما يبي هواء ابد ولو تخلي الهواء 10 ما عندك مشكله
لكن البالون يعتمد على نوع الجنط من شان الرجه ,يعني ابعد عن شي اسمه شنبر او جنط تجاري

[كبسولة2]

تبي شئ يعفط المسامير

كفرات دنة 11 غاط انسى يبنشر

يعفط المسامير ويكسر الحصى بعد

[قناص مزاجي]

بالوووووووووون

[الساير 4455]

من رأي كفرات بالون
وغير بالون لاتركب للوعر

[][][زلفاوي][][]

حياك الله اخوي..

اقدر اختصر لك الرد واقول عليك بالبالون وبس.. لكن وعر عن وعر يفرق..!!
واذا تبغاها مسألة وعر وضلعان وحرات ومن هالكلام.. ندخل شوي بمسألة الاختصاص وهي الكفرات الحجرية وتحديداً (اللي تكون دعستها خشنة) فيه منها مقاسات عادية يعني استخدام عادي يومي واضف الى ذلك انها تتحمل الكد والمد..
فيه نوعية اسمها (نيتتو) حجرية دعستها ناعمة وعلى قولهم تعفط المسمار.. لكن سعرها يعفط مخك شوي..
و نوع (البف قودريتش) ممتازة ولا عليها كلام (عمرها يمتد الى 4 سنوات).. لكن سعرها جداً مرتفع..
و نوع (الماستر كرافت) الدعسة الجديدة (10 غاط).. ولا منها أي ازعاج بالخطوط.. لكن السعر نوعا ما مرتفع..
وفيه نفس النوعية الدعسة القديمة خشنة وتتحمل لدرجة ان الكفر ما يبين عليه نسمته او لا..
وفيه سلمك الله (الماكسس باك شوت) عيبها الوحيد الصوت.. والا الاداء جدا ممتاز وسعرها رخيص مقارنة بالنوعين اللي ذكرتها قبل..
وفيه أيضاً (الماكس آول تيرين) الدعسة الجديدة مثل الماستر كرافت وللاسف بغلاها..
عندك(الهانكوك) الدعسة الخشنة (سعره متوسط) يعيبه انه بعد فترة من الاستخدام يلين شوي..
وفيه انواع واجد.. لكن انت اللي تحدد احتياجك وبناءً عليه تاخذ وتشتري..
اذا كنت بالرياض فانصحك تشوف محل (باوزير) بالغرابي عنده كل هالانواع وفيه محلات غيره لكن هذا اشمل نوعا ما..

والله يوفقنا واياك لكل خير..:good2:

[ابن المهد]

الافضل هو البالون

[احساس ذيب]

مابي بالون ياشباب
وشكراا على كل الاجابات والفوائد
ونا اقصد في ابو لبنه مهو الي عندنا في نوعيه كبيره تجي من برا
ونا بخلي الكفرات ذي للحرات والوعر لمن طلعت القنص ركبتها
بالون تفجرن علي وبغيت اموت ههههههه ابي كفر حق وعر يعني وعر في وعر حجرري

[صفحة تربوية]

انصحك بهذا

http://im32.gulfup.com/5nRQs.jpg

لأنك طلب قاسي وحجري
هذا يركبونه حقين الراليات الصحراوية والجبلية



اسمه بي اف قود ريتش

BF goodrich

[ALOTAIBI]

عندك البرجستون 245 على 85 او 75 - كذلك مقاس 235 على 85 لازم تكون 10 طبقات نوعها V
طيبه بالحرة وبالخط ممتازة لكن تطلع صوت خفيف بالخط ومطبها قوي من قساوتها . لكن في النفود لازم تنزل الهواء عيبها تشم التغاريز .وبعض المحلات في الحرة والله ما ينفع معها الا انك تبعد عنها حجرها مثل الاوتاد .

[احساس ذيب]

انصحك بهذا

http://im32.gulfup.com/5nRQs.jpg

لأنك طلب قاسي وحجري
هذا يركبونه حقين الراليات الصحراوية والجبلية



اسمه بي اف قود ريتش

BF goodrich





يابعدي هاذا كم القا سعر الكفر وهل متوفر عندنا وتنصحه لي بلوعر ابي نوع طيب جدا تخصيص وعر

[احساس ذيب]

عندك البرجستون 245 على 85 او 75 - كذلك مقاس 235 على 85 لازم تكون 10 طبقات نوعها V
طيبه بالحرة وبالخط ممتازة لكن تطلع صوت خفيف بالخط ومطبها قوي من قساوتها . لكن في النفود لازم تنزل الهواء عيبها تشم التغاريز .وبعض المحلات في الحرة والله ما ينفع معها الا انك تبعد عنها حجرها مثل الاوتاد .

يابعدي اذا عندك صورة له او تعرف سعره وهل ينباع عندنا برياض

[ماء نوفا]

البالون مع المنحدرات الوعره يزلق بالقوه يمسكه البريك بحكم الكفرات ليس لها اسنان من تجربه

[ALOTAIBI]

سعره فوق 700 ريال . وينباع عند وكيلها بقشان الظاهر او الظاهر اسمها الطلائع . واكيد في الرياض متوفره . انا جربتها بالحرة والموتر محمل , اسمع صوت الحجر يوم الكفر يفركه لكن تعجبت منها وجنب الكفر قوي . وفي الخط ممتازه حقت سرعات ولفات وتريح الفرامل وتتحمل اقوى حمل وصبور .مركبها على جنوط 16

ان شاء الله افدتك

[إبريلي]

انصحك بلبالون خل الهوا ٢٠ ولا يردك شي بإذن الله حتى ترتاح انت وموترك لأنه على السرعه بوصط الوعر الموتر يصير راكد حتى تقدر تركز بالرمي من واقع تجربه هلكلام والله يوفقك

[عبدالعزيزعاتي]

انصحك بهذا



http://im32.gulfup.com/5nRQs.jpg


لأنك طلب قاسي وحجري
هذا يركبونه حقين الراليات الصحراوية والجبلية




اسمه بي اف قود ريتش


BF goodrich



أنا مركب مثلها على جنوط 16 وممتازة من كل النواحي :good2:

[ابو الريم]

كم مقاس الجنط عندك ؟

[حاميش]

لا تركب غير البالون ماكسس 900

أنا مقناصي حرة والحمد لله ما أعرف البنشر